អតីតភរិយា Johnny ស្នើកាត់ក្ដីម្ដងទៀត តែចៅក្រមបដិសេធ

តារាសម្តែង Amber Heard បានចាញ់ក្ដីសម្រាប់ការស្នើកាត់ក្តីថ្មី ក្នុងសំណុំរឿងបរិហារកេរ្តិ៍ជាមួយអតីតស្វាមី Johnny Depp កាលពីថ្ងៃពុធ ទី១៣ ខែកក្កដា ខណៈចៅក្រមច្រានចោលទឡ្ហីករណ៍ដែលមេធាវីរបស់នាងបានលើកឡើង។

កាលពីខែមិថុនាកន្លងទៅ Amber ត្រូវបានបង្គាប់ឱ្យបង់ប្រាក់ចំនួន ១៥លានដុល្លារជូនដល់ Johnny នៅក្នុងរឿងក្ដីបង្ខូចកេរ្តិ៍ឈ្មោះអតីតស្វាមី ដែលសរសេរលើមតិរបស់កាសែត The Washington Post ។

ថ្មីៗនេះមេធាវីរបស់នាងបានស្នើឱ្យចៅក្រមក្នុងសំណុំរឿងនេះបដិសេធចោលការសម្រេច និងប្រកាសការកាត់ក្តីម្ដងទៀត ដោយលើកហេតុផលថា ចៅក្រមម្នាក់ក្នុងសំណុំរឿងមិនគួរមានសិទ្ធិចូលបម្រើការទេ ពីព្រោះដីកាកោះរបស់គាត់មិនមានភាពសុក្រឹត។

ភ្លាមៗចៅក្រម Penny Azcarate សម្រេចថា ខាង Amber ពុំមានភស្តុតាងនៃការក្លែងបន្លំ ឬការធ្វើខុសណាមួយដើម្បីយកមកតវ៉ាឡើយ ហើយសាលក្រមរបស់គណៈវិនិច្ឆ័យកាលពីខែមុននៅតែមានប្រសិទ្ធភាព។

ទោះយ៉ាងណា កាលពីខែមិថុនាកន្លងទៅ មុនពេលបិទសំណុំក្ដី គណៈវិនិច្ឆ័យបានផ្តល់សំណងការខូចខាតដល់ Heard ចំនួន ២លានដុល្លារអាមេរិក លើបណ្តឹងតវ៉ាមួយរបស់នាង៕

ប្រែសម្រួល៖ សន្យា

ចុចអាន៖ Amber Heard កំពុងវ័ណ្ឌក ព្រោះគ្មានប្រាក់សង Johnny Depp