ឆ្មារបស់ Taylor Swift ជាប់ឈ្មោះជាសត្វចិញ្ចឹមមានជាងគេលើពិភពលោក

ឆ្មារបស់តារាល្បីលំដាប់ពិភពលោក Taylor Swift ជាប្រភេទពូជ Scottish Fold ដែលមានឈ្មោះថា Olivia Benson គឺជាសត្វចិញ្ចឹមដែលរកចំណូលបានច្រើនជាងគេទីបីនៅលើពិភពលោក។

ឆ្មាដ៏ល្បីល្បាញរបស់ Taylor Swift គឺជាសត្វចិញ្ចឹមមួយក្នុងចំណោមសត្វចិញ្ចឹម ដែលមានជាងគេបំផុតនៅលើពិភពលោក នេះបើយោងតាមទិន្នន័យដែលប្រមូលបានដោយគេហទំព័រព័ត៌មានឆ្មា All About Cats កាលពីថ្ងៃទី ៤ ខែមករា ។

បច្ចុប្បន្ននេះ Olivia Benson មានទ្រព្យសម្បត្តិសុទ្ធចំនួន ៩៧ លានដុល្លារដែលរកបានពីការបង្ហាញខ្លួនជាតួឯកក្នុងវីដេអូចម្រៀងរបស់ Taylor Swift និងនៅក្នុងពាណិជ្ជកម្មដែលចំណាយថវិកាយ៉ាង ច្រើនដូចជាក៏ដូចជាការផ្សាយពាណិជ្ជកម្មផលិត Diet Coke ក្នុងឆ្នាំ ២០១៤ ជាដើម។

ជាមួយគ្នានេះ យោងតាមទិន្នន័យ សត្វចិញ្ចឹមដែលមានជាងគេបំផុតលើពិភពលោកគឺ ឆ្កែអ្នកគង្វាលអាល្លឺម៉ង់ Gunther IV ខណៈដែលឆ្មា Nala Cat ជាប់ចំណាត់ថ្នាក់លេខ ២ ។ ជាមួយគ្នានេះ ទ្រព្យសម្បត្តិរបស់ Gunther VI ត្រូវបានគេនិយាយថាមានចំនួន ៥០០ លានដុល្លារ ៕

ប្រែសម្រួល៖នាងតូច

ចុចអាន៖Miley Cyrus នឹងចេញបទចម្រៀងថ្មី ក្នុងថ្ងៃខួបកំណើតរបស់អតីតស្វាមី