ព័ត៌មានអន្ដរជាតិ

អ៊ីស្រាអែលវាយប្រហារអ៊ីរ៉ង់ជិត១១០០០និង១៧៤០០ដងនៅលីបង់

បានផុស

៣ ខែ មុន

នៅ

ថ្ងៃសៅរ៍ ១៨ មេសា ២០២៦

ដោយ

កងកម្លាំងការពារជាតិអ៊ីស្រាអែល (IDF) បានចេញផ្សាយនូវតួលេខថ្មីដែលរៀបរាប់អំពីការវាយប្រហារតាមផ្លូវអាកាសតាមរយៈការទម្លាក់គ្រាប់បែករបស់ខ្លួនលើអ៊ីរ៉ង់ ដោយនិយាយថា ខ្លួនបានធ្វើការវាយប្រហារប្រហែល ១០៨០០ ដងលើប្រទេសអ៊ីរ៉ង់។

នាយករដ្ឋមន្ត្រីអ៊ីសា្រអែល លោក បេចាមីន ណេតាន់ញ៉ាហ៊ូ។ facebook

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានសកម្មជនសិទ្ធិមនុស្ស (Hrana) ដែលមានមូលដ្ឋាននៅសហរដ្ឋអាមេរិកបានរាយការណ៍ពីចំនួនអ្នកស្លាប់ដោយសារជនស៊ីវិលអ៊ីរ៉ង់ចំនួន ១៧០១ នាក់គិតត្រឹមថ្ងៃទី ៧ ខែមេសា ដែលជាថ្ងៃដែលប្រធានាធិបតីអាមេរិក ដូណាល់ ត្រាំ បានប្រកាសបទឈប់បាញ់រយៈពេលពីរសប្តាហ៍ជាមួយអ៊ីរ៉ង់។

សម្រាប់ការវាយប្រហារនៅប្រទេសលីបង់វិញ IDF ក៏និយាយផងដែរថាខ្លួនទទួលខុសត្រូវចំពោះការវាយប្រហារដោយកាំភ្លើងធំជាង ១៤៩០០ ដង និងការវាយប្រហារតាមអាកាសចំនួន ២៥០០ ដងនៅក្នុងប្រទេសលីបង់ ហើយនិយាយថាវាបានវាយប្រហារអគារខ្ពស់ៗមានច្រើនជាន់ប្រហែល ១៦៥ អគារ។ យោងការផ្សាយរបស់ BBC។

អាជ្ញាធរសុខាភិបាលលីបង់និយាយថាមនុស្ស ២១០០ នាក់ត្រូវបានសម្លាប់ក្នុងរយៈពេលប្រាំមួយសប្តាហ៍នៃជម្លោះនៅក្នុងប្រទេសលីបង់ ហើយមនុស្សជាងមួយលាននាក់ ឬប្រហែលមួយក្នុងចំណោមប្រាំនាក់នៃប្រជាជនត្រូវបានផ្លាស់ទីលំនៅ។

ក្រោមសម្ពាធអន្តរជាតិដ៏ខ្លាំងលើប្រទេសអ៊ីស្រាអែលដែលបើកការវាយប្រហារដ៏សាហាវ ប្រធានាធិបតីសហរដ្ឋអាមេរិក លោក ដូណាល់ ត្រាំ ដែលជាសម្ព័ន្ធមិត្តរបស់នាយករដ្ឋមន្ត្រីអ៊ីសា្រអែល លោក បេចាមីន ណេតាន់ញ៉ាហ៊ូ បានចេញមុខសម្របសម្រួលឲ្យមានបទឈប់បាញ់រយៈពេល១០ថ្ងៃរវាងអ៊ីស្រាអែលនិងលីបង់ ដែលអាចឈានទៅបន្ធួរបន្ថយភាពជាប់គាំងរវាងសហរដ្ឋអាមេរិកនិងអ៊ីរ៉ង់ផងដែរ៕

រ៉ាន់ រើយ