ព័ត៌មានអន្ដរជាតិ
គណបក្សចលនាឆ្ពោះទៅមុខ និងភឿថៃ ឈ្លោះគ្នាបែកផ្សែង ដណ្តើមតំណែងប្រធានសភា
មេដឹកនាំគណបក្សចលនាឆ្ពោះទៅមុខ លោក Pita Limjaroenrat កាលពីថ្ងៃសុក្រទី២៦ខែឧសភា បានជំរុញសមាជិកបក្សរបស់គាត់ និងដៃគូចម្រុះធំបំផុតរបស់ខ្លួន គឺគណបក្សភឿថៃ ឲ្យឈប់ឈ្លោះគ្នាជាសាធារណៈ ខណៈក្រុមចរចាចម្រុះ នឹងសម្រេចថាតើ អ្នកណាអាចទទួលបានតំណែងជាប្រធានសភា។

សមាជិកមួយចំនួននៃគណបក្សទាំងពីរ បានចាប់ផ្តើមជជែកវែកញែកជាសាធារណៈអំពីគណបក្សណាមួយ ដែលគួរតែទទួលបានតំណែងដ៏មានឥទ្ធិពលបំផុតនៅក្នុងសភាតំណាងរាស្រ្ត។
ជម្លោះត្រូវបានបង្កឡើងកាលពីថ្ងៃអង្គារ ដោយអ្នកតស៊ូមតិរបស់គណបក្សចលនាឆ្ពោះទៅមុខគឺលោក Piyabutr Saengkanokkul នៅពេលគាត់ បានបង្ហោះ Facebook ថា គណបក្សនេះ ត្រូវតែគ្រប់គ្រងមុខតំណែងប្រធានសភា។

ភាពតានតឹង កាន់តែកើនឡើង ខណៈសមាជិកបក្សភឿថៃមួយចំនួន បានគំរាមថា គណបក្សរបស់ពួកគេនឹងចាកចេញពីក្រុមចម្រុះ ហើយមេដឹកនាំទី២ នៃគណបក្សចលនាឆ្ពោះទៅមុខគឺលោកស្រី Sirikanya Tansakul បានពន្លះយ៉ាងចាស់ដៃថា គណបក្សរបស់លោកស្រី ត្រូវការតួនាទីនេះដើម្បីជំរុញរបៀបវារៈរបស់ខ្លួន។
ក្រោយមក ស្រាប់តែគណបក្សភឿថៃ បានចេញសេចក្តីថ្លែងការណ៍មួយកាលពីថ្ងៃសុក្រថា ប្រធានសភា ត្រូវតែជំរុញឲ្យមានគោលនយោបាយរបស់ភាគីចម្រុះទាំងអស់ មិនមែនសម្រាប់តែគណបក្សតែមួយនោះទេ។

ទោះបីជាយ៉ាងណាក៏ដោយ លោក Pita បានចេញមុខអន្តរាគមន៍ជម្លោះនេះជាសាធារណៈ ដោយប្រាប់អ្នកសារព័ត៌មានថា អាទិភាពបច្ចុប្បន្ន គឺត្រូវដោះស្រាយបញ្ហារបស់ប្រជាជន និងរៀបចំដើម្បីប្រកាសគោលនយោបាយរបស់ក្រុមចម្រុះទៅកាន់សភាជាមុនសិន។
គួរបញ្ជាក់ថា តាមរដ្ឋធម្មនុញ្ញថៃ គឺតម្រូវឲ្យគណៈរដ្ឋមន្ត្រី ប្រកាសគោលនយោបាយរបស់ខ្លួនដល់សភាជាមុនសិន មុននឹងចូលកាន់តំណែង៕
ប្រែសម្រួល៖ Vann Vann
ប្រភព៖ Nation
ចុចអាន៖ បក្សភឿថៃ គំរាមដកខ្លួនចេញពីក្រុមចម្រុះ បើមិនបានតំណែងកំពូលមួយនេះ
-
ជីវិតកម្សាន្ដ៧ ថ្ងៃ មុន
តារា ៤ ដួង លេចធ្លោជាងគេ ក្រោយស្លៀកឈុតស្រដៀងគ្នាដើរលើកម្រាលព្រំ Cannes
-
ជីវិតកម្សាន្ដ៥ ថ្ងៃ មុន
តារា ថៃ ៥ គូ ត្រូវអ្នកគាំទ្រជំរុញឲ្យស្រលាញ់គ្នាពិត
-
ជីវិតកម្សាន្ដ៥ ថ្ងៃ មុន
មិនមែនលេចធ្លោរហូតទេ មួយឈុតរបស់ Chompoo ក្នុងកម្មវិធី Cannes រងការរិះគន់មិនពេញចិត្តពីមហាជន
-
ជីវិតកម្សាន្ដ៤ ថ្ងៃ មុន
ហ្វាន់ ពីងពីង នៅតែលេចធ្លោខ្លាំងរឿងសំលៀកបំពាក់ និងសម្រស់ដ៏ទាក់ទាញ
-
កីឡា៧ ថ្ងៃ មុន
ទីបំផុត ប្រធាន FIFA ចេញសេចក្ដីថ្លែងការណ៍ពាក់ព័ន្ធការប៉ះទង្គិចក្នុងស៊ីហ្គេមនៅកម្ពុជា
-
ជីវិតកម្សាន្ដ៧ ថ្ងៃ មុន
៣ ឈុតរបស់ Chompoo Araya ក្នុងកម្មវិធី Cannes សុទ្ធតែទទួលការសរសើរថាលេចធ្លោ
-
សុខភាព១ សប្តាហ៍ មុន
Dumex SuperGold Kid គាំទ្រតារាឆ្នើមនាពេលអនាគតជាមួយនឹងការឧបត្ថម្ភផ្តាច់មុខលើកម្មវិធី Cambodian Idol Junior
-
ព័ត៌មានជាតិ៣ ថ្ងៃ មុន
សម្ដេចតេជោ ហ៊ុន សែន ហួសចិត្តនៅពេលឃើញការទិតៀន សម្តេច សៅរ៍ ចន្ទថុល្ល លើហ្វេសប៊ុក