មេបញ្ជាការកងទ័ពដ៏មានអំណាចរបស់ប្រទេសប៉ាគីស្ថាន ក៏បានមកដល់ទីក្រុងតេហេរ៉ង់នៅថ្ងៃទី ២២​ខែឧសភា ដើម្បីជំរុញ​ការសម្របសម្រួល ហើយប្រធានាធិបតីអាមេរិក ដូណាល់ ត្រាំ បានផ្លាស់ប្តូរផែនការរបស់គាត់ភ្លាមៗដើម្បី​បោះបង់​ពិធីមង្គលការកូនប្រុសរបស់គាត់ ដើម្បីស្នាក់នៅក្នុងទីក្រុងវ៉ាស៊ីនតោន ដោយសារតែ «កាលៈទេសៈទាក់ទងនឹងរដ្ឋាភិបាល» ដែលជំរុញឱ្យមានការរំពឹងទុកថា ស្ថានភាពបានចូលដល់ដំណាក់កាលដ៏រសើបមួយ។

លោក ត្រាំ បានពិពណ៌នាអំពីការចរចាស្ថិតក្នុងស្ថានភាព ឈប់-ចាប់ផ្តើម (stop-start) នៅសប្តាហ៍នេះថា ជាការរង្គោះរង្គើនៅលើ «ព្រំដែន» រវាងការវាយប្រហារឡើងវិញ និងកិច្ចព្រមព្រៀងដើម្បីបញ្ចប់សង្គ្រាម ដែលបានចាប់ផ្តើមជាមួយនឹងការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់នៅថ្ងៃទី ២៨ ខែកុម្ភៈ និងនាំឱ្យមានការបិទផ្លូវ​តថ្លៃ​គ្នា​ ជុំវិញច្រកសមុទ្រយុទ្ធសាស្ត្រ Hormuz ដែលបានធ្វើឱ្យសេដ្ឋកិច្ចពិភពលោករង្គោះរង្គើ។

ការចរចាជាច្រើនសប្តាហ៍ចាប់តាំងពីបទឈប់បាញ់នៅថ្ងៃទី៨ ខែមេសា ដោយ​​រួមទាំងការចរចាផ្ទាល់មុខជាប្រវត្តិសាស្ត្រដែលរៀបចំដោយទីក្រុងអ៊ីស្លាម៉ាបាដ ក្រោយ​បទ​ឈប់បាញ់​តែប៉ុន្មានថ្ងៃ​ ក៏ប៉ុន្តែ​ រហូតមក​ដល់​ពេលនេះ នៅតែមិនទាន់បានបង្កើតដំណោះស្រាយអចិន្ត្រៃយ៍ ឬស្តារការចូលទៅកាន់ច្រកសមុទ្រឡើងវិញទាំងស្រុងនោះទេ ដែលបណ្តាលឱ្យការផ្គត់ផ្គង់ប្រេងសកលមានចំនួនច្រើន។

រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយនៅក្នុងការហៅទូរស័ព្ទជាមួយអគ្គលេខាធិការអង្គការសហប្រជាជាតិ លោក Antonio Guterres ថា ទីក្រុងតេអេរ៉ង់ បានចូលរួមក្នុងដំណើរការការទូតទោះបីជាមានការក្បត់ម្តងហើយម្តងទៀតនៃការទូត និងការឈ្លានពានយោធាប្រឆាំងនឹងអ៊ីរ៉ង់ រួមជាមួយនឹងជំហរផ្ទុយគ្នា និងការទាមទារហួសហេតុម្តងហើយម្តងទៀតដោយសហរដ្ឋអាមេរិកក៏ដោយ នេះបើយោងតាមក្រសួង។

យោងតាមប្រព័ន្ធផ្សព្វផ្សាយអាមេរិក Axios និង CBS News ដោយដកស្រង់ប្រភពមិនបញ្ចេញឈ្មោះ បានរាយការណ៍ថា សេតវិមានកំពុងពិចារណាវាយប្រហារលើអ៊ីរ៉ង់ ទោះបីជាយ៉ាងណា ប្រព័ន្ធ​ផ្សព្វផ្សាយ​ទាំងពីរបានបន្ថែមថា ការសម្រេចចិត្តចុងក្រោយមិនទាន់ត្រូវបានធ្វើឡើងនៅឡើយទេ។

ប្រភព​ផ្តល់​ព័ត៌មាន​នោះ ត្រូវ​ស្រង់សម្តី​ដូច​បាននិយាយថា៖ «យើងកំពុងដោះស្រាយជាមួយក្រុមមនុស្សដែលពិបាកខ្លាំងណាស់។ ហើយប្រសិនបើវាមិនផ្លាស់ប្តូរទេ នោះប្រធានាធិបតីច្បាស់ណាស់ថាគាត់មានជម្រើសផ្សេងទៀត»។

មេបញ្ជាការកងទ័ពប៉ាគីស្ថាន លោក Asim Munir បានទៅ​ដល់​ទីក្រុងតេហេរ៉ង់នៅថ្ងៃទី ២២ ខែឧសភា ជាកន្លែងដែលលោកបានជួបលោក Araghchi នៅពេលយប់ជ្រៅ ដើម្បីពិភាក្សាអំពី «កិច្ចខិតខំប្រឹងប្រែង និងគំនិតផ្តួចផ្តើមការទូតចុងក្រោយបំផុត ដែលមានគោលបំណងទប់ស្កាត់ការកើនឡើងបន្ថែមទៀត» នេះបើយោងតាមទីភ្នាក់ងារសារព័ត៌មានផ្លូវការ IRNA​៕​

ប្រែសម្រួល រើយ​

The post ​អ៊ីរ៉ង់ ថា អាមេរិក​ទាមទារ​ជ្រុលហួសហេតុ ខណៈលោក ត្រាំ ទំនង​​វាយប្រហារអ៊ីរ៉ង់​ជាថ្មី​​​ appeared first on Kampuchea Thmey Daily.

ទីភ្នាក់ងារសារព័ត៌មានសកម្មជនសិទ្ធិមនុស្ស (Hrana) ដែលមានមូលដ្ឋាននៅសហរដ្ឋអាមេរិកបានរាយការណ៍ពីចំនួនអ្នកស្លាប់ដោយសារជនស៊ីវិលអ៊ីរ៉ង់ចំនួន ១៧០១ នាក់គិតត្រឹមថ្ងៃទី ៧ ខែមេសា ដែលជាថ្ងៃដែលប្រធានាធិបតីអាមេរិក ដូណាល់ ត្រាំ បានប្រកាសបទឈប់បាញ់រយៈពេលពីរសប្តាហ៍ជាមួយអ៊ីរ៉ង់។

សម្រាប់​ការ​វាយ​ប្រហារ​នៅ​ប្រទេសលីបង់វិញ ​IDF ក៏និយាយផងដែរថាខ្លួនទទួលខុសត្រូវចំពោះការវាយប្រហារដោយកាំភ្លើងធំជាង ១៤៩០០ ដង និងការវាយប្រហារតាមអាកាសចំនួន ២៥០០ ដងនៅក្នុងប្រទេសលីបង់ ហើយនិយាយថាវាបានវាយប្រហារអគារខ្ពស់​ៗ​មាន​ច្រើន​ជាន់ប្រហែល ១៦៥ អគារ​​។ យោង​ការ​ផ្សាយ​របស់​ BBC។

អាជ្ញាធរសុខាភិបាលលីបង់និយាយថាមនុស្ស ២១០០ នាក់ត្រូវបានសម្លាប់ក្នុងរយៈពេលប្រាំមួយសប្តាហ៍នៃជម្លោះនៅក្នុងប្រទេសលីបង់ ហើយមនុស្សជាងមួយលាននាក់ ឬប្រហែលមួយក្នុងចំណោមប្រាំនាក់នៃប្រជាជនត្រូវបានផ្លាស់ទីលំនៅ។

​ក្រោម​សម្ពាធ​​អន្តរជាតិ​ដ៏ខ្លាំង​លើ​ប្រទេស​​អ៊ីស្រាអែល​ដែល​បើក​ការ​វាយប្រហារ​ដ៏សាហាវ​ ប្រធានាធិបតី​សហរដ្ឋអាមេរិក លោក ដូណាល់ ត្រាំ ដែល​ជាសម្ព័ន្ធ​មិត្ត​របស់នាយករដ្ឋមន្ត្រី​​អ៊ីសា្រអែល លោក បេចាមីន ណេតាន់ញ៉ាហ៊ូ បាន​ចេញមុខ​សម្របសម្រួល​​​​ឲ្យ​មានបទ​ឈប់បាញ់​រយៈពេល១០ថ្ងៃ​រវាងអ៊ីស្រាអែល​និង​លីបង់​ ដែល​អាច​ឈាន​ទៅ​បន្ធួរបន្ថយ​ភាព​ជាប់គាំង​​រវាង​​សហរដ្ឋអាមេរិក​និង​អ៊ីរ៉ង់​ផងដែរ​៕

​រ៉ាន់ រើយ

The post ​អ៊ីស្រាអែល​​វាយប្រហារ​អ៊ីរ៉ង់​​ជិត​​១១០០០​​​និង​១៧៤០០ដង​​​នៅ​លីបង់​​​​ appeared first on Kampuchea Thmey Daily.

លោក Alfaro និង​ក្រុម​របស់​ការងារ​លោក នឹង​ធ្វើការ​រួមគ្នា​ជាមួយ​លោក សិរី មុនី ស្ថាបនិក BC News ដែល​មាន​ទំនាក់ទំនង​យ៉ាង​ជិតស្និទ្ធ​ជាមួយ សម្តេច​បណ្ឌិត យ៉ន សេងយៀត ជា​ព្រះសង្ឃ​មាន​ឥទ្ធិពល​នៅ​ក្នុង​ប្រទេស និង​បាន​ប្រកាស​តែងតាំង​ប្រធានាធិបតី​សហរដ្ឋអាមេរិក​លោក Trump សម្រាប់​រង្វាន់​ណូបែល​សន្តិភាព​កាលពី​ឆ្នាំមុន។

ការ​ត្រឡប់​មក​ខ្មែរ​ជា​លើក​ទី ៣ នេះ បាន​​ក្លាយជា​ព្រឹត្តិការណ៍​ដ៏​សំខាន់​មួយ​សម្រាប់​ភាព​ជា​ដៃគូ​ដ៏​គួរ​ឱ្យ​រំភើប​រវាង​ប្រព័ន្ធ​ផ្សព្វផ្សាយ​ចក្រភព​អង់គ្លេស សហរដ្ឋអាមេរិក និង​កម្ពុជា ដោយ​នាំ​យក​អ្នក​ជំនាញ​ផ្នែក​ព័ត៌មាន​មកពី​គ្រប់​ប្រទេស​ដោយ​សហការ​ជាមួយគ្នា​ទៅវិញទៅមក។

ដើម្បី​ចាប់ផ្ដើម​ភាព​ជា​ដៃគូ លោក Alfaro គណៈប្រតិភូ​អាមេរិក រួម​ជាមួយ​នឹង លោក​បណ្ឌិត អ៊ាង សុផល្លែត រដ្ឋមន្ត្រី​ក្រសួងបរិស្ថាន និង​ព្រះសង្ឃ​ដ៏​លេចធ្លោ​របស់​កម្ពុជា នឹង​ដាំ​ដើមឈើ​សន្តិភាព​នៅ​លើ​ភ្នំ​ខ្នង​ផ្សារ។ ការ​ដាំ​ដើមឈើ​នេះ ត្រូវ​បាន​គេ​រំពឹង​ថា ជា​ព្រឹត្តិការណ៍​ដ៏​សំខាន់​មួយ​សម្រាប់​កម្ពុជា ដែល​មាន​ការ​ចូលរួម​ពី​មន្ត្រី​ជាន់​ខ្ពស់​រដ្ឋាភិបាល​កម្ពុជា ហើយ​នឹង​ប្រព្រឹត្ត​ទៅ​នៅ​ចុងខែ​មករា និង​ដើម​ខែ​កុម្ភៈ នៅ​ស្រប​ពេល​ភាព​ដែល​ NewsX និង BC News ចាប់ផ្ដើម​ជា​ធរមាន។

លោក Alfaro បាន​ក្លាយ​ជា​ប្រធានបទ​សំខាន់​មួយ​ដែល​ត្រូវ​ប្រព័ន្ធ​ផ្សព្វផ្សាយ​ទូទាំង​ពិភពលោក​បាន​ផ្សាយ​ពី​លោក​កាលពី​ខែ​កក្កដា ឆ្នាំមុន នៅ​ពេល​ដែល​លោក​ក្លាយ​ជា​អ្នកកាសែត​អន្តរជាតិ​ដំបូង​គេ​ដែល​ចុះទៅ​ផ្សាយ​ផ្ទាល់​ពី​ព្រំដែន​កម្ពុជា​នៅ​ភូមិ​ជោគជ័យ នៅ​ខេត្ត​បន្ទាយមានជ័យ។ ការ​ផ្សាយ​បន្ត​ផ្ទាល់​នោះ មាន​អ្នក​ចូល​មើល​ជាង ៩ លាន​ដង ក្នុង​រយៈពេល ២៤ ម៉ោង លើ​ទំព័រ​ហ្វេស​ប៊ុក​របស់​លោក។ ចាប់​តាំងពី​ពេលនោះ​មក ការ​ផ្សាយ​របស់​លោក បាន​ជំរុញ​ឱ្យ​មាន​ការ​បោះពុម្ព​ផ្សាយ និង​ប្រព័ន្ធ​ផ្សព្វផ្សាយ​សំខាន់ៗ ជាច្រើន​រួមមាន National World , The European , DailyGoat.com និង The Epoch Times ចាប់អារម្មណ៍​ផ្សាយ​ពី​សកម្មភាព​របស់​លោក។

ការ​ត្រលប់​មកវិញ​របស់ Alfaro ត្រូវ​បាន​គេ​ទន្ទឹង​រង់ចាំ​យ៉ាង​ខ្លាំង​នៅ​ក្នុង​ប្រទេស​កម្ពុជា។ លោក ម៉ៃ​ឃ​ល ត្រូវ​បាន​ពលរដ្ឋ​កម្ពុជា ចាត់ទុកថា ជន​គំរូ​មួយ​រូប ​(Idol)​ និង​ជា​អ្នក​ឈឺឆ្អាល​ចំពោះ​ប្រជាជន​ខ្មែរ និង​ប្រទេស​កម្ពុជា។ ការ​មក​កាន់​កម្ពុជា​ជា​លើក​ទី ៣ របស់ Alfaro គឺ​ស្រប​ពេល​ជាមួយ​នឹង​ដំណើរ​ទស្សនកិច្ច​របស់​តារា​ល្បី​របស់​សហរដ្ឋអាមេរិក​ផ្សេងទៀត​មក​កាន់​ប្រទេស​កម្ពុជា រួម​ទាំង​តារា​សម្តែង Angelina Jolie និង Rev. Franklin Graham ជា​អ្នក​មាន​ឥទ្ធិពល​ខ្លាំង​ក្នុង​សាសនា​គ្រិស្ត​ផ្នែក​ប្រ៉ូ​តេស្ត​ង់។

“Wow , រីករាយ​ដែល​បាន​ឮ​ថា​អ្នក​ត្រលប់​មក​កម្ពុជា​ម្តង​ទៀត។ ខ្ញុំ​ពិត​ជា​ស្រលាញ់ ហើយ​អរគុណ​ចំពោះ​អ្វី​ដែល​អ្នក​បាន​ធ្វើ​សម្រាប់​ប្រទេស​ដ៏​ស្រស់​ស្អាត​របស់ខ្ញុំ។ សូម​ធ្វើដំណើរ​ប្រកប​ដោយ​សុវត្ថិភាព​” នេះ​ជា​ខំ​មិន​របស់ Hengly Pheng នៅលើ Facebook របស់ Alfaro។ ការ​ខំ​មិន​នេះ គឺជា​សារ​មួយ​ក្នុងចំណោម​សារ​ស្រដៀង​គ្នា​ជាង​មួយ​ពាន់​ផ្សេងទៀត។

នៅ​កម្ពុជា ព័ត៌មាន​ពុទ្ធសាសនា ​(BC News) ដែល​ជា​សារព័ត៌មាន​បោះពុម្ព​ផ្សាយ​ក្នុង​ស្រុក​ខ្មែរ ផ្តោត​លើ​កិច្ច​ការងារ​សាសនា និង​មាន​ទំនាក់ទំនង​យ៉ាង​ស៊ីជម្រៅ​ជាមួយ​ពុទ្ធសាសនា និង​សាសនា​ផ្សេង​ទៀត​នៅ​កម្ពុជា។ លោក សិរី មុនី បាន​និយាយ​ថា ការ​ចាប់​ដៃគូ​ជាមួយ NewsX និង​លោក Alfaro បាន​ក្លាយ​ជា​ផ្នែក​មួយ នៃ​យុទ្ធសាស្ត្រ​ទូ​ដ៏​មាន​សារៈសំខាន់​ក្នុង​គោលដៅ​ផ្សាយ​ព្រឹត្តិការ​នានា និង​រឿងរ៉ាវ​នានា ស្តី​អំពី​កំណើន​សេដ្ឋកិច្ច​របស់​កម្ពុជា​ទៅកាន់​អន្តរជាតិ ការ​លើក​កម្ពស់​សន្តិភាព​នៅ​ក្នុង​តំបន់ និង​ផ្សាយ​ពី​ការ​រងគ្រោះ​របស់​កម្ពុជា ដែល​ត្រូវ​ប្រទេស​ថៃ​ឡោមព័ទ្ធ បង្ក​ជា​ជម្លោះ​ដើម្បី​បង្កើត​សង្គ្រាម។

លោក Alfaro បាន​មាន​ប្រសាសន៍​ថា “​ខ្ញុំ​ចូលចិត្ត​គំនិត នៃ​ការ​ធ្វើការ​ជាមួយ​ព័ត៌មាន​ព្រះពុទ្ធសាសនា​តាំងពី​ដំបូង​មក ពីព្រោះ​ថា បេសកកម្ម គឺ​សន្តិភាព​មួយ ហើយ​ព័ត៌មាន​ពុទ្ធសាសនា​ក៏​ផ្តោត​សំខាន់​លើ​សេដ្ឋកិច្ច​ផង​ដែរ ប្រធានបទ​ពីរ​ដែល​ខ្ញុំ​បាន​ព្យាយាម​ជាប់​លាប់​ក្នុង​ការ​រាយការណ៍​របស់​ខ្ញុំ​” Alfaro បាន​និយាយ។

ជា​ការ​ពិត​ណាស់ ជម្លោះ​កម្ពុជា​-​ថៃ បាន​ចាប់ផ្តើម​នៅ​ខែ​កក្កដា ឆ្នាំ ២០២៥ ហើយ​នៅ​ចុងខែ​ធ្នូ ឆ្នាំ ២០២៥ ទើប​មាន​បទ​ឈប់​បាញ់​គ្នា​មួយ​រំពេច​នៅ​ដំណាច់​ឆ្នាំនេះ គឺជា​ជម្លោះ​ជា​សាកល​មួយ ដែល​​ទទួល​បាន​ការ​រ៉ាប់រង និង​ឈឺឆ្អាល​តិច​ពី​សំណាក់​អន្តរជាតិ នេះ​បើ​ប្រៀបធៀប​ទៅ​នឹង​ប្រទេស​ដែល​មាន​ឥទ្ធិ​ពេល​ជាង ដូចជា​ប្រទេស​អ៊ីរ៉ង់។ ហើយ​អ្វី​ជា​ចំណុច​សំខាន់​បំផុត គឺ កម្ពុជា រង​សម្ពាធ​យ៉ាង​ខ្លាំង​ពី​សង្គ្រាម​ពាណិជ្ជកម្ម​អាមេរិក​-ចិន និង​សម្រាប់​ខ្សែ​ចង្វាក់​ផ្គត់ផ្គង់​ទូទាំង​ពិភពលោក។ ព្រំដែន​រវាង​ប្រទេសជិតខាង​អាស៊ីអាគ្នេយ៍​ទាំងពីរ គឺ កម្ពុជា​-​ថៃ នៅតែ​បន្ត​បិទ បន្ទាប់ពី​មាន​ភាព​តានតឹង​អស់​រយៈពេល ៩ ខែ ខណៈ​ដែល​ផ្ទៃដី​សំខាន់ៗ នៅ​តាម​បណ្ដោយ​ព្រំដែន​ប្រទេស​កម្ពុជា ត្រូវ​បាន​កាន់កាប់​ដោយ​កងកម្លាំង​ថៃ​ដែល​អះអាង​ថា វា​ជា​កម្មសិទ្ធិ​របស់​ពួកគេ។

យោង​តាម​របាយការណ៍​ពី​មន្ត្រី​ជំនាញ អះអាង​ថា នៅ​ខេត្ត​ជាប់​ព្រំដែន​មាន​ជនភៀសខ្លួន​ជាង ៧០០,០០០ នាក់ នៅ​ក្នុង​ប្រទេស​ទាំងពីរ បាន​ជម្លៀស​រក​ទីតាំង​មាន​សុវត្ថិភាព។ ហើយ​គេ​សង្កេត​ឃើញ​ថា ពលរដ្ឋ​ជនភៀសសឹក​កម្ពុជា គឺ​រងគ្រោះ​ច្រើន​ជាងគេ​ដោយសារ​ជម្លោះ​នេះ។

ទោះបីបើ​កម្ពុជា​មាន​សង្គ្រាម​យ៉ាងណាក៏ដោយ ប៉ុន្តែ​សេដ្ឋកិច្ច​កម្ពុជា​មាន​សន្ទុះ​រីកចម្រើន​ជាង ៦% ក្នុង​មួយ​ឆ្នាំ។ ភាគច្រើន​ជា​លទ្ធផល នៃ​ការ​វិនិយោគ​ឡើងវិញ​យ៉ាង​ខ្លាំងក្លា​នៅ​ក្នុង​ឧស្សាហកម្ម ដែល​អ្នក​ជំនាញ​យល់ថា ជា​អត្ថប្រយោជន៍​មួយ​ដែល​បាន​កើត​ឡើង​ពី​ការ​កើន​ឡើង នៃ​ផលិតកម្ម​ក្នុង​ស្រុក តាមរយៈ​ការ​បិទ​ព្រំដែន​ថៃ។

តាមរយៈ​ភាព​ជា​ដៃគូ​របស់ ​NewsX-BC News ដែល​ដឹកនាំ​ដោយ​លោក​ Alfaro និង​លោក​ មុនី មាន​គោលបំណង​ផ្សាយ​ឱ្យ​បាន​ល្អ​ពី​ធាតុ​សំខាន់​នៅ​កម្ពុជា គឺ​ មនុស្សធម៌ គុណធម៌ ស្ថិរភាព សន្តិភាព និង​សេដ្ឋកិច្ច ដែល​មិនទាន់​ត្រូវ​បាន​សារព័ត៌មាន​អន្តរជាតិ​លើក​ឡើង និង​ដើម្បី​ទាក់ទាញ​ចំណាប់​អារម្មណ៍​អ្នកអាន​ជា​ជនបរទេស។

BC News លោក មុនី បាន​មាន​ប្រសាសន៍​ថា “​នៅ​ចុង​បញ្ចប់ នៃ​ថ្ងៃ​នោះ សេដ្ឋកិច្ច​រីកចម្រើន ព្រោះ​មាន​សន្តិភាព និង​វិបុលភាព ហើយ​គ្មាន​រឿង​ណា​ដែល​ល្អ​ជាង​រឿង​សេដ្ឋកិច្ច និង​សន្តិភាព នោះ​ទេ ហើយ​គ្មាន​រឿង​អ្វី​ដែល​ចាំបាច់​ជាង​ការ​ដោះស្រាយ​របស់​ប្រជាជាតិ​មួយ ជាពិសេស​គឺ​រឿង​របស់​ប្រទេស​កម្ពុជា នៅ​ពេលនេះ​”។ “​ព័ត៌មាន​របស់​យើង គឺ​បាន​មកពី​ការ​ជ្រៀតចូល​ជ្រៅ​បំផុត នៃ​សង្គម​កម្ពុជា ចាប់​តាំងពី​ព្រះពុទ្ធសាសនា គឺជា​កម្លាំង​ចង​តែមួយ​នៅ​ក្នុង​តំបន់​ដែល​ឆ្លងកាត់​វណ្ណៈ និង​ព្រំដែន​”។

កន្លងទៅ​ថ្មីៗ នេះ លោក Alfaro បាន​សរសេរ​សៀវភៅ​មួយ​ស្តីពី​ជម្លោះព្រំដែន​កម្ពុជា​-​ថៃ ដែល​គ្រោង​នឹង​បោះពុម្ព​ក្នុង​ពេល​ឆាប់ៗ នេះ។ លោក​បាន​ទទួល​សិទ្ធិ​ដើម្បី​បោះពុម្ព​ផ្សាយ​រួចហើយ​គ្រឹះស្ថាន​បោះពុម្ពផ្សាយ និង​បណ្ដាញ​ព័ត៌មាន​នៅ​អាមេរិក។ លោក ម៉ៃ​ឃល កំពុង​ពិភាក្សា​ជាមួយ​ភ្នាក់ងារ​ដ៏​ធំ​បំផុត​មួយ​របស់​សហរដ្ឋអាមេរិក ពី​កំណត់ត្រា​នយោបាយ ដែល​បាន​សរសេរ និង​រៀបរាប់​នៅ​ក្នុង​សៀវភៅ​នេះ។ លោក​គ្រោង​នឹង​ចេញផ្សាយ មុន​ការ​បោះឆ្នោត​ពាក់កណ្ដាល​អាណត្តិ​របស់​សហរដ្ឋអាមេរិក។

លោក ម៉ៃ​ឃ​ល បាន​មាន​ប្រសាសន៍​ថា “​រឿង​កម្ពុជា គឺជា​រឿង​មួយ​មិនមែន​គ្រាន់តែ​ជា​ចំនួន​ប្រជាជន​ដែល​មាន​ការ​ចាប់​អារម្មណ៍​ចំពោះ​ប្រទេស​ខ្លាំង​ប៉ុណ្ណោះ​ទេ ប៉ុន្តែ​វា​ក៏​ជា​សក្ខីភាព​ដ៏​សំខាន់​មួយ​ចំពោះ​ជោគជ័យ នៃ​សន្តិភាព​ដែល​មេដឹកនាំ​កម្ពុជា​បាន​ប្រកាន់​ភ្ជាប់ ហើយ​ពិភពលោក​បាន​ឱ្យ​តម្លៃ ហើយ​លោក ត្រាំ Trump បាន​យល់ស្រប​ថា សន្តិភាព​សំខាន់​ណាស់​សម្រាប់​ពិភពលោក​”។

លោក Alfaro បាន​និយាយ​ថា “​យើង​អាច​នាំ​យក​មិន​ត្រឹមតែ​រឿងរ៉ាវ នៃ​ជម្លោះព្រំដែន​ប៉ុណ្ណោះ​ទេ ប៉ុន្តែ​យើង​អាច​និយាយ​ពី​ការ​កើនឡើង នៃ​សេដ្ឋកិច្ច​ដ៏​មិន​គួរ​ឱ្យ​ជឿ​របស់​កម្ពុជា​ទៅកាន់​ទស្សនិកជន​ជុំវិញ​ពិភពលោក នេះ​គឺជា​ព័ត៌មាន​ដែល​នឹង​មាន​សារៈសំខាន់។ នេះ​ជា​រឿង​ដែល​មាន​សារៈសំខាន់​បំផុត​សម្រាប់​ជនជាតិ​អាមេរិក និង​អឺរ៉ុប ដែល​កំពុងតែ​ស្វែងរក​ឱកាស​ពាណិជ្ជកម្ម និង​ចង់​ឈ្វេងយល់​ពី​កំណើន​សេដ្ឋកិច្ច​នៅ​អាស៊ី​”៕

អត្ថបទ ៖ National World , UK និង BC News

The post លោក ម៉ៃឃល នឹងមកខ្មែរចុងសប្ដាហ៍នេះ ជាមួយគណៈប្រតិភូអាមេរិក និងអ្នកព័ត៌មានចក្រភពអង់គ្លេស appeared first on Kampuchea Thmey Daily.

​ក្នុងព្រឹត្តិការណ៍​​ចុះ​ហត្ថលេខា​​​ដែលដឹកនាំ​​ប្រធានាធិបតីសហរដ្ឋអាមេរិក លោក ដូណាល់ ត្រាំ ដោយ​មានប្រទេសមួយចំនួន​បាន​ចូលរួម​ក្នុងពេលនោះ ភាគច្រើន​ប្រទេសមក​បីតំបន់​អាស៊ីកណ្តាល​ ដូចជា កាហ្សាស្ថាន​ ម៉ុងហ្គោលី ​អាមេនី​ អាហ្សាបៃហ្សង់​ និង​ប្រទេសពីតំបន់អាស៊ី​ផ្សេងទៀត មាន​ឥណ្ឌូណេស៊ី ប៉ាគីស្ថាន និង​ប្រទេសពីតំបន់​មជ្ឈឹមបូព៌ា មានដូចជា​ អារ៉ាប៊ីសាអូឌីត ហ្ស៊កដានី ​ជាដើម។ ​

សំណើរបស់ប្រធានាធិបតី​អាមេរិក លោក ដូណាល់ ត្រាំ ក្នុងការបង្កើត «ក្រុមប្រឹក្សាសន្តិភាព» ដើម្បីដោះស្រាយជម្លោះសកល ដោយ​ចាប់ផ្តើម​ពី​តំបន់ពី​តំបន់​ហ្គាហ្សាផងនោះ កំពុងប្រឈមមុខនឹងការមន្ទិលសង្ស័យកាន់តែខ្លាំងឡើងពីបណ្តាសម្ព័ន្ធមិត្តសំខាន់ៗរបស់ខ្លួន បន្ទាប់ពីសេតវិមានបានផ្សព្វផ្សាយសេចក្តីព្រាងធម្មនុញ្ញដែលពង្រីកអំណាចនៃអង្គភាពនេះ។

បើ​តាម​ New York Times ដំបូងឡើយ ក្រុមប្រឹក្សានេះមានបំណងត្រឹមតែត្រួតពិនិត្យបទឈប់បាញ់រវាងអ៊ីស្រាអែល និងក្រុមហាម៉ាស និងការកសាងហ្គាហ្សាឡើងវិញក្រោយសង្គ្រាមប៉ុណ្ណោះ ប៉ុន្តែឥឡូវ ក្រុមប្រឹក្សាដែលបានស្នើឡើងនេះ នឹងដើរតួនាទីកាន់តែទូលំទូលាយក្នុងការដោះស្រាយជម្លោះនៅទូទាំងពិភពលោក។ ក្រុមអ្នករិះគន់លើកឡើងថា ទង្វើនេះអាចបង្កជាហានិភ័យក្នុងការបង្កើតស្ថាប័នមួយដឹកនាំដោយអាមេរិក ដើម្បីប្រជែងជាមួយអង្គការសហប្រជាជាតិ (UN)។

យោងតាមសេចក្តីព្រាងធម្មនុញ្ញ លោកត្រាំ នឹងធ្វើជាប្រធានដែលមានអំណាចវេតូ​លើរាល់ការសម្រេចចិត្ត ខណៈដែលបណ្តាប្រទេសនានាអាចទទួលបានអាសនៈអចិន្ត្រៃយ៍បាន លុះត្រាតែចូលរួមវិភាគទានលើសពី១​ពាន់លានដុល្លារ។ រដ្ឋាភិបាលអឺរ៉ុបមួយចំនួន រួមមានបារាំង ស៊ុយអែត និងន័រវែស បានបង្ហាញការសង្ស័យ ឬបដិសេធ​ចូលរួម ដោយលើកឡើងពីក្តីបារម្ភចំពោះតួនាទីរបស់អង្គការសហប្រជាជាតិ៕

រ៉ាន់ រើយ​

The post ​«ក្រុមប្រឹក្សាសន្តិភាព»​ជាអង្គការអន្តរជាតិថ្មី​​ផ្តើមដោយត្រាំ ចាប់ដំណើរ​ការ​ appeared first on Kampuchea Thmey Daily.

កាសែតប្រចាំថ្ងៃនេះបានបញ្ជាក់ថា យោងតាមប្រភពព័ត៌មានទាំងនោះ «ប្រធានាធិបតីបានស្នើឲ្យ​បញ្ជាការប្រតិបត្តិការពិសេសរួម (JSOC) ឲ្យរៀបចំផែនការ​​ទន្ទ្រាន​»​​។

បញ្ជាការប្រតិបត្តិការពិសេសរួម (JSOC) គឺជាសមាសធាតុមួយរបស់បញ្ជាការប្រតិបត្តិការពិសេសសហរដ្ឋអាមេរិក (USSOCOM) ដែលត្រួតពិនិត្យអង្គភាពបេសកកម្មពិសេស «Tier-1»​ លំដាប់ខ្ពស់ មកពីសាខាយោធាផ្សេងៗគ្នា ដូចជាកងកម្លាំង Delta Force របស់កងទ័ពជើងគោក និង SEAL Team Six របស់កងទ័ពជើងទឹក សម្រាប់ការប្រឆាំងភេរវកម្ម ការ​ធ្វើសកម្មភាពដោយផ្ទាល់ និងបេសកកម្មឯកទេសផ្សេងទៀតនៅទូទាំងពិភពលោក ដោយផ្តោតលើការធ្វើអន្តរប្រតិបត្តិការ យុទ្ធសាស្ត្រកម្រិតខ្ពស់ និងការបណ្តុះបណ្តាលឯកទេស។

លោក ត្រាំ បាននិយាយម្តងហើយម្តងទៀតអំពីតម្រូវការសម្រាប់កោះហ្គ្រីនឡែនដើម្បីចូលរួមជាមួយសហរដ្ឋអាមេរិក។ សូម្បីតែក្នុងអាណត្តិដំបូងរបស់លោកក៏ដោយ លោកបានស្នើទិញកោះហ្គ្រីនឡែន ហើយនៅក្នុងខែមីនា ឆ្នាំ២០២៥ លោក​បានបង្ហាញទំនុកចិត្តថាវាអាចត្រូវបានបញ្ចូលទៅក្នុងទឹកដីរបស់ខ្លួន។

ការកត់សម្គាល់របស់លោក Stephen Miller អនុប្រធានសេតវិមានកាលពីដើមសប្តាហ៍នេះបានសួរអំពីសិទ្ធិរបស់ប្រទេសដាណឺម៉ាកក្នុងការគ្រប់គ្រងកោះនេះ ខណៈដែលលោកបាននិយាយថា វាគួរតែក្លាយជាផ្នែកមួយនៃសហរដ្ឋអាមេរិក។

កាសែត The New York Times បាននិយាយកាលពីថ្ងៃសៅរ៍ថា នាយករដ្ឋមន្ត្រីដាណឺម៉ាក ​លោកស្រី​ Mette Frederiksen មានការភ្ញាក់ផ្អើលជាមួយនឹងសេចក្តីថ្លែងការណ៍ថ្មីៗរបស់ប្រធានាធិបតី ត្រាំ​ និងលោក Miller។

កាសែត The New York Times បាននិយាយថា នាយករដ្ឋមន្ត្រីដាណឺម៉ាកបានយកចិត្តទុកដាក់យ៉ាងខ្លាំងចំពោះការគំរាមកំហែងរបស់លោក ត្រាំ​ ជាយូរមកហើយ ហើយបានព្យាយាមបញ្ចុះបញ្ចូលមេដឹកនាំអាមេរិក ដោយថ្នមៗឱ្យបោះបង់ចោលគំនិតនេះ។ យោងតាមការបោះពុម្ពផ្សាយ សេចក្តីថ្លែងការណ៍ដ៏ឃោរឃៅរបស់ លោក Miller បានធ្វើឱ្យ​នាយករដ្ឋមន្ត្រី​ដាណឺម៉ាក​ ភ្ញាក់ផ្អើល និងបានធ្វើឱ្យសហសេវិកអឺរ៉ុបរបស់ Frederiksen ស្ថិតក្នុងស្ថានភាពភ័យស្លន់ស្លោ។

យោងតាមការបោះពុម្ពផ្សាយ មេដឹកនាំអឺរ៉ុបកំពុងព្យាយាមឯកភាពគ្នាលើការឆ្លើយតបដែលអាចធ្វើទៅបានចំពោះសេចក្តីថ្លែងការណ៍របស់លោក​ ត្រាំ​ ហើយសង្ឃឹមថា នឹងស្វែងរកមធ្យោបាយដើម្បីជៀសវាងការប្រឈមមុខដាក់គ្នាជាមួយទីក្រុងវ៉ាស៊ីនតោន។

NYT បានបន្ថែមថា ការយល់ព្រមពង្រឹងកងកម្លាំងណាតូ ដើម្បីទប់ទល់នឹងឥទ្ធិពលរបស់ចិន និងរុស្ស៊ីឱ្យកាន់តែមានប្រសិទ្ធភាព និងសូម្បីតែការផ្តល់សិទ្ធិចូលប្រើប្រាស់រ៉ែរបស់ Greenland ដល់លោក ត្រាំ​ គឺជាជំហានមួយក្នុងចំណោមជំហានដែលពួកគេកំពុងពិចារណា។

Greenland ជា​​​ដែន​ដី​ស្វយ័ត្ន​​ក្រោម​ការ​គ្រប់​គ្រង​របស់​​ប្រទេសដាណឺម៉ាក។ ចាប់តាំងពីឆ្នាំ ១៩៧៩មក វាមានសិទ្ធិស្របច្បាប់ក្នុងការប្រកាសឯករាជ្យដោយការធ្វើប្រជាមតិ។ សហរដ្ឋអាមេរិក និងដាណឺម៉ាក គឺជាសមាជិកស្ថាបនិកនៃ NATO។ នៅឆ្នាំ ១៩៥១​ ទីក្រុងវ៉ាស៊ីនតោន និងទីក្រុង Copenhagen បានចុះហត្ថលេខាលើសន្ធិសញ្ញាការពារជាតិ Greenland។ ស្របតាមកិច្ចព្រមព្រៀងនេះ សហរដ្ឋអាមេរិកប្តេជ្ញាការពារកោះនេះពីការឈ្លានពានពីខាងក្រៅ៕​​

The post ​ត្រាំ​ចេញ​បញ្ជា​​​ឲ្យ អង្គភាព​យោធា​​រួម រៀប​ចំ​ផែនការ​លម្អិត​ក្រសោបយក​ Greenland appeared first on Kampuchea Thmey Daily.

មាន​ការ​កត់សម្គាល់ថា ភ្លាម​ៗ​​បន្ទាប់ពី​ប្រតិបត្តិការ​​យោធា​របស់​​​អាមេរិក និង​ចាប់ខ្លួន​លោក ម៉ាឌូរ៉ូ និង​ភរិយាយរបស់​គាត់ ​មេដឹកនាំ​នៃ​បណ្តាប្រទេសនៅទូទាំងអាមេរិកឡាទីន​បាន​ចេញ​ញត្តិថ្កោលទោសផង និង​គាំទ្រ​ផង ទៅ​តាម​​គោល​​នយោបាយ​​របស់​ពួកគេរៀង​ៗ​ខ្លួន​។ ​

តាម​ការចេញ​ផ្សាយ​របស់ ​​cbc.ca បណ្តាប្រទេសស្តាំនិយមក្នុងតំបន់​អាមេរិក​ឡាទីន​បានសម្តែងការគាំទ្របន្ថែមទៀតចំពោះសកម្មភាពរបស់ប្រធានាធិបតី​សហរដ្ឋអាមេរិក លោក ដូណាល់ ត្រាំ ខណៈដែលប្រទេសដែលដឹកនាំដោយរដ្ឋាភិបាលឆ្វេងនិយមបានថ្កោលទោសយ៉ាងខ្លាំងចំពោះពួកគេ។

ប្រធានាធិបតីប្រេស៊ីល លោក Luiz Inácio Lula da Silva បានបង្ហោះ​សារ​នៅ​បណ្តាញ​សង្គម​ X ​ដែល​ជាប្រតិកម្ម​ឆ្លើយតបដ៏វែងអន្លាយ​​ ដោយ​ចាត់​ទុក​ទង្វើ​របស់​ប្រធានាធិបតី​សហរដ្ឋអាមេរិក ថា​«គួរឱ្យស្អប់ខ្ពើម»​។

លោក Lula da Silva បានសរសេរ​ថា៖«ការទម្លាក់គ្រាប់បែកលើទឹកដីវ៉េណេស៊ុយ​អេឡា និងការចាប់យកប្រធានាធិបតីរ​បស់ប្រទេសនេះ​​ជា​ការ​ឆ្លងកាត់បន្ទាត់ដែលមិនអាចទទួលយកបាន។ ទង្វើទាំងនេះតំណាងឱ្យការគំរាមកំហែងយ៉ាងធ្ងន់ធ្ងរចំពោះអធិបតេយ្យភាពរបស់វ៉េណេស៊ុយអេឡា និងជាគំរូដ៏គ្រោះថ្នាក់បំផុតមួយទៀតសម្រាប់​សហគមន៍​អន្តរជាតិទាំងមូល”។

លោក​បាន​បន្ថែម​ថា សកម្មភាព​បែប​នេះ​តំណាង​ឱ្យ​ការ​រំលោភ​បំពាន​ច្បាប់​អន្តរជាតិ។

ប្រធានាធិបតីប្រេស៊ីលដែល​​​នឹង​​​ឈរឈ្មោះ​ជា​ប្រធានាធិបតីសម្រាប់​ការ​បោះឆ្នោត​ឆ្នាំ​២០២៦​នេះ បានសរសេរថា «សកម្មភាពនេះរំលឹកពី​សកម្មភាព​​​ដ៏អាក្រក់បំផុតនៃការជ្រៀតជ្រែកក្នុងនយោបាយអាមេរិកឡាទីន និងតំបន់ការ៉ាប៊ីន ហើយគំរាមកំហែងដល់ការអភិរក្សតំបន់ជាតំបន់សន្តិភាព»​។

​មុខ​ដឹកនាំ​នៃ​ប្រទេស​ ម៉ិកស៊ិក ឈីលី គុយបា និងអ៊ុយរូហ្គាយ បាននិយាយថា ពួកគេមិនគាំទ្រអន្តរាគមន៍យោធាបរទេសនោះទេ។

​ក្រសួង​ការបរទេស​​នៃប្រទេស​ម៉ិកស៊ិក​​នៅជាប់នឹង​សហរដ្ឋអាមេរិក​វិញ បាន​ចេញសារថា៖៖«ម៉ិកស៊ិក បញ្ជាក់ជាថ្មីថា ការសន្ទនា និងការចរចា គឺជាមធ្យោបាយស្របច្បាប់ និងមានប្រសិទ្ធភាពតែមួយគត់ ក្នុងការដោះស្រាយភាពខុសគ្នាដែល​កំពុងតែមាន​ ដូច្នេះហើយ [ម៉ិកស៊ិក]​ បញ្ជាក់ជាថ្មីនូវឆន្ទៈរបស់ខ្លួន ក្នុងការគាំទ្រកិច្ចខិតខំប្រឹងប្រែងណាមួយ ដើម្បី​ជួយ​សម្រួល​ដល់កិច្ចសន្ទនា ការសម្រុះសម្រួល ឬអមដំណើរដែលរួមចំណែកដល់ការរក្សាសន្តិភាពក្នុងតំបន់ និងជៀសវាងការប្រឈមមុខដាក់គ្នា»។ ដោយ​បញ្ជាក់​ថា៖«​ខ្លួន​​ថ្កោលទោស និង​បដិសេធ​សកម្មភាពយោធាធ្វើឡើងដោយឯកតោភាគី»។

​​ផ្ទុយ​ពី​​ការ​​ថ្កោលទោស ក៏​មាន​មេដឹកនាំ​សំខាន់​ៗ​ចេញ​មុខ​គាំទ្រ​ លោក ប្រធានាធិបតី​ ត្រាំ ដែរ​ ក្នុង​នោះ​មាន​ប្រទេស អាហ្សង់ទីន ប៉េរូ និងអេក្វាឌ័របានបង្ហាញពីទស្សនៈខុសគ្នា។ ពួកគេគាំទ្រការអភិវឌ្ឍន៍។

ប្រធានាធិបតីអាហ្សង់ទីន Javier Milei ដែលជាសម្ព័ន្ធមិត្ត​ដ៏សំខាន់​របស់​សហរដ្ឋអាមេរិក​ បាននិយាយគាំទ្រការវិវត្ត​ន៍​នៅ ​ប្រទេសវ៉េណេស៊ុយអេឡា។ ​លោក បាន​សរសេរ​នៅ​លើ​បណ្តាញសង្គម X ថា៖«​សេរីភាពដើរទៅមុខ។ សេរីភាពរស់នៅបានយូរ»។

ប្រធានាធិបតីប៉ាណាម៉ា លោក Jose Raul Mulino ​បាន​សរសេរ​ថា៖​”ចំពោះព្រឹត្តិការណ៍ដែលបានកើតឡើងនៅព្រឹកព្រលឹមនេះ នៅក្នុងប្រទេសវេណេស៊ុយអេឡា រដ្ឋាភិបាលរបស់ខ្ញុំសូមបញ្ជាក់ឡើងវិញនូវជំហររបស់យើងក្នុងការពេញចិត្តចំពោះការកាត់ក្តីតាមលទ្ធិប្រជាធិបតេយ្យ និងការពេញចិត្តក្នុងការទទួលយកនូវបំណងប្រាថ្នាស្របច្បាប់របស់ប្រជាជន​វ៉េណេស៊ុយអេឡា ដូចដែលបានបង្ហាញយ៉ាងច្បាស់នៅឯការបោះឆ្នោតដែលជាកន្លែងដែលលោក Edmundo González ត្រូវបានជាប់ឆ្នោត»៕​

ប្រែសម្រួល​ រ៉ាន់ រើយ​​

The post បណ្តាមេដឹកនាំ​​នៅ​អាមេរិក​ឡាទីន ប្រតិកម្ម​ផ្ទុយគ្នា ជុំវិញ​ការ​ចាប់ខ្លួន លោក ម៉ាឌូរ៉ូ​​ appeared first on Kampuchea Thmey Daily.

​យោងសេចក្តី​ប្រកាស​​​​​ព័ត៌មាន​របស​​ទីបញ្ជាការ​​ភាគខាងត្បូង​​​​សហរដ្ឋអាមេរិក​ (​ U.S. Southern Command) ការ​វាយប្រហារ​​ដែល​មាន​ឈ្មោះ​ថា «Lethal Kinetic Strikes»​ នៅ​ថ្ងៃទី​​៣១​ខែធ្នូ ​ធ្វើឡើង​តាម​បញ្ជា​​​របស់​​រដ្ឋមន្ត្រី​​សង្គ្រាម (Secretary of War) លោក Pete Hegseth ដោយ​ការ​វាយ​​​​ប្រហារ​នោះ​​សំដៅ​លើ​​នាវា​២គ្រឿង ដែល​ប្រតិបត្តិការដោយ​​​ក្រុម​​​​អង្គការ​​​ភេរវករ​​ដែល​​​ជាគោលដៅ​។

យោងតាមសារមួយនៅលើ​បណ្តាញ​សង្គម X ក្រុមការងាររួមនៃប្រតិបត្តិការ Southern Spear ​របស់​កងទ័ព​សហរដ្ឋអាមេរិក ​បាន​បង្កើ​ការ​វាយប្រហារ​ ហើយ​ ក្រោយ​មក​​ ទីភ្នាក់ងារស៊ើបការណ៍សម្ងាត់អាមេរិកបាននិយាយថា នាវាទាំងនោះកំពុងឆ្លងកាត់តាមបណ្តោយផ្លូវជួញដូរគ្រឿងញៀនដែលគេស្គាល់ ហើយបានជាប់ពាក់ព័ន្ធក្នុងការរត់ពន្ធគ្រឿងញៀន​ដែល​គេសង្ស័យ​​​។

​ទី​បញ្ជា​​​ការ​នោះ ​បាន​និយាយ​ថា ជាលទ្ធផល​នៃ​ការ​វាយ​ប្រហារ​នោះ មនុស្ស​៣​​នាក់​បាន​ស្លាប់​នៅ​លើ​ទូក​ទី​មួយ និង​២នាក់​ទៀត​នៅ​ក្នុង​ទូក​ទីពីរ។

រដ្ឋាភិបាល​​​វ៉ាស៊ីនតោន​ចោទប្រកាន់​ក្រុង​ការ៉ាកាស​នៃ​ប្រទេសវ៉េណេស៊ុយអេឡា ​​ថា​មិន​បាន​ប្រយុទ្ធ​ប្រឆាំង​នឹង​ការ​រត់ពន្ធ​គ្រឿងញៀន​យ៉ាង​សកម្ម។

​យោង​​កាសែត The New York Times រាយការណ៍កាលពីខែសីហា ប្រធានាធិបតីសហរដ្ឋអាមេរិក ដូណាល់ ត្រាំ (Donald Trump) បានចុះហត្ថលេខាលើការណែនាំ​មិន​បាន​បង្ហាញ​​ជា​សាធារណៈមួយ​ស្តីពីការចាប់ផ្តើមនៃការប្រើប្រាស់កម្លាំងយោធាប្រឆាំងនឹងក្រុមជួញដូរគ្រឿងញៀននៅអាមេរិកឡាទីន។

បន្ទាប់ពីនោះ កងកម្លាំងអាមេរិកបន្ថែមសំខាន់ៗត្រូវបានគេដាក់ពង្រាយទៅកាន់តំបន់ការ៉ាប៊ីន រួមទាំងក្រុមនាវាដែលដឹកនាំដោយនាវាផ្ទុកយន្តហោះ Gerald R. Ford ។ ក្នុងរយៈពេលប៉ុន្មានខែថ្មីៗនេះ យោធាអាមេរិកបានបំផ្លាញទូកប្រហែល ៣០​គ្រឿង​ចេញពីឆ្នេរសមុទ្រអាមេរិកឡាទីន ក្រោមលេសនៃការប្រយុទ្ធប្រឆាំងនឹងការរត់ពន្ធគ្រឿងញៀន ហើយមនុស្សជាង១០០នាក់ត្រូវបានសម្លាប់។

បន្ទាប់ពីការវាយប្រហារមួយលើកនេះ ប្រធានាធិបតីកូឡុំប៊ី លោក Gustavo Petro បាននិយាយថា ប្រតិបត្តិការរបស់អាមេរិកបានសម្លាប់អ្នកនេសាទម្នាក់ពីប្រទេសរបស់គាត់ មិនមែនជាឈ្មួញគ្រឿងញៀននោះទេ។ នេះ​បើ​យោង​ទីភ្នាក់ងារ​ព័ត៌មានរុស្ស៊ី TASS​៕​​

រ៉ាន់ រើយ​

The post ​​មុនឆ្លងឆ្នាំ កងទ័ព​អាមេរិក​​​​ វាយប្រហារទូក​​២គ្រឿង​សម្លាប់មនុស្ស​៥នាក់​​​​នៅការ៉ាប៊ីន​​​ appeared first on Kampuchea Thmey Daily.

ការ​ស្ទង់​មតិ​រយៈ​ពេល​បីថ្ងៃបាន​បញ្ចប់​កាល​ពី​ថ្ងៃ​អាទិត្យ បង្ហាញថា​ ៣៩%នៃ​មនុស្ស​ពេញ​វ័យរបស់​សហរដ្ឋ​អាមេរិក​បាន​យល់​ស្រប ​​លើ​ការ​អនុវត្ត​ការងារ​របស់​លោក​ ត្រាំ ​ធ្លាក់​ចុះ​ពី៤១%កាលពីដើម​ខែ​ធ្នូ។ ​ការ​រក​ឃើញនោះ​បន្ត​ទៀត​​ថា ចាប់​ពី​ពាក់​កណ្តាល​ខែ​វិច្ឆិកា ការ​វាយ​តម្លៃ​ការ​ងារ​នានា​របស់​ប្រធានាធិបតី​រូប​នេះ​ កាន់​តែ​ធ្លាក់​ចុះ​រហូត​ដល់ ៣៨% ​ជា​តួ​លេខដែល​​ទាប​បំផុត​ក្នុង​ឆ្នាំ​នេះ​។

មេដឹក​នាំ​គណបក្ស​សាធារណរដ្ឋ​បាន​វិល​ត្រឡប់​មកកាន់​អំណាច​វិញក្នុង​ខែ​មករា ​ជា​មួយ​អត្រាសេដ្ឋកិច្ច​ចំនួន​៤៧% ប៉ុន្តែ​​ប្រជា​ប្រិយ​ភាព​របស់​​គាត់​​បាន​ធ្លាក់​​ចុះ​​ចាប់​​តាំង​​ពី​ពេល​​​ឡើង​កាន់​អំណាច​​មកម្ល៉េះ​ ជា​ពិសេស​​ទាក់​ទង​​នឹង​​ការ​​គ្រប់​គ្រង​សេដ្ឋកិច្ច​​តែ​ម្តង​។

ត្រាំ​ បាន​ឈ្នះ​ការ​បោះ​ឆ្នោតជា​​ប្រធានាធិបតី​កាល​ពីឆ្នាំ​មុន​ ហើយ​សន្យា​ថា​នឹង​កែ​ប្រែ​សេដ្ឋកិច្ច​ដែល​រង​នូវ​​អតិផរ​ណា​ខ្ពស់ ​ក្រោម​ការ​ដឹក​នាំរបស់​​អតីត​ប្រធានាធិបតី​លោក Joe Biden ។ ប៉ុន្តែ​អតិផរណា​ត្រូវ​បាន​កើន​ឡើង​ជា​បន្ត​បន្ទាប់​នៅ​ក្រោមការ​ដឹក​នាំ​របស់​លោក​ត្រាំ​ទៅ​វិញ​៕

​​ណឺ មិនា​

The post អត្រា​នៃ​ការ​គាំទ្រ​​ប្រធានាធិបតី ត្រាំ បន្ត​​ធ្លាក់ចុះទាប​បំផុត​ដល់៣៩%​ appeared first on Kampuchea Thmey Daily.