នៅខែកុម្ភៈ ឆ្នាំ២០២៣ Jennifer Lopez និង Ben Affleck បានប្រារព្ធទិវានៃក្តីស្រឡាញ់ដំបូងរបស់ពួកគេក្នុងនាមជាប្តីប្រពន្ធ ដោយទទួលបានស្នាមសាក់ការប្តេជ្ញាចិត្តរួមគ្នា។ តារាចម្រៀងស្រីកើតនៅឆ្នាំ ១៩៦៩ មានស្នាមសាក់នៅលើទ្រូងខាងឆ្វេងរបស់នាង ដែលជាសញ្ញាគ្មានទីបញ្ចប់ជាមួយនឹងពាក្យ Jennifer និង Ben ដែលសរសេរនៅខាងចុងទាំងពីរ និងព្រួញមួយទម្លុះចំកណ្តាល។

ទោះជាយ៉ាងណាក៏ដោយ នៅពេលដែល Jennifer ពាក់រ៉ូបវាលដែលអាចមើលឃើញសាច់ទាំងសងខាងនៃរាងកាយរបស់នាង​ ក្នុងការបង្ហាញខ្លួននៅលើកម្រាលព្រំក្រហមនៃមហោស្រពភាពយន្តអន្តរជាតិតូរ៉ុនតូឆ្នាំ ២០២៤ កាលពីថ្ងៃទី ០៦ ខែកញ្ញា មនុស្សម្នាលែងបានឃើញភស្តុតាងនៃសេចក្តីស្រឡាញ់ទៀតហើយ។ ការរចនាម៉ូដ Tamara Ralph បង្ហាញយ៉ាងច្បាស់នូវដើមទ្រូងខាងឆ្វេងរបស់តារាចម្រៀង On The Floor ប៉ុន្តែមិនមានអ្វីក្រៅពីស្បែករលោងនោះទេ។ គេក៏មិនច្បាស់ទេថាតើ Jennifer បានលុបស្នាមសាក់ឬប្រើគ្រឿងសម្អាងដើម្បីបិទបាំងវា ប៉ុន្តែមានរឿងមួយប្រាកដនោះគឺថា នាងមិនចង់បង្ហាញវានៅក្នុងបរិបទនៃការបញ្ចប់ដំណើរការលែងលះនោះទេ។

ងាកទៅកាន់អតីតស្វាមី Ben Affleck ក៏​មាន​ស្នាម​សាក់​នៃ​ការ​តាំង​ចិត្ត​ដ៏​យូរអង្វែង​ដល់​ភរិយា​របស់​គាត់​​ ដែល​មាន​អាយុ​បី​ឆ្នាំ​ដែរ ដោយបង្ហាញព្រួញ​ត្រួត​គ្នា​ពីរ​ជាមួយ​អក្សរ J​ និង B ដែល​ឆ្លាក់​នៅ​ចន្លោះ​បង្គោល។

រហូត​មក​ដល់​ពេល​នេះ Jennifer និង Ben មិន​ទាន់​បាន​ធ្វើ​សេចក្តី​ថ្លែង​ការណ៍​ជា​ផ្លូវ​ការ​ណា​មួយ​អំពីការរស់នៅដាច់​ដោយ​ឡែក​ពី​គ្នាទេ។ យ៉ាង​ណា​មិញ សញ្ញា​ទាំង​អស់​បញ្ជាក់​ថា​ពួកគេលែង​នៅ​ជាមួយ​គ្នា​ទៀត​ហើយ។ ទោះ​បី​ជា​បែក​គ្នា​ក៏​ដោយ ក៏​អ្នក​ទាំង​ពីរ​មិន​អាច​ចៀស​វាង​ពី​ស្ថានការណ៍​ដែល​ទាក់ទង​គ្នា​បាន​ទេ ក្នុង​ចំណោម​នោះ​គឺ​រឿង Unstoppable និង​តារា​សម្ដែង Matt Damon។

នៅពេលដែលខ្សែភាពយន្តជីវប្រវត្តិអំពីអ្នកចំបាប់ជនជាតិអាមេរិក Anthony Robles បានចាក់បញ្ចាំងជាលើកដំបូងនៅមហោស្រពភាពយន្ត Toronto នោះ Jennifer បានចូលរួមជាមួយក្រុមការងារភាពយន្តជាតួឯកស្រី។ ទន្ទឹមនឹងនោះ Ben បានអវត្តមាន ទោះបីជាគាត់ជាផលិតករដោយទុកឲ្យមិត្តជិតស្និទ្ធរបស់គាត់ Matt Damon ទៅចូលរួមក្នុងព្រឹត្តិការណ៍នេះក្នុងនាមសិល្បៈសមធម៌។ ក្នុង​ស្ថានភាព​មិន​ល្អ Jennifer និង Matt បាន​បង្ហាញ​ថា​ពួកគេ​នៅ​តែ​មាន​ទំនាក់ទំនង​ល្អ​។ មិន​ត្រឹម​តែ​ថត​រូប​ជា​ក្រុម​ប៉ុណ្ណោះ​ទេ គេ​ក៏​ឃើញ​កាន់​ដៃ​សំពះ​ក្នុង​កម្មវិធី​ជប់លៀង​ចាក់​បញ្ចាំង​ភាពយន្ត​ផង​ដែរ។ រូបភាព​នោះ​បាន​ក្លាយ​ជា​ប្រធាន​បទ​ដ៏​ក្តៅ​គគុក​មួយ​យ៉ាង​ឆាប់​រហ័ស​ក្នុង​កាសែត។

ទោះបីជាយ៉ាងណាក៏ដោយ យោងតាមអ្នកខាងក្នុងដែលបានបង្ហាញទៅកាន់ Daily Mail ការសន្ទនារយៈពេល ២០នាទីគឺមិនមានភាពរួសរាយរាក់ទាក់ដូចដែលវាហាក់ដូចជានៅខាងក្រៅនោះទេ។ Jennifer ត្រូវ​បាន​គេ​និយាយ​ថា​ចង់​ចែក​រំលែក​ជាមួយ Matt អំពី​ស្វាមី​ដែល​នឹង​ត្រូវ​លែង​លះ​ឆាប់ៗ ប៉ុន្តែ​តារា​សម្ដែង​មិន​បាន​ចាប់​អារម្មណ៍​ទេ៕

អត្ថបទ៖ សាង ស្រីល័ក្ខ

ចុចអាន៖VMAs ឆ្នាំនេះ ប្រជុំជើងដោយកំពូលតារាលំដាប់ពិភពលោក

The post Jennifer ទំនងជាលុបស្នាមសាក់អតីតស្វាមីចោល ក្រោយធ្លាយដំណឹងលែងលះ appeared first on Kampuchea Thmey Daily.

យោងតាម PEOPLE និង TMZ បានរាយការណ៍ដោយដកស្រង់ពីប្រភពជិតស្និតកាលពីថ្ងៃអង្គារទី ២០ ខែសីហា ថា តារាចម្រៀងវ័យ ៥៤ឆ្នាំរូបនេះ បានដាក់ពាក្យនៅតុលាការជាន់ខ្ពស់ខោនធី Los Angeles ចាប់តាំងពីថ្ងៃទី ២៦ ខែមេសា ឆ្នាំ ២០២៤ម​កម៉្លេះ។ នាង​បាន​ប្តឹង​លែង​លះ​ដោយ​ខ្លួន​ឯង​ដោយ​មិន​ប្រើ​មេធាវី ហើយ​ជា​លក្ខណៈ​បច្ចេកទេស​ដោយ​ខ្លួន​ឯង។

អ្នកតំណាងរបស់ Lopez បានបញ្ជាក់ថា នាង និង Affleck បានភ្ជាប់ពាក្យនៅខែមេសា ឆ្នាំ ២០២២ ហើយអ្នកទាំងពីរបានប្រារព្ធពិធីមង្គលការដ៏គួរឲ្យភ្ញាក់ផ្អើលមួយនៅ Las Vegas នៅថ្ងៃទី ១៦ ខែកក្កដា ឆ្នាំ ២០២២។ ក្រោយមកពួកគេបានប្រារព្ធពិធីអាពាហ៍ពិពាហ៍ដ៏ធំមួយនៅក្នុងរដ្ឋ Georgia នៅលើទឹកដីនៃបរិវេណទំហំ ៨៧ ហិចតារបស់ Affleck នៅខាងក្រៅ។

ប្រភពជាច្រើនបានប្រាប់ទៀតថា កាលពីខែឧសភាថា Affleck និង Lopez មិនបានរស់នៅជាមួយគ្នានៅក្នុងផ្ទះរបស់ពួកគេនៅ Los Angeles​ ទេ ។ ទោះបីជាអ្នកទាំងពីរត្រូវបានគេឃើញរួមគ្នានៅក្នុងព្រឹត្តិការណ៍ផ្សេងៗក៏ដោយ ក៏គេសង្ស័យថា បុគ្គលិកលក្ខណៈ និងវិធីសាស្រ្តផ្សេងគ្នារបស់ពួកគេចំពោះជីវិតសាធារណៈមានភាពលំបាកពីមួយថ្ងៃទៅមួយថ្ងៃ ។

មុនពេលដាក់ពាក្យលែងលះ Lopez និង Affleck បានចំណាយពេលជាច្រើននៃរដូវក្តៅនៅលើឆ្នេរសមុទ្រទល់មុខនៃប្រទេស។ Lopez បានចំណាយពេលនៅថ្ងៃទី ០៤ ខែកក្កដាដែលជាខួបអាពាហ៍ពិពាហ៍លើកទីពីររបស់ប្តីប្រពន្ធនិងខួបកំណើតទី ៥៥ របស់នាងក្នុងអំឡុងពេលស្នាក់នៅបន្តនៅ Hamptons ទីក្រុងញូវយ៉ក ខណៈពេលដែល Affleck បន្តនៅ Los Angeles សម្រាប់រដូវក្តៅ។ ក្រោយមក នៅក្នុងខែមិថុនា Affleck និង Lopez បានដាក់ផ្ទះដែលពួកគេបានរួមគ្នានៅ Beverly Hills ចាប់តាំងពីខែមិថុនា ឆ្នាំ ២០២៣ នៅលើទីផ្សារ ហើយ Affleck ស្រាប់តែទិញផ្ទះថ្មីតម្លៃ ២០លានដុល្លារនៅ Los Angeles ក្នុងខែកក្កដាទៅវិញ ៕

អត្ថបទ៖ សាង ស្រីល័ក្ខ

ចុចអាន៖វ័យ៣៦ឆ្នាំ តារា​ម៉ូដែល​ Candice ត្រូវប៉ាន់ប្រេនធំៗ ខណៈដែលនាងនៅតែខ្ញង់ស្អាត ដូច​កាល​នៅជំទង់

The post រៀបការបាន ២ ឆ្នាំ Jennifer Lopez ស្រាប់តែប្រកាសលែងលះស្វាមី appeared first on Kampuchea Thmey Daily.

តាមរយៈគណនីផ្ទាល់ខ្លួន តារា​ចម្រៀង​អាមេរិក​ដ៏​ល្បី​រូប​នេះ​បាន​ដាក់​ចំណង​ជើង​លើ​ការ​បង្ហោះ​នោះ​ថា “When it feels right nothing else matters ដែលមានន័យជាភាសាខ្មែរថា នៅពេលដែលវាមានអារម្មណ៍ត្រឹមត្រូវ គ្មានអ្វីសំខាន់ទេ” រួម​ជាមួយ​នឹង hashtag #ThisIsMeNow ដែល​ជា​ឈ្មោះ​អាល់ប៊ុម​ខាង​មុខ​របស់​នាង។

ជាមួយគ្នានេះដែរ ឈុតដែល​នាង​ស្លៀក​គឺ​មក​ពី​ម៉ាក​ខោ​អាវ​អ៊ីតាលី Intimissimi ដែល ​López ​ជា​ដៃ​គូ​ជំនួញ។​ ស្របពេលជាមួយគ្នានោះថែមទៀត អ្នកលេងអ៊ីនធឺណិតម្នាក់បានបញ្ចេញមតិលើ IG របស់តារាចម្រៀងរូបនេះថា ម៉ាក់​ជា​មនុស្ស​ស្អាត​បំផុត​លេខ​១​លើ​លោក។ “តើ​នេះ​ពិត​ជា​អ្នក​មានអាយុ ៥៤ មែន​ទេ?”

ប្រែសម្រួល៖ សាង ស្រីល័ក្ខ

ចុចអាន៖Pu praya ទម្លាយអារម្មណ៍ពិត ក្រោយបានជួបស្នេហ៍ជិតក្លាយជាកូនក្រមុំ

The post អ្នកគាំទ្រសឹងមិនជឿថា Jennifer Lopez អាយុ ៥៤ឆ្នាំឡើយ appeared first on Kampuchea Thmey Daily.

ជាក់ស្ដែង ខណៈពេលកំពុងថតរឿងនេះ ក្រុមអ្នកតវ៉ាក៏មានវត្តមាននៅស្ទូឌីយ៉ូដើម្បីតវ៉ា ហើយភាពច្របូកច្របល់បានកើតឡើងភ្លាមៗ ដែលធ្វើអោយក្រុមការងារភ្ញាក់ផ្អើល ហើយត្រូវបញ្ឈប់ការថតតែម្តង។ ក្រោយពីប្រជុំរួច ស្ទូឌីយោបានសម្រេចផ្អាកការផលិតភាពយន្តនេះ ដើម្បីចៀសវាងការខូចខាតដោយមិនចាំបាច់ ។

យោងតាមការណែនាំរបស់រឿង Unstoppable តារាវ័យ ៥៣ ឆ្នាំរូបនេះនឹងត្រូវបានផ្គូផ្គងសម្តែងជាមួយតារាសម្តែងJharrel Jerome ហើយខ្សែភាពយន្តនេះយាយអំពីកីឡាករ Anthony Robles ដែលជា អ្នកចំបាប់ជនជាតិអាមេរិកដែលកើតមកមានជើងតែមួយ ទោះបីជាបែបនេះក្ដី បុរសរូបនេះនៅតែបញ្ចេញសម្ថភាណរបស់ខ្លួនឯងដោយឈ្នះជើងឯកថ្នាក់ជាតិនៅរដ្ឋ Arizona ។

ទន្ទឹមនឹងនោះ រឿង Unstopable មិនមែនជាគម្រោងតែមួយគត់ដែលបង្ខំឱ្យលុបចោលដោយសារ ផលប៉ះពាល់នៃការតវ៉ានេះទេ ក៏មានកម្មវិធីប្រគល់រង្វាន់ជាច្រើនក៏ត្រូវបង្ខំចិត្តពន្យារពេលផងដែរ ដូចជា ពានរង្វាន់ Tony Awards, Daytime Emmy, AFI 2023 Life Achievement Award ceremony របស់វិទ្យាស្ថានភាពយន្តអាមេរិកសម្រាប់ Nicole Kidman ជាដើម ៕

ប្រែសម្រួល៖នាងតូច

ចុចអាន៖V ជាប់ចំណាត់ថ្នាក់កំពូលនៃតារាមានការស្វែងរកច្រើនបំផុតនៅលើ Google

The post ភាពយន្តថ្មីរបស់ Jennifer Lopez ឈប់ថតភ្លាមៗ ដោយសារតែកូដកម្មរបស់អ្នកនិពន្ធ appeared first on Kampuchea Thmey Daily.

Jennifer Lopez និងស្វាមីរបស់នាងធ្លាប់ជួបការលំបាកជាច្រើនក្នុងការស្វែងរកភូមិគ្រឹះក៏ដូចជាវិមានផ្ទាល់ខ្លួនរបស់ពួកគេ។ នៅក្នុងឆ្នាំ ២០១៨ វិមានមួយនេះត្រូវបានចុះបញ្ជីក្នុងតម្លៃ ១៣៥ លានដុល្លារហើយបានធ្លាក់ចុះមកត្រឹម ៧៥ លានដុល្លារក្នុងខែមីនា នេះបើយោងទៅតាមគេហទំព័រ Zillow ។ Jennifer Lopez និងស្វាមីរបស់នាងត្រូវបានគេនិយាយថាទទួលបានជោគជ័យក្នុងចរចានៅពេលដែលពួកគេគ្រាន់តែចំណាយ ៦០ លានដុល្លារដើម្បីធ្វើជាម្ចាស់ផ្ទះ ដោយប្តីប្រពន្ធមួយនេះបានបង់ជាសាច់ប្រាក់សុទ្ធ ។

ផ្ទះវីឡានេះមានបន្ទប់គេង ១២ បន្ទប់ទឹក ២៤ និងឡកម្តៅ ១៥ កន្លែងក៏ដូចជាយានដ្ឋានដែលអាច ដាក់ឡានបាន ១២ គ្រឿងអាងហែលទឹកដ៏ធំមួយ។ ផ្ទះគ្រួសាររបស់ Jennifer Lopez ក៏មានរបស់របរផ្សេងទៀតដូចជា រោងកុន បន្ទប់ស្រា និងស្ប៉ាជាដើម ជាពិសេសកន្លែងកីឡាធំទូលាយរហូត ដល់ ៤៦៤ m2 ។

ជាមួយគ្នានេះ ក្រៅពីផ្ទះនៅ Los Angeles តារាចម្រៀង Jennifer Lopez ក៏ជាម្ចាស់អចលនទ្រព្យ ផ្ទះវីឡា និងភូមិគ្រិះដ៏មានតម្លៃថ្លៃផ្សេងទៀតនៅទីក្រុង New York, Malibu, Encino, California ហើយបើយោងទៅតាមទស្សនាវដ្តី Forbes ទ្រព្យសម្បត្តិសរុបរបស់តារាចម្រៀងរូបនេះត្រូវបានគេប៉ាន់ស្មានថាមានចំនួន ៤០០ លានដុល្លារ ៕

ប្រែសម្រួល៖នាងតូច

ចុចអាន៖គ្រាន់តែសក់ ត តួអង្គរឿង “ទេពមច្ឆាតូច” ចំណាយជាង ១០ ម៉ឺនដុល្លារ

The post Jennifer Lopez និងស្វាមី ទិញវិមានមួយមានតម្លៃ ៦០ លានដុល្លារ appeared first on Kampuchea Thmey Daily.

យោងទៅតាមប្រភពកាសែត Wall Street Journal បានរាយការណ៍ថាម្ចាស់បទ On The Floor មាន ភាពល្បីល្បាញដោយសារមានចំណង់ចំណូលចិត្តលើអាជីវកម្មអចលនទ្រព្យផ្ទះវីឡា និងភូមិគ្រិះ។ ថ្មីៗនេះនាងទើបតែ ដាក់លក់ផ្ទះវីឡាបារាំងនៅទីក្រុង Los Angeles ក្នុងតម្លៃ ៤២,៥ លានដុល្លារ ផ្ទះនេះ Jennifer បានទិញពីអ្នកស្រី Sela Ward ក្នុងឆ្នាំ ២០១៦ ក្នុងតម្លៃដំបូង ២៨ លានដុល្លារ ដែលនាងទទួលបានការចំណេញ ១៤,៥ លានដុល្លារពីការលក់ផ្ទះវីឡាមួយនេះ ។

វីឡាជាកការរចនាដោយស្ថាបត្យករលោក Samuel Marx រួមមានផ្ទះធំមួយដែលមានបន្ទប់គេងប្រាំបួន និងអាងហែ លទឹក ក៏ដូចជាទីលានវាយកូនហ្គោល ចំណុចពិសេសនៅក្នុងវីឡានេះអាចផ្ទុកមនុស្សបានលើសពី ១០០ នាក់ដែលឲ្យម្ចាស់ផ្ទះអញ្ជើញមិត្តភ័ក្តិមករីករាយជប់លៀងក្នុងវីឡានេះបាន ។

ជាមួយគ្នានេះ ក្រៅពីផ្ទះនៅ Los Angeles តារាចម្រៀង Jennifer Lopez ក៏ជាម្ចាស់អចលនទ្រព្យផ្ទះវីឡា និងភូមិគ្រិះដ៏មានតម្លៃផ្សេងទៀតនៅទីក្រុង New York, Malibu, Encino, California យោងទៅតាមទស្សនាវដ្តី For bes ទ្រព្យសម្បត្តិសរុបរបស់តារាចម្រៀងរូបនេះត្រូវបានគេប៉ាន់ស្មានថាមានចំនួន ៤០០ លានដុល្លារ ៕

ប្រែសម្រួល៖នាងតូច

ចុចអាន៖បែកធ្លាយទិន្នន័យការប្រើប្រាស់យន្តហោះឯកជន Elon Musk ក្នុងឆ្នាំ ២០២២

The post Jennifer Lopez លក់ផ្ទះនៅទីក្រុង Los Angeles ក្នុងតម្លៃ ៤២.៥ លានដុល្លារ appeared first on Kampuchea Thmey Daily.

យោងទៅតាមប្រភពព័ត៌មានកម្សាន្ត TheThings បាន​គេ​រាយការណ៍​ថា Jennifer Lopez អាចរកបាន ១,៧៥ លានដុល្លារដោយគ្រាន់តែសម្ដែងប្រហែល ៤០ នាទី​សម្រាប់​កម្មវិធី​ខួបកំណើត​ឯកជន​មួយ​ក្នុង​ទីក្រុង​ម៉ាកាវ ដោយតារាចម្រៀងរូបនេះ ច្រៀង​តែ​ពីរ​បី​បទ​ មិន​ដល់​ពេលមួយ​ម៉ោង ហើយត្រូវបានគេរាយការណ៍ថា នាងបានសម្តែងសម្រាប់គ្រួសាររបស់មហាសេដ្ឋីកាស៊ីណូមួយចំនួននៅឯសណ្ឋាគារ Grand Hyatt Macau ។

ជាមួយគ្នានេះ ប៉ុន្មានឆ្នាំកន្លងមកនេះ តារាចម្រៀងនិងសម្តែងរូបនេះ បានទទួលយកការកក់ទុកសម្តែងជាឯកជន ដែលតម្រូវឱ្យមានការសម្ដែងតិចជាងមួយម៉ោង ជាថ្នូរនឹងប្រាក់ឈ្នួលដ៏ច្រើន។ យ៉ាងណាមិញ នេះមិនមែនជាលើទីមួយដែល Jennifer Lopez សម្តែងជាឯកជនទេដោយនាងធ្លាប់សម្តែង នៅក្នុងពិធីជប់លៀងរបស់មហាសេដ្ឋីរុស្ស៊ី Andrei Melnichenko ដែលនាងទទួលបានប្រាក់ ១.២ លានដុល្លារក្នុងការសម្តែងពិធីជប់លៀងផងដែរ៕

ប្រែសម្រួល៖នាងតូច

ចុចអាន៖ឆ្មារបស់ Taylor Swift ជាប់ឈ្មោះជាសត្វចិញ្ចឹមមានជាងគេលើពិភពលោក

The post ត្រឹមពេល ៤០ នាទី Jennifer Lopez រកបាន ១.៧៥ លានដុល្លារឯណោះ appeared first on Kampuchea Thmey Daily.

ពិធីដ៏អធិកអធមនេះបានប្រារព្ធធ្វើឡើង បន្ទាប់ពីអ្នកទាំងពីរបានរៀបការលក្ខណៈតូច នៅទីក្រុង Las Vegas កាលខែកក្កដា ដោយកាលណោះមានតែមិត្តភក្តិជិតស្និទ្ធពីរបីនាក់ និងក្រុមគ្រួសារប៉ុណ្ណោះ។ ដោយឡែកលើកនេះ ពួកគេបានរៀបចំពិធីជប់លៀងដ៏ឱឡារឹក នៅក្នុងវិមានឯកជនដែលតម្លៃរហូតដល់ ៨.៩លាន​ដុល្លារ​អាមេរិក ​នៅឯរដ្ឋ Georgia សហរដ្ឋអាមេរិក។

អ្នកសារព័ត៌មានប្រមាញ់បានរូបថតមួយចំនួននៃពិធីមង្គលការតារាល្បីទាំងពីររូប ឃើញថា ពិធីទាំងមូលមានភាពអធិកអធមណាស់ ភ្ញៀវចូលរួមអបអរសាទរយ៉ាងច្រើនកុះករ ចំណែកការរៀបចំពិតជាមានភាពប្រណីតខ្លាំង។ ថ្វីត្បិតមិនទាន់មានប្រភពទម្លាយពីថ្លៃចំណាយក៏ដោយ ប៉ុន្តែទស្សនិកជនអាចស្មានដឹងថា ពិធីនេះចាយប្រាក់ខ្ទង់លានដុល្លារឯណោះ៕

ប្រែសម្រួល៖ សន្យា

ចុចអាន៖ ២០ឆ្នាំមុនធ្លាប់មានចិត្តឲ្យគ្នា ពេលនេះ Jennifer និង Ben ចូលរោងការ

The post អធិកអធមណាស់ មង្គលការ Jennifer Lopez រៀបចំក្នុងវិមានតម្លៃជិត ១០លានដុល្លារ appeared first on Kampuchea Thmey Daily.