ព័ត៌មានអន្ដរជាតិ

«ក្រុមប្រឹក្សាសន្តិភាព»ជាអង្គការអន្តរជាតិថ្មីផ្តើមដោយត្រាំ ចាប់ដំណើរការ

បានផុស

៦ ខែ មុន

នៅ

ថ្ងៃព្រហស្បតិ៍ ២២ មករា ២០២៦

ដោយ

ទីបំផុតអង្គការអន្តរជាតិ១ ដែលគេស្គាល់ថា«ក្រុមប្រឹក្សាសន្តិភាព» ផ្តួចផ្តើមថ្មីរបស់ប្រធានាធិបតីសហរដ្ឋអាមេរិកលោក ដូណាល់ ត្រាំ បានចេញដំណើរការ ក្នុងការចុះហត្ថលេខានៅថ្ងៃព្រហស្បតិ៍ទី២២ខែមករា២០២៦ នៅទីក្រុងដាវ៉ូសប្រទេសស្វីស ដោយមានប្រទេសមួយចំនួនបានចូលរួម និងគ្មានវត្តមានមហាអំណាចផ្សេងៗទៀតឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងព្រឹត្តិការណ៍ចុះហត្ថលេខាដែលដឹកនាំប្រធានាធិបតីសហរដ្ឋអាមេរិក លោក ដូណាល់ ត្រាំ ដោយមានប្រទេសមួយចំនួនបានចូលរួមក្នុងពេលនោះ ភាគច្រើនប្រទេសមកបីតំបន់អាស៊ីកណ្តាល ដូចជា កាហ្សាស្ថាន ម៉ុងហ្គោលី អាមេនី អាហ្សាបៃហ្សង់ និងប្រទេសពីតំបន់អាស៊ីផ្សេងទៀត មានឥណ្ឌូណេស៊ី ប៉ាគីស្ថាន និងប្រទេសពីតំបន់មជ្ឈឹមបូព៌ា មានដូចជា អារ៉ាប៊ីសាអូឌីត ហ្ស៊កដានី ជាដើម។

សំណើរបស់ប្រធានាធិបតីអាមេរិក លោក ដូណាល់ ត្រាំ ក្នុងការបង្កើត «ក្រុមប្រឹក្សាសន្តិភាព» ដើម្បីដោះស្រាយជម្លោះសកល ដោយចាប់ផ្តើមពីតំបន់ពីតំបន់ហ្គាហ្សាផងនោះ កំពុងប្រឈមមុខនឹងការមន្ទិលសង្ស័យកាន់តែខ្លាំងឡើងពីបណ្តាសម្ព័ន្ធមិត្តសំខាន់ៗរបស់ខ្លួន បន្ទាប់ពីសេតវិមានបានផ្សព្វផ្សាយសេចក្តីព្រាងធម្មនុញ្ញដែលពង្រីកអំណាចនៃអង្គភាពនេះ។

បើតាម New York Times ដំបូងឡើយ ក្រុមប្រឹក្សានេះមានបំណងត្រឹមតែត្រួតពិនិត្យបទឈប់បាញ់រវាងអ៊ីស្រាអែល និងក្រុមហាម៉ាស និងការកសាងហ្គាហ្សាឡើងវិញក្រោយសង្គ្រាមប៉ុណ្ណោះ ប៉ុន្តែឥឡូវ ក្រុមប្រឹក្សាដែលបានស្នើឡើងនេះ នឹងដើរតួនាទីកាន់តែទូលំទូលាយក្នុងការដោះស្រាយជម្លោះនៅទូទាំងពិភពលោក។ ក្រុមអ្នករិះគន់លើកឡើងថា ទង្វើនេះអាចបង្កជាហានិភ័យក្នុងការបង្កើតស្ថាប័នមួយដឹកនាំដោយអាមេរិក ដើម្បីប្រជែងជាមួយអង្គការសហប្រជាជាតិ (UN)។

យោងតាមសេចក្តីព្រាងធម្មនុញ្ញ លោកត្រាំ នឹងធ្វើជាប្រធានដែលមានអំណាចវេតូលើរាល់ការសម្រេចចិត្ត ខណៈដែលបណ្តាប្រទេសនានាអាចទទួលបានអាសនៈអចិន្ត្រៃយ៍បាន លុះត្រាតែចូលរួមវិភាគទានលើសពី១ពាន់លានដុល្លារ។ រដ្ឋាភិបាលអឺរ៉ុបមួយចំនួន រួមមានបារាំង ស៊ុយអែត និងន័រវែស បានបង្ហាញការសង្ស័យ ឬបដិសេធចូលរួម ដោយលើកឡើងពីក្តីបារម្ភចំពោះតួនាទីរបស់អង្គការសហប្រជាជាតិ៕

រ៉ាន់ រើយ