យោងតាមបណ្ដាញ ​​Nate តារាចម្រៀងស្រីបានដួលពេលកំពុងសម្តែងសកម្មភាពសិចស៊ីនៃបទចម្រៀង Bubble Pop។ បន្ទាប់ពីការដួលទៅលើឆាក អ្នករាំបានរត់ទៅលើក HyunA ភ្លាមៗ ហើយបុគ្គលិកសន្តិសុខបានបីនាងចេញពីឆាកយ៉ាងលឿនដូចគ្នា។

ប្រភពមួយពី ETtoday បាននិយាយថា អតីតតសមាជិកក្រុម Wonder Girls ហាក់ដូចជាអស់កម្លាំងមុនពេលសម្តែងបទចម្រៀង Bubble Pop។ សិល្បករស្រីរូបនេះបានផ្អៀងលើជណ្តើរក្បែរឆាក ដើម្បីសម្រាកមុនពេលបោះជំហានឡើងលើឆាក។

នៅពេលដែលកម្មវិធីបានបញ្ចប់ HyunA បានបង្ហោះលិខិតមួយសន្លឹកសុំទោសដល់ទស្សនិកជន។ នាងបាននិយាយថា ខ្លួនបានព្យាយាមនាំមកនូវរូបភាពល្អនៅលើឆាក ប៉ុន្តែអ្វីៗមិនបានដំណើរការដូចការគ្រោងទុកនោះទេ។ «ខ្ញុំមិនចាំអ្វីទាំងអស់។ មនុស្សជាច្រើនបានចំណាយពេលវេលា និងថវិកាដើម្បីមកមើលខ្ញុំសម្តែង ខ្ញុំមានអារម្មណ៍ថាមានកំហុស ហើយពិតជាសុំទោសដល់អ្នករាល់គ្នា» ។ តារាស្រីបានបញ្ជាក់ថា នាងនឹងហាត់ប្រាណបន្ថែមទៀត និងអរគុណទស្សនិកជនចំពោះការយោគយល់របស់ពួកគេមកលើនាង។

ទោះជាយ៉ាងណាក៏ដោយ កន្លងមកតារាស្រីវ័យ៣៣ឆ្នាំរូបនេះបានបង្ហាញថា នាងកំពុងតមអាហារ និងមានទម្ងន់ ៤៩ គីឡូក្រាម។ នៅក្នុងរូបថតស៊េរីថ្មី នាងទាក់ទាញចំណាប់អារម្មណ៍ជាមួយនឹងរាងកាយស្លីមជាងមុន។ ថ្មីៗនេះ មានពាក្យចចាមអារ៉ាមថា HyunA មានផ្ទៃពោះ បន្ទាប់ពីបង្ហាញខ្លួនជាមួយនឹងរាងមូលជាងមុន។ ក្រោយមក នៅថ្ងៃទី ៣០ ខែកញ្ញា នាង និង Yong Jun Hyung ត្រូវបានគេប្រទះឃើញនៅអាកាសយានដ្ឋានអន្តរជាតិ Incheon ដោយរៀបចំខ្លួនទៅប្រទេសសិង្ហបុរី ដើម្បីចូលរួមពិធីបុណ្យតន្ត្រី។

រូបរាងធាត់របស់នាងបានធ្វើឲ្យមនុស្សជាច្រើនសង្ស័យថា តារាចម្រៀងស្រីមានផ្ទៃពោះ។ ប៉ុន្តែក្រុមហ៊ុនគ្រប់គ្រង At Area បានបដិសេធយ៉ាងឆាប់រហ័ស។ អ្នកទស្សនាមួយចំនួនជឿថា មូលហេតុចម្បងនៃការដួលសន្លប់នៅលើឆាកគឺការសម្រកទម្ងន់ដែលមិនអាចគ្រប់គ្រងបានរបស់ HyunA ដែលនាំឲ្យមានភាពទន់ខ្សោយខាងរាងកាយ។

HyunA កើតនៅឆ្នាំ ១៩៩២ ត្រូវបានគេស្គាល់ថាជាសមាជិកនៃក្រុម Wonder Girls (២០០៧) ហើយបន្ទាប់មកបានផ្លាស់ទៅក្រុម 4Minute មុនពេលបន្តអាជីពទោល។ ស្រីស្អាតរូបនេះត្រូវបានគេស្គាល់ថាជាមហាក្សត្រីសិចស៊ីនៃ Kpop ដោយសារតែរចនាប័ទ្មសម្តែង និងម៉ូដសិចស៊ីរបស់នាង។ សិល្បករស្រីរូបនេះមានភាពល្បីល្បាញដោយសារបទចម្រៀងល្បីៗជាច្រើនដូចជា Bubble Pop!, Trouble Maker, Ice Cream, Red, A’wesome, Flower Shower៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

G-Dragon ក្លាយជាមនុស្សវ័យក្មេងបំផុត ដែលទទួលបានមេដាយវប្បធម៌ពីរដ្ឋាភិបាលកូរ៉េ

The post កំពុងច្រៀងសុខៗ HyunA ដួលសន្លប់លើឆាកផ្អើលអ្នកទស្សនា appeared first on Kampuchea Thmey Daily.

ការ​បង្ហាញ​ខ្លួន​ភ្លាមៗ និង​ក្លាហាន​របស់ HyunA បាន​ធ្វើ​ឲ្យអ្នក​គាំទ្រ​ជា​ច្រើន​មាន​ការ​ភ្ញាក់​ផ្អើល និង​ព្រួយ​បារម្ភជាច្រើន។ភ្លាមៗនោះ មតិជាច្រើនបានសម្រុកចូលមកយ៉ាងភ្លូកទឹកភ្លូកដីក្នុងន័យមិនពេញចិត្តជាខ្លាំង។ អ្នកខ្លះសម្ដែងការព្រួយបារម្ភ ថាម្ចាស់បទ «Nobody» កំពុងតែដេញតាមនូវសោភ័ណភាពដ៏ផុយស្រួយនិងគ្រោះថ្នាក់មួយដែលមិនអាចទាយទុកមុនបាន។

ទោះបីជាយ៉ាងណាក៏ដោយ ចំពេលមានការព្រួយបារម្ភកាន់តែខ្លាំងឡើង HyunA ហាក់ដូចជាបានកត់សម្គាល់ដឹង នាងស្រាប់តែលុបរូបថតអាក្រាតកាយនោះចោលភ្លាមៗ ដោយមិនទុកសូម្បីតែមួយសន្លឹកណាឡើយ។

អត្ថបទ៖ សាង ស្រីល័ក្ខ

ចុចអាន៖តារារ៉េបថៃ ចាប់ដៃគូជាមួយ វណ្ណដា ក្នុងបទ «RUN THE TOWN» ពេលនេះស្ថិតក្នុងបន្ទប់សង្រ្គោះបន្ទាន់

The post HyunA លុប​រូបអាក្រាតកាយ ក្រោយ​​អ្នក​គាំទ្របង្ហាញក្ដីបារម្ភ​ខ្លាំង appeared first on Kampuchea Thmey Daily.

ពិធីមង្គលការនេះនឹងប្រារព្ធឡើងនៅឯរមណីយដ្ឋានភ្នំដ៏ប្រណិតនៅ Samcheonggak ក្នុងទីក្រុងសេអ៊ូល ដោយមានវត្តមានតែក្រុមគ្រួសារ និងអ្នកស្គាល់គ្នាតែប៉ុណ្ណោះ។ មួយខែមុនពិធីនេះ គូស្នេហ៍តារាកូរ៉េទទួលបានការចាប់អារម្មណ៍សម្រាប់ការថតរូបអាពាហ៍ពិពាហ៍ទាន់សម័យរបស់ពួកគេ ដែលបានចែករំលែកនៅលើ SNS យ៉ាងគគ្រឹកគគ្រេង។

ទន្ទឹមនោះទៀតដែរ កន្លែង​ដ៏ប្រណិត​ត្រូវ​បាន​គេ​ស្គាល់​ថា ​មាន​បរិយាកាស​ល្អ​ កន្លែង​នេះ​ត្រូវ​បាន​តុបតែង​ដោយ​ស្ថាបត្យកម្ម​ប្រពៃណី​កូរ៉េ និង​ការ​តុបតែង​ផ្កា​ជាច្រើន។ របាយការណ៍របស់ Sports Chosun បានបង្ហាញថា គូស្នេហ៍មួយគូនេះត្រូវបានគេរាយការណ៍ថាមិនបានចំណាយសម្រាប់ថ្ងៃពិសេសរបស់ពួកគេឡើយ ជាមួយនឹងការចំណាយប៉ាន់ស្មានលើសពី ១០០ លានវ៉ុន ដោយមិនរាប់បញ្ចូលសំលៀកបំពាក់អាពាហ៍ពិពាហ៍ និងការតុបតែងមុខ។ ពិធីដ៏ប្រណិតនេះនឹងមានការរៀបចំផ្កាដ៏ប្រណិត រួមទាំងផ្កា cherryពណ៌ប្រាក់, ផ្កា hydrangeas ពណ៌ស និង tulips បង្កើតបរិយាកាសដ៏គួរឲ្យភ្ញាក់ផ្អើល និងរ៉ូមែនទិក។

HyunA និង Yong Junhyung បានសារភាពជាសាធារណៈអំពីទំនាក់ទំនងរបស់ពួកគេនៅថ្ងៃទី ២០ ខែមករាឆ្នាំនេះ។ មុនពេលមានទំនាក់ទំនងស្នេហា តន្រ្តីករទាំងពីរគឺជាមិត្តរួមការងានៅ Cube Entertainment ដោយ Yong Junhyung បានចូលរួមជាសិល្បករក្នុងបទចម្រៀងទោលដំបូងរបស់ HyunA ដែលមានចំណងជើងថា Change៕

អត្ថបទ៖ សាង ស្រីល័ក្ខ

ចុចអាន៖ស្លៀករ៉ូបចូលរួមកម្មវីធី LV, Song Joong Ki បង្កភាពចម្រូងចម្រាស

The post អត់ខ្វល់គេរិះគន់​​ HyunA និង Yong Junhyung ​រៀប​មង្គល​ការ​​ថ្ងៃ​នេះតែម្ដង appeared first on Kampuchea Thmey Daily.

យោងតាមការចុះផ្សាយពី​ Allkpop នៅថ្ងៃទី០៤ ខែកញ្ញា ដោយផ្អែកនៅក្នុងសេចក្តីថ្លែងការណ៍នោះ ភ្នាក់ងារបានបញ្ចាក់ថា ពួកគេបានត្រៀមខ្លួនរួចជាស្រេចដើម្បីចាត់វិធានការផ្លូវច្បាប់ប្រឆាំងនឹងការបង្ខូចកេរ្តិ៍ឈ្មោះ និងការបំភ្លៃហួសពីការពិតទៅលើ HyunA ។ ទោះ​ជា​យ៉ាង​ណា​ពួក​គេ​បាន​បដិសេធ​មិន​ធ្វើ​ដូច្នេះ​ ដោយ​គោរព​តាម​សំណើ​សុំ​បន្ធូរបន្ថយ​របស់​សិល្បករស្រីរូបនេះ។

សេចក្តី​ថ្លែងការណ៍​បាន​បន្ត​ថា​ «​បន្ទាប់​ពី​ការ​ប្រកាស​រៀប​ការ យើង​បាន​សង្កេត​ឃើញ​មាន​ការ​កើន​ឡើង​ដោយ​មិន​អាច​គ្រប់​គ្រង​បាន​ក្នុង​ការ​និយាយ​បង្ខូច​កេរ្តិ៍​ឈ្មោះ​ ដែល​ធ្វើ​ឲ្យ​ខូច​កេរ្តិ៍​ឈ្មោះ​របស់​នាង​យ៉ាង​ខ្លាំង។ ជាពិសេស បន្ទាប់ពីការចេញផ្សាយរូបថតអាពាហ៍ពិពាហ៍ ការរីករាលដាលនៃពាក្យចចាមអារ៉ាមដែលមិនមានមូលដ្ឋានទាំងស្រុងបានកើនឡើងដែលជំរុញឲ្យយើងប្រកាន់ជំហររឹងមាំឡើងមក»។

ទីភ្នាក់ងារដដែលបានសង្កត់ធ្ងន់ទៀតថា ដើម្បីការពារសេចក្តីថ្លៃថ្នូររបស់សិល្បករ យើងនឹងចាត់វិធានការផ្លូវច្បាប់យ៉ាងតឹងរ៉ឹងប្រឆាំងនឹងពាក្យចចាមអារ៉ាមដ៏អាក្រក់ណាមួយបន្ថែមទៀត ដោយគ្មានការព្រមានជាមុន ការបន្ធូរបន្ថយ ឬដំណោះស្រាយណាមួយឡើយ។

HyunA គ្រោង​នឹង​រៀប​ការ​ជាមួយ​នឹង​តារា​ចម្រៀង Yong Junhyung នៅ​ខែ​តុលា​ខាង​មុខ​នេះ។ បន្ទាប់ពីការប្រកាសជាសាធារណៈអំពីទំនាក់ទំនងរបស់ពួកគេ និងព័ត៌មានអាពាហ៍ពិពាហ៍ដ៏ឆាប់រហ័ស HyunA បានក្លាយជាគោលដៅនៃពាក្យចចាមអារ៉ាមដែលបង្កគ្រោះថ្នាក់ផ្សេងៗ រួមទាំងការរំពឹងទុកអំពីការមានផ្ទៃពោះមុនរៀបការ ដែលបណ្តាលឲ្យឈ្មោះរបស់នាងក្លាយជារឿងអាស្រូវមិនល្អលើបណ្ដាញអ៉ិនធើណេត។

អត្ថបទ៖ សាង ស្រីល័ក្ខ

ចុចអាន៖មិននិយាយច្រើន ស្ងាត់ៗ J-Hope ទិញ​ផ្ទះ​​ប្រណិត ៤ ក្នុង​ក្រុង​សេអ៊ូល ខណៈម្ចាស់កំពុងបំពេញ​កាព្វកិច្ចយោធា

The post ត្រូវគេជេរប្រមាថលើរូបអាពាហ៍ពិពាហ៍ ភ្នាក់ងារ HyunA ព្រមានចាត់វិធានការផ្លូវច្បាប់មិនបន្ធូរដៃ appeared first on Kampuchea Thmey Daily.

ជាមួយគ្នានេះដែរ មហាជនមានការខកចិត្តនឹងតារាស្រីរូបនេះជាខ្លាំង ដោយសារតែ នាងបានបញ្ចប់ទំនាក់ទំនងស្នេហាដែលមានរយៈពេលច្រើនឆ្នាំ ដ៏ផ្អែមល្ហែមជាមួយ Dawn។ ផ្ទុយទៅវិញ នាងបែរជាជ្រើសរើសគូអនាគតគឺជាឧក្រិដ្ឋកម្ម ដោយ Junhyung គឺជាបុគ្គលម្នាក់ ដែលជាប់ពាក់ព័ន្ធជាមួយនឹងករណីជួញដូរផ្លូវភេទក្នុងក្លឹប Burning Sun ដែលត្រូវបានបណ្ដេញចេញពីវិស័យសិល្បៈ កាលពីឆ្នាំ 2019 កន្លងទៅនេះ។

បកមកពិធីមង្គលការរបស់គូស្នេហ៍ដែលត្រូវបានមហាជនដាក់រហ័សនាមថា គូស្នេហ៍ Burning Sun នេះវិញ ពួកគេបានប្រកាសនឹងធ្វើពិធីបែបលក្ខណៈឯកជន ដែលធ្វើឡើងនៅថ្ងៃទី11 ខែតុលា ខាងមុខនេះហើយ។ ដោយឡែក បើទោះបីជា HyunA ខំបង្ហាញរូបភាពស្អាតៗយ៉ាងណា ក៏រូបនាង​នៅតែទទួលបានការរិះគន់ តិះដៀលពីសំណាក់មហាជនជាច្រើនលើសលុប៕

The post គ្រាន់តែបង្ហោះរូបថតការភ្លាម HyunA ត្រូវមហាជនដាក់ទំនាយពេញអ៊ិនធើណែត appeared first on Kampuchea Thmey Daily.

យ៉ាងណាក៏ដោយ ការផ្លាស់ប្តូរនេះបានទាក់ទាញការចាប់អារម្មណ៍មហាជនយ៉ាងខ្លាំង នៅពេលដែលតារាចម្រៀងប្រុសវ័យ៣០ឆ្នាំរូបនេះបែរជាសម្អាតផ្ទាំងព័ត៌មាន Instagram របស់គាត់។ ជាពិសេសគេដឹងថា កាលពីមុន សូម្បីតែ HyunA បានប្រកាសភ្ជាប់ពាក្យជាមួយតារាចម្រៀង Yong Jun Hyung កាលពីថ្ងៃទី ០៨ ខែកក្កដា ក៏ Dawn បានរក្សារូបថតខ្លួនគាត់ជាមួយ HyunA រួមទាំងពេលវេលាស្និទ្ធស្នាលមួយចំនួននៅលើ Feed របស់គាត់។ នេះបានជំរុញឲ្យមានការជជែកដេញដោលគ្នាក្នុងចំណោមអ្នកគាំទ្រ និងអ្នកលេងអ៊ីនធឺណែត ថាតើគាត់បានលុបរូបថតជាមួយ HyunA ដើម្បីជាការគួរសមចំពោះនាង និងគូដណ្តឹង Yong Jun Hyung ដែរឬទេ។

ទន្ទឹមនោះទៀតដែរ ងាកទៅកាន់អ្នកលេង​អ៊ីនធឺណិត​កូរ៉េជាច្រើន​បាន​បញ្ចេញ​មតិ​បែបវិជ្ជមានទៅកាន់ Dawn ថា “នោះជារឿងត្រឹមត្រូវដែលលោកធ្វើយ់ាងដដូច្នោះ! ពីមុនពួកគេមិនចូលចិត្ត Dawn ទេ ប៉ុន្តែបន្ទាប់ពីបានលឺគាត់និយាយក្នុងកម្មវិធីជជែក ខ្ញុំគិតថាគាត់ជាមនុស្សប្រុសល្អម្នាក់។ ខ្ញុំសង្ឃឹមថាគាត់នឹងអាចបញ្ចេញស្លាបរបស់គាត់ជាមួយនឹងទេពកោសល្យរបស់គាត់ទៅថ្ងៃខាងមុខ ។ មិនថាគាត់ដឹងខ្លួនឬអត់នោះទេ វាជាជម្រើសរបស់ Dawn ប្រសិនបើវាជាខ្ញុំ ខ្ញុំនឹងលុបអ្វីៗទាំងអស់ផងដែរ។ ​​​ វាហាក់បីដូចជាការគិតគូរចំពោះអ្នកដ៏ទៃជាជាងការព្យាយាមបំភ្លេច។ ទង្វើចុងក្រោយនៃការគោរពនេះគឺគួរឲ្យចាប់អារម្មណ៍​ ស្ត្រីម្នាក់គួរតែនៅជាមួយមនុស្សដែលស្រលាញ់នាងច្រើនជាង ប៉ុន្តែប្រសិនបើនាងសម្រេចចិត្តដោយខ្លួនឯង ការរស់នៅប្រកបដោយសុភមង្គលគឺ យើង​មិន​អាច​នឹក​ស្មាន​ដល់​ថា ​តើ​ពួក​គេ​ទាំង​អស់​គ្នា​បាន​ឈឺ​ចិត្ត​ប៉ុណ្ណា​ក្នុង​ទំនាក់​ទំនង​នោះ។ គាត់បានប្រឹងប្រែងអស់ពីសមត្ថភាពដើម្បីលុបការបង្ហោះទាំងអស់ ចូរបំភ្លេចអ្វីៗទាំងអស់ ហើយចាប់ផ្តើមថ្មី ខ្ញុំគិតថា Dawn គឺល្អបំផុតក្នុងចំណោមមិត្តប្រុសរបស់ HyunA កន្លងមក”។

សូមជម្រាបជូនថា HyunA ត្រូវបានគេចាប់បានថាមានទំនាក់ទំនងស្នេហាជាមួយតារារ៉េប Dawn ក្នុងឆ្នាំ ២០១៨ ទោះបីជាក្រុមហ៊ុនបានបដិសេធក៏ដោយ ប៉ុន្តែគូស្នេហ៍ទាំងពីរបានសារភាពថាមានទំនាក់ទំនងស្នេហារបស់ពួកគេ។ ភ្លាមៗនេះបណ្តាលឲ្យអ្នកទាំងពីរត្រូវបានខាងផលិកម្មផ្អាកសកម្មភាពរយៈពេលដោយសារតែការរំលោភកិច្ចសន្យា ក្រោយរួមរស់ជាមួយគ្នាបាន ៦ ឆ្នាំ HyunA បានបញ្ជាក់ថានាងបានបែកគ្នាជាផ្លូវការជាមួយ Dawn ក្នុងខែ វិច្ឆិកា ឆ្នាំ ២០២២ ៕

អត្ថបទ៖ សាង ស្រីល័ក្ខ

ចុចអាន៖Kim Soo Hyun បង្ហោះ​រូប​​ថើប​មនុស្ស​ស្រី ខណៈគេសង្ស័យថាជា​ Kim Ji Won

The post Dawn លុបរូបថតរបស់ HyunA ចេញពី IG ក្រោយប្រកាសដំណឹងរៀបការជាមួយមិត្តប្រុសថ្មី appeared first on Kampuchea Thmey Daily.

អ្នកជិតស្និទ្ធក្នុងវិស័យសិល្បៈកម្សាន្តថ្មីៗនេះ បានប្រាប់អ្នកយកព័ត៌មាន YTN ថា «ពួកគេរាប់អានគ្នាយូរហើយ និងយល់យ៉ាងស៊ីជម្រៅពីទុក្ខលំបាកក្នុងជីវិតក្នុងវិស័យសិល្បៈ ទើបឈានដល់ការទុកចិត្ត និងការយល់ចិត្តគ្នាយ៉ាងខ្លាំង ហើយបានវិវត្តន៍ទៅជាទំនាក់ទំនងស្នេហា។ ពួកគេ​មាន​អារម្មណ៍​ជឿជាក់​លើ​ស្នេហា​របស់​ពួកគេ ហើយ​បាន​សម្រេចចិត្ត​រៀបការ​។ ខ្ញុំ​គិត​ថា​ពួក​គេ​សម្រេច​ចិត្ត​រៀប​ការ​ដោយ​សារ​តែ​មាន​ទំនុក​ចិត្ត​លើ​សេចក្ដី​ស្រឡាញ់​របស់​គ្នា»។

HyunA និង Yong Jun-hyung ទាំងពីរនាក់បានធ្វើការនៅក្រោមផលិតកម្ម Cube Entertainment ដោយ HyunA ជាសមាជិកក្រុម 4Minute និង Yong Jun-hyung ជាសមាជិកនៃ Beast ចែករំលែកបទពិសោធន៍ និងបង្កើតទំនាក់ទំនងរបស់ពួកគេតាមរយៈការសម្តែង និងកម្មវិធីផ្សេងៗ។

តារាទាំងពីរបានប្រកាសពីទំនាក់ទំនងរបស់ពួកគេកាលពីថ្ងៃទី១៨ ខែមករា ដោយបង្ហោះរូបថតមួយសន្លឹកនៅលើគណនីបណ្តាញសង្គម បង្ហាញពួកគេកាន់ដៃគ្នាពេលកំពុងដើរ ​​ហើយបានបន្តស្នេហាជាសាធារណៈ។

ទន្ទឹមនឹងនេះដែរ HyunA ដែលជាតារាលំដាប់ពិភពលោក បានត្រលប់មកវិញនៅក្នុងឧស្សាហកម្មតន្ត្រីនៅក្នុងខែឧសភា បន្ទាប់ពីរយៈពេលពីរឆ្នាំជាមួយនឹងអាល់ប៊ុមខ្នាតតូចថ្មីរបស់នាងដែលមានចំណងជើងថា ‘Attitude’ ទទួលបានការឆ្លើយតបយ៉ាងរីករាយពីអ្នកគាំទ្រ។

សម្រាប់ Yong Jun-hyung បានចេញផ្សាយ EP របស់គាត់ ‘Beautiful Dystopia’ កាលពីថ្ងៃទី ២៥ ខែមីនា ដែលទទួលបានការសរសើរជាអន្តរជាតិ ដោយបានជាប់ចំណាត់ថ្នាក់ខ្ពស់នៅលើតារាង iTunes Top Album នៅក្នុងតំបន់ចំនួន ៦ ទូទាំងពិភពលោក៕

អត្ថបទ៖ សាង ស្រីល័ក្ខ

ចុចអាន៖ប្រព័ន្ធផ្សព្វផ្សាយថា Rosé និង Cha Eun Woo លួចទាក់ទងគ្នា អស់រយៈពេល ៤ ឆ្នាំហើយ

The post ច្បាស់ការហើយថា HyunA និង Yong Jun-hyung ពិតជារៀបការនៅខែតុលាឆ្នាំនេះ appeared first on Kampuchea Thmey Daily.

នៅក្នុងកម្មវិធី Look Me Up របស់ 1theK តារារ៉េប Dawn បានជម្រះរាល់ពាក្យចចាមអារ៉ាមដែលផ្សព្វផ្សាយអំពីទំនាក់ទំនងរបស់លោកជាមួយអតីតមិត្តស្រី HyunA ។ តារារ៉េបប្រុសរូបនេះបានបញ្ជាក់ថាអ្នកទាំងពីរមិនមានភាពប្រច័ណ្ឌនឹងគ្នាណាមួយក្រោយការបែកបាក់ដូចពាក្យចចាមអារ៉ាមកន្លងមកនោះទេ។

តារារ៉េប Dawn បានបញ្ជាក់ថា “ពួកយើងតែងតែគាំទ្រគ្នាទៅវិញទៅមក មិនថាអ្នកផ្សេងជ្រើសរើសបែបណាទេ។ ពេលនេះ ឬពីមុនខ្ញុំនៅតែគោរព និងគាំទ្រនាង។ ទោះបីជាពួកយើងបែកគ្នាក៏ដោយ ខ្ញុំនៅតែការពារនាងដូចពីមុន”។ ជាពិសេសលោកបាននិយាយបន្ថែមទៀតថា “តាមពិតទៅអារម្មណ៍ របស់ខ្ញុំនៅតែដដែល មិនថាយើងបែកគ្នា ឬយើងត្រលប់មកវិញទេ វាមិនសំខាន់ទេ ព្រោះខ្ញុំនៅតែស្រលាញ់ HyunA បើទោះជាពួកយើងដើរផ្លូវផ្សេងគ្នាទាំងស្រុង ខ្ញុំនឹងនៅតែស្រលាញ់ HyunA”។

យ៉ាងណាមិញ HyunA ត្រូវបានគេចាប់បានថាមានទំនាក់ទំនងស្នេហាជាមួយតារារ៉េប Dawn ក្នុងឆ្នាំ ២០១៨ ទោះបីជាក្រុមហ៊ុនបានបដិសេធក៏ដោយ ប៉ុន្តែគូស្នេហ៍ទាំងពីរបានសារភាពថាមានទំនាក់ទំនងស្នេហារបស់ពួកគេ។ ភ្លាមៗនេះបណ្តាលឱ្យអ្នកទាំងពីរត្រូវបានខាងផលិកម្មផ្អាកសកម្មភាពរយៈពេលដោយសារតែការរំលោភកិច្ចសន្យា ក្រោយរួមរស់ជាមួយគ្នាបាន ៦ ឆ្នាំ HyunA បានបញ្ជាក់ថានាងបានបែកគ្នាជាផ្លូវការជាមួយ Dawn ក្នុងខែ វិច្ឆិកា ឆ្នាំ ២០២២ ៕

ប្រែសម្រួល៖នាងតូច

ចុចអាន៖Jungkook បរិច្ចាគប្រាក់ខ្ទង់ម៉ឺនដុល្លារដល់មន្ទីរពេទ្យកុមារកូរ៉េ

The post ក្រោយបែកគ្នា Dawn សារភាពថា លោកនៅតែស្រលាញ់ HyunA appeared first on Kampuchea Thmey Daily.