កីឡា

ប្រធាន AFF បញ្ជាក់ថា ពិតជាមានការពិចារណានាំ អូស្ត្រាលី ចូលប្រកួតក្នុងពានអាស៊ានមែន

បានផុស

១ ខែ មុន

នៅ

ថ្ងៃសុក្រ ១ ឧសភា ២០២៦

ដោយ

ប៉ុន្មានថ្ងៃចុងក្រោយនេះ អ្នកតាមដានវិស័យកីឡាបាល់ទាត់នៅតំបន់អាស៊ានបានចាប់អារម្មណ៍ពីក្រុមបាល់ទាត់ជម្រើសជាតិ អូស្ត្រាលី ដែលត្រូវបានពិចារណាក្នុងការអញ្ជើញឲ្យចូលរួមប្រកួតក្នុងជើងឯកអាស៊ាន ASEAN Championship។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះអ្នកគាំទ្រនៅកម្ពុជាក៏បានចាប់អារម្មណ៍ដោយមានផេកជាច្រើនបានផ្សព្វផ្សាយពីដំណឹងនេះ។ ដើម្បីបញ្ជាក់ឲ្យច្បាស់ថាតើ ការពិចារណាក្នុងការអញ្ជើញ អូស្ត្រាលី ឲ្យចូលរួមប្រកួតក្នុងពានរង្វាន់តំបន់អាស៊ានពិតមែនទេ? លោក ខៀវ សាម៉េត ប្រធានសហព័ន្ធកីឡាបាល់ទាត់អាស៊ាន បានប្រាប់«កម្ពុជាថ្មី»ថា ៖«សហព័ន្ធកីឡាបាល់ទាត់អាស៊ានពិតជាកំពុងពិចារណាក្នុងការអញ្ជើញ អូស្ត្រាលី ឲ្យចូលរួមមែន»។

ការពិចារណាក្នុងការអញ្ជើញ អូស្ត្រាលី ឲ្យចូលរួមក្នុងពានរង្វាន់អាស៊ាន គឺមានគោលបំណងឲ្យការប្រកួតនៅក្នុងតំបន់ដែលមាន ១១ ប្រទេស កាន់តែទាក់ទាញ និងកាន់តែប្រកួតប្រជែងខ្លាំងដើម្បីបង្កើនគុណភាពនៃក្រុមជម្រើសជាតិនីមួយៗកាន់តែមានល្អប្រសើរ។ ទោះបីជាយ៉ាងណា ដំណឹងនៃការចង់ឲ្យ អូស្ត្រាលី ចូលរួមនេះគឺស្ថិតនៅក្នុងការពិចារណានៅក្នុងថ្ងៃអនាគតប៉ុណ្ណោះ ហើយក៏មិនទាន់ច្បាស់ថា នៅពេលណា ឬអូស្ត្រាលី អាចសម្រេចចូលរួមដែរឬទេ។

សម្រាប់ការប្រកួតជើងឯកអាស៊ាន ASEAN Championship ឆ្នាំ ២០២៦ បានកំណត់ចំនួន ក្រុមចូលរួមប្រកួតរួចហើយគឺចំនួន ១០ ប្រទេស ដែលនឹងចាប់ផ្តើមប្រកួតនៅវគ្គជម្រុះនៅថ្ងៃទី២២ ខែមិថុនា ឆ្នាំ ២០២៦ និងការប្រកួតវគ្គសន្សំពិន្ទុក្នុងពូលនៅថ្ងៃទី២៤ ខែកក្កដា ឆ្នាំ ២០២៦។

អូស្ត្រាលី បានចូលជាសមាជិកនៃសហព័ន្ធកីឡាបាល់ទាត់អាស៊ាន (AFF) ក្នុងឆ្នាំ ២០២៣ ប៉ុន្តែក្រុមជម្រើសជាតិមួយនេះប្រកួតនៅក្នុងតំបន់អាស៊ីផ្សេង។ ពួកគេមានកម្រិតគុណភាពខ្ពស់លំដាប់ពិភពលោកដែលតែងប្រកួតជើងឯកអាស៊ី AFC Asian Cup និងទទួលបានកៅអី ឡើងទៅជុំចុងក្រោយជើងឯកពិភពលោក World Cup។ អូស្ត្រាលី អនុញ្ញាតឲ្យក្រុមយុវជនរបស់ខ្លួនប៉ុណ្ណោះចូលរួមប្រកួតនៅក្នុងតំបន់អាស៊ាន៕

អត្ថបទ៖ វិរបុត្រ

Related Topics:អូស្ត្រាលី លោក ខៀវ សាម៉េត ASEAN Championship

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា