Lisa នឹងសហការផលិតបទចម្រៀងជាមួយ Taeyang ក្នុងអាល់ប៊ុមថ្មី

Lisa សមាជិកក្រុម BLACKPINK នឹងចូលរួមការសហការផលិតបទចម្រៀងថ្មីរបស់ Taeyang សមាជិក BIGBANG ដែលគ្រោងនឹងចេញផ្សាយនៅចុងខែនេះ។

យោងទៅតាមការចុះផ្សាយរបស់គេហទំព័រOSEN កាលពីថ្ងៃទី ១១ ខែមេសា បានឲ្យដឹងថា Lisa សមាជិកក្រុម BLACKPINK នឹងចូលរួមសហការគ្នាក្នុងអាល់ប៊ុមថ្មីរបស់ Taeyang ។ ត្រូវបានគេនិយាយថា Lisa នឹងបង្ហាញខ្លួនជាពិសេសនៅក្នុង MV សម្រាប់បទចម្រៀងនាំមុខ។ ជាមួយគ្នានេះ មុនពេល Taeyang ផ្លាស់ទៅផលិតកម្ម THE BLACK LABEL លោកគឺជាមិត្តរួមការងាររបស់ Lisa ក្នុងផលិតកម្ម YG Entertainment ។

ទន្ទឹមនឹងនោះ ការបង្ហាញវត្តមានរបស់ Lisa ក្នុងការសហការគ្នាជាលើកដំបូងតាមរយៈអាល់ប៊ុមនាពេលខាងមុខរបស់ Taeyang បានធ្វើឲ្យអ្នកគាំទ្រទន្ទឹមរងចាំសកម្មភាពទោលរបស់នាងជាមួយជំនាញរាំប្លែកៗ និងការរ៉េបនៅក្នុង MV បទចម្រៀងថ្មីរបស់ Taeyang ផងដែរ ។

យ៉ាងណាមិញ មានអ្នកគាំទ្រ K-pop ជាច្រើនបានសន្និដ្ឋាន MV បទចម្រៀងថ្មីរបស់ Taeyang ដែលសហការ Lisa នឹងបង្កើនចំណាប់អារម្មណ៍យ៉ាងខ្លាំង ក៏ព្រោះសិល្បករទាំងពីររូបនេះមានការជំនាញរាំដូចគ្នានិងបូករួមជាមួយប្រជាប្រិយភាពអ្នកទាំងពីរថែមទៀត ៕

ប្រែសម្រួល៖នាងតូច

ចុចអាន៖Ravi សមាជិកក្រុម VIXX នឹងបង្ហាញខ្លួននៅតុលាការ ក្រោយរឿងអាស្រូវគេចមិនចូលបម្រើយោធា