ជីវិតកម្សាន្ដ
តារារ៉េបថៃ ចាប់ដៃគូជាមួយ វណ្ណដា ក្នុងបទ «RUN THE TOWN» ពេលនេះស្ថិតក្នុងបន្ទប់សង្រ្គោះបន្ទាន់
តារារ៉េបថៃ F.HERO ដែលធ្លាប់ចាប់ដៃគូជាមួយតារារ៉េបកម្ពុជា វណ្ណដា នៅក្នុងបទចម្រៀងមួយក្រោមចំណងជើងថា «RUN THE TOWN» ចេញផ្សាយកាលពីថ្ងៃទី ២២ ខែមេសា ឆ្នាំ ២០២២ ពេលនេះលោកបានចូលបន្ទប់សង្រ្គោះបន្ទាន់វះកាត់ភ្លាមៗ ដោយសារតែគ្រួសក្នុងប្រមាត់។
តារារ៉េបមាឌយក្សរូបនេះត្រូវគេធ្វើរោគវិនិច្ឆ័យថា លោកមានជំងឺគ្រួសក្នុងប្រមាត់ ដែលត្រូវបានរកឃើញនៅក្នុងថង់ទឹកប្រមាត់ ភ្លាមៗនោះ F.HERO ត្រូវគេបញ្ចូនទៅកាន់មន្ទីរពេទ្យដោយតម្រូវឲ្យមានការវះកាត់សង្គ្រោះបន្ទាន់ដោយមិនបង្អង់យូរ។
យ៉ាងណាមិញ បន្ទាប់ពីទទួលការវះកាត់ទាន់ពេលវេលា តារាប្រុសវ័យ៤២ឆ្នាំហាក់ធូរស្បើយជាងមុន ទើបបង្ហោះសារប្រាប់ថា មែនទែនទៅ! ខ្លួនឈឺពោះ៣ថ្ងៃហើយ ដោយគិតថាវាជាជំងឺរលាកក្រពះ ក្រោយទ្រាំលែងបានទើបទៅពិនិត្យ CT Scan ហើយរកឃើញគ្រួសក្នុងថង់ទឹកប្រមាត់តែម្ដង។ ការវះកាត់សង្គ្រោះបន្ទាន់បានតម្រូវឲ្យធ្វើភ្លាមៗដោយមិនអាចពន្យារបានទៀត។
ថ្វីដ្បិតតែជាសះស្បើយក្ដី ក៏ប៉ុន្តែកន្លងមក F.HERO ក៏ស្ពាយជំងឺទឹកនោមផ្អែមជាប់ខ្លួនដែរ។ ជំងឺរបស់លោកត្រូវតម្រូវឲ្យស្ថិតក្រោមការគ្រប់គ្រង ព្យាយាមគ្រប់គ្រងទម្ងន់ ប្រយ័ត្នចំពោះអ្វីដែលញ៉ាំ ទើបមិនអាចឈានដល់ដំណាក់កាលធ្ងន់ធ្ងរបាន។
តារាប្រុស F.HERO ត្រូវបានគេដឹងថា ជាដៃគូសហការលើបទ «RUN THE TOWN» ដែលក្លាយជាបទដ៏ល្បីល្បាញ និងមានសន្ទុះអ្នកគាំទ្រច្រើនលើសលប់មិនគួរឲ្យជឿ។ បទនេះដែរ មានការចូលរួមពីសំណាក់តារារ៉េប៤ដួងរួមគ្នា ដូចជា៖F.HERO ,VannDa , 1MILL និង SPRITE ជាដើម។ អ្វីដែលកាន់តែពិសេសនោះគឺ Lyrics នៃបទចម្រៀងនេះគឺអ្នកទាំង៤រួមគ្នាសរសេរតែមួយថែមទៀតផង៕
អត្ថបទ៖ សាង ស្រីល័ក្ខ
ចុចអាន៖នាង Bella ត្រូវជនជាតិថៃគ្នាឯងព្រួតរិះគន់ និងប្រមាថមើលងាយ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ