កីឡា

AFF ក្រោមការដឹកនាំលោក ខៀវ សាម៉េត ទទួលបានពានសហព័ន្ធល្អប្រចាំតំបន់របស់ AFC ឆ្នាំ ២០២៥

បានផុស

៩ ខែ មុន

នៅ

ថ្ងៃព្រហស្បតិ៍ ១៦ តុលា ២០២៥

ដោយ

សហព័ន្ធកីឡាបាល់ទាត់ទ្វីបអាស៊ី (AFC) រៀបចំពិធីប្រគល់ពានរង្វាន់ប្រចាំឆ្នាំ នៅថ្ងៃទី១៦ ខែតុលា ឆ្នា ២០២៥ នៅទីក្រុងរីយ៉ាត ប្រទេសអារ៉ាប៊ីសាអ៊ូឌីត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់ជាច្រើននឹងត្រូវផ្តល់ទៅសមាជិកនៅតាមតំបន់ផ្សេងៗគ្នារបស់សហព័ន្ធកីឡាបាល់ទាត់ទ្វីបអាស៊ី ដូចជា តំបន់អាស៊ីកណ្តាល តំបន់អាស៊ីខាងលិច និងតំបន់អាស៊ីខាងកើតជាដើម។ ក្នុងនោះ សហព័ន្ធកីឡបាល់ទាត់អាស៊ីអាគ្នេយ៍ (AFF) ក្រោមការដឹកនាំបុរសជនជាតិខ្មែរ លោក ខៀវ សាម៉េត ជាប្រធាន និងសមាជិករបស់ខ្លួនក៏ទទួលបានពានរង្វាន់កម្រិតអាស៊ីជាច្រើនផងដែរ។

សហព័ន្ធកីឡាបាល់ទាត់អាស៊ាន និងសមាជិករបស់ខ្លួនទទួលបានពានរង្វាន់ដូចខាងក្រោម

សហព័ន្ធកីឡាបាល់ទាត់អាស៊ាន ទទួលពានរង្វាន់សហព័ន្ធកីឡាបាល់ទាត់តំបន់ល្អប្រចាំឆ្នាំរបស់ AFC
ថៃ ទទួលបានពានរង្វាន់សមាជិក AFC ល្អប្រចាំឆ្នាំ (ថ្នាក់ពេជ្រ)
វៀតណាម ទទួលបានពានរង្វាន់សមាជិក AFC ល្អប្រចាំឆ្នាំ (ថ្នាក់ពេជ្រ)
ឡាវ ទទួលពានពានរង្វាន់សមាជិក AFC ល្អប្រចាំឆ្នាំ (ថ្នាក់ត្បូងទទឹម)
ម៉ាឡេស៊ី ទទួលបានពានបណ្តុះបណ្តាលថ្នាល AFC ល្អប្រចាំឆ្នាំ (ថ្នាក់មេដាយប្រាក់)
វៀតណាម ទទួលបានពានបណ្តុះបណ្តាលថ្នាល AFC ល្អប្រចាំឆ្នាំ (ថ្នាក់មេដាយសំរិទ្ធ)

ខាងលើ គ្រាន់តែពានរង្វាន់សម្រាប់សមាជិករបស់ AFC ប្រចាំតំបន់អាស៊ានប៉ុណ្ណោះ ប៉ុន្តែមានពានរង្វាន់ជាច្រើនទៀតសម្រាប់តំបន់ទូទាំងអាស៊ីមានដូចជា ពានកីឡាករ កីឡាការិនីឆ្នើម ពានកីឡាករ កីឡាការិនីផ្នែកផ្នែកហ្វូតសាល ពានគ្រូបង្វឹកផ្នែកបុរស ពានគ្រូបង្វឹកផ្នែកនារី ពានកីឡាករល្អលើឆាកអន្តរជាតិ ព្រមទាំងពានរង្វាន់ជាច្រើនទៀត៕