ត្រឹមពេល ៤០ នាទី Jennifer Lopez រកបាន ១.៧៥ លានដុល្លារឯណោះ

តារាសម្តែងនិងចម្រៀង Jennifer Lopez ទទួលបានប្រាក់យ៉ាងច្រើនពីការសម្តែងឯកជនក្នុងពិធីជប់លៀងមួយ ដោយតារា​ចម្រៀងស្រីរូបនេះ រកចំណូលបានជិត ២ លានដុល្លារក្នុងសម្តែងរយៈពេល ៤០ នាទីមួយយប់តែប៉ុណ្ណោះ។

យោងទៅតាមប្រភពព័ត៌មានកម្សាន្ត TheThings បាន​គេ​រាយការណ៍​ថា Jennifer Lopez អាចរកបាន ១,៧៥ លានដុល្លារដោយគ្រាន់តែសម្ដែងប្រហែល ៤០ នាទី​សម្រាប់​កម្មវិធី​ខួបកំណើត​ឯកជន​មួយ​ក្នុង​ទីក្រុង​ម៉ាកាវ ដោយតារាចម្រៀងរូបនេះ ច្រៀង​តែ​ពីរ​បី​បទ​ មិន​ដល់​ពេលមួយ​ម៉ោង ហើយត្រូវបានគេរាយការណ៍ថា នាងបានសម្តែងសម្រាប់គ្រួសាររបស់មហាសេដ្ឋីកាស៊ីណូមួយចំនួននៅឯសណ្ឋាគារ Grand Hyatt Macau ។

ជាមួយគ្នានេះ ប៉ុន្មានឆ្នាំកន្លងមកនេះ តារាចម្រៀងនិងសម្តែងរូបនេះ បានទទួលយកការកក់ទុកសម្តែងជាឯកជន ដែលតម្រូវឱ្យមានការសម្ដែងតិចជាងមួយម៉ោង ជាថ្នូរនឹងប្រាក់ឈ្នួលដ៏ច្រើន។ យ៉ាងណាមិញ នេះមិនមែនជាលើទីមួយដែល Jennifer Lopez សម្តែងជាឯកជនទេដោយនាងធ្លាប់សម្តែង នៅក្នុងពិធីជប់លៀងរបស់មហាសេដ្ឋីរុស្ស៊ី Andrei Melnichenko ដែលនាងទទួលបានប្រាក់ ១.២ លានដុល្លារក្នុងការសម្តែងពិធីជប់លៀងផងដែរ៕

ប្រែសម្រួល៖នាងតូច

ចុចអាន៖ឆ្មារបស់ Taylor Swift ជាប់ឈ្មោះជាសត្វចិញ្ចឹមមានជាងគេលើពិភពលោក