តារាចម្រៀងជើងចាស់ Celine Dion លក់ផ្ទះតម្លៃ ៣០ លានដុល្លារ

យោងទៅតាមគេហទំព័រ Yahoo បានចុះផ្សាយឲ្យដឹងថាតារាចម្រៀង Celine Dion បានដាក់លក់ផ្ទះវីឡានៅតំបន់ Summerlin ក្នុងរដ្ឋ Las Vegas សហរដ្ឋអាមេរិក ក្នុងតម្លៃ ៣០ លានដុល្លារទៅឱ្យលោក Chuck Esserman ដែលជានាយកប្រតិបត្តិនៃក្រុមហ៊ុន TSG Consumer ។

ម្ចាស់បទ “My Heart Will Go On” រូបនេះបានចំណាយប្រាក់ ៩.២ លានដុល្លារដើម្បីធ្វើជាម្ចាស់ផ្ទះ នេះក្នុងឆ្នាំ ២០១៧ បន្ទាប់មកបានចំណាយពេលជាច្រើនឆ្នាំក្នុងការជួសជុល និងប្រាក់ជាច្រើនទៅលើផ្នែគ្រឿងសម្ភារៈសង្ហារឹម មុនពេលដាក់លក់វាកាលពីខែមុន ដែលទីតាំងនៃវីឡាទំនើបនេះស្ថិត នៅក្នុងតំបន់ឯកជនដែលមានទីលានវាយកូនហ្គោលរបស់ The Summit Club ។

យោងតាមទិន្នន័យពី Clark County records បានបញ្ជាក់ថាផ្ទះវីឡានេះស្ថិតនៅលើផ្ទៃដីជាង ៩,០០ ០ ម៉ែត្រការ៉េ ដែលមានកម្ពស់ពីរជាន់ និងបន្ទប់ក្រោមដីមួយ។ ផ្ទះនេះមានបន្ទប់គេង ៤ និងបន្ទប់ទឹក ១២ និងចំណតឡាន ក៏ដូចជារបស់ផ្សេងទៀតរួមមានអាងហែលទឹក ឬស្ប៉ាដែលមានទីលានវាយ កូនហ្គោលរបស់ The Summit Club ដែលរចនាដោយស្ថាបត្យករដ៏ល្បីល្បាញ Tom Fazio ។

ដោយឡែកគេហទំព័រ Yahoo ក៏បានបញ្ជាក់ទៀតថាតារាចម្រៀង Celine Dion ជាម្ចាស់ផ្ទះវីឡាជា ច្រើនកន្លែងដូចជាវីឡាប្រណីតនៅទីក្រុងប៉ារីស ប្រទេសបារាំង និងសួនទឹកនៅរដ្ឋផ្លរីដា ក្នុងសហរដ្ឋអាមេរិក ក៏ដូចជាផ្ទះនៅ Québec ក្នុងប្រទេសកាណាដា ៕

ប្រែសម្រួល៖នាងតូច

ចុចអាន៖ កូនស្រីរបស់ Johnny Depp ឆ្លើយតបនឹងឈុតអាក្រាតកាយជាបន្តបន្ទាប់ក្នុងរឿង “The Idol”