លោក Pita បង្ហាញសមាជិកគណៈកម្មាធិការ ៨ រូបដើម្បីត្រួតពិនិត្យការផ្ទេរ​អំណាចដោយរលូន

ក្រុមចម្រុះថៃដែលដឹកនាំគណបក្សចលនាឆ្ពោះទៅមុខ បានសម្រេចបង្កើតគណៈកម្មការដំបូងចំនួន ២ ដែលមានសមាជិក ៨ រូប ដើម្បីធានាការផ្ទេរអំណាចដោយរលូន និងដើម្បីពិនិត្យការចរចាផ្សេងៗ ក្នុងចំណោមដៃគូចម្រុះទាំង ៨ ។

អនាគតនាយករដ្ឋមន្ត្រីថ្មីរបស់ថៃលោក Pita Limjaroenrat ដែលជាមេដឹកនាំគណបក្សចលនាឆ្ពោះទៅមុខ បានប្រកាសកាលពីថ្ងៃអង្គារថា លោកនឹងធ្វើជាប្រធានគណៈកម្មាធិការត្រួតពិនិត្យការផ្ទេរអំណាចពីរដ្ឋាភិបាលចាស់ ហើយសមាជិកទាំង ៨ រូបនោះមានដូចជា៖

• លោកស្រី Sirikanya Tansakun (គណបក្សចលនាឆ្ពោះទៅមុខ)

• លោក Paopoom Rojanasakul (គណបក្សភឿថៃ)

• លោក Tawee Sodsong (គណបក្សប្រាឆាឆាត)

• លោក Anudith Nakornthap (គណបក្សថៃសាងថៃ)

• លោក Wirat Worasirin (គណបក្សសេរីនិយមថៃ)

• លោក Kanawee Suebsaeng (គណបក្សយុត្តិធម៌)

• លោក Wasawat Poungponsri (គណបក្សភឿថៃរួមបាឡាំង)

• លោក Chaowarit Khajonpongkirati (គណបក្សផ្លុងសង្គមម៉ៃ)

ជាចុងក្រោយលោក Pita បាននិយាយទៅកាន់អ្នកសារព័ត៌មាននៅទីស្នាក់ការគណបក្សប្រាឆាឆាត ក្នុងទីក្រុងបាងកកថា ការបង្កើតគណៈកម្មាធិការទាំងនេះ គឺជាជំហានមួយទៀតឆ្ពោះទៅ កាន់តែកៀកចំពោះការបង្កើតរដ្ឋាភិបាលចម្រុះរបស់ថៃ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ អនាគតនាយករដ្ឋមន្ត្រីថ្មីរបស់ ថៃ ប្រាប់ឈ្មោះកោះដែលបក្សនឹងអនុវត្ត គោលនយោបាយតាម