ASEAN Championship Archives - Kampuchea Thmey Daily

ក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ

chean virakbot — Wed, 24 Jun 2026 01:16:54 +0000

សហព័ន្ធកីឡាបាល់ទាត់កម្ពុជា បានប្រកាសជាផ្លូវការពីការប្រើប្រាស់ពហុកីឡដ្ឋានជាតិ មរតកតេជោ សម្រាប់ការប្រកួតជើងឯកអាស៊ាន ASEAN Championship ឆ្នាំ ២០២៦។

នេះជាលើកទី២ ដែលសហព័ន្ធកីឡាបាល់ទាត់កម្ពុជា សម្រេច ប្រើប្រាស់ពហុកីឡដ្ឋានជាតិមរតកតេជោ ដើម្បីប្រកួតពានរង្វាន់ផ្លូវការលំដាប់លេខ ១ ប្រចាំតំបន់អាស៊ាន។ កាលពីលើកទី១ ឆ្នាំ ២០២២ កម្ពុជា បានរៀបចំការប្រកួតនៅពហុកីឡដ្ឋានជាតិនេះចំនួន ២ ប្រកួតនៅក្នុងដីពានរង្វាន់ ASEAN Championship ហើយទទួលបានលទ្ធផលល្អទាំងពីរប្រកួតគឺ បានឈ្នះក្រុមជម្រើសជាតិ ហ្វីលីពីន ដោយលទ្ធផល ៣-២ និងឈ្នះ ក្រុមជម្រើសជាតិ ព្រុយណេ ៥-១។

ទោះបីជាយ៉ាងណា នៅចន្លោះអន្តរកាលនោះ ក្រុមបាល់ទាត់ជម្រើសជាតិកម្ពុជាធ្វើមិនសូវបានល្អលើឆាកអន្តរជាតិ និងពហុកីឡដ្ឋានជាតិមរតកតេជោ ឆ្ងាយពីរាជធានីភ្នំពេញផង បានធ្វើឲ្យធ្លាក់ចំនួនអ្នកគាំទ្រខ្លាំងមែនទែន។ ការប្រកួតជាមួយ ហ្វីលីពីន មានអ្នកទស្សនាផ្ទាល់តែ ៤៨៦០នាក់ និងការប្រកួតជាមួយ ព្រុយណេ មានអ្នកទស្សនាផ្ទាល់ចំនួន ៦១៦៩នាក់ប៉ុណ្ណោះដែលជាស្ថិតិតិចបំផុត។

ចាប់តាំងពីនោះមក សហព័ន្ធកីឡាបាល់ទាត់កម្ពុជា បានរៀបចំការប្រកួតនៅពហុកីឡដ្ឋានជាតិអូឡាំពិកវិញ។ រហូតដល់ឆ្នាំ ២០២៦ នេះទើបសម្រេចរៀបចំការប្រកួតនៅពហុកីឡដ្ឋានជាតិមរតកតេជោវិញ ដោយសារទីលានមានស្មៅធម្មជាតិកម្រិតស្តង់ដា ប្រព័ន្ធទឹក និង ភ្លើងគ្រប់គ្រាន់ បន្ទប់ធ្វើការធំ កៅអីអង្គុយច្រើន និងជាទីកន្លែងធំទូលាយសម្រាប់ចំណតយានយន្ត។

សូមបញ្ជាក់ថា ពានរង្វាន់ ASEAN Championship ឆ្នាំ ២០២៦នេះ ក្រុមបាល់ទាត់ជម្រើសជាតិកម្ពុជា ស្ថិតនៅពូល A ជាមួយ ជម្រើសជាតិ វៀតណាម ឥណ្ឌូណេស៊ី សិង្ហបុរី និងទីម័រខាងកើត។ សម្រាប់ការប្រកួតក្នុងដី កម្ពុជា ទទួលក្រុមជម្រើសជាតិ សិង្ហបុរី នាថ្ងៃទី២៤ ខែកក្កដា ឆ្នាំ ២០២៦ និងទទួលក្រុមជម្រើសជាតិ ទីម័រខាងកើត នៅថ្ងៃទី៣ ខែសីហា ឆ្នាំ ២០២៦ នៅពហុកីឡដ្ឋានជាតិមរតកតេជោ។

ចំពោះការប្រកួតនៅក្រៅដី កម្ពុជា ត្រូវទៅប្រកួតជាមួយម្ចាស់ផ្ទះ ឥណ្ឌូណេស៊ី នាថ្ងៃទី២៧ ខែកក្កដា និងធ្វើដំណើរទៅប្រកួតជាមួយ វៀតណាម នៅថ្ងៃទី៧ ខែសីហា ឆ្នាំ ២០២៦។

ប្រសិនបើ កម្ពុជា មានឱកាសឡើងទៅកាន់វគ្គពាក់កណ្តាលផ្តាច់ព្រ័ត្រ ក៏នឹងប្រើប្រាស់ពហុកីឡដ្ឋានជាតិមរតកតេជោទៀត៕

អត្ថបទ៖ វិរបុត្រ

The post ក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ appeared first on Kampuchea Thmey Daily.

កម្ពុជា សម្រេចប្រើ ស្តាតមរតកតេជោ ជាលើកទី២ ដើម្បីប្រកួតពាន ASEAN Championship

chean virakbot — Tue, 23 Jun 2026 07:26:52 +0000

ក្រុមបាល់ទាត់ជម្រើសជាតិកម្ពុជា ស្ថិតនៅពូល A ជាមួយ ជម្រើសជាតិ វៀតណាម ឥណ្ឌូណេស៊ី សិង្ហបុរី និងទីម័រខាងកើត។ សម្រាប់ការប្រកួតសន្សំពិន្ទុក្នុងពូល កម្ពុជា នឹងមានការប្រកួតក្នុងដីចំនួន ២ ប្រកួត និងក្រៅដីចំនួន ២ ប្រកួត។

សម្រាប់ការប្រកួតក្នុងដី កម្ពុជា ទទួលក្រុមជម្រើសជាតិ សិង្ហបុរី នាថ្ងៃទី២៤ ខែកក្កដា ឆ្នាំ ២០២៦ និងទទួលក្រុមជម្រើសជាតិ ទីម័រខាងកើត នៅថ្ងៃទី៣ ខែសីហា ឆ្នាំ ២០២៦ នៅពហុកីឡដ្ឋានជាតិមរតកតេជោ។ ចំពោះការប្រកួតនៅក្រៅដី កម្ពុជា ត្រូវទៅប្រកួតជាមួយម្ចាស់ផ្ទះ ឥណ្ឌូណេស៊ី នាថ្ងៃទី២៧ ខែកក្កដា និងធ្វើដំណើរទៅប្រកួតជាមួយ វៀតណាម នៅថ្ងៃទី៧ ខែសីហា ឆ្នាំ ២០២៦។

ប្រសិនបើ កម្ពុជា មានឱកាសឡើងទៅកាន់វគ្គពាក់កណ្តាលផ្តាច់ព្រ័ត្រ ក៏នឹងប្រើប្រាស់ពហុកីឡដ្ឋានជាតិមរតកតេជោទៀត។

មូលហេតុដែលនាំឲ្យប្រើប្រាស់ពហុកីឡដ្ឋានជាតិមរតកតេជោ គឺ ដោយសារស្មៅធម្មជាតិកម្រិតស្តង់ដា ប្រព័ន្ធទឹក និង ភ្លើងគ្រប់គ្រាន់ បន្ទប់ធ្វើការធំ កៅអីអង្គុយច្រើន និងជាទីកន្លែងធំទូលាយសម្រាប់ចំណតយានយន្ត។

នេះមិនមែនជាលើកទី១ទេដែល កម្ពុជា ប្រើប្រាស់ពហុកីឡដ្ឋានជាតិមរតកតេជោ សម្រាប់រៀបចំការប្រកួតជើងឯកអាស៊ាន។ កាលពីឆ្នាំ ២០២២ កម្ពុជា បានរៀបចំការប្រកួតនៅទីលានថ្មីនេះម្តងដែលមានចំនួន ២ ប្រកួតគឺឈ្នះទាំង ២ ប្រកួត លើក្រុមជម្រើសជាតិហ្វីលីពីន ៣-២ និង ព្រុយណេ ៥-១។

ទោះបីជាយ៉ាងណា ការប្រកួតទាំងពីរលើកនោះមានអ្នកទស្សនាសរុបចំនួនជាង ១ ម៉ឺននាក់ប៉ុណ្ណោះ គឺ ជាមួយ ហ្វីលីពីន មានអ្នកទស្សនាផ្ទាល់ ៤៨៦០នាក់ និងជាមួយ ព្រុយណេ ចំនួន ៦១៦៩នាក់៕

អត្ថបទ៖ វិរបុត្រ

The post កម្ពុជា សម្រេចប្រើ ស្តាតមរតកតេជោ ជាលើកទី២ ដើម្បីប្រកួតពាន ASEAN Championship appeared first on Kampuchea Thmey Daily.

កីឡាករកម្ពុជាសំខាន់ៗច្រើននាក់ កំពុងរបួស ខណៈការប្រកួតអន្តរជាតិច្រើនជិតដល់

chean virakbot — Fri, 08 May 2026 00:00:00 +0000

ក្រុមបាល់ទាត់ជម្រើសជាតិកម្ពុជា នឹងភារកិច្ចប្រកួតសំខាន់ៗជាច្រើននៅពាក់កណ្តាលឆ្នាំ ២០២៦ ទាំងពានរង្វាន់ និងការប្រកួតមិត្តភាពអន្តរជាតិ ដោយគិតចាប់ពីខែមិថុនាទៅ។

ក្រុមកម្ពុជា នឹងមានការប្រកួតមិត្តភាពអន្តរជាតិ នាខែក្រោយនេះគឺ ប្រកួតជាមួយ ក្រុមជម្រើសជាតិ ប៊ូតាន នៅថ្ងៃទី៤ ខែមិថុនា និងថ្ងៃទី៩ ខែមិថុនា ប្រកួតជាមួយ ក្រុមកោះ ហុងកុង នៅពហុកីឡដ្ឋានជាតិអូឡាំពិក។

បន្ទាប់មក កម្ពុជា ត្រូវប្រកួតជើងឯកអាស៊ាន ASEAN Championship ចំនួន ៤ ប្រកួតនៅវគ្គសន្សំពិន្ទុក្នុងពូល ក្នុងនោះធ្វើម្ចាស់ផ្ទះ ទទួល សិង្ហបុរី ថ្ងៃទី២៤ ខែកក្កដា និងធ្វើដំណើរទៅប្រកួតជាមួយ ឥណ្ឌូណេស៊ី ថ្ងៃទី២៧ ខែកក្កដា។ ខែបន្ទាប់ កម្ពុជា ត្រូវទទួលក្រុម ទីម័រខាងកើត ឬ ព្រុយណេ ថ្ងៃទី៣ ខែសីហា និងចុងក្រោយ ធ្វើដំណើរទៅប្រកួតជាមួយ វៀតណាម ថ្ងៃទី៧ ខែសីហា។ ក្រុមកម្ពុជា នឹងមានការប្រកួតពានរង្វាន់ FIFA ASEAN Cup ថែមទៀត។

ប៉ុន្តែបើក្រឡេកមើល កីឡាករជម្រើសជាតិកម្ពុជា នៅក្នុងឆ្នាំ ២០២៦ ហាក់មិនសូវមានល្អប្រសើរឡើយ។ កីឡាករជាច្រើននាក់កំពុងមានបញ្ហារបួសដែលប្រហែលជាមិនអាចចូលរួមប្រកួតជាមួយក្រុមជម្រើសជាតិបាន។ កីឡាករជាច្រើននាក់ធ្វើមិនសូវបានល្អក្នុងលីគកំពូលកម្ពុជា ជាពិសេសពួកគេពិបាកក្នុងការប្រជែងជាមួយកីឡាករបរទេសនៅក្នុងក្រុមជាមួយគ្នា។

កីឡាករចូលសញ្ជាតិកម្ពុជា កាន់ ម៉ូ បានរបួសសរសៃកជើង ATFL ដែលបានអវត្តមានពីក្រុមវិសាខាជាច្រើនខែមកហើយ។ កីឡាករ Takaki Ose មានបញ្ហារបួសកជើងដែលខកខានបង្ហាញខ្លួនឲ្យក្រុម BG Pathum United ជាច្រើនសប្តាហ៍។ កីឡាករ Hikaru Mizuno ក៏មិនសូវល្អបប្រសើរជាមួយក្រុម កងយោធពលខេមរភូមិន្ទ។

ចំណែកកីឡាករ Abdel Kader Coulibaly ក៏មិនបង្ហាញខ្លួនទៀងទាត់ឲ្យក្រុម អង្គរថាយហ្គឺរ ថែមទៀត ហើយកីឡាករ Andres Neito ក៏មិនសូវល្អប្រសើរជាមួយក្រុមចាស់របស់ខ្លួនគឺភ្នំពេញក្រោន បន្ទាប់ពីចាកចេញទៅក្លិបនៅឥណ្ឌូណេស៊ីកន្លះរដូវកាល។

ជាមួយគ្នានេះកីឡាករខ្មែរ-អាមេរិក Nick Taylor ដែលលេងក្លិបថៃ PT Prachuap បានរបួសដៃសរសៃជង្គង់ ACL ដែលត្រូវការព្យាបាលយូរ។ ខ្សែប្រយុទ្ធរបស់ក្រុមកម្ពុជាផ្សេងទៀតនៅរដូវកាលមិនមានកីឡាករណាម្នាក់លេចធ្លោដែរ។ ជាក់ស្តែង សៀង ចន្ធា, ហាវ សុខនេត្រ និង ឃាត់ សុបិន ជាដើម។

ទោះបីជាយ៉ាងណា សម្រាប់តំបន់បម្រើ និងតំបន់ការពារមានល្អប្រសើរច្រើនមានដូចជា សឿយ វិសាល, សារ៉េត គ្រីយ៉ា, សុផល ឌីម៉ង់, មិន រតនៈ, គឹម សុខយុទ្ធ, អ៊ុក សុវណ្ណ, ឡេង ណូរ៉ា, ប៉ុង សាំយូអែល និង យូឌៃ អូកាវ៉ា ជាដើម។

បន្ទាប់ពីចប់ការប្រកួតអន្តរជាតិ សហព័ន្ធកីឡាបាល់ទាត់កម្ពុជា គ្រោងនឹងបញ្ជូនក្រុមបាល់ទាត់ជម្រើសជាតិកម្ពុជា ទៅហ្វឹកហាត់នៅប្រទេសជប៉ុនមួយរយៈពេលខ្លីដើម្បីត្រៀមខ្លួនប្រកួតពានរង្វាន់ ASEAN Championship៕

អត្ថបទ៖ វិរបុត្រ

The post កីឡាករកម្ពុជាសំខាន់ៗច្រើននាក់ កំពុងរបួស ខណៈការប្រកួតអន្តរជាតិច្រើនជិតដល់ appeared first on Kampuchea Thmey Daily.

ប្រធាន AFF បញ្ជាក់ថា ពិតជាមានការពិចារណានាំ អូស្ត្រាលី ចូលប្រកួតក្នុងពានអាស៊ានមែន

chean virakbot — Fri, 01 May 2026 00:30:00 +0000

ប៉ុន្មានថ្ងៃចុងក្រោយនេះ អ្នកតាមដានវិស័យកីឡាបាល់ទាត់នៅតំបន់អាស៊ានបានចាប់អារម្មណ៍ពីក្រុមបាល់ទាត់ជម្រើសជាតិ អូស្ត្រាលី ដែលត្រូវបានពិចារណាក្នុងការអញ្ជើញឲ្យចូលរួមប្រកួតក្នុងជើងឯកអាស៊ាន ASEAN Championship។

លោក ខៀវ សាម៉េត

ក្នុងនោះអ្នកគាំទ្រនៅកម្ពុជាក៏បានចាប់អារម្មណ៍ដោយមានផេកជាច្រើនបានផ្សព្វផ្សាយពីដំណឹងនេះ។ ដើម្បីបញ្ជាក់ឲ្យច្បាស់ថាតើ ការពិចារណាក្នុងការអញ្ជើញ អូស្ត្រាលី ឲ្យចូលរួមប្រកួតក្នុងពានរង្វាន់តំបន់អាស៊ានពិតមែនទេ? លោក ខៀវ សាម៉េត ប្រធានសហព័ន្ធកីឡាបាល់ទាត់អាស៊ាន បានប្រាប់«កម្ពុជាថ្មី»ថា ៖«សហព័ន្ធកីឡាបាល់ទាត់អាស៊ានពិតជាកំពុងពិចារណាក្នុងការអញ្ជើញ អូស្ត្រាលី ឲ្យចូលរួមមែន»។

ការពិចារណាក្នុងការអញ្ជើញ អូស្ត្រាលី ឲ្យចូលរួមក្នុងពានរង្វាន់អាស៊ាន គឺមានគោលបំណងឲ្យការប្រកួតនៅក្នុងតំបន់ដែលមាន ១១ ប្រទេស កាន់តែទាក់ទាញ និងកាន់តែប្រកួតប្រជែងខ្លាំងដើម្បីបង្កើនគុណភាពនៃក្រុមជម្រើសជាតិនីមួយៗកាន់តែមានល្អប្រសើរ។ ទោះបីជាយ៉ាងណា ដំណឹងនៃការចង់ឲ្យ អូស្ត្រាលី ចូលរួមនេះគឺស្ថិតនៅក្នុងការពិចារណានៅក្នុងថ្ងៃអនាគតប៉ុណ្ណោះ ហើយក៏មិនទាន់ច្បាស់ថា នៅពេលណា ឬអូស្ត្រាលី អាចសម្រេចចូលរួមដែរឬទេ។

ក្រុមអូស្ត្រាលី ពេល World Cup 2018

សម្រាប់ការប្រកួតជើងឯកអាស៊ាន ASEAN Championship ឆ្នាំ ២០២៦ បានកំណត់ចំនួន ក្រុមចូលរួមប្រកួតរួចហើយគឺចំនួន ១០ ប្រទេស ដែលនឹងចាប់ផ្តើមប្រកួតនៅវគ្គជម្រុះនៅថ្ងៃទី២២ ខែមិថុនា ឆ្នាំ ២០២៦ និងការប្រកួតវគ្គសន្សំពិន្ទុក្នុងពូលនៅថ្ងៃទី២៤ ខែកក្កដា ឆ្នាំ ២០២៦។

អូស្ត្រាលី បានចូលជាសមាជិកនៃសហព័ន្ធកីឡាបាល់ទាត់អាស៊ាន (AFF) ក្នុងឆ្នាំ ២០២៣ ប៉ុន្តែក្រុមជម្រើសជាតិមួយនេះប្រកួតនៅក្នុងតំបន់អាស៊ីផ្សេង។ ពួកគេមានកម្រិតគុណភាពខ្ពស់លំដាប់ពិភពលោកដែលតែងប្រកួតជើងឯកអាស៊ី AFC Asian Cup និងទទួលបានកៅអី ឡើងទៅជុំចុងក្រោយជើងឯកពិភពលោក World Cup។ អូស្ត្រាលី អនុញ្ញាតឲ្យក្រុមយុវជនរបស់ខ្លួនប៉ុណ្ណោះចូលរួមប្រកួតនៅក្នុងតំបន់អាស៊ាន៕

អត្ថបទ៖ វិរបុត្រ

The post ប្រធាន AFF បញ្ជាក់ថា ពិតជាមានការពិចារណានាំ អូស្ត្រាលី ចូលប្រកួតក្នុងពានអាស៊ានមែន appeared first on Kampuchea Thmey Daily.

លោក Koji ប្តេជ្ញានាំ ក្រុមកម្ពុជា ឆ្លងឲ្យផុតវគ្គក្នុងពូលពានអាស៊ាន ឆ្នាំនេះ

chean virakbot — Sat, 28 Mar 2026 01:30:00 +0000

គ្រូបង្វឹកក្រុមបាល់ទាត់ជម្រើសជាតិកម្ពុជា លោក Koji Gyotoku ដាក់គោលឡើងដល់វគ្គពាក់កណ្តាលផ្តាច់ព្រ័ត្រ ពានរង្វាន់ ASEAN Hyundai Cup ឆ្នាំ ២០២៦ ដែលនឹងចាប់ផ្តើមនៅខែកក្កដា និងសីហា។

គ្រូបង្គោលសញ្ជាតិជប៉ុនវ័យ ៦១ ឆ្នាំ បានប្រាប់សារព័ត៌មាន aseanutdfc ថា ៖«ការប្រកួតជើងឯកអាស៊ានចុងក្រោយ ខ្ញុំដឹកនាំប្រកួតក្នុងដីដោយស្មើ ម៉ាឡេស៊ី ២-២ និងឈ្នះ ទីម័រខាងកើត ២-១ ហើយពួកយើងពិតជាធ្វើបានល្អ»។

លោកបានបន្តថា ៖«នៅក្រៅដី យើងចាញ់ សិង្ហបុរី (១-២) ហើយក៏ចាញ់ ថៃ (១-២) តែយើងលេងទល់នឹងថៃ គឺកីឡាករយើងធ្វើបានល្អ ដោយធ្វើឲ្យម្ចាស់ផ្ទះថៃជួបការលំបាកខ្លាំង»។

«សម្រាប់លើកនេះ កីឡាករមានការប្រែប្រួល កីឡាករខ្លះថ្មី ហើយខ្ញុំនឹងព្យាយាមបង្កើតប្រព័ន្ធថ្មីមួយ។ យើងនឹងព្យាយាមឲ្យអស់ពីលទ្ធភាព ហើយយើងចង់ឡើងទៅកាន់វគ្គពាក់កណ្តាលផ្តាច់ព្រ័ត្រ»។ លោក Gyotoku ដែលធ្វើការនៅកម្ពុជាតាំងពីឆ្នាំ ២០១៩ បានបញ្ជាក់។

កម្ពុជាស្ថិតនៅពូល A ដែលប៉ះដៃគូសុទ្ធតែខ្លាំងៗមានដូចជា វៀតណាម សិង្ហបុរី ឥណ្ឌូណេស៊ី និងក្រុមជម្រុះឋបមរវាង ព្រុយណេ ឬ ទីម័រខាងកើត។ ស្ថិតនៅក្នុងពូលនេះមហាជនមើលឃើញថា ពិតជាពិបាកខ្លាំងសម្រាប់កម្ពុជាក្នុងការស្វែងរកផ្លូវទៅកាន់វគ្គពាក់កណ្តាលផ្តាច់ព្រ័ត្រជាលើកដំបូងក្នុងប្រវត្តិសាស្ត្ររបស់ខ្លួន។

ការប្រកួតវគ្គសន្សំពិន្ទុក្នុងពូល កម្ពុជា បើកឆាកទទួលម្ចាស់ជើងឯក ៤ សម័យកាល គឺ សិង្ហបុរី នាថ្ងៃទី២៤ ខែកក្កដា នៅរាជធានីភ្នំពេញ និងធ្វើដំណើរទៅជួបក្រុមរងជើងឯក ៦ សម័យកាលគឺ ឥណ្ឌូណេស៊ី នៅថ្ងៃទី៣១ ខែកក្កដា។ នៅថ្ងៃទី៣ ខែសីហា កម្ពុជា ត្រូវទទួល ទីម័រខាងកើត ឬ ព្រុយណេ នៅរាជធានីភ្នំពេញ ហើយចុងក្រោយហោះទៅជួប វៀតណាម នៅទីក្រុងហាណូយ ថ្ងៃទី៧ ខែសីហា។

លោក Gyotoku បានបញ្ជាក់ថា ៖«គោលដៅគឺច្បាស់ណាស់។ ក្រុមកម្ពុជាមិនធ្លាប់ឆ្លងផុតវគ្គសន្សំពិន្ទុក្នុងពូលទេ ហើយលើកនេះគឺជាគោលដៅរបស់យើងឆ្លងឲ្យផុត»។

កម្ពុជា ធ្លាប់ចូលរួមប្រកួតពានរង្វាន់អាស៊ានកម្រិតទី១នេះ ១០ លើកហើយ ប៉ុន្តែតែងតែធ្លាក់ត្រឹមវគ្គសន្សំពិន្ទុក្នុងពូលរហូត៕

ប្រែសម្រួល៖ វិរបុត្រ

The post លោក Koji ប្តេជ្ញានាំ ក្រុមកម្ពុជា ឆ្លងឲ្យផុតវគ្គក្នុងពូលពានអាស៊ាន ឆ្នាំនេះ appeared first on Kampuchea Thmey Daily.

ចាប់ពីឆ្នាំ ២០២៦ ក្រុមបាល់ទាត់កម្ពុជា មានពានរង្វាន់អន្តរជាតិ ២ ប្រកួតក្នុងតំបន់អាស៊ាន

chean virakbot — Fri, 27 Mar 2026 02:53:04 +0000

ចាប់ពីឆ្នាំ ២០២៦ ទៅ ក្រុមបាល់ទាត់ជម្រើសជាតិនៅក្នុងតំបន់អាស៊ីអាគ្នេយ៍នឹងមានព្រឹត្តិការណ៍ប្រកួតអន្តរជាតិប្រចាំតំបន់របស់ខ្លួនចំនួន ២ ផ្សេងគ្នាយ៉ាងទៀងទាត់ដែលទទួលស្គាល់ដោយសហព័ន្ធកីឡាបាល់ទាត់អន្តរជាតិ។

ក្រុមជម្រើសជាតិកម្ពុជា

ទី១ ការប្រកួតជើងឯកអាស៊ាន (ASEAN Championship)

ជើងឯកអាស៊ាន ត្រូវបានបង្កើតឡើងតាំងពីឆ្នាំ ១៩៩៨ ដែលក្នុងឆ្នាំ ២០២៦ ជាខួបលើកទី ៣០ ឆ្នាំ។ ពានរង្វាន់ដែលរៀបចំការប្រកួតរាល់ ២ ឆ្នាំម្តងនេះជាពានតែមួយគត់ប្រចាំតំបន់របស់ខ្លួនដែលក្រុមបាល់ទាត់ជម្រើសជាតិទាំង ១១ ចូលរួមប្រកួតប្រជែង។

ពានរង្វាន់នេះ ថៃធ្លាប់ឈ្នះជើងឯក ៧ លើក សិង្ហបុរី ៤ លើក វៀតណាម ៣ លើក និងម៉ាឡេស៊ី ១ លើក។ បើនិយាយពីក្រុមបាល់ទាត់ជម្រើសជាតិកម្ពុជាវិញមិនធ្លាប់ឆ្លងផុតវគ្គសន្សំពិន្ទុក្នុងពូលឡើយសម្រាប់ការចូលរួមប្រកួត ១០ លើកនៅវគ្គសន្សំពិន្ទុក្នុងពូល។

សម្រាប់ឆ្នាំ ២០២៦ ពាន ASEAN Championship ត្រូវបានរៀបចំការប្រកួតក្នុងពាក់កណ្តាលឆ្នាំជាលើកដំបូងដើម្បីអបអរដល់ខួប ៣០ ឆ្នាំរបស់ខ្លួន នៅខែកក្កដា និងសីហា។ កម្ពុជា ស្ថិតនៅពូល A ដែលប៉ះសុទ្ធតែក្រុមខ្លាំងគឺ វៀតណាម សិង្ហបុរី ឥណ្ឌូណេស៊ី និងក្រុមឡើងពីវគ្គជម្រុះរវាង ព្រុយណេ និង ទីម័រខាងកើត។

ទី២ ពាន FIFA ASEAN Cup

សហព័ន្ធកីឡាបាល់ទាត់អន្តរជាតិ (FIFA) បានអនុម័តបង្កើតពានរង្វាន់មួយទៀតសម្រាប់ក្រុមបាល់ទាត់ជម្រើសជាតិនៅតំបន់អាស៊ានប្រកួតប្រជែងគ្នាគឺ FIFA ASEAN Cup។

ពាន FIFA ASEAN CUP

ពានរង្វាន់ FIFA Asean Cup នឹងរៀបចំការប្រកួតជារៀងរាល់ឆ្នាំ នៅចំថ្ងៃ FIFA Day ដូច្នេះក្រុមបាល់ទាត់ជម្រើសជាតិនីមួយៗមិនបាកក្នុងការរកដៃគូប្រកួតមិត្តភាពអន្តរជាតិនៅថ្ងៃ FIFA Day ឡើយ។ តាមការគ្រោងទុក ការប្រកួតលើកទី១ នៅខែកញ្ញា និង តុលា ឆ្នាំ ២០២៦ ដែលមានក្រុមបាល់ទាត់ជម្រើសជាតិទាំង ១១ ចូលរួមប្រកួតគឺ កម្ពុជា វៀតណាម ឥណ្ឌូណេស៊ី ហ្វីលីពីន ម៉ាឡេស៊ី សិង្ហបុរី មីយ៉ាន់ម៉ា ទីម័រខាងកើត ឡាវ ព្រុយណេ និង ថៃ។

គោលបំណងសំខាន់នៃពានរង្វាន់ FIFA ASEAN Cup គឺជំរុញវិស័យកីឡាបាល់ទាត់នៅតំបន់អាស៊ានឲ្យរីកចម្រើន ជាក្រុមជម្រើសជាតិទាំង ១១ ប្រទេស។ ការប្រកួតកម្រិតស្តង់ដាទាំងកីឡាករ គ្រូបង្វឹក ហេដ្ឋារចនាសម្ព័ន្ធ និងអ្នកគាំទ្រ ព្រមទាំងជំរុញការរួបរួមសាមគ្គីតាមរយៈកីឡា។

ក្រៅពីពានរង្វាន់ពីរខាងលើ ក្រុមបាល់ទាត់ជម្រើសជាតិនៅក្នុងតំបន់អាស៊ានក៏មានពានរង្វាន់អន្តរជាតិធំសំខាន់ចំនួន ២ ទៀត គឺ AFC Asian Cup និង FIFA World Cup ដែលពានរង្វាន់ទាំងពីរនេះធ្វើការប្រកួតរាល់ ៤ ឆ្នាំម្តង ប៉ុន្តែក្រុមជម្រើសជាតិនីមួយៗត្រូវប្រកួតជម្រុះជាច្រើនដំណាក់កាលដើម្បីស្វែងរកកៅអីឡើងទៅជុំចុងក្រោយ៕

អត្ថបទ៖ វិរបុត្រ

The post ចាប់ពីឆ្នាំ ២០២៦ ក្រុមបាល់ទាត់កម្ពុជា មានពានរង្វាន់អន្តរជាតិ ២ ប្រកួតក្នុងតំបន់អាស៊ាន appeared first on Kampuchea Thmey Daily.

ចេញហើយ! កម្ពុជា ស្ថិតនៅពូល A សុទ្ធតែក្រុមខ្លាំងក្នុងពាន ASEAN Championship 2026

Kosal Sem — Thu, 15 Jan 2026 10:06:11 +0000

លទ្ធផលចាប់ឆ្នោតវគ្គចែកពូលជើងឯកអាស៊ាន ASEAN Hyundai Cup ឆ្នាំ ២០២៦ ដែលជាខួប៣០ឆ្នាំ បានចេញជាផ្លូវការហើយ ខណៈក្រុមជម្រើសជាតិ កម្ពុជា ស្ថិតនៅពូល A។

តាមរយៈលទ្ធផលចាប់ឆ្នោត ដែលបានបញ្ចប់នៅថ្ងៃទី ១៥ ខែ មករា ឆ្នាំ ២០២៦ គឺកម្ពុជា ស្ថិតនៅពូល A ជាមួយ វៀតណាម ឥណ្ឌូណេស៊ី សិង្ហបុរី និងក្រុមជាប់វគ្គជម្រុះ playoff (ទីម័រខាងកើត ឬ ប្រ៊ុយណេ)។ ចំណែកពូល B រួមមាន ថៃ ម៉ាឡេស៊ី ហ្វីលីពីន មីយ៉ាន់ម៉ា និង ឡាវ។

សូមបញ្ជាក់ថា សហព័ន្ធកីឡាបាល់ទាត់អាស៊ាន បានកំណត់ឲ្យ កម្ពុជា និង ថៃ នៅពូលផ្សេងគ្នា ដោយមិនឲ្យចាប់ឆ្នោតស្ថិតនៅពូលជាមួយគ្នាទេ។

ការប្រកួតពានរង្វាន់ នឹងចាប់ផ្តើមពីថ្ងៃទី ២៤ ខែ កក្កដា ដល់ថ្ងៃទី ២៦ សីហា ឆ្នាំ ២០២៦៕

អត្ថបទ៖ សេម កុសល

The post ចេញហើយ! កម្ពុជា ស្ថិតនៅពូល A សុទ្ធតែក្រុមខ្លាំងក្នុងពាន ASEAN Championship 2026 appeared first on Kampuchea Thmey Daily.

AFF ក្រោមការដឹកនាំលោក ខៀវ សាម៉េត ទទួលបានពានសហព័ន្ធល្អប្រចាំតំបន់របស់ AFC ឆ្នាំ ២០២៥

chean virakbot — Thu, 16 Oct 2025 07:08:50 +0000

សហព័ន្ធកីឡាបាល់ទាត់ទ្វីបអាស៊ី (AFC) រៀបចំពិធីប្រគល់ពានរង្វាន់ប្រចាំឆ្នាំ នៅថ្ងៃទី១៦ ខែតុលា ឆ្នា ២០២៥ នៅទីក្រុងរីយ៉ាត ប្រទេសអារ៉ាប៊ីសាអ៊ូឌីត។

លោក ខៀវ សាម៉េត

ពានរង្វាន់ជាច្រើននឹងត្រូវផ្តល់ទៅសមាជិកនៅតាមតំបន់ផ្សេងៗគ្នារបស់សហព័ន្ធកីឡាបាល់ទាត់ទ្វីបអាស៊ី ដូចជា តំបន់អាស៊ីកណ្តាល តំបន់អាស៊ីខាងលិច និងតំបន់អាស៊ីខាងកើតជាដើម។ ក្នុងនោះ សហព័ន្ធកីឡបាល់ទាត់អាស៊ីអាគ្នេយ៍ (AFF) ក្រោមការដឹកនាំបុរសជនជាតិខ្មែរ លោក ខៀវ សាម៉េត ជាប្រធាន និងសមាជិករបស់ខ្លួនក៏ទទួលបានពានរង្វាន់កម្រិតអាស៊ីជាច្រើនផងដែរ។

សហព័ន្ធកីឡាបាល់ទាត់អាស៊ាន និងសមាជិករបស់ខ្លួនទទួលបានពានរង្វាន់ដូចខាងក្រោម

សហព័ន្ធកីឡាបាល់ទាត់អាស៊ាន ទទួលពានរង្វាន់សហព័ន្ធកីឡាបាល់ទាត់តំបន់ល្អប្រចាំឆ្នាំរបស់ AFC
ថៃ ទទួលបានពានរង្វាន់សមាជិក AFC ល្អប្រចាំឆ្នាំ (ថ្នាក់ពេជ្រ)
វៀតណាម ទទួលបានពានរង្វាន់សមាជិក AFC ល្អប្រចាំឆ្នាំ (ថ្នាក់ពេជ្រ)
ឡាវ ទទួលពានពានរង្វាន់សមាជិក AFC ល្អប្រចាំឆ្នាំ (ថ្នាក់ត្បូងទទឹម)
ម៉ាឡេស៊ី ទទួលបានពានបណ្តុះបណ្តាលថ្នាល AFC ល្អប្រចាំឆ្នាំ (ថ្នាក់មេដាយប្រាក់)
វៀតណាម ទទួលបានពានបណ្តុះបណ្តាលថ្នាល AFC ល្អប្រចាំឆ្នាំ (ថ្នាក់មេដាយសំរិទ្ធ)

ខាងលើ គ្រាន់តែពានរង្វាន់សម្រាប់សមាជិករបស់ AFC ប្រចាំតំបន់អាស៊ានប៉ុណ្ណោះ ប៉ុន្តែមានពានរង្វាន់ជាច្រើនទៀតសម្រាប់តំបន់ទូទាំងអាស៊ីមានដូចជា ពានកីឡាករ កីឡាការិនីឆ្នើម ពានកីឡាករ កីឡាការិនីផ្នែកផ្នែកហ្វូតសាល ពានគ្រូបង្វឹកផ្នែកបុរស ពានគ្រូបង្វឹកផ្នែកនារី ពានកីឡាករល្អលើឆាកអន្តរជាតិ ព្រមទាំងពានរង្វាន់ជាច្រើនទៀត៕

អត្ថបទ៖ វីរបុត្រ

The post AFF ក្រោមការដឹកនាំលោក ខៀវ សាម៉េត ទទួលបានពានសហព័ន្ធល្អប្រចាំតំបន់របស់ AFC ឆ្នាំ ២០២៥ appeared first on Kampuchea Thmey Daily.

ASEAN Championship Archives - Kampuchea Thmey Daily

ក្រុម​ជម្រើស​ជាតិកម្ពុជា មាន​ស្ថិតិ​ល្អ​ការ​ប្រកួត ASEAN Championship នៅ​ស្តាត​មរតកតេជោ

កម្ពុជា សម្រេច​ប្រើ​ ស្តាត​មរតក​តេជោ ជាលើក​ទី២ ដើម្បី​ប្រកួតពាន ASEAN Championship

កីឡាករ​កម្ពុជា​សំខាន់​ៗ​​ច្រើន​នាក់ កំពុង​របួស ខណៈ​ការ​ប្រកួត​​អន្តរជាតិ​​ច្រើន​ជិត​ដល់

ប្រធាន AFF បញ្ជាក់ថា ពិត​ជា​មានការពិចារណា​នាំ​ អូស្ត្រាលី ចូល​​ប្រកួតក្នុង​ពាន​អាស៊ានមែន

លោក Koji ប្តេជ្ញា​នាំ ក្រុម​កម្ពុជា​ ឆ្លង​ឲ្យ​ផុត​វគ្គ​​ក្នុង​ពូលពានអាស៊ាន ឆ្នាំ​នេះ

ចាប់ពីឆ្នាំ ២០២៦ ក្រុម​បាល់ទាត់​​កម្ពុជា មាន​ពានរង្វាន់អន្តរជាតិ ២ ប្រកួត​ក្នុង​តំបន់​អាស៊ាន

ចេញ​ហើយ! កម្ពុជា ស្ថិត​នៅ​ពូល A សុទ្ធ​តែ​ក្រុម​ខ្លាំង​ក្នុង​ពាន ASEAN Championship 2026

AFF ក្រោម​ការ​ដឹក​នាំ​​លោក ខៀវ សាម៉េត ទទួល​បាន​ពានសហព័ន្ធ​ល្អ​ប្រចាំ​តំបន់​របស់ AFC ឆ្នាំ ២០២៥

ក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ

កម្ពុជា សម្រេចប្រើ ស្តាតមរតកតេជោ ជាលើកទី២ ដើម្បីប្រកួតពាន ASEAN Championship

កីឡាករកម្ពុជាសំខាន់ៗច្រើននាក់ កំពុងរបួស ខណៈការប្រកួតអន្តរជាតិច្រើនជិតដល់

ប្រធាន AFF បញ្ជាក់ថា ពិតជាមានការពិចារណានាំ អូស្ត្រាលី ចូលប្រកួតក្នុងពានអាស៊ានមែន

លោក Koji ប្តេជ្ញានាំ ក្រុមកម្ពុជា ឆ្លងឲ្យផុតវគ្គក្នុងពូលពានអាស៊ាន ឆ្នាំនេះ

ចាប់ពីឆ្នាំ ២០២៦ ក្រុមបាល់ទាត់កម្ពុជា មានពានរង្វាន់អន្តរជាតិ ២ ប្រកួតក្នុងតំបន់អាស៊ាន

ចេញហើយ! កម្ពុជា ស្ថិតនៅពូល A សុទ្ធតែក្រុមខ្លាំងក្នុងពាន ASEAN Championship 2026

AFF ក្រោមការដឹកនាំលោក ខៀវ សាម៉េត ទទួលបានពានសហព័ន្ធល្អប្រចាំតំបន់របស់ AFC ឆ្នាំ ២០២៥