គ្រូបង្វឹកសញ្ជាតិ អង់គ្លេស វ័យ ៤១ ឆ្នាំ ទទួលបានឱកាសដឹកនាំ Chelsea ត្រឹមតែរយៈពេល ៣ ខែប៉ុណ្ណោះ ក៏ត្រូវបានក្លិបបញ្ចប់តំណែង ក្រោយលោកដឹកនាំក្រុមមិនទទួលបានលទ្ធផលល្អទាល់តែសោះ។ ការដឹកនាំរបស់លោកសរុបចំនួន ២៣ ប្រកួត ក្នុងនោះឈ្នះ ១១ ប្រកួត ស្មើ ២ និងចាញ់ ១០ ប្រកួត។

អ្វីដែលកាន់តែអាក្រក់បំផុតនោះ គឺការប្រកួត ៧ ប្រកួតចុងក្រោយក្នុងក្របខណ្ឌ Premier League និង Champions League បានបរាជ័យទាំងអស់ ដែលធ្វើឱ្យក្រុមតោខៀវជ្រុះចេញពីពាន UCL ត្រឹមវគ្គ ៨ ក្រុមចុងក្រោយ និងនៅលីគកំពូល អង់គ្លេស បានធ្លាក់ដល់លេខ ៨ ។

យោងតាមសារព័ត៌មាន The Mirror បានឱ្យដឹងថា Chelsea បានចំណាយប្រាក់យ៉ាងច្រើន រហូតដល់ទៅ ៣២.៤ លានដុល្លារអាមេរិក ដើម្បីផ្តល់ជាសំណង ក្នុងការបញ្ចប់តំណែងរបស់លោក Rosenior ដែលនៅសល់កិច្ចសន្យាដល់ ៦ រដូវកាលទៀត។

ស្ថិតិនេះ បានធ្វើឱ្យលោក Rosenior ជាប់ឈ្មោះជាគ្រូបង្វឹកស្ថិតនៅលំដាប់លេខ ២ ដែលត្រូវបានក្លិបផ្តល់សំណង ដើម្បីបញ្ចប់ថ្លៃបំផុតក្នុងប្រវត្តិសាស្ត្រ បន្ទាប់ពីលោក Antonio Conte។

គ្រូបង្វឹកស្ថិតនៅលំដាប់កំពូលទាំង ៣ គឺសុទ្ធតែមកពី Chelsea ទាំងអស់ ក្នុងនោះលោក Conte ស្ថិតនៅលេខ ១ ត្រូវបានក្លិបចាយលុយចំនួន ៣៥.១ លានដុល្លារអាមេរិក ដើម្បីបញ្ចប់តំណែងកាលពីឆ្នាំ ២០១៨។ ចំណែកលោក Jose Mourinho ឈរនៅលេខ ៣ ត្រូវបាន Chelsea បញ្ចប់តំណែងកាលពីឆ្នាំ ២០០៧ ដោយចាយលុយសរុបចំនួន ៣១ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ The Mirror

The post Chelsea ចាយលុយបណ្តេញលោក Rosenior ​ពីតំណែងក្នុងកំណត់ត្រាថ្លៃបំផុតទី ២ ក្នុងលោក appeared first on Kampuchea Thmey Daily.

យោងតាម BBC បានឱ្យដឹង ថា ក្លិប Chelsea ត្រូវបាន Premier League ដាក់ពិន័យជាទឹកប្រាក់ចំនួន ១៤.៣ លានដុល្លារអាមេរិក និងបម្រាមផ្ទេរកីឡាករសម្រាប់ក្រុមធំ ១ ឆ្នាំ និងក្រុមយុវជនរយៈពេល ៩ ខែ បន្ទាប់ពីក្លិបបានទទួលស្គាល់ថា បានលាក់បាំង ពីការទូទាត់ប្រាក់ប្រហែល ៦២.៥ លានដុល្លារអាមេរិក ពាក់ព័ន្ធនឹងការផ្ទេរកីឡាករ ក្នុងអំឡុងឆ្នាំ ២០១១ ដល់ ២០១៨។

ការស៊ើបអង្កេតបានរកឃើញថា មានការទូទាត់ប្រាក់ពីភាគីទីបីដែលពាក់ព័ន្ធនឹងក្លិប ទៅឲ្យកីឡាករ ភ្នាក់ងារ ដែលមិនបានចុះបញ្ជីត្រឹមត្រូវ ដើម្បីជួយក្នុងការផ្ទេរកីឡាករ។ ករណីទាំងនេះកើតឡើងក្នុងអំឡុងពេលក្លិបស្ថិតក្រោមការគ្រប់គ្រងរបស់អតីតម្ចាស់ក្លិបជនជាតិ រុស្ស៊ី លោក Roman Abramovich ដែលបានពាក់ព័ន្ធជាមួយការផ្ទេរកីឡាករល្បីៗជាច្រើនដូចជា Eden Hazard, Samuel Eto’o, Willian, David Luiz, និង Nemanja Matić។ ទោះយ៉ាងណា មិនមានភស្តុតាងថា កីឡាករទាំងនេះពាក់ព័ន្ធនឹងការធ្វើខុសឡើយ។

ដំបូងឡើយ Premier League បានពិចារណាដាក់ទណ្ឌកម្មធ្ងន់ៗ ដូចជា ការកាត់ពិន្ទុ ឬ បម្រាមផ្ទេរកីឡាករភ្លាមៗ ប៉ុន្តែ Chelsea ត្រូវបានជៀសវាងទណ្ឌកម្មទាំងនេះ ដោយសារក្លិបបានរាយការណ៍ដោយផ្ទាល់អំពីបញ្ហាខ្លួនឯង និងបានសហការជាមួយអ្នកស៊ើបអង្កេត បន្ទាប់ពីក្លិបត្រូវបានទិញដោយក្រុមអ្នកវិនិយោគថ្មី ដែលដឹកនាំដោយលោក Todd Boehly នៅឆ្នាំ ២០២២។

បន្ទាប់ពីការពិន័យនេះ គ្រូបង្វឹកបច្ចុប្បន្នលោក Liam Rosenior បាននិយាយថា បញ្ហានេះគួរត្រូវបានបញ្ចប់ ហើយក្លិបនឹងផ្តោតលើការកសាងក្លិបឲ្យរឹងមាំសម្រាប់ពេលអនាគត៕

ប្រែសម្រួល៖ សេម កុសល
ប្រភព៖ One Football

The post Chelsea ត្រូវលីគអង់គ្លេស ពិន័យធ្ងន់ធ្ងរជា​​លុយ​ជាង ១៤ លានដុល្លារ​ និងបិទផ្ទេរកីឡាករ១​ឆ្នាំ appeared first on Kampuchea Thmey Daily.

ក្លិប Chelsea បានប្រកាសបញ្ចប់តំណែងលោក Enzo Maresca ជាផ្លូវការ បន្ទាប់គ្រូបង្វឹករូបនេះដឹកនាំក្រុមមានមូលដ្ឋាននៅទីក្រុង ឡុងដ៍ បានរយៈពេល ១៨ ខែ។ ការមកដល់របស់លោក Maresca នៅរដូវកាលដំបូង គឺពិតជាជោគជ័យមែនទែន ដោយលោកបានជួយឱ្យ Chelsea ទទួលបានកៅអីលេងពាន Champions League, ឈ្នះពាន UEFA Conference League និង FIFA Club World Cup។

ទោះបីជាយ៉ាងណា នៅរដូវកាល ២០២៥-២០២៦ លោកដឹកនាំ Chelsea ក្នុងពាន Premier League មិនសូវបានល្អនោះទេ ដោយនៅខែ ធ្នូ កន្លងទៅ​នេះ ក្រុម Chelsea ទើបតែឈ្នះមួយប្រកួតគត់។ បច្ចុប្បន្ន ក្រុម​កំពុងឃ្លាតឆ្ងាយពីឱកាសប្រជែងពានលីគ ក្រោយពួកគេធ្លាក់មកឈរលេខរៀងទី ៥ និងកំពុងតាមពីក្រោយក្រុមកំពូលតារាង Arsenal ដល់ទៅ ១៥ ពិន្ទុ។ ជាមួយគ្នានេះ ការបែកបាក់ទំនាក់ទំនងផ្ទៃក្នុងរវាងលោក Maresca និងថ្នាក់លើក្លិប Chelsea ក៏ត្រូវបានគេដឹង ថា ជាហេតុផលធំ ដែលធ្វើឱ្យលោក និងក្លិបឈានដល់ផ្លូវបំបែកផងដែរ។

យោងតាមអ្នកកាសែត អ៉ីតាលី លោក Fabrizio Romano បានឱ្យដឹងថា Chelsea ពេលនេះបានរកឃើញបេក្ខភាពថ្មី ដើម្បីជំនួសតំណែងលោក Maresca ហើយ នោះគឺគ្រូបង្វឹករបស់ក្រុម RC Strasbourg Alsace លោក Liam Rosenior។

ប្រភពដដែលបានឱ្យដឹងថា លោក Liam Rosenior កំពុងឈរនៅលើគេក្នុងជម្រើសរបស់ក្លិប ដើម្បីក្លាយជា អ្នកចាត់ការថ្មីរបស់ Chelsea។ ការពិភាក្សាដំបូងបានកើតឡើងនៅក្នុងក្លិបរួចហើយ ដោយលោក Rosenior ត្រូវបានមើលឃើញថា ជាបេក្ខជនសំខាន់បំផុត ក្នុងការចូលមកជំនួស Enzo Maresca ក្នុងតួនាទីគ្រូជាបង្វឹក។ ទោះបីជាលោក Rosenior កំពុងជាប់កិច្ចសន្យារបស់ក្លិប RC Strasbourg ក៏ដោយ ក៏ភាគរយដែលលោកអាចមក Chelsea ស្ថិតក្នុងកម្រិតខ្ពស់ផងដែរ ព្រោះក្លិបទាំង ២ មានម្ចាស់ក្លិបតែមួយ៕

ប្រែសម្រួល៖ សេម កុសល
ប្រភព៖ Fabrizio Romano

The post Chelsea រកឃើញបេក្ខភាពគ្រូបង្វឹកថ្មីភ្លាមៗ ក្រោយបណ្តេញលោក Maresca ពីតំណែង appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា Chelsea កំពុងកៀកក្នុងការចុះកិច្ចសន្យាយកបានខ្សែប្រយុទ្ធស្លាបសញ្ជាតិ អាហ្សង់ទីន Garnacho នៅរដូវក្តៅនេះជាផ្លូវការ។

ប្រភពដដែលបានបន្ថែមថា ភាគីក្លិបទាំង ២ បានព្រមគ្នាចំពោះការផ្ទេរនេះក្នុងតម្លៃ ៥៤ លានដុល្លារអាមេរិក។ ដោយ​ឡែក​ខាងភាគីកីឡាករវិញ ក៏ពេញចិត្តសម្រាប់ការផ្ទេរមួយនេះផងដែរ ដោយកន្លងមក ខ្សែប្រយុទ្ធស្លាបវ័យ ២១ ឆ្នាំ មានឆន្ទៈចង់ចូលរួមជាមួយក្រុម ដែលមានមូលដ្ឋាននៅទីក្រុងឡុងដ៍តែមួយគត់។

គួរឱ្យដឹងថា Garnacho ជាកីឡាករម្នាក់ ដែលត្រូវបានបណ្តុះដោយក្រុមថ្នាលរបស់ Man United តែម្តង។ រូប​គេ​ត្រូវបានគេចាត់ទុកជាកីឡាករ ដែលមានទេពកោសល្យម្នាក់របស់ក្រុមបិសាចក្រហម ប៉ុន្តែដោយសារបញ្ហារកាំរកូសមិនចុះសម្រុងជាមួយគ្រូបង្វឹកលោក Ruben Amorim នាមួយរយៈចុងក្រោយនេះ បូកផ្សំក្លិបកំពុងមានបញ្ហាហិរញ្ញវត្ថុផងនោះ ក៏បានធ្វើរូបគេស្ថិតក្នុងបញ្ជីលក់ចេញរបស់ក្លិបនៅរដូវក្តៅនេះ៕

ប្រែសម្រួល៖ សេម កុសល
ប្រភព៖ Fabrizio Romano

The post ខ្សែប្រយុទ្ធ Man United ម្នាក់ ជិតសម្រេចកិច្ចព្រមព្រៀងផ្លាស់ទៅ Chelsea ជាផ្លូវការ appeared first on Kampuchea Thmey Daily.

គិតត្រឹមថ្ងៃទី ៣០ ខែ កក្កដា ឆ្នាំ ២០២៥ ក្លិបហង្សក្រហម Liverpool បានឈរនៅលើគេ ជាក្លិបដែលចាយលុយច្រើនបំផុត ក្នុងការទិញចូលកីឡាករថ្មី​ចូល។ បន្ទាប់មក Chelsea ឈរលេខ ២, Arsenal ឈរលេខ ៣, Manchester United ឈរលេខ ៤ និង Manchester City ឈរនៅលេខ ៥។

ខាងក្រោម គឺជាទិន្នន័យលំអិត​ ដែលដកស្រង់ចេញពី Transfer Market អំពីក្លិបទាំង ៥ ក្នុងក្របខណ្ឌ Premier League បាន​ចំណាយ​ច្រើនជាងគេបំផុត ក្នុងការទិញកីឡាករថ្មីនៅរដូវក្តៅនេះ៖

• Liverpool ចាយលុយសរុបអស់ ចំនួន ៣៥៨.៩ លានដុល្លារអាមេរិក
• Chelsea ចាយលុយសរុបអស់ ចំនួន ២៨២.៨៧ លានដុល្លារអាមេរិក
• Arsenal ចាយលុយសរុបអស់ ចំនួន ២៥៨.៨៥ លានដុល្លារអាមេរិក
• Man United ចាយលុយសរុបអស់ ចំនួន ១៧៦.១ លានដុល្លារអាមេរិក
• Manchester City ចាយលុយសរុបអស់ ចំនួន ១៦៨ លានដុល្លារអាមេរិក៕

អត្ថបទ៖ សេម កុសល
ប្រភព៖ Transfer Market

The post ក្លិប ៥ ប្រចាំ លីគ​កំពូល​អង់គ្លេស ចាយលុយ​ច្រើនបំផុត​​ត្រៀម​ខ្លួន​រដូវកាលនេះ appeared first on Kampuchea Thmey Daily.

ការប្រកួតពាន Club World Cup បានបញ្ចប់ជាស្ថាពរហើយ ក្នុងនោះក្រុម Chelsea ជាអ្នកក្លាយជាម្ចាស់ជើងឯក បន្ទាប់ពីយកឈ្នះលើក្រុម Paris Saint-Germain នៅវគ្គផ្តាច់ព្រ័ត្រក្នុងលទ្ធផលយ៉ាងភ្ញាក់ផ្អើល ៣-០ កាលពីយប់រំលងអាធ្រាត្រថ្ងៃ អាទិត្យ ឈានចូលថ្ងៃ ចន្ទ ទី ១៤ ខែ កក្កដា ឆ្នាំ ២០២៥។

តាមរយៈកំណែទម្រង់ថ្មីនៃពាន Club World Cup ឆ្នាំ ២០២៥ នេះ បានធ្វើឱ្យ Chelsea ទទួលបាននូវប្រាក់រង្វាន់យ៉ាងច្រើនពីការឈ្នះជើងឯកពាននេះ។ យោងតាមការចុះផ្សាយដោយ as ដែលដកស្រង់បន្តចេញពី Sportico បានឱ្យដឹងថា ក្រុមរបស់គ្រូបង្វឹកលោក Enzo Maresca គឺទទួលបានប្រាក់រង្វាន់រហូតដល់ ១១៦ លានដុល្លារអាមេរិក។

ប្រាក់រង្វាន់នេះ ត្រូវបានគេគិតតាំងពីការប្រកួតវគ្គក្នុងពូល រហូតដល់ពេលក្លាយជាជើងឯក។ ក្នុងនោះរាប់ការប្រកួតតាំងពីវគ្គក្នុងពូល ដល់វគ្គពាក់កណ្តាលផ្តាច់ព្រ័ត្រ គឺ Chelsea ទទួលបាន ៧៦ លានដុល្លារអាមេរិក។ ចំណែកការក្លាយជាជើងឯកពាន Club World Cup នេះ គឺពួកគេទទួលបានប្រាក់រង្វាន់ចំនួន ៤០ លានដុល្លារអាមេរិក។ ដូច្នេះសរុបប្រាក់រង្វាន់ចុងក្រោយ គឺពួកគេទទួលបាន ១១៦ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ as

The post ញាក់សាច់! Chelsea ឈ្នះពាន Club World Cup ក្រសោបបានប្រាក់រង្វាន់យ៉ាងច្រើន appeared first on Kampuchea Thmey Daily.

ក្រុមតោខៀវ Chelsea ដែលស្ថិតក្រោមការដឹកនាំរបស់លោក Enzo Maresca បានក្លាយជាម្ចាស់ពាន Conference League ជាផ្លូវការហើយ ក្រោយយកឈ្នះលើក្រុម Real Betis ក្នុងវគ្គផ្តាច់ព្រ័ត្រកាលពីយប់មិញ ដោយលទ្ធផល ៤ ទល់នឹង ១។

ក្នុងនោះក្រុម Real Betis ជាអ្នករកបានគ្រាប់បាល់នាំមុខមុន ដែលស៊ុតបញ្ចូលទីដោយកីឡាករ Abde Ezzalzouli នៅនាទីទី ៩។ លុះឈានចូលវគ្គទី ២ Chelsea បានរកគ្រាប់បាល់វាយបក ៤ គ្រាប់មកវិញ ដែលស៊ុតបញ្ចូលទីដោយកីឡាករ Enzo Fernandez នៅនាទីទី ៦៥, Nicolas Jackson នៅនាទីទី ៧០, Jadon Sancho នៅនាទីទី ៨៣ និងគ្រាប់ចុងក្រោយរកបានដោយកីឡាករ Moises Caicedo នៅនាទីទី ៩០+១។

ជុំវិញការឈ្នះពាន Conference League នេះ បានធ្វើឱ្យ Chelsea ក្លាយជាក្រុមដំបូងគេក្នុងប្រវត្តិសាស្ត្រ ដែលអាចឈ្នះពាន អឺរ៉ុប បានគ្រប់ទាំង ៣ តែម្តង ពោលគឺពាន Champions League, Europa League និង Conference League។

គួរបញ្ជាក់ថា Chelsea ធ្លាប់ឈ្នះពាន Champions League បានចំនួន ២ ដង, ពាន Europa League បាន ២ ដង និងពាន Conference League បាន ១ ដង៕

អត្ថបទ៖ សេម កុសល

The post ឈ្នះពាន UECLយប់មិញ Chelsea បានបំបែកកំណត់ត្រាធំមួយ ដែលគ្មានក្លិបណាធ្លាប់ធ្វើបាន appeared first on Kampuchea Thmey Daily.

Sancho ត្រូវបាន Manchester United ចុះកុងត្រាយកបានពីក្រុម Borussia Dortmund កាលពីរដូវកាលក្តៅឆ្នាំ ២០២១។ ក្រោយលេងនៅទីនោះបានរយៈពេល ២ រដូវកាល ខ្សែប្រយុទ្ធសញ្ជាតិ អង់គ្លេស វ័យ ២៥ ឆ្នាំ ហាក់មានការធ្លាក់ចុះសមត្ថភាពខ្លាំង ហើយមិនត្រឹមតែប៉ុណ្ណោះរូបគេក៏មានភាពរកាំរកូសជាមួយគ្រូបង្វឹកផងដែរ នៅ​ពេលនោះស្ថិតក្រោមការដឹកនាំរបស់លោក Erik ten Hag។

យ៉ាងណាមិញ នៅខែ មករា ឆ្នាំ ២០២៤ រូបគេក៏ត្រូវបាន Man United ដាក់ឱ្យ Borussia Dortmund ខ្ចីជើងកន្លះរដូវកាល ហើយបន្ទាប់មកទៀត បន្តដាក់ឱ្យ Chelsea ខ្ចីជើងវិញម្តង ក្នុងកិច្ចសន្យារយៈពេល ១ រដូវកាល អមជាមួយជម្រើសទិញផ្តាច់តម្លៃ ៣២ លានដុល្លារអាមេរិក។

ថ្មីៗនេះអ្នកកាសែតលោក David Ornstein បានឱ្យដឹងថា Chelsea ហាក់ចង់ដកខ្លួនពីការចុះកុងត្រាយក Sancho ជាអចិន្ត្រៃយ៍ ប៉ុន្តែពួកគេអាចនឹងពិចារណានាំយកខ្សែប្រយុទ្ធសញ្ជាតិ អង់គ្លេស រូបនេះ ដោយព្រមបង់ថ្លៃផ្ទេរទៅ Man United ត្រឹមតែ ៦ លានដុល្លារអាមេរិកប៉ុណ្ណោះ។

ខណៈអនាគតរបស់ Sancho កំពុងមិនច្បាស់លាស់បែបនេះ សារព័ត៌មាន GiveMeSport បានអះអាងថា ក្លិប Bayer Leverkusen និង Borussia Dortmund កំពុងតែតាមដានយ៉ាងយកចិត្តទុកដាក់លើស្ថានភាពរបស់អតីតថ្នាលយុវជនក្រុម Manchester City ហើយពួកគេអាចនឹងដាក់សំណើផ្ទេរនៅទីផ្សារដោះដូរកីឡាកររដូវក្តៅនេះតែម្តង៕

ប្រែសម្រួលអត្ថបទ៖ សេម កុសល
ប្រភព៖ Sportbible

The post ក្លិប​ធំ​២​​កំពុងឃ្លាំមើល Sancho ខណៈអនាគតគេស្រពិចស្រពិល appeared first on Kampuchea Thmey Daily.