Miss Preteen Junior Idol World 2023 Archives - Kampuchea Thmey Daily

ល្អហួស តាំងចិត្តមិនយកស្នេហាក្នុងវ័យសិក្សាឡើយ និងបន្តពង្រឹងសមត្ថភាព ធ្វើអ្វីជាប្រយោជន៍សង្គមជាតិថ្ងៃមុខ

Chan Sotheavy — Tue, 17 Dec 2024 08:28:21 +0000

បវរកញ្ញាវ័យក្មេង ជូរី ល្អហួស បានចេញមកសន្យាទៅមហាជននិងអ្នកគាំទ្ររបស់ខ្លួនថា ស្ថិតនៅក្នុងវ័យកំពុងសិក្សាគឺ ដាច់ខាត់នាងមិនបណ្តោយខ្លួន ពាក់ព័ន្ធរឿងស្នេហាឡើងហើយអ្វីដែលតាំងចិត្តនោះតាមរយ:ការពង្រឹងសមត្ថភាពខ្លួនឯងឲ្យកាន់តែខ្លាំងដើម្បីចូលរួមជួយសង្គមជាតិនិងប្រជាជនកម្ពុជា។

ប្រាកដណណាស់កន្លងមកក្នុងនាមកូនខ្មែរមួយរូប ជូរី ល្អហួស តែងបានបង្ហាញការប្តេជ្ញាចិត្តដើម្បីចូលរួមផ្សព្វផ្សាយលើកស្ទួយនូវមរតកវប្បធម៌ រួមនឹងទេសចរណ៍ទៅលើឆាកជាតិឆាកអន្តរជាតិឱ្យនៅគង់វង្សយូរអង្វែង សម្រាប់កូនខ្មែរជំនាន់ក្រោយបានស្គាល់នូវអ្វីដែលជារបស់ខ្មែរ។

ម្ចាស់មកុដ Miss Preteen Junior Idol World 2024 ជូរី ល្អហួស បានលើកឡើងពីការតាំងចិត្តរបស់ខ្លួនថា “នាងខ្ញុំមិនយកស្នេហាចូលខ្លួននៅក្នុងវ័យសិក្សានោះទេ នាងខ្ញុំត្រូវតែពង្រឹងសមត្ថភាពរបស់ខ្លួនឯង ឱ្យកាន់តែខ្លាំងព្រោះ នាងខ្ញុំត្រូវធ្វើរឿងជាច្រើនទៀតដើម្បីប្រទេសជាតិ និងប្រជាជនកម្ពុជានៅថ្ងៃខាងមុខ“។

ទន្ទឹមនឹងការលើកឡើងនេះ អ្នកគាំទ្រមួយចំនួនបានកោតសរសើរពីឆន្ទ:របស់យុវតីវ័យក្មេងរូបនេះ ដែលបានបង្ហាញពីគំរូល្អសម្រាប់យុវជន ក៏ដូចជាអ្នកផ្សេងៗទៀត ក្នុងនាមជាកូនខ្មែរដែលជាទំពាំងស្នងឬស្សី មានឧត្តមគតិគិតគូរដល់សង្គមជាតិ។

មកទល់ពេលបច្ចុប្បន្ននេះ ម្ចាស់មកុដបរវកញ្ញាយុវតីកម្ពុជាឆ្នាំ២០២៣ ជូរី ល្អហួស ដែលដណ្តើមបានមកុដ Miss Preteen Junior Idol World 2024 ត្រូវបានទស្សនិកជនកត់សម្គាល់ឃើញថា នាងពិតជាមានភាពលេចធ្លោខ្លាំងទាំងរូបសម្ផស្សនិងការងារសិល្ប: ពិសេសថែមទៀត គឺការងារសង្គមជាដើម។ ទង្វើនេះត្រូវបានមហាជនមួយចំនួនធំបានសម្តែងការគាំទ្រ និងសរសើរគ្រប់ៗគ្នា៕ អត្ថបទ៖ ចាន់រ៉ា

The post ល្អហួស តាំងចិត្តមិនយកស្នេហាក្នុងវ័យសិក្សាឡើយ និងបន្តពង្រឹងសមត្ថភាព ធ្វើអ្វីជាប្រយោជន៍សង្គមជាតិថ្ងៃមុខ appeared first on Kampuchea Thmey Daily.

ល្អហួស សន្យា នៅឆ្នាំ២០២៧ នឹងយកភាពជោគជ័យជូនប្រជាជនកម្ពុជាម្តងទៀតពីឆាកអន្តរជាតិ

Din Thary — Mon, 05 Aug 2024 09:55:15 +0000

អ្នកគាំទ្របានដឹងហើយថា ក្រោយពីទទួលបានជោគជ័យនៅក្នុងការគ្រងមកុដ Miss Preteen Junior Idol 2024 នៅឆាកអន្តរជាតិកាលពីថ្មីៗនោះ ជូរី ល្អហួស បានបង្ហើបពីក្តីស្រមៃរបស់ខ្លួនដោយសន្យានៅឆ្នាំ២០២៧ ខាងមុខ នាងនឹងយកភាពជោគជ័យជូនប្រជាជនកម្ពុជាម្តងទៀតពីឆាកអន្តរជាតិ។

ប្រាកដណាស់កន្លងមកគេកត់សម្គាល់ថា មានមហាជន និងអ្នកគាំទ្របានបង្ហាញមោទនភាពជាមួយការចូលរួមអបអរសាទរបន្ទាប់ពីបវរកញ្ញាវ័យក្មេងកម្ពុជាយុវតី ជូរី ល្អហួស ដណ្តើមឈ្នះមកុដពីការប្រកួតលើឆាកអន្តរជាតិក្នុងវគ្គផ្ដាច់ព្រ័ត្រកាលពីរាត្រីថ្ងៃទី៣១ ខែមីនា ឆ្នាំ២០២៤ នៅលើទឹកដីប្រទេសថៃ។ ជ័យជំនះនេះ បានធ្វើឲ្យអ្នកគាំទ្រជាច្រើនសម្តែងការកោតសរសើរចំពោះសមត្ថបភាព ជូរី ល្អហួស ។

ដោយឡែក អ្វីដែលគេចាប់អារម្មណ៍ថែមទៀតស្រាប់តែ ល្អហួស បានចេញមកបញ្ជាក់ឆន្ទៈរបស់ខ្លួនថា នាងនឹងក្លាយជាបវរកញ្ញាតំណាង ឲ្យប្រទេសកម្ពុជាម្តងទៀតនៅអំឡុងឆ្នាំ២០២៧ ខាងមុខជាមួយការនាំភាពជោគជ័យមកជូនជាតិមាតុភូមិទៀតផងដែរ។ តាមរយៈដំណឹងនេះក៏បានធ្វើឲ្យមហាជនអ្នកគាំទ្របង្ហាញការលើកទឹកចិត្តជាមួយការទន្ទឹងរង់ចាំមើល។

បវរកញ្ញាវ័យក្មេង ជូរី ល្អហួស បានលើកឡើងថា «រាល់ការបួងសួងបំណងប៉ងប្រាថ្នារបស់នាងខ្ញុំ ខ្ញុំតែងតែបានសម្រេច នាងខ្ញុំបានប៉ងប្រាថ្នារឿងមួយទៀតគឺនៅក្នុងឆ្នាំ២០២៧ ខាងមុខនេះ សុំយកភាពជោគជ័យជូនប្រជាជនកម្ពុជាម្តងទៀតពីឆាកអន្តរជាតិ»។

គួរបញ្ជាក់ដែរថា បវរកញ្ញាវ័យក្មេងដែលជាបេក្ខភាពតំណាងកម្ពុជា និងម្ចាស់មកុដបវរកញ្ញាយុវតីកម្ពុជាឆ្នាំ២០២៣ គឺ ល្អហួស ដណ្តើមបានមកុដ Miss Preteen Junior Idol World2024។ បច្ចុប្បន្ននេះត្រូវបានទស្សនិកជនកត់សម្គាល់ឃើញថា នាងពិតជាមានភាពលេចធ្លោខ្លាំង ទាំងរូបសម្ផស្ស និងចំណេះដឹងដែលអាចធ្វើបានឮល្អរហូតដណ្តើមបានមកុដដ៏អស្ចារ្យកាលពីថ្មីៗកន្លងទៅ៕

អត្ថបទ៖ ចាន់រ៉ា

The post ល្អហួស សន្យា នៅឆ្នាំ២០២៧ នឹងយកភាពជោគជ័យជូនប្រជាជនកម្ពុជាម្តងទៀតពីឆាកអន្តរជាតិ appeared first on Kampuchea Thmey Daily.

Miss Preteen Junior Idol 2024 សម្រេចក្តីស្រមៃរាំ «របាំអប្សរា» នៅប្រាសាទអង្គរវត្ត

Din Thary — Tue, 16 Jul 2024 04:02:40 +0000

អ្នកគាំទ្របានដឹងហើយថា ក្រោយពីទទួលបានជោគជ័យនៅក្នុងការគ្រងមកុដ Miss Preteen Junior Idol 2024 នៅឆាកអន្តរជាតិកាលពីថ្មីៗនោះ ជូរី ល្អហួស បានបង្ហើបពីក្តីស្រមៃរបស់ខ្លួនដោយចង់រាំរបាំអប្សរានៅប្រាសាទអង្គរវត្តដើម្បីផ្សព្វផ្សាយអំពីវប្បធម៌ អរិយធម៌ ខ្មែរទៅកាន់ពិភពលោក។

បន្ទាប់ការបង្ហើបពីបំណងរបស់ខ្លួនបានមួយរយៈ ស្រាប់ពេលនេះម្ចាស់ Miss Preteen Junior Idol 2024 ល្អហួស បានប្រកាសពីដំណឹងថា ក្តីស្រមៃរបស់នាងពេលនេះបានសម្រេចហើយ ពោលគឺទទួលបានការអនុញ្ញាតឱ្យថត «របាំអប្សរា» នៅប្រាសាទអង្គរវត្តដូចការរំពឹងទុកនាពេលកន្លងមក។

ជូរី ល្អហួស បានបញ្ជាក់ថា” ដំណឹងល្អដែលនាងខ្ញុំទន្ទឹងរង់ចាំ ចង់ជម្រាបជូនទៅកាន់ប្រជាជនកម្ពុជាឱ្យបានជ្រាបថា នាងខ្ញុំសុំច្បាប់បានហើយក្នុងការអនុញ្ញាតិឱ្យថត «របាំអប្សរា» នៅប្រាសាទអង្គរវត្ត ក្តីស្រម៉ៃក្លាយជាការពិត”។ ក្នុងនោះក៏មានអ្នកគាំទ្របានសម្តែងការចូលរួមអបអរផងដែរ។

ជាការពិតណាស់ម្ចាស់មកុដបវរកញ្ញាវ័យក្មេង ជូរី ល្អហួស កាលពីកន្លងទៅពោលគឺអំឡុងពេលនាងចេញទៅប្រកួតនៅប្រទេសថៃ យុវតីរូបនេះក៏បាននាំយកនូវរបាំ អប្សរារបស់ដូនតាខ្មែរដើម្បីយកទៅបង្ហាញនៅលើឆាកអន្តរជាតិ ដើម្បីឱ្យពិភពលោកកាន់តែបានស្គាល់ច្បាស់ថែមទៀត។ សកម្មភាពនេះ ត្រូវបានមហាជនមួយចំនួនធំបានសម្តែងការគាំទ្រ និងសរសើរគ្រប់ៗគ្នា។

លើសពីនេះថែមទៀត បវរកញ្ញាវ័យក្មេង ជូរី ល្អហួស ក៏ធ្លាប់បានសន្យាក្នុងការចូលរួមការងារសង្គមជាតិ នឹងធ្វើជាគំរូល្អសម្រាប់យុវតីកម្ពុជាដើម្បីលើកតម្លៃស្រ្តីទូទាំងសកលផងដែរ។ ការសន្យានេះ ស្របពេលដែល ល្អហួស ជោគជ័យក្នុងការប្រកួតលើឆាកអន្តរជាតិកន្លងទៅ៕

អត្ថបទ៖ ចាន់រ៉ា

The post Miss Preteen Junior Idol 2024 សម្រេចក្តីស្រមៃរាំ «របាំអប្សរា» នៅប្រាសាទអង្គរវត្ត appeared first on Kampuchea Thmey Daily.

ជូរី ល្អហួស ចាត់វិធានការផ្លូវច្បាប់លើបុរសម្នាក់ ក្រោយសួររឿងពេលណាបែកធ្លាយវីដេអូ

Din Thary — Fri, 17 May 2024 07:47:45 +0000

ទស្សនិកជន និងអ្នកគាំទ្របានផ្ទុះការចាប់អារម្មណ៍ជាថ្មី ខណៈសុខៗស្រាប់តែមានបុរសម្នាក់បានចូលទៅខមិនបញ្ចេញមតិខាងក្រោមការផុសរបស់បវរកញ្ញាវ័យក្មេង ជូរី ល្អហួស ដោយការប្រើប្រាស់ពាក្យសម្តីមិនសមរម្យថា “ល្អហួស ការបែកធ្លាយវីដេអូ?”

ទោះបីយ៉ាងណា ពាក់ព័ន្ធការប្រើប្រាស់ពាក្យសម្តីពីសំណាក់ម្ចាស់គណនីហ្វេសប៊ុកដែលមានឈ្មោះថា «Chea Dom» ខាងលើនេះ ភ្លាមៗនោះបានធ្វើឲ្យសាមីខ្លួនគឺម្ចាស់មកុដ Miss Preteen Junior Idol 2024 យុវតី ជូរី ល្អហួ បានបង្ហាញការមិនសប្បាយចិត្តចំពោះទង្វើរបស់បុរសរូបនេះដោយហេតុថា ការប្រើសម្តីបែបនេះហាក់មានលក្ខណៈធ្ងន់ធ្ងរ និងមើលងាយដល់កិត្តិយស សេចក្តី ថ្លៃថ្លូរ នាងទើបតែអាយុ ១៥ឆ្នាំ។

បវរកញ្ញា ល្អហួស បានប្រតិកម្មដូច្នេះថា «តើការសរសេររបស់ពូចង់មានន័យដូចម្តេច? ក្មួយទើបតែអាយុ ១៥ឆ្នាំទេនៅក្នុងអនីតិជន។ សូមពុកម៉ែបងប្អូនជួយវិភាគតាមការគួរ»។ លើសពីនេះទៀតម្ចាស់មកុដ Miss Preteen Junior Idol2024បានបញ្ជាក់ឆន្ទៈរបស់ខ្លួនថា នាងនឹងធ្វើតាមផ្លូវច្បាប់ហើយជឿលើផ្លូវច្បាប់។

ជូរី ល្អហួស បានលើកឡើងទៀតថា”ពុកម៉ែបងប្អូនដែលស្គាល់ពូម្នាក់នេះបើដឹងថាគាត់នៅទីណាសូមមេត្តាជូនដំណឹងមកខាងនាងខ្ញុំផង នាងខ្ញុំ និង ធ្វើតាមផ្លូវច្បាប់ ពីព្រោះពាក្យសម្តីរបស់គាត់ដែលមើលងាយមកលើរូបនាងខ្ញុំ ជាក្មេងមិនទាន់គ្រប់អាយុ ពិតជាធ្ងន់ធ្ងរណាស់ដែលធ្វើឲ្យរូប នាងខ្ញុំទទួលយកមិនបាន ហើយនាងខ្ញុំជឿលើផ្លូវច្បាប់”។

ដោយឡែកសម្រាប់អ្នកគាំទ្រ ល្អហួស មួយចំនួនទៀតក៏បានសម្តែងការហួសចិត្តចំពោះការប្រើប្រាស់ពាក្យសម្តីមិនសមរម្យពីសំណាក់បុរសម្ចាស់គណនីហ្វេសប៊ុកខាងលើផងដែរ។

សូមជម្រាបថា បវរកញ្ញាវ័យក្មេងដែលជាបេក្ខភាពតំណាងកម្ពុជា និងម្ចាស់មកុដបវរកញ្ញាយុវតីកម្ពុជាឆ្នាំ២០២៣ គឺ ជូរី ល្អហួស ដែលដណ្ដើមបានមកុដ Miss Preteen Junior Idol World 2024 ពេលនេះត្រូវបានទស្សនិកជនកត់សម្គាល់ឃើញថា ពិតជាមានភាពលេចធ្លោខ្លាំងទាំងរូបសម្ផស្ស និងចំណេះដឹងដែលអាចដណ្តើមបានមកុដដ៏អស្ចារ្យកាលពីថ្មីៗកន្លងទៅ៕

អត្ថបទ៖ ចាន់រ៉ា

Oplus_131072

The post ជូរី ល្អហួស ចាត់វិធានការផ្លូវច្បាប់លើបុរសម្នាក់ ក្រោយសួររឿងពេលណាបែកធ្លាយវីដេអូ appeared first on Kampuchea Thmey Daily.

ជូរី ល្អហួស សន្យាជាមួយប្រជាជនកម្ពុជា ៣ឆ្នាំក្រោយ នឹងលេចវត្តមានឈរលើឆាកអន្តរជាតិម្តងទៀត

Din Thary — Fri, 10 May 2024 07:59:32 +0000

ខណៈពេលដែលកំពុងជោគជ័យ និងទទួលបានការគាំទ្រលើអាជីពសិល្បៈម្ចាស់មកុដMiss Preteen Junior Idol 2024យុវតី ជូរី ល្អហួស បានប្រកាសដោយសន្យាថានៅ ៣ឆ្នាំក្រោយនាងនឹងលេចវត្តមានឈរលើឆាកអន្តរជាតិជាថ្មីម្តងទៀត។

ជាការពិតតាមការកត់សម្គាល់មហាជន និងអ្នកគាំទ្របានបង្ហាញមោទនភាពជាមួយការចូលរួមអបអរសាទរបន្ទាប់ពីបវរកញ្ញាវ័យក្មេងកម្ពុជាយុវតី ជូរី ល្អហួស ដណ្ដើមឈ្នះមកុដពីការប្រកួតលើឆាកអន្តរជាតិក្នុងវគ្គផ្ដាច់ព្រ័ត្រកាលពីរាត្រីថ្ងៃទី៣១ ខែមីនា ឆ្នាំ២០២៤ កន្លងទៅនៅលើទឹកដីប្រទេសថៃ។ ជ័យជំនះនេះបានធ្វើឱ្យអ្នកគាំទ្រជាច្រើនសម្តែងការកោតសរសើរចំពោះសមត្ថបភាព ជូរី ល្អហួស ។

ដោយឡែកអ្វីដែលគេចាប់អារម្មណ៍ថែមទៀតស្រាប់ តែ ល្អហួស បានចេញមកបញ្ជាក់ឆន្ទៈរបស់ខ្លួនថា នាងនឹងក្លាយជាបវរកញ្ញាតំណាងឱ្យប្រទេសកម្ពុជាម្តងទៀតនៅអំឡុងពេល ៣ឆ្នាំខាងមុខ ជាមួយការនាំភាពជោគជ័យមកជូនជាតិមាតុភូមិទៀតផង។ តាមរយៈដំណឹងនេះក៏បានធ្វើឱ្យមហាជនអ្នកគាំទ្របង្ហាញការលើកទឹកចិត្តជាមួយការទន្ទឹងរង់ចាំមើលផងដែរ។

បវរកញ្ញាវ័យក្មេង ជូរី ល្អហួស បានលើកឡើងថា “នៅ ៣ឆ្នាំក្រោយនាងខ្ញុំនឹងសន្យាជាមួយនិងប្រជាជនកម្ពុជារបស់ខ្ញុំថា នឹងមានវត្តមានរូបនាងខ្ញុំឈរនៅលើឆាកអន្តរជាតិម្តងទៀតក្នុងនាមជាបវរកញ្ញាតំណាងឱ្យប្រទេសកម្ពុជា នាងខ្ញុំនឹងឱ្យពិភពលោកស្គាល់ពន្លឺចែងចាំងនៃកម្ពុជាឱ្យកាន់តែច្បាស់ និងនាំភាពជោគជ័យមកជូនជាតិមាតុភូមិម្តងទៀត”។

គួរបញ្ជាក់ដែរថា បវរកញ្ញាវ័យក្មេងដែលជាបេក្ខភាពតំណាងកម្ពុជា និងម្ចាស់មកុដបរវកញ្ញាយុវតីកម្ពុជាឆ្នាំ២០២៣ គឺ ល្អហួស ដែលដណ្តើមបានមកុដMiss Preteen Junior Idol World2024 នាពេលនេះត្រូវបានទស្សនិកជនកត់សម្គាល់ឃើញថា ពិតជាមានភាពលេចធ្លោខ្លាំងទាំងរូបសម្ផស្ស និងចំណេះដឹងដែលអាចធ្វើបានល្អរហូតដណ្ដើមបានមកុដដ៏អស្ចារ្យកាលពីថ្មីៗកន្លងទៅផងដែរ៕

អត្ថបទ៖ ចាន់រ៉ា

The post ជូរី ល្អហួស សន្យាជាមួយប្រជាជនកម្ពុជា ៣ឆ្នាំក្រោយ នឹងលេចវត្តមានឈរលើឆាកអន្តរជាតិម្តងទៀត appeared first on Kampuchea Thmey Daily.

សាងប្រវត្តិសាស្រ្តថ្មី! បវរកញ្ញាវ័យក្មេងកម្ពុជា ៣ រូប ឈ្នះមកុដពីការប្រកួតលើឆាកអន្តរជាតិ

Din Thary — Tue, 02 Apr 2024 02:37:53 +0000

មហាជន និងអ្នកគាំទ្របានបង្ហាញមោទនភាពជាមួយការចូលរួមអបអរ ខណៈដែលបវរកញ្ញាវ័យក្មេងកម្ពុជាចំនួន ៣រូប ដណ្តើមឈ្នះមកុដពីការប្រកួតលើឆាកអន្តរជាតិក្នុងវគ្គផ្ដាច់ព្រ័ត្រកាលពីយប់ថ្ងៃទី៣១ ខែមីនា ឆ្នាំ២០២៤ នៅលើទឹកដីប្រទេសថៃ។

ជាការពិតណាស់កម្មវិធីប្រកួតសម្រស់ដ៏អស្ចារ្យ Junior Idol World 2024 គឺបានឈានដល់វគ្គផ្ដាច់ព្រ័ត្រជាមួយការរកឃើញម្ចាស់មកុដគ្រងតំណែងប្រចាំឆ្នាំ២០២៤ នេះ។ យ៉ាងណាមិញគេកត់សម្គាល់ថា សម្រាប់បេក្ខភាពតំណាងឲ្យប្រទេសកម្ពុជា (បវរកញ្ញាវ័យក្មេង) ៣រូប ដណ្តើមបានជ័យលាភីឈ្នះមកុដពីការប្រកួតលើឆាកអន្តរជាតិផងដែរ។

ចំពោះបេក្ខភាពតំណាងឲ្យកម្ពុជាដែលឈ្នះតំណែងឯកនៅក្នុងការប្រកួតអស្ចារ្យ Junior Idol World 2024 នោះរួមមាន,

១. យុវតី ជូរី ល្អហួស ឈ្នះមកុដ The Winner Miss Preteen International 2024

២. យុវតី ជា អមរា សូហ្វី លំដាប់រងទី២ Little Miss [Second Runner Up]។

៣. យុវតី យិត អេលីស លំដាប់រងទី២ Miss Teen [Second Runner Up] ។

តាមរយៈជ័យលាភីនេះដែរ ក៏មានទស្សនិកជន និងអ្នកគាំទ្របង្ហាញនូវមោទនភាពខ្លាំង និងអបអរចំពោះជ័យជំនះនេះផងដែរ។ សម្រាប់បវរកញ្ញាវ័យក្មេងដែលជាបេក្ខភាពតំណាងកម្ពុជាទាំង ៣រូបទើបទទួលបានជ័យជំនះពីឆាកអន្តរជាតិនាពេលនេះត្រូវបានទស្សនិកជនកត់សម្គាល់ឃើញថា ពិតជាមានភាពលេចធ្លោខ្លាំងទាំងរូបសម្ផស្ស និងចំណេះដឹងដែលអាចធ្វើបានល្អរហូតដណ្តើមបានមកុដដ៏អស្ចារ្យមកជូនជាតិមាតុភូមិ៕

អត្ថបទ៖ ចាន់រ៉ា

The post សាងប្រវត្តិសាស្រ្តថ្មី! បវរកញ្ញាវ័យក្មេងកម្ពុជា ៣ រូប ឈ្នះមកុដពីការប្រកួតលើឆាកអន្តរជាតិ appeared first on Kampuchea Thmey Daily.

ជូរី ល្អហួស៖ ការប្ដេជ្ញាចិត្តរបស់ខ្ញុំ ធ្វើឲ្យខ្ញុំយកជ័យជំនះមកជូនជាតិមាតុភូមិ

Din Thary — Mon, 01 Apr 2024 03:35:41 +0000

បន្ទាប់ពីឆ្លងកាត់ការប្រកួតយ៉ាងស្វិតស្វាញនៅលើឆាកអន្តរជាតិនៃទឹកដីប្រទេសថៃ ទីបំផុត Miss Preteen International Cambodia 2023 យុវតី ជូរី ល្អហួស តំណាងឲ្យប្រទេសកម្ពុជាបានឈ្នះមកុដ Miss Preteen Junior Idol World 2024 នៅប្រទេសថៃ។

សម្រាប់ការប្រឡងវគ្គផ្ដាច់ព្រ័ត្រនៃកម្មវិធី Miss Preteen Junior Idol World2024 នៅប្រទេសថៃនេះដែរគឺបានធ្វើការផ្សាយផ្ទាល់នៅលើផេកផ្លូវការលើបណ្តាញសង្គមហ្វេសប៊ុក។ ប្រាកដណាស់ ជូរី ល្អហួស គឺបានយកឈ្នះជាស្ថាពក្នុងចំណោមបេក្ខជនជាច្រើននាក់ដោយបានក្លាយជាម្ចាស់មកុដក្នុងកម្មវិធីប្រកួតខាងលើ។

បន្ទាប់ពីទទួលបានជ័យជំនះក្នុងការប្រកួត ជូរី ល្អហួស បានអះអាងដោយខ្លីថា “ការប្ដេជ្ញាចិត្តរបស់នាងខ្ញុំ ធ្វើឲ្យនាងខ្ញុំយកជ័យជំនះមកជូនជាតិមាតុភូមិដោយស្នាមញញឹម និងកិត្តិយសដ៏ខ្ពង់ខ្ពស់ កេរ្តិ៍ឈ្មោះដ៏ក្រអូបថ្លៃថ្លារបស់ប្រទេសជាតិយើងទាំងអស់គ្នា“។ តាមរយៈនេះក៏មានទស្សនិកជន និងអ្នកគាំទ្របង្ហាញនូវមោទនភាពខ្លាំង និងអបអរចំពោះជ័យជំនះនេះផងដែរ។

បវរកញ្ញាវ័យក្មេងដែលជាបេក្ខភាពតំណាងកម្ពុជាម្ចាស់ និងម្ចាស់មកុដបរវកញ្ញាយុវតីកម្ពុជាឆ្នាំ២០២៣ គឺ ល្អហួស ដែលដណ្ដើមបានមកុដ Miss Preteen Junior Idol World2024 នាពេលនេះ ត្រូវបានទស្សនិកជនកត់សម្គាល់ឃើញថាពិតជាមានភាពលេចធ្លោខ្លាំងទាំងរូបសម្ផស្ស និងចំណេះដឹងដែលអាចធ្វើបានល្អរហូតដណ្តើមបានមកុដដ៏អស្ចារ្យ។

សូមបញ្ជាក់ថាម្ចាស់មកុដ Miss Preteen International Cambodia 2023 យុវតី ជូរី ល្អហួស កាលពីថ្ងៃទី២៧ ខែមីនា ឆ្នាំ២០២៤ បានធ្វើដំណើរចាកចេញពីកម្ពុជាឆ្ពោះទៅប្រទេសថៃដើម្បីចូលរួមប្រកួតប្រជែងដណ្ដើមមកុដដោយមានបេក្ខភាពមកពីបណ្ដាប្រទេសជាច្រើនទៀតមកពីជុំវិញពិភពលោកផងដែរ៕

អត្ថបទ៖ ចាន់រ៉ា

The post ជូរី ល្អហួស៖ ការប្ដេជ្ញាចិត្តរបស់ខ្ញុំ ធ្វើឲ្យខ្ញុំយកជ័យជំនះមកជូនជាតិមាតុភូមិ appeared first on Kampuchea Thmey Daily.

ឃឿន ប៉ូលីកា គ្រងមកុដ Miss Preteen Junior Idol World 2023 លើឆាកអន្តរជាតិ ជាបវរកញ្ញាវ័យក្មេង កម្ពុជា ដំបូងគេ

សាង ស្រីល័ក្ខ — Mon, 09 Jan 2023 03:40:13 +0000

ជារឿងមួយដែលជាទីមោទកភាពរបស់ប្រទេសកម្ពុជា ខណៈឃឿន ប៉ូលីកា គ្រងមកុដ Miss Preteen Junior Idol World 2023 លើឆាកអន្តរជាតិ ក្នុងវគ្គផ្ដាច់ព្រ័ត្រកាលពីរាត្រីថ្ងៃទី ០៨ ខែមករា ឆ្នាំ២០២៣ ដែលប្រព្រឹត្តឡើងនៅប្រទេសថៃ។

ទន្ទឹមនោះដែរ អំឡុងពេលប្រកួត Queen តូច ឃឿន ប៉ូលីកា បានខិតខំប្រឹងប្រែងយ៉ាងស្វិតស្វាញ ដើម្បីដណ្ដើមយកជ័យជម្នះលើឆាកអន្តរជាតិ ទាំងការដើរបង្ហាញម៉ូដ និងការឆ្លើយសំណួរពីគណៈកម្មការ រហូតនាងអាចទទួលបានលទ្ធផលក្លាយជាម្ចាស់មកុដ Miss Preteen Junior Idol World 2023។

ជាមួយគ្នានេះដែរ ម្ចាស់មកុដ Miss Preteen Junior Idol World 2023 បានសរសេរសារថ្លែងអំណរគុណដល់អ្នកគាំទ្រថា “អរគុណអ្នកទាំងអស់គ្នាបានគាំទ្រខ្ញុំ ហើយជំរុញទឹកចិត្តខ្ញុំ។ នាងខ្ញុំត្រៀមខ្លួនធ្វើជា international queen ដែលល្អ ដែលជម្រុញទឹកចិត្តទាំងអស់គ្នាឲ្យមានភាពជឿជាក់ និងជឿជាក់លើខ្លួនឯង”។

សូមរម្លឹកដែរថា ឃឿន ប៉ូលីកា ជាបវរកញ្ញាវ័យក្មេងដំបូងគេបង្អស់ក្នុងប្រទេសកម្ពុជា ដែលបានឈ្នះមកុដ Miss Preteen Junior Idol World 2023 ក្នុងវ័យ១៤ឆ្នាំ។ ជាពិសេសលទ្ធផលដែលនឹកស្មានមិនដល់នេះ បានធ្វើឲ្យមហាជនជាច្រើនពិតជាមានមោទកភាពលើរូបនាងយ៉ាងខ្លាំង៕

អត្ថបទ៖ សាង ស្រីល័ក្ខ

ចុចអាន៖ដេននី ក្វាន់ ប្រកាសបើកផ្លូវឲ្យ «ល្អហួស» ចូលប្រឡងវិស័យបវរកញ្ញាឆ្នាំ២០២៣នេះ

The post ឃឿន ប៉ូលីកា គ្រងមកុដ Miss Preteen Junior Idol World 2023 លើឆាកអន្តរជាតិ ជាបវរកញ្ញាវ័យក្មេង កម្ពុជា ដំបូងគេ appeared first on Kampuchea Thmey Daily.

Miss Preteen Junior Idol World 2023 Archives - Kampuchea Thmey Daily

ល្អហួស តាំងចិត្តមិនយកស្នេហាក្នុងវ័យសិក្សាឡើយ និងបន្តពង្រឹងសមត្ថភាព ធ្វើអ្វីជាប្រយោជន៍សង្គមជាតិថ្ងៃមុខ

ល្អហួស សន្យា នៅឆ្នាំ២០២៧ នឹងយកភាពជោគជ័យជូនប្រជាជនកម្ពុជាម្តងទៀតពីឆាកអន្តរជាតិ

Miss Preteen Junior Idol 2024 សម្រេចក្តីស្រមៃរាំ «របាំអប្សរា» នៅប្រាសាទអង្គរវត្ត

ជូរី ល្អហួស ចាត់វិធានការផ្លូវច្បាប់លើបុរសម្នាក់ ក្រោយសួររឿងពេលណាបែកធ្លាយវីដេអូ

ជូរី ល្អហួស សន្យាជាមួយប្រជាជនកម្ពុជា ៣ឆ្នាំក្រោយ នឹងលេចវត្តមានឈរលើឆាកអន្តរជាតិម្តងទៀត

សាងប្រវត្តិសាស្រ្តថ្មី! បវរកញ្ញាវ័យក្មេងកម្ពុជា ៣ រូប ឈ្នះមកុដពីការប្រកួតលើឆាកអន្តរជាតិ

ជូរី ល្អហួស៖ ការ​ប្ដេជ្ញាចិត្តរបស់ខ្ញុំ ធ្វើឲ្យខ្ញុំយកជ័យជំនះមកជូនជាតិមាតុភូមិ

ឃឿន ប៉ូលីកា គ្រងមកុដ Miss Preteen Junior Idol World 2023 លើឆាកអន្តរជាតិ ជាបវរកញ្ញាវ័យក្មេង កម្ពុជា ដំបូងគេ

ជូរី ល្អហួស៖ ការប្ដេជ្ញាចិត្តរបស់ខ្ញុំ ធ្វើឲ្យខ្ញុំយកជ័យជំនះមកជូនជាតិមាតុភូមិ