គ្រាន់តែសក់ ត តួអង្គរឿង “ទេពមច្ឆាតូច” ចំណាយជាង ១០ ម៉ឺនដុល្លារ

រឿងទេពមច្ឆាតូចសម្ដែងដោយមនុស្ស ទើបនឹងចេញផ្សាយកាលពីថ្ងៃទី ២៥ ខែឧសភា ឆ្នាំ២០២៣ ថ្មីៗនេះ ទទួលបានចំណាប់អារម្មណ៍ជាច្រើន ហើយមតិរិះគន់ក៏មិនតិចដែរដោយសារតែតួអង្គស្រីជាជនជាតិស្បែកខ្មៅផ្ទុយស្រឡះពីរឿងដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីឈុតឆាកល្អមើល មហាជននាំគ្នាចាប់អារម្មណ៍សក់ដ៏វែងអន្លាយរបស់ព្រះនាងទេពមច្ឆាតូច ដែលចំណាយដល់ទៅ ១៥ ម៉ឺនដុល្លារឯណោះ ។ យើងដឹងថា តួអង្គព្រះនាងមច្ឆា Ariel ឬកញ្ញា Halle Bailey ជាជនជាតិស្បែកខ្មៅ ដូច្នេះសក់របស់គាត់តម្រូវឲ្យក្រងតប្រវែងលើស ៦០ សង់ទីម៉ែត្រ ដើម្បីបង្កើតសក់វែងពណ៌ក្រហមដូចតួអង្គតុក្កតាស្បែកស ។

អ្នកជំនាញផ្នែកសក់ឈ្មោះ Camille Friend សម្រេចចិត្តតសក់ឲ្យ Ariel ក្រោមតម្លៃខ្ពស់បែបនេះ ព្រោះមិនចង់បំផ្លាញសក់តួសម្ដែង បើទោះបីពាក់របស់ក្លែងក្លាយក៏មិនស្អាតដូចការរំពឹងទុកដែរ ។ យ៉ាងណាមិញមហាជនមិនសូវពេញចិត្តជាមួយសាច់រឿង និងតួអង្គទាល់តែសោះ ថែមទាំងរិះគន់ថាចំណាយច្រើនឥតប្រយោជន៍ទៀតផង ។

ចំណែកឯប្រាក់ចំណូលគិតមកទល់បច្ចុប្បន្ន Little Mermaid រកបាន ២០៩,២៤៥,៦៨៧ លានដុល្លារប៉ុណ្ណោះ គឺទាបមែនទែនបើធៀបនឹងរឿង Disney កន្លងមក ៕

ប្រែសម្រួល ៖ វារី

ចុចអាន ៖ សម្រស់តុក្កតាព្រះនាង ​Disney​ ជាទម្រង់មុខមនុស្ស ពិតជាស្រស់ស្អាតខ្លាំងណាស់