ជីវិតកម្សាន្ដ

ជូរី ល្អហួស ចាត់វិធានការផ្លូវច្បាប់លើបុរសម្នាក់ ក្រោយសួររឿងពេលណាបែកធ្លាយវីដេអូ

បានផុស

១ year មុន

នៅ

ថ្ងៃសុក្រ ១៧ ឧសភា ២០២៤

ដោយ

ទស្សនិកជន និងអ្នកគាំទ្របានផ្ទុះការចាប់អារម្មណ៍ជាថ្មី ខណៈសុខៗស្រាប់តែមានបុរសម្នាក់បានចូលទៅខមិនបញ្ចេញមតិខាងក្រោមការផុសរបស់បវរកញ្ញាវ័យក្មេង ជូរី ល្អហួស ដោយការប្រើប្រាស់ពាក្យសម្តីមិនសមរម្យថា “ល្អហួស ការបែកធ្លាយវីដេអូ?”

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីយ៉ាងណា ពាក់ព័ន្ធការប្រើប្រាស់ពាក្យសម្តីពីសំណាក់ម្ចាស់គណនីហ្វេសប៊ុកដែលមានឈ្មោះថា «Chea Dom» ខាងលើនេះ ភ្លាមៗនោះបានធ្វើឲ្យសាមីខ្លួនគឺម្ចាស់មកុដ Miss Preteen Junior Idol 2024 យុវតី ជូរី ល្អហួ បានបង្ហាញការមិនសប្បាយចិត្តចំពោះទង្វើរបស់បុរសរូបនេះដោយហេតុថា ការប្រើសម្តីបែបនេះហាក់មានលក្ខណៈធ្ងន់ធ្ងរ និងមើលងាយដល់កិត្តិយស សេចក្តី ថ្លៃថ្លូរ នាងទើបតែអាយុ ១៥ឆ្នាំ។

បវរកញ្ញា ល្អហួស បានប្រតិកម្មដូច្នេះថា «តើការសរសេររបស់ពូចង់មានន័យដូចម្តេច? ក្មួយទើបតែអាយុ ១៥ឆ្នាំទេនៅក្នុងអនីតិជន។ សូមពុកម៉ែបងប្អូនជួយវិភាគតាមការគួរ»។ លើសពីនេះទៀតម្ចាស់មកុដ Miss Preteen Junior Idol2024បានបញ្ជាក់ឆន្ទៈរបស់ខ្លួនថា នាងនឹងធ្វើតាមផ្លូវច្បាប់ហើយជឿលើផ្លូវច្បាប់។

ជូរី ល្អហួស បានលើកឡើងទៀតថា”ពុកម៉ែបងប្អូនដែលស្គាល់ពូម្នាក់នេះបើដឹងថាគាត់នៅទីណាសូមមេត្តាជូនដំណឹងមកខាងនាងខ្ញុំផង នាងខ្ញុំ និង ធ្វើតាមផ្លូវច្បាប់ ពីព្រោះពាក្យសម្តីរបស់គាត់ដែលមើលងាយមកលើរូបនាងខ្ញុំ ជាក្មេងមិនទាន់គ្រប់អាយុ ពិតជាធ្ងន់ធ្ងរណាស់ដែលធ្វើឲ្យរូប នាងខ្ញុំទទួលយកមិនបាន ហើយនាងខ្ញុំជឿលើផ្លូវច្បាប់”។

ដោយឡែកសម្រាប់អ្នកគាំទ្រ ល្អហួស មួយចំនួនទៀតក៏បានសម្តែងការហួសចិត្តចំពោះការប្រើប្រាស់ពាក្យសម្តីមិនសមរម្យពីសំណាក់បុរសម្ចាស់គណនីហ្វេសប៊ុកខាងលើផងដែរ។

សូមជម្រាបថា បវរកញ្ញាវ័យក្មេងដែលជាបេក្ខភាពតំណាងកម្ពុជា និងម្ចាស់មកុដបវរកញ្ញាយុវតីកម្ពុជាឆ្នាំ២០២៣ គឺ ជូរី ល្អហួស ដែលដណ្ដើមបានមកុដ Miss Preteen Junior Idol World 2024 ពេលនេះត្រូវបានទស្សនិកជនកត់សម្គាល់ឃើញថា ពិតជាមានភាពលេចធ្លោខ្លាំងទាំងរូបសម្ផស្ស និងចំណេះដឹងដែលអាចដណ្តើមបានមកុដដ៏អស្ចារ្យកាលពីថ្មីៗកន្លងទៅ៕

អត្ថបទ៖ ចាន់រ៉ា