១.ការលុបចោលការបោះឆ្នោតទាំងស្រុង (២លើក)

តុលាការធម្មនុញ្ញថៃធ្លាប់បានសម្រេចឲ្យការបោះឆ្នោតទូទាំងប្រទេសក្លាយជាមោឃៈចំនួន២ដង៖

ឆ្នាំ២០០៦៖ តុលាការបានលុបចោលការបោះឆ្នោតខែមេសា បន្ទាប់ពីមានការធ្វើពហិការពីបក្សប្រឆាំង ដែលនាំ​ឲ្យមានរដ្ឋប្រហារយោធានៅខែកញ្ញា ឆ្នាំ២០០៦។

ឆ្នាំ២០១៤៖ តុលាការបានសម្រេចថា ការបោះឆ្នោតខែកុម្ភៈមិនស្របតាមរដ្ឋធម្មនុញ្ញ ព្រោះមិនអាចរៀបចំការបោះឆ្នោតបានគ្រប់មណ្ឌលក្នុងថ្ងៃតែមួយ (ដោយសារបាតុកម្មរារាំង)។ មិនយូរប៉ុន្មាន រដ្ឋប្រហារឆ្នាំ២០១៤ក៏បានកើតឡើង។

២.ការមិនឲ្យអ្នកឈ្នះឡើងកាន់អំណាច (២លើកចុងក្រោយ)

ទោះបីជាការបោះឆ្នោតមិនត្រូវបានលុបចោល ប៉ុន្តែអ្នកដែលឈ្នះ​នៅ​លេខ​រៀង​ទី​​១ មិនអាចបង្កើតរដ្ឋាភិបាលបាន៖

ឆ្នាំ២០១៩៖ គណបក្សភឿថៃឈ្នះអាសនៈច្រើនជាងគេ ប៉ុន្តែច្បាប់ដែលតាក់តែងដោយយោធាបានអនុញ្ញាត​ឲ្យសមាជិកព្រឹទ្ធសភា (ដែលតែងតាំងដោយយោធា) បោះឆ្នោតជ្រើសរើសនាយករដ្ឋមន្ត្រី បន្តអំណាចឲ្យមេដឹកនាំយោធាដដែល។

ឆ្នាំ២០២៣៖ គណបក្សចលនាឆ្ពោះទៅមុខ (Move Forward) ឈ្នះឆ្នោតក្លាយជាបក្សលេខ១ ប៉ុន្តែត្រូវបានព្រឹទ្ធសភារារាំងមិន​ឲ្យមេដឹកនាំបក្សក្លាយជានាយករដ្ឋមន្ត្រី។ ចុងក្រោយ គណបក្សនេះត្រូវបានតុលាការរំលាយចោលនៅឆ្នាំ២០២៤។

៣.ការរំលាយគណបក្សដែលឈ្នះឆ្នោត

តុលាការថៃមានប្រវត្តិរំលាយគណបក្សដែលទទួលបានការគាំទ្រខ្លាំងបំផុតពីប្រជាជន។ ចាប់តាំងពីឆ្នាំ២០០៧មក គណបក្សឈ្នះឆ្នោតធំៗដូចជា ថៃរ៉ាក់ថៃ, គណបក្សអំណាចប្រជាជន, គណបក្សអានាគតថ្មី និងចុងក្រោយគណបក្សចលនាឆ្ពោះទៅមុខ សុទ្ធតែត្រូវបានរំលាយចោលទាំងអស់។

សរុបមក ប្រព័ន្ធនយោបាយថៃត្រូវបានគេមើលឃើញថាមាន «តម្រង» ពីរជាន់ គឺតុលាការ និងយោធា ដែលតែងតែចេញមុខមក «កែប្រែ» លទ្ធផលបោះឆ្នោត បើលទ្ធផលនោះមិនស្របតាមបំណងរបស់ក្រុមអ្នកមានអំណាចរបស់​ខ្លួន៕

ប្រែសម្រួល៖ ឈាង

The post តើមានប៉ុន្មានដងហើយ ដែលលទ្ធផលបោះឆ្នោត​ថៃ​ត្រូវបានបដិសេធ? appeared first on Kampuchea Thmey Daily.

គណៈកម្មការរៀបចំការបោះឆ្នោតថៃបានបញ្ជាក់លទ្ធផលបោះឆ្នោតផ្លូវការកាលពីថ្ងៃចន្ទ ហើយបានប្រកាសអនុម័តលទ្ធផលសម្រាប់សមាជិកសភាជាន់ទាបចំនួន ៥០០ រូបផងដែរ ខណៈគណបក្សចលនាឆ្ពោះទៅមុខ ដែលដឹកនាំដោយលោក Pita Limjaroenrat ទទួលបានអាសនៈច្រើនជាងគេគឺ ១៥១ ។

ទន្ទឹមនោះ គណបក្សចលនាឆ្ពោះទៅមុខ ក៏​កំពុង​ពិភាក្សា​ជាមួយក្រុមចម្រុះ​ចំនួន ៧ ​ផ្សេង​ទៀត​ផងដែរ ដើម្បី​បង្កើត​រដ្ឋាភិបាល​ចម្រុះ​ក្នុង​គោល​បំណង​ជ្រើសរើស​លោក Pita ជា​នាយក​រដ្ឋមន្ត្រី ។

ក្រុមចចម្រុះបាន​ធានា​អាសនៈជាង ​៣១០ ​នៅ​សភា​ជាន់​ទាប ប៉ុន្តែដើម្បីអាចកាន់អំណាចបាន គណបក្សចលនាឆ្ពោះទៅមុខ នៅតែត្រូវការសំឡេងប្រហែល ៦០ ទៀតពីសមាជិកព្រឹទ្ធសភា ដែលសុទ្ធតែត្រូវបានជ្រើសរើសដោយយោធា បន្ទាប់ពីរដ្ឋប្រហារឆ្នាំ ២០១៤ ។

ស្របពេលជាមួយគ្នានេះ លោក Pita កំពុងមានរឿងអាស្រូវ​ជុំវិញ​ការ​កាន់កាប់ហ៊ុន​នៅ​ក្នុង​ក្រុមហ៊ុន​ប្រព័ន្ធ​ផ្សព្វផ្សាយ ដែល​រដ្ឋធម្មនុញ្ញ​ថៃហាមប្រាម​សម្រាប់​សមាជិក​សភា ខណៈគណៈកម្មការ​រៀបចំ​ការ​បោះឆ្នោតក៏​កំពុង​ស៊ើបអង្កេត​ករណី​នេះផងដែរ ។

ប៉ុន្តែទោះជាយ៉ាងណា លោក Pita បានបដិសេធការចោទប្រកាន់នេះ ហើយលោកបានអះអាងថា លោកបានទទួលភាគហ៊ុននេះ គ្រាន់តែជាផ្នែកមួយនៃទ្រព្យសម្បត្តិរបស់ឪពុករបស់លោកប៉ុណ្ណោះ ខណៈទ្រព្យសម្បត្តិទាំងនោះក៏បានផ្ទេរទៅអ្នកស្នងមរតករួចរាល់ហើយផងដែរ ។ ប៉ុន្តែ​ភាព​ចម្រូងចម្រាសនេះ​បង្ហាញ​ថា​ គណបក្ស​ចម្រុះ​កំពុងស្ថិតលើផ្លូវឃ្លីងឃ្លោងមួយ ​ស្របពេលដែលពួកគេ​ព្យាយាម​បង្កើត​រដ្ឋាភិបាល​ថ្មី ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តើសំណាកអ្វីខ្លះដែលអាចយកទៅធ្វើតេស្ត DNA បាន ហើយរយៈពេល ប៉ុន្មានទើបដឹងលទ្ធផល?

The post សភាជាតិ ថៃ នឹងបើកសម័យប្រជុំនៅដើមខែក្រោយ បន្ទាប់ពីអនុម័ត​លទ្ធផលបោះឆ្នោតផ្លូវការ appeared first on Kampuchea Thmey Daily.

បើទោះជាគណបក្សចលនាឆ្ពោះទៅមុខ ទទួលបានសំឡេងឆ្នោតច្រើនជាងគេក្នុងការបោះឆ្នោតថ្មីៗកន្លងទៅនេះ ហើយលោក ភីថា បានក្លាយជាបេក្ខជននាយករដ្ឋមន្ត្រីថ្មីក៏ដោយ ប៉ុន្តែផ្លូវឈានទៅរកការបង្កើតរដ្ឋាភិបាលរបស់គណបក្សចលនាឆ្ពោះទៅមុខក៏ជួបប្រទះនឹងឧបសគ្គផងដែរ ។

យ៉ាងណាក៏ដោយ គណបក្សមួយនេះបានឆ្លងផុតឧបសគ្គមួយចំនួនធំហើយផងដែរ ប៉ុន្តែទីភ្នាក់ងារសារព័ត៌មាន Reuters បាននិយាយថា បញ្ហាដែលគណៈកម្មាធិការរៀបចំការបោះឆ្នោតថៃ (EC) បាននិងកំពុងត្រៀមក្នុងការស៊ើបអង្កេតនោះ គឺពាក់ព័ន្ធទៅនឹងការខ្វះ​លក្ខណៈ​សម្បត្តិ​របស់លោក ភីថា ដើម្បី​ឈរ​ឈ្មោះ​បោះ​ឆ្នោតឬយ៉ាងណា?

ដោយសារតែការកាន់កាប់ភាគហ៊ុននៅក្នុងក្រុមហ៊ុនប្រព័ន្ធផ្សព្វផ្សាយ ប៉ុន្តែនៅតែបន្តឈរឈ្មោះបោះឆ្នោត​បានរហូត​ដល់ចប់​ដំណើរការបោះឆ្នោត ទាំងនេះ គឺ​ជារឿង​ដែល​អាច​នឹង​ធ្វើឲ្យផ្លូវ​នយោបាយ​របស់លោក ភីថា ដែលជាបេក្ខជននាយករដ្ឋមន្ត្រីវ័យ​ក្មេង​រូប​នេះ​ អាចឈានដល់ផ្លូវបញ្ចប់បាន ។

ទាក់ទិននឹងរឿងរ៉ាវនេះដែរលោក ភីថា មិនបារម្ភអំពីបញ្ហានេះនោះទេ ដោយលោកអះអាងថា ភាគហ៊ុនដែលលោកបានផ្ទេរទៅឲ្យប្អូនរួចហើយនោះជាកម្មសិទ្ធិរបស់ក្រុមហ៊ុនប្រព័ន្ធផ្សព្វផ្សាយដែលមិនបានដំណើរការអាជីវកម្មដូចដែលបានចុះបញ្ជីអស់រយៈពេលជាយូរមកហើយ ។ ប៉ន្តែប្រសិនបើការស៊ើបអង្កេតរបស់ EC ឈានដល់ការប្រកាសសាលក្រមថា ប្រធានគណបក្សចលនាឆ្ពោះទៅមុខរូបនេះ មានទោសពិតដូចការចោទប្រកាន់មែននោះ នឹងត្រូវដកសិទ្ធិ ​ត្រូវ​ជាប់​ពន្ធនាគាររហូតដល់ ១០ ឆ្នាំ និងត្រូវដកសិទ្ធិនយោបាយ ២០ ឆ្នាំ​ ។

ដោយឡែកទីភ្នាក់ងារសារព័ត៌មាន Al Jazeera ក៏បានរាយការណ៍ដែរថា បេក្ខជន​នាយក​រដ្ឋមន្ត្រី​មក​ពី​គណបក្ស​ចលនាឆ្ពោះទៅមុខ បាន​ទទួល​ស្គាល់ថា លោកពិតជាបានទទួលភាគហ៊ុនប្រព័ន្ធផ្សព្វផ្សាយ (ITV) ពីឪពុករបស់លោកប្រាកដមែន ប៉ុន្តែក្រុមហ៊ុននេះមិនបានដំណើរផ្សាយចាប់តាំងពីឆ្នាំ ២០០៧ មកម្ល៉េះ និងបានបដិសេធថា លោក​មិន​បាន​ប្រព្រឹត្តល្មើសអ្វីឡើយ ហើយ​គណបក្សចលនាឆ្ពោះទៅមុខក៏គ្មានការព្រួយ​បារម្ភអ្វី​នោះដែរ ៕

ប្រែសម្រួលដោយ ៖ គង់ សំអាន

ប្រភព ៖ VOA Thai

ចុចអាន ៖ មកដឹងប្រាក់ខែពលករ កម្ពុជា និងប្រទេសផ្សេងទៀតដែលធ្វើការនៅ ថៃ

The post សារព័ត៌មានបរទេស ឃ្លាំមើលករណីស៊ើបអង្កេតលើលោក ភីថា ទាក់ទិន​ការកាន់កាប់ភាគហ៊ុនប្រព័ន្ធផ្សព្វផ្សាយ appeared first on Kampuchea Thmey Daily.

ក្នុងចំណោមការិយាល័យទាំង៤៧នោះ មានការិយាល័យចំនួន១៦ ត្រូវបានបញ្ជាឲ្យរាប់សន្លឹកឆ្នោតឡើងវិញសម្រាប់អាសនៈមណ្ឌល ខណៈ៣១ការិយាល័យ ត្រូវរាប់សន្លឹកឆ្នោតឡើងវិញសម្រាប់អាសនៈក្នុងបញ្ជីគណបក្ស។

ប្រភពខាងលើបន្ថែមថា ពេលខ្លះចំនួនអ្នកទៅបោះឆ្នោតអាចខ្ពស់ជាងចំនួនសន្លឹកឆ្នោត ប្រសិនបើអ្នកបោះឆ្នោតបង្ហាញសិទ្ធិរបស់ខ្លួនក្នុងការទៅបោះឆ្នោត ប៉ុន្តែមិនគូសសន្លឹកឆ្នោតនៅក្នុងបន្ទប់ រួចក៏ចាកចេញពីការិយាល័យបោះឆ្នោតវិញ។

ប្រភព​ដដែល​បន្ត​ថា ក្រុម​ឃ្លាំ​មើល​ការ​បោះ​ឆ្នោត​ បាន​ឈាន​ដល់​ការ​សន្និដ្ឋាន ដោយ​បញ្ជាឲ្យ​រាប់​សន្លឹក​ឆ្នោត​ឡើង​វិញ ព្រោះ​គេ​ជឿ​ថា ​ភាព​មិន​ប្រក្រតី ​អាច​ប៉ះពាល់​ដល់​លទ្ធផល​ចុង​ក្រោយ, ចំណាត់​ថ្នាក់​បេក្ខជន​តំណាង​រាស្ត្រ និង​ប្រជាប្រិយភាព​ដែល​គណបក្ស​នីមួយៗ​ទទួល​បាន។

ទោះបីជាយ៉ាងណាក៏ដោយ EC មិនទាន់បង្ហាញឈ្មោះការិយាល័យទាំង៤៧ និងខេត្តទាំងនោះនៅឡើយទេ ប៉ុន្តែគេរំពឹងថា ការរាប់សន្លឹកឆ្នោតសាជាថ្មី នឹងធ្វើឡើងនៅថ្ងៃអាទិត្យទី១១ខែមិថុនា ហើយលទ្ធផលដែលបានធ្វើបច្ចុប្បន្នភាព នឹងប្រកាសក្នុងខែនេះ។

គួរបញ្ជាក់ថា តាមច្បាប់ប្រទេសថៃ គឺតម្រូវឲ្យ EC ត្រូវប្រកាសលទ្ធផលបោះឆ្នោតជាផ្លូវការក្នុងរយៈពេល៦០ថ្ងៃ បន្ទាប់ពីថ្ងៃបោះឆ្នោត៕

ប្រែសម្រួល៖ Vann Vann

ប្រភព៖ Nation

ចុចអាន៖ គណបក្សជាប់ឆ្នោតថៃ ចេញមុខបំភ្លឺ រឿងដែលថា ខ្លួនគ្រោងបណ្តេញពលករខ្មែរ

The post ថៃ បញ្ជាឲ្យរាប់សន្លឹកឆ្នោតឡើងវិញ នៅការិយាល័យខ្លះ appeared first on Kampuchea Thmey Daily.

យោងតាមគណៈកម្មាធិការរៀបចំការបោះឆ្នោតថៃ (EC) បានឲ្យដឹងថា ជាទូទៅលទ្ធផលបោះឆ្នោតផ្លូវការនឹងត្រូវប្រកាសក្នុងរយៈពេល ៦០ ថ្ងៃ បន្ទាប់ពីការបោះឆ្នោត ខណៈរយៈពេលនេះគឺលឿនជាងការប្រកាសលទ្ធផលបោះឆ្នោតសកលកាលពី ៤ ឆ្នាំមុន ។

ប្រធាន EC លោក Itthiporn Boonpracong បាននិយាយកាលពីពេលថ្មីៗនេះថា EC នឹងប្រកាសលទ្ធផលបោះឆ្នោតជាផ្លូវការក្នុងរយៈពេល ៦០ ថ្ងៃសម្រាប់មណ្ឌលបោះឆ្នោតចំនួន ៤៧៥ ក្នុងចំណោម ៥០០ មណ្ឌលបោះឆ្នោត ដែលស្មើនឹង ៩៥ ភាគរយនៃសន្លឹកឆ្នោតដែលបានបោះ ដើម្បីទុកពេលឲ្យគណបក្សឈ្នះឆ្នោត អាចបង្កើតរដ្ឋាភិបាលបាន ។

ទន្ទឹមនោះ មន្ត្រីរៀបចំការបោះឆ្នោតបាននឹងកំពុងពិនិត្យលទ្ធផលពីការិយាល័យបោះឆ្នោតជាង ៩៥,០០០ កន្លែងនៅទូទាំងប្រទេស ហើយក៏កំពុងស៊ើបអង្កេតករណីចោទប្រកាន់ពីភាពមិនប្រក្រតីនៃការបោះឆ្នោតជាង ២៨០ ករណី ជាប់ពាក់ព័ន្ធនឹងបេក្ខជនជាង ២០ នាក់ ដែលបានឈ្នះការបោះឆ្នោតថ្ងៃទី១៤ ខែឧសភា ។

ពាក់ព័ន្ធនឹងបញ្ហានេះដែរ គណបក្សចម្រុះមានបំណងចង់ឲ្យ EC អនុម័តលទ្ធផលបោះឆ្នោតឲ្យបានលឿន ដើម្បីឲ្យពួកគេអាចបញ្ចប់ការបង្កើតរដ្ឋាភិបាលថ្មី ប៉ុន្តែបើទោះជាយ៉ាងនេះក៏ដោយ លោក Itthiporn ពន្យល់ថា EC ក៏ត្រូវតែគោរពតាមច្បាប់យ៉ាងម៉ឺងម៉ាត់ផងដែរ ក្នុងការអនុម័តការប្រកាសលទ្ធផលចុងក្រោយនេះ ។

គួរបញ្ជាក់ថា គណបក្សចលនាឆ្ពោះទៅមុខបានឈ្នះការបោះឆ្នោតនៅថ្ងៃទី១៤ ខែឧសភាជាមួយនឹងអាសនៈ ១៥១ ខណៈបច្ចុប្បន្នសម្ព័ន្ធដែលដឹកនាំដោយបក្សមួយនេះ មានការគាំទ្រពីសមាជិកសភាចំនួន ៣១២ រូប រួមទាំងសមាជិកមកពីបក្សភឿថៃ និងក្រុមចម្រុះចំនួន ៦ ផ្សេងទៀត ប៉ុន្តែចំនួននេះមិនទាន់គ្រប់គ្រាន់នៅឡើយទេសម្រាប់តំណែងនាយករដ្ឋមន្ត្រី ពោលក្រុមចម្រុះត្រូវការសំឡេងចំនួន ៣៧៦ ៕

ប្រែសម្រួលដោយ ៖ ជីវ័ន្ត

ប្រភព ៖ Thai PBS

ចុចអាន ៖ អតីតមេប៉ូលិស ថៃ ជំរុញឲ្យសមាជិកព្រឹទ្ធសភាបោះឆ្នោតជូនលោក Pita ធ្វើជានាយករដ្ឋមន្ត្រី

The post ដឹងទេ ក្រោយបោះឆ្នោតប៉ុន្មានថ្ងៃទើប ថៃ ប្រកាសលទ្ធផលផ្លូវការ appeared first on Kampuchea Thmey Daily.

អតីតអគ្គស្នងការនគរបាលជាតិរូបនេះ ក៏កំពុងច្រានចោលការលើកឡើងដែលថា រដ្ឋាភិបាលដឹកនាំដោយលោក Pita នឹងធ្វើវិសោធនកម្មមាត្រា ១១២ នៃក្រមព្រហ្មទណ្ឌ ឬច្បាប់ប្រមាថព្រះមហាក្សត្រ ហើយលោកថែមទាំងអះអាងថា វាមិនអាចទៅរួចនោះទេ ។

លោក Sereepisuth បាននិយាយនៅក្នុងឃ្លីបវីដេអូមួយដែលបានបង្ហោះនៅលើទំព័រហ្វេសប៊ុករបស់លោកកាលពីថ្ងៃអាទិត្យថា អនុស្សរណៈនៃការយោគយល់គ្នា (MOU) ចំនួន ៣ ទំព័រដែលចុះហត្ថលេខាដោយគណបបក្សចលនាឆ្ពោះទៅមុខ និងដៃគូចម្រុះចំនួន ៧ របស់ខ្លួនមិនរួមបញ្ចូលផែនការសម្រាប់រដ្ឋាភិបាលបន្ទាប់ ដើម្បីធ្វើវិសោធនកម្មមាត្រា ១១២ នោះទេ ។

ទន្ទឹមនោះ អតីតមេប៉ូលិសជាតិរូបនេះ ក៏ប្រឆាំងផ្ទាល់ផងដែររាល់ការប៉ុនប៉ងធ្វើវិសោធនកម្មច្បាប់មួយនេះ ដោយសារតែលោកចូលកាន់តំណែងជាមន្ត្រីនគរបាលដើម្បីការពាររាជាធិបតេយ្យ ។ ម្យ៉ាងទៀត សមាជិកព្រឹទ្ធសភាមិនគួរនិយាយថា ពួកគេការពារមាត្រា ១១២ ដែលគេស្គាល់ថាជាច្បាប់ប្រមាថព្រះមហាក្សត្រ ដើម្បីជាលេសចៀសវាងការបោះឆ្នោតឲ្យលោក Pita នោះទេ ។

គួរបញ្ជាក់ថា គណបក្សចលនាឆ្ពោះទៅមុខបានឈ្នះការបោះឆ្នោតនៅថ្ងៃទី១៤ ខែឧសភាជាមួយនឹងអាសនៈ ១៥១ ខណៈបច្ចុប្បន្នសម្ព័ន្ធដែលដឹកនាំដោយបក្សមួយនេះ មានការគាំទ្រពីសមាជិកសភាចំនួន ៣១២ រូប រួមទាំងសមាជិកមកពីបក្សភឿថៃ និងក្រុមចម្រុះចំនួន ៦ ផ្សេងទៀត ប៉ុន្តែចំនួននេះមិនទាន់គ្រប់គ្រាន់នៅឡើយទេសម្រាប់តំណែងនាយករដ្ឋមន្ត្រី ពោលក្រុមចម្រុះត្រូវការសំឡេងចំនួន ៣៧៦ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ សមាជិកព្រឹទ្ធសភាតែងតាំងដោយលោក ប្រាយុទ្ធ អាចមិនបោះឆ្នោតឲ្យ​លោក Pita ធ្វើជានាយករដ្ឋមន្ត្រី

The post អតីតមេប៉ូលិស ថៃ ជំរុញឲ្យសមាជិកព្រឹទ្ធសភាបោះឆ្នោតជូនលោក Pita ធ្វើជានាយករដ្ឋមន្ត្រី appeared first on Kampuchea Thmey Daily.

សមាជិកព្រឹទ្ធសភា ២ រូបដែលស្មោះត្រង់នឹងលោកឧត្តមសេនីយ ប្រាយុទ្ធ ចាន់អូចា និងលោក ប្រាវីត វង់ស៊ូវ៉ាន់ កំពុងធ្វើការបញ្ចុះបញ្ចូលសមាជិកផ្សេងទៀតរបស់ពួកគេ មិនឲ្យបោះឆ្នោតដល់មេដឹកនាំគណបក្សចលនាឆ្ពោះទៅមុខ លោក ភីថា លីមចារើនរ៉ាត់ ដើម្បីក្លាយជានាយករដ្ឋមន្ត្រីទី៣០ របស់ប្រទេសថៃ ។

ឧត្តមសេនីយ ២ រូបនេះគឺបានជួយជ្រោមជ្រែងបង្កើតក្រុមប្រឹក្សាជាតិដើម្បីសន្តិភាព និងសណ្តាប់ធ្នាប់ (NCPO) បន្ទាប់ពីរដ្ឋប្រហារឆ្នាំ ២០១៤ ហើយអ្នកទាំងពីរគឺមានសិទ្ធិពេញទំហឹងក្នុងការចូលរួមជាមួយសមាជិកសភាក្នុងការបោះឆ្នោតជ្រើសរើសនាយករដ្ឋមន្ត្រី ស្របពេលដែលសមាជិកព្រឹទ្ធសភាចំនួន ២៥០ រូបគឺភាគច្រើនសុទ្ធតែត្រូវបានជ្រើសរើសដោយលោក ប្រាយុទ្ធ ឬលោក ប្រាវីត ។

ប្រភពបាននិយាយទៀតថា អ្នកស្មោះត្រង់នឹងក្រុមប្រឹក្សាស្នូលរបស់ NCPO កំពុងជជែកវែកញែកថា “ការបោះឆ្នោតជូនគណបក្សចលនាឆ្ពោះទៅមុខរបស់លោក ភីថា ឲ្យក្លាយជានាយករដ្ឋមន្ត្រីថ្មីរបស់ថៃ គឺស្មើនឹងការក្បត់រាជានិយម” ។

ទន្ទឹមនោះ ពួកគេកំពុងព្យាយាមបញ្ចុះបញ្ចូលសមាជិកព្រឹទ្ធសភាផ្សេងទៀតថា ការប្តេជ្ញាម្តងហើយម្តងទៀតរបស់បក្សចលនាឆ្ពោះទៅមុខ ក្នុងការកែប្រែមាត្រា ១១២ នៃក្រមព្រហ្មទណ្ឌ ឬច្បាប់ប្រមាថព្រះមហាក្សត្រ គឺជាព័ស្តុតាងនៃការប្រឆាំងរបស់គណបក្សចំពោះរបបរាជានិយម ខណៈលោក ភីថា បាននិយាយម្តងហើយម្តងទៀតថា បក្សរបស់លោកគឺគ្រាន់តែចង់ធ្វើវិសោធនកម្មច្បាប់នេះ ដើម្បីទប់ស្កាត់កុំឲ្យប្រើជាឧបករណ៍នយោបាយតែប៉ុណ្ណោះ ។

គួរបញ្ជាក់ថា បច្ចុប្បន្នសម្ព័ន្ធដែលដឹកនាំដោយគណបក្សចលនាឆ្ពោះទៅមុខ មានការគាំទ្រពីសមាជិកសភាចំនួន ៣១២ រូប រួមទាំងសមាជិកមកពីបក្សភឿថៃ និងក្រុមចម្រុះចំនួន ៦ ផ្សេងទៀត ប៉ុន្តែចំនួននេះមិនទាន់គ្រប់គ្រាន់នៅឡើយទេសម្រាប់តំណែងនាយករដ្ឋមន្ត្រី ពោលក្រុមចម្រុះត្រូវការសំឡេងចំនួន ៣៧៦ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ លោក ភីថា បង្ហាញសមាជិកគណៈកម្មាធិការ ៨ រូបដើម្បីត្រួតពិនិត្យការផ្ទេរ អំណាចដោយរលូន

The post សមាជិកព្រឹទ្ធសភាតែងតាំងដោយលោក ប្រាយុទ្ធ អាចមិនបោះឆ្នោតឲ្យ​លោក ភីថា ធ្វើជានាយករដ្ឋមន្ត្រី appeared first on Kampuchea Thmey Daily.

យោងតាមលទ្ធផលនៃការស្ទង់មតិចុងក្រោយបំផុតដែលទទួលបានដោយសារព័ត៌មាន Thai PBS បានឲ្យដឹងថា គណបក្សចលនាឆ្ពោះទៅមុខ បានឈ្នះអាសនៈចំនួន ១៥១ ពោលតិចជាងលទ្ធផលបោះឆ្នោតក្រៅផ្លូវការ ១ អាសនៈ ដោយសារតែការរាប់សន្លឹកឆ្នោតមិនទាន់អស់នៅខេត្ត Prachin Buri ។

ការ​រាប់​សន្លឹក​ឆ្នោត​ដែល​បាន​បញ្ចប់​នៅខេត្ត Prachin Buri គឺមានការប្រែប្រួលតិចតួចប៉ុណ្ណោះ ពោលអាសនៈចំនួន ១ ដែលគណបក្សចលនាឆ្ពោះទៅមុខ បាត់បង់នោះត្រូវបានផ្ដល់ជូនទៅឲ្យគណបក្ស ភូមិចៃថៃ ។

នេះគឺជាលទ្ធផល​បោះឆ្នោត​ផ្លូវការ​សម្រាប់​គណបក្ស​កំពូលៗ​ទាំង ៦ ​គឺ៖

គណបក្សចលនាឆ្ពោះទៅមុខ ១៥១ អាសនៈ

គណបក្សភឿថៃ ១៤១ អាសនៈ

គណបក្សភូមិចៃថៃ ៧១ អាសនៈ

គណបក្សផាឡាង ប្រាឆារ៉ាត់ ៤០ អាសនៈ

គណបក្សថៃរួបរួមជាតិ ៣៦ អាសនៈ

គណបក្សប្រជាធិបតេយ្យ ២៥ អាសនៈ

គួរបញ្ជាក់ថា ក្នុងចំណោមប្រជាពលរដ្ឋដែលមានសិទ្ធិបោះឆ្នោតចំនួន ៥២,១៩៥,៩២០ នាក់ មានសន្លឹកឆ្នោតចំនួន ៣៩,៥១៤,៩៧៣ នាក់ ដែលតំណាងឲ្យចំនួនអ្នកទៅបោះឆ្នោត ៧៥.៧១ ភាគរយ ។ ក្នុងចំណោមសន្លឹកឆ្នោតទាំងអស់នោះ សន្លឹកឆ្នោតចំនួន ៣៩,១៩០,០៧១ សន្លឹក ស្មើនឹង ៩៤.១២ ភាគរយគឺបានការ ខណៈសន្លឹកឆ្នោតមិនបានការមានចំនួន ១,៤៥៧,៨៩៩ (៣.៦៩ ភាគរយ) ហើយសន្លឹកឆ្នោតចំនួន ៨៦៦,៨៨៥ មិនបានគូសឲ្យបេក្ខជនណាម្នាក់ឡើយ ៕

ប្រែសម្រួលដោយ ៖ ជីវ័ន្ត

ប្រភព ៖ Thai PBS

ចុចអាន ៖ គណបក្សចលនាឆ្ពោះទៅមុខ និងភឿ ថៃ ឈ្លោះគ្នាបែកផ្សែង ដណ្តើមតំណែងប្រធានសភា

The post ថៃ នឹងប្រកាសលទ្ធផលបោះឆ្នោតផ្លូវការក្នុងពេលឆាប់ៗនេះ ក្រោយមាន​បញ្ហាបន្តិចបន្តួច appeared first on Kampuchea Thmey Daily.