ទោះបីជាគាត់មានវ័យចំណាស់ និងបានប្រយុទ្ធប្រឆាំងនឹងជំងឺប្រចាំកាយដែលញាំញីអស់ជាច្រើនឆ្នាំក៏ដោយ Celine Dion នៅតែមកគាំទ្រការប្រគំតន្ត្រីរបស់ Adele នៅ Las Vegas ដោយមិនស្ទាក់ស្ទើរ

អង្គុយនៅក្នុងជួរជាមួយទស្សនិកជន អ្នកគាំទ្រដែលបានឃើញ Celine Dion មិនអាចទប់អារម្មណ៍របស់ពួកគេបានទេ ខណៈពេលដែលរីករាយនឹងសំឡេងដ៏អស្ចារ្យបំផុតរបស់ Adele​ ហើយនៅក្នុងឃ្លីបមួយដែលត្រូវបានផ្សព្វផ្សាយដោយអ្នកគាំទ្រនៅលើបណ្តាញសង្គមក្នុងអំឡុងពេលសម្តែង Adele ផ្ទាល់ បានចុះពីលើឆាក ដើម្បីជួបជាមួយ Celine Dion យ៉ាងប្រញាប់ប្រញាល់បំផុត។

ពេល​ជួប​ជុំ​មិត្តចាស់​ក្នុង​រាត្រី​តន្ត្រី​របស់​នាង ម្ចាស់បទចម្រៀង Hello មិន​អាច​បិទ​បាំង​អារម្មណ៍ដ៏រំភើបនិងមានចិត្តរំញ្ចួបានទេ នាងស្រាប់តែបាន​ស្រក់​ទឹក​ភ្នែកនិង​ឱបយ៉ាង​កក់ក្ដៅ Celine ធ្វើ​ឲ្យ​អ្នក​ទស្សនា​ស្រក់​ទឹក​ភ្នែក​តាមសឹងតែមិនហ៊ានព្រិចភ្នែកសូម្បីតែមួយវិនាទីណាឡើយ។ ជាពិសេសថែមទៀត រូបរាងរបស់ Celine បានបន្ថែមថាមពលមួយផ្នែកដើម្បីជួយ Adele បញ្ចប់ការសម្តែងតាមរបៀបដ៏អស្ចារ្យបំផុតនៅក្នុងរាត្រីមួយនោះ។

ដោយឡែក នៅលើទំព័រ Instagram ផ្ទាល់ខ្លួនរ ដែលមានអ្នកតាមដានជិត៦០ លាននាក់ Adele ថ្មីៗនេះបានបង្ហោះរូបថតរំជួលចិត្តជាមួយ Celine Dion ក្នុងរាត្រីតន្ត្រីចុងក្រោយ។ បង្ហោះភ្លាមៗរូបភាពរបស់អ្នកទាំងពីរបានចូលទៅក្នុងប្រវត្តិសាស្ត្រនៃឧស្សាហកម្មតន្ត្រី ខណៈដែលពួកគេបានឃើញការជួបជុំគ្នាដ៏រំជួលចិត្តរវាងកំពូលតារាចម្រៀងទាំងពីរជំនាន់ហើយវាក៏ជារូបភាពដ៏កម្រមួយនៅក្នុងពិភពតន្រ្តី។

ទន្ទឹមនឹងរូបថតដែល Adele តារាចម្រៀងវ័យ៣៦ឆ្នាំរូបនេះថែមទាំងចែករំលែកសារដ៏ផ្អែមល្ហែមសម្រាប់ Celine Dion ថា “ខ្ញុំបានសម្តែងនៅសាលប្រជុំរបស់ Celine Dion នៅ Colosseum ជិត ២ ឆ្នាំហើយ ហើយនៅសល់តែ ៤សប្តាហ៍ទៀតប៉ុណ្ណោះ! នេះជាកន្លែងតែមួយគត់ដែលខ្ញុំចង់ទៅ​សម្តែង​នៅ​ Vegas នេះ​ជា​កន្លែង​តែ​មួយ​គត់​ដែល​ខ្ញុំ​ចង់​ទៅ​លេង​នៅ Vegas ព្រោះ​វា​ត្រូវ​បាន​គេ​បង្កើត​ឡើង​សម្រាប់​នាង។ រាល់យប់មុនពេលការសម្តែងចាប់ផ្តើម ខ្ញុំបានប៉ះរូបភាពរបស់នាងដែលព្យួរនៅជាប់នឹងឆាក ហើយកាលពីចុងសប្តាហ៍មុន នាងបានមកកម្មវិធីរបស់ខ្ញុំដោយមិនបានរំពឹងទុក។ ពិតជាអស្ចារ្យមែន!!!

លើសពីនេះទៀតដែរ Adele ក៏មិនភ្លេចបញ្ចេញខេបសិនទៀតថា «​Celine Dion ខ្ញុំស្រលាញ់អ្នកខ្លាំងណាស់! ពាក្យ​នេះមិន​គ្រប់​គ្រាន់​ដើម្បី​បង្ហាញ​ថា​អ្នក​មាន​ន័យ​ប៉ុណ្ណា​ចំពោះ​ខ្ញុំ ឬសូម្បីតែអ្នកមកកម្មវិធីរបស់ខ្ញុំ វាមានន័យណាស់ក្នុងការឃើញអ្នក និងគ្រួសារជាទីស្រឡាញ់របស់អ្នកត្រលប់មកទីនេះម្ដងទៀត។ ខ្ញុំតែងតែចូលចិត្តការសម្តែងនៅទីនេះ ដូច្នេះហើយកាលពីយប់ថ្ងៃសៅរ៍កន្លងទៅ គឺជាកិត្តិយសសម្រាប់ខ្ញុំ ដែលខ្ញុំនឹងចងចាំអស់មួយជីវិតរបស់ខ្ញុំ។ វាជាពេលពេញលេញសម្រាប់ខ្ញុំក្នុងការនៅទីនោះជាមួយអ្នក។ សូម​អរគុណ​ខ្លាំង​ណាស់»៕

អត្ថបទ៖ សាង ស្រីល័ក្ខ

ចុចអាន៖ម៉ាឡេស៊ីព្រមានបទកំពុងផ្ទុះល្បីរបស់ Rose និង Bruno បង្កហានិភ័យធំ

The post រូបភាពដ៏រំជួលចិត្តដែល Celine មានជំងឺប្រចាំកាយតែសុខចិត្តមកគាំទ្រ Adele ដល់ឆាក appeared first on Kampuchea Thmey Daily.

តារាចម្រៀងវ័យ ៥៦ ឆ្នាំរូបនេះ បានច្រៀងបិទក្នុងពិធីបើកព្រឹត្តិការណ៍កីឡាអូឡាំពិកឆ្នាំ ២០២៤ កាលពីល្ងាចថ្ងៃសុក្រ ដែលប្រារព្ធឡើងនៅទន្លេ Seine នៃទីក្រុងប៉ារីស ជាមួយនឹងបទចម្រៀងភាសាបារាំងដ៏ពិរោះ ក្រោមចំណងជើងថា ‘Hymne à l’amour’ ដែលនោះនាំមកនូវភាពរីករាយ និងត្រេកអរសឹងតែស្រក់ទឹកភ្នែកពីអ្នកគាំទ្រជុំវិញពិភពលោ​ក ក្រោយបានឃើញ Celine សារជាថ្មីម្ដងទៀតលើឆាកដ៏ធំ។

តាមរយៈសំឡេងដ៏ខ្លាំងក្លារបស់ Celine ច្រៀងលើឆាកនៅប៉ម Eiffel របស់នាង បានធ្វើឲ្យហ្វេនមានការភ្ញាក់ផ្អើលជាងតារាប្រុស-ស្រី ដែលច្រៀងបើកកម្មវិធីមុនគេបង្អស់ដូចជា Lady Gaga, Zinedine Zidane និង Minions ទៅទៀត។ នៅក្នុង​ព្រឹត្តិការណ៍​អូឡាំពិក​ ទស្សនិកជន​ចាប់​អារម្មណ៍​ជាង​គេ​គឺជាការវិលត្រឡប់ដ៏អស្ចារ្យរបស់តារាចម្រៀងសំឡេងស្រទន់ ទោះបីជាពេលនេះ រូបគាត់កំពុងប្រឈមនឹងជំងឺសរសៃប្រសាទដ៏កម្រ ដែលមិនអាចព្យាបាលឲ្យជាសះស្បើយក៏ដោយ។

ចាប់តាំងពីធ្វើរោគវិនិច្ឆ័យថាមានជំងឺសរសៃប្រសាទដ៏កម្របណ្តាលឲ្យសាច់ដុំកន្ត្រាក់ រឹងនៅក្នុងដងខ្លួន និងធ្វើ​ឲ្យ​នាង​ពិបាក​គ្រប់​គ្រង​ខ្សែ​សំឡេងខ្លួនផង Celine បាន​នៅ​ឆ្ងាយ​ពី​អ្នកគាំទ្រ​ ​ដោយ​បង្ខំ​ចិត្តលុប​ចោល​ការ​ប្រគំ​តន្ត្រី​ទេសចរណ៍​ពិភពលោក​ឆ្នាំ២០២៣ ទាំងខូចចិត្ត ដោយសារ​​មិន​អាច​គ្រប់គ្រង​ចលនាខ្លួនឯង ព្រមទាំងការច្រៀង​បានដូចពីមុនបានទៀត។

ថ្វីបើយ៉ាងណា ការបង្ហាញខ្លួនឆាកម្ដងទៀតរបស់ម្ចាស់បទ “the power of love” មិនត្រឹមតែបង្កើតភាពភ្ញាក់ផ្អើលទូទាំងពិភពលោកប៉ុណ្ណោះទេ ប៉ុន្តែរូបភាពរប់នាងបានផ្ទុះការជជែកវែកញែក ​និងចែករំលែកយ៉ាងភ្លូកទឹកភ្លូកដី ស្របពេលដែលតារាស្រីរៀមច្បងរូបនេះបានប្រកាសនៅលើគណនីផ្ទាល់ខ្លួនទៅកាន់ហ្វេនរបស់នាង។

នៅក្នុងការប្រកាសនោះ Celine បាននិយាយថា៖ «​លើសពីអ្វីទាំងអស់! ខ្ញុំ​រីករាយ​ណាស់​ក្នុង​ការ​អបអរ​ដល់​អត្តពលិក​ដ៏​អស្ចារ្យ​ទាំង​នេះ។ មនុស្សគ្រប់រូបមានរឿងរ៉ាវនៃការលះបង់ ការតាំងចិត្ត ការឈឺចាប់ និងការតស៊ូ។ អ្នក​ទាំង​អស់​គ្នា​ផ្ដោត​លើ​សុបិន​របស់​ខ្លួន​ ហើយថាតើពួកគេបានទទួលមេដាយឬអត់ ខ្ញុំសង្ឃឹមថាការមកទីនេះ​ នឹងធ្វើឲ្យសុបិនរបស់អ្នកក្លាយជាការពិត!​ អ្នកទាំងអស់គ្នាគួរតែមានមោទនភាព។ ខ្ញុំដឹង​ថា ​អ្នក​ខំ​ប្រឹង​យ៉ាង​ណា​ដើម្បី​ឲ្យបាន​ល្អ​បំផុត ដូច្នេះសូមបន្តខិតខំ ខ្ញុំ​សូម​ផ្ញើ​កម្លាំងចិត្ត​ពីទីនេះទៅកាន់គ្រប់គ្នា»។

យ៉ាងណាមិញ ងាកទៅកាន់ភាពយន្តភាពយន្តឯកសារ I Am: Celine Dion នៅលើ Amazon Prime អ្នកគាំទ្រជាច្រើនបានយល់កាន់តែច្បាស់ពីទំហំនៃការលះបង់ភាពឈឺចាប់របស់រូបនាងដើម្បីព្យាយាមវិលមកកាន់ឆាកតន្រ្តីឡើងវិញ។ ជាពិសេសនេះគឺជាទុក្ខលំបាក ដែលតារាចម្រៀងដ៏ល្បីល្បាញបានជួបប្រទះកន្លងមក ដោយមិនឲ្យអ្នកណាបានដឹងថា នាងកំពុងព្យាបាល​រាង​កាយ​ជា​រៀង​រាល់​ថ្ងៃ និង​ការ​ហ្វឹក​ហាត់​សំឡេង​ដើម្បី​ត្រៀមខ្លួនឡើងឆាកម្ដងទៀត ហើយមាន​រឿង​មួយ​ដែល​មិន​ចេះ​ឈប់ នោះ​គឺ​ការ​តាំង​ចិត្ត ចំណង់​ចំណូល​ចិត្ត ក្តី​សុបិនដែលរូបនាងធ្លាប់និយាយថា ចង់ឃើញ Eiffel Tower ម្តងទៀត៕

ខាងក្រោមនេះគឺជាភាពយន្តឯកសាររបស់តារាចម្រៀង Celine Dion

អត្ថបទ៖ សាង ស្រីល័ក្ខ

ចុចអាន៖ឥស្សរជន និងតារាហូលីវូដល្បីៗ បង្ហាញវត្តមានក្នុងពិធីបើកកីឡាអូឡាំពិក

The post វត្តមានម្ចាស់បទ «​My heart will go on​» ក្នុង​ព្រឹត្តិការណ៍​អូឡាំពិក គឺការលះបង់ដ៏ធំធេងបំផុត appeared first on Kampuchea Thmey Daily.

Celine Dion ត្រូវបានគេដឹងថាគាត់កំពុងតែបន្ត​ប្រយុទ្ធ​ប្រឆាំង​នឹង​ជំងឺ​ប្រសាទ​ដ៏​កម្រ​​ ​(stiff-person syndrome )​​ បណ្តាលឲ្យមាន​ការ​ឡើង​រឹង​នៃ​សាច់ដុំ និង​ការ​កន្ត្រាក់​ឈឺចាប់​ ​អាច​បណ្តាល​មក​ពី​រឿង​ផ្សេង​ៗ រួម​មាន​ចលនា​​ សីតុណ្ហភាព​ត្រជាក់ ស្ត្រេស ឬ​សំឡេងរំខាន។

ទោះយ៉ាងណាក៏ដោយ ស្ថានភាពរបស់គាត់ជាច្រើនខែមុនត្រូវបានគេរាយការណ៍ថា​​ មិនអំណោយផលឡើយ។ ហើយ​មួយ​រយៈ​ក្រោយ​នេះ ប្អូនស្រី​របស់ Celine ទើប​បាន​ប្រកាស​ពី​ស្ថានភាព​សុខភាព​បច្ចុប្បន្ន​របស់បងស្រីខ្លួនដល់​អ្នកគាំទ្រផងដែរ។

Claudette Dion បានប្រាប់ 7 Jours ថា “គាត់មិនអាចគ្រប់គ្រងសាច់ដុំរបស់គាត់ដូចពីមុនបានទេ។ អ្វីដែលធ្វើឲ្យខ្ញុំឈឺចាប់នោះគឺថាគាត់តែងតែមានវិន័យខ្លាំងណាស់។ គាត់តែងតែធ្វើការយ៉ាងលំបាក! វាជាការពិតដែលនៅក្នុងក្តីសុបិនរបស់យើងក៏ដូចជា Celine គោលដៅគឺដើម្បីត្រលប់ទៅឆាក”។

ដោយឡែក កាល​ពី​ខែ​ឧសភា Celine បាន​លុប​ចោល​កម្មវិធី Courage World Tour ដោយសារ​ជំងឺ​សរសៃ​ប្រសាទ​ដ៏​កម្រ​មួយ​ដែល​អាច​ធ្វើ​ឲ្យ​សាច់ដុំ​កន្ត្រាក់ និង​រឹង។ ក្នុង​ការ​ប្រកាស​របស់​ម្ចាស់បទ “My Heart Will Go on”​បាន​និយាយ​ថា “ខ្ញុំ​សោកស្ដាយ​ណាស់​ដែល​ធ្វើ​ឲ្យ​អ្នក​ទាំង​អស់​គ្នា​ខក​ចិត្ត​ម្ដង​ទៀត។ ខ្ញុំ​ខិត​ខំ​ប្រឹង​ប្រែង​ដើម្បី​យក​កម្លាំង​មក​វិញ ប៉ុន្តែ​ដំណើរ​កម្សាន្ត​ប្រហែល​ជា​លំបាក​ខ្លាំង​ណាស់ ទោះ​បីជាជាសះស្បើយ ១០០%ក៏ដោយ”៕​

ប្រែសម្រួល៖ សាង ស្រីល័ក្ខ

ចុចអាន៖តារាអាមេរិក Patrick បង្ហាញមុខភរិយានិងកូនៗជាសាធារណៈ ធ្វើឲ្យទស្សនិកជនស្រឡាំងកាំង

The post ម្ចាស់បទ “My Heart Will Go on” បាត់បង់ការគ្រប់គ្រងចលនារាងកាយទាំងស្រុង appeared first on Kampuchea Thmey Daily.

ក្នុងនោះផងដែរគេសង្កេតឃើញថាតារាចម្រៀងជើងចាស់រូបនេះបាន​នៅ​ឆ្ងាយ​ពី​ភ្នែក​សាធារណៈ ​បន្ទាប់​ពី​ការ​ធ្វើ​រោគ​វិនិច្ឆ័យថានាងមានជំងឺ​ប្រសាទ​ដ៏​កម្រ​​ ​(stiff-person syndrome )​​ បណ្តាលឲ្យមាន​ការ​ឡើង​រឹង​នៃ​សាច់ដុំ និង​ការ​កន្ត្រាក់​ឈឺចាប់​ ​អាច​បណ្តាល​មក​ពី​រឿង​ផ្សេង​ៗ រួម​មាន​ចលនា​​ សីតុណ្ហភាព​ត្រជាក់ ស្ត្រេស ឬ​សំឡេងរំខាន។

តារា​ចម្រៀង​វ័យ ៥៥ឆ្នាំ​រូប​នេះ​បាន​ចូល​រួម​ការ​ប្រគំ​តន្ត្រី​ជាមួយ​កូន​ប្រុស​ភ្លោះ​របស់​នាង​គឺ Eddy និង Nelson ខណៈដែលព្រះអង្គម្ចាស់ Harry និង Meghan Markle ក៏ត្រូវបានគេប្រទះឃើញចៃដន្យ ព្រមទាំង Cameron Diaz និង Benji Madden ។

យោងតាមកាសែត Las Vegas Review-Journal តារាចម្រៀងរូបនេះត្រូវបានគេមើលឃើញថា ហាក់បង្ហាញសកម្មភាពរាំសប្បាយរីករាយក្នុងកម្មវិធីខណៈអ្នកគាំត្រក៏មានមានទំនុកចិត្តកាន់តែច្រើនថាគាត់អាចត្រលប់មកឆាកវិញនៅឆ្នាំ ២០២៤វិញ។

លើសពីនេះទៀតកាសតែតដដែលបានបញ្ចាក់ទៀតថា “តំណាង AEG នៅតែមានសុទិដ្ឋិនិយមថា នាងនឹងមានសុខភាពល្អគ្រប់គ្រាន់ ដើម្បីត្រលប់មកកាន់ឆាកម្ដងទៀត”។

ទោះយ៉ាងណាក៏ដោយ ចាប់តាំងពីមានពាក្យចចាមអារ៉ាមមក នេះ​មិន​មែន​ជា​រាត្រី​តែ​មួយ​សម្រាប់​តារា​ចម្រៀង​រូប​នេះ​ទេចេញទៅក្រៅផ្ទះឡើយ។ កាលពីដើមសប្តាហ៍ នាងបានចេញដំណើរជាមួយកូនប្រុសបង្កើតសម្រាប់ការប្រកួតវាយកូនគោលលើទឹកកក។ នាងបានសរសេរនៅលើ Instagram ថា “ពួកគេលេងបានល្អណាស់! “នោះ​គឺ​ជា​ការ​ចងចាំ​សម្រាប់​យើង​ទាំង​អស់​គ្នា​។ សូម​មាន​រដូវ​កាល​ដ៏​អស្ចារ្យ!”

ម្ចាស់ជ័យលាភី Grammy ប្រាំសម័យកាលក៏ធ្លាប់បានបង្ហោះវីដេអូរំជួលចិត្តនៅលើ Instagram ផ្ទាល់ខ្លួន ពន្យល់ពីការសម្រេចចិត្តរបស់នាងក្នុងការពន្យារពេលដំណើរទេសចរណ៍ឆ្នាំ ២០២៣ ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖អ្នកគាំទ្រ​ជីក​កកាយ​រូបថត​គ្រួសាររបស់ Liu Yifei ទើបដឹងថាមួយផ្ទះនេះសុទ្ធតែជារាជិនីសម្រស់

The post ក្រោយលេចឮថាស្លាប់ ម្ចាស់បទ My Heart Will Go on បង្ហាញមុខដ៏កម្រ appeared first on Kampuchea Thmey Daily.

ថ្មីៗនេះតារាចម្រៀងជនជាតិកាណាដា Celine Dion បានប្រកាសលុបចោលការប្រគំតន្ត្រីទាំងអស់របស់ខ្លួន ដោយពន្យាពេលរហូតដល់ខែមេសា ឆ្នាំ២០២៤ បន្ទាប់ពីវេជ្ជបណ្ឌិតធ្វើរោគវិនិច្ឆ័យថា នាងមានជំងឺសរសៃប្រសាទដ៏កម្រ (stiff-person syndrome ) ដែលបណ្តាលឱ្យមានការស្ពឹកស្រពន់រាងកាយ។

ដោយសារបញ្ហាសុខភាពតម្រូវឱ្យសម្រាកព្យាបាលជាប់លាប់ និងតាមដានយ៉ាងទៀងទាត់ តារាស្រីវ័យ ៥៥ឆ្នាំរូបនេះ ត្រូវខកខានការងារជាច្រើនមិនថា ការប្រគំតន្ត្រីទេសចរណ៍ ដំណើរកម្សាន្តផ្ទាល់ខ្លួន រួមទាំងកិច្ចការសំខាន់ៗមួយចំនួនទៀត។

ទោះយ៉ាងណា Celine Dion បានប្រាប់ទស្សនាវដ្ដី PEOPLE ថា នាងកំពុងតស៊ូនឹងជំងឺខ្លួនឯងយ៉ាងខ្លាំង ដើម្បីធ្វើយ៉ាងណាអាចត្រឡប់ទៅច្រៀងវិញបាន ព្រោះនាងពិតជាស្រឡាញ់សិល្បៈតន្ត្រី និងចង់សម្តែងជូនទស្សនិកជនរបស់នាង។

ពេលនេះស្ថានភាពជំងឺរបស់ម្ចាស់បទ “My Heart Will Go On” នៅមិនទាន់អាចអះអាងបានឡើយថា តើនឹងជាសះស្បើយនៅពេលណា ខណៈក្រុមគ្រូពេទ្យកំពុងបន្តតាមដាន និងខិតខំព្យាបាលផងដែរ៕

ប្រែសម្រួល៖ សន្យា

ចុចអាន៖ តារាចម្រៀងជើងចាស់ Celine Dion លក់ផ្ទះតម្លៃ ៣០ លានដុល្លារ

ចុចអាន៖ ការប្រគំតន្ត្រី Born Pink នៅជប៉ុនថ្ងៃស្អែក នឹងគ្មានវត្តមាន Jisoo ទេ

The post ម្ចាស់បទ My Heart Will Go On ទំនងមិនអាចបន្តអាជីពចម្រៀងទៀតទេ appeared first on Kampuchea Thmey Daily.

ម្ចាស់បទ “My Heart Will Go On” រូបនេះបានចំណាយប្រាក់ ៩.២ លានដុល្លារដើម្បីធ្វើជាម្ចាស់ផ្ទះ នេះក្នុងឆ្នាំ ២០១៧ បន្ទាប់មកបានចំណាយពេលជាច្រើនឆ្នាំក្នុងការជួសជុល និងប្រាក់ជាច្រើនទៅលើផ្នែគ្រឿងសម្ភារៈសង្ហារឹម មុនពេលដាក់លក់វាកាលពីខែមុន ដែលទីតាំងនៃវីឡាទំនើបនេះស្ថិត នៅក្នុងតំបន់ឯកជនដែលមានទីលានវាយកូនហ្គោលរបស់ The Summit Club ។

យោងតាមទិន្នន័យពី Clark County records បានបញ្ជាក់ថាផ្ទះវីឡានេះស្ថិតនៅលើផ្ទៃដីជាង ៩,០០ ០ ម៉ែត្រការ៉េ ដែលមានកម្ពស់ពីរជាន់ និងបន្ទប់ក្រោមដីមួយ។ ផ្ទះនេះមានបន្ទប់គេង ៤ និងបន្ទប់ទឹក ១២ និងចំណតឡាន ក៏ដូចជារបស់ផ្សេងទៀតរួមមានអាងហែលទឹក ឬស្ប៉ាដែលមានទីលានវាយ កូនហ្គោលរបស់ The Summit Club ដែលរចនាដោយស្ថាបត្យករដ៏ល្បីល្បាញ Tom Fazio ។

ដោយឡែកគេហទំព័រ Yahoo ក៏បានបញ្ជាក់ទៀតថាតារាចម្រៀង Celine Dion ជាម្ចាស់ផ្ទះវីឡាជា ច្រើនកន្លែងដូចជាវីឡាប្រណីតនៅទីក្រុងប៉ារីស ប្រទេសបារាំង និងសួនទឹកនៅរដ្ឋផ្លរីដា ក្នុងសហរដ្ឋអាមេរិក ក៏ដូចជាផ្ទះនៅ Québec ក្នុងប្រទេសកាណាដា ៕

ប្រែសម្រួល៖នាងតូច

ចុចអាន៖ កូនស្រីរបស់ Johnny Depp ឆ្លើយតបនឹងឈុតអាក្រាតកាយជាបន្តបន្ទាប់ក្នុងរឿង “The Idol”

The post តារាចម្រៀងជើងចាស់ Celine Dion លក់ផ្ទះតម្លៃ ៣០ លានដុល្លារ appeared first on Kampuchea Thmey Daily.