ចរាចរណ៍

ទំនងស្រវឹង បើករថយន្តបុកក្បាលព្រួញពុះចែកទ្រូងផ្លូវ

បានផុស

១ year មុន

នៅ

ថ្ងៃអង្គារ ២០ កក្កដា ២០២១

ដោយ

បុរសម្នាក់សង្ស័យស្រវឹងបានបើករថយន្តក្នុងល្បឿនលឿនរេចង្កូតជ្រុលបុលក្បាលព្រួញពុះចែកទ្រូងផ្លូវពេញទំហឹងបណ្តាលឱ្យខូចខាតចំនួនមួយកង់ ចំណែករថយន្តរងការខូចខាតផ្នែកខាងមុខ និងផ្ទុះពោងសុវត្តិភាព សំណាងមិនរបួសដល់មនុស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង១និង១០នាទីរំលងអាធ្រាត្រ ឈានចូលថ្ងៃទី២០ ខែកក្កដា ឆ្នាំ២០២១ នៅចំណុចមុខស្ថានីយ៍ប្រេងឥន្ធនៈ តូតាល់ តាមបណ្តោយផ្លូវ២៧១ ក្នុងសង្កាត់ទួលទំពូងទី២ ខណ្ឌចំការមន រាជធានីភ្នំពេញ។

តាមប្រភពព័ត៌មានបានឱ្យដឹងថា មុនពេលកើតហេតុគេបានឃើញបុរសម្នាក់បើករថយន្តម៉ាកHILUX REVO ពណ៌ស ពាក់ស្លាកលេខភ្នំពេញ2AH 7646 ធ្វើដំណើរទិសដៅពីត្បូងទៅជើងក្នុងល្បឿនលឿន លុះមកដល់ចំណុចកើតហេតុខាងលើបានរេចង្កូតទៅខាងឆ្វេងដៃ ជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលឱ្យបាក់ចំនួនមួយកង់ចេញពីគន្លងជួរ។ ភ្លាមនោះម្ចាស់រថយន្តបានថយរថយន្តមកក្រោយប្រមាណជាង៥០ម៉ែត្របម្រុងបើកគេចខ្លួនចេញពីកន្លែងកើតហេតុ តែដោយរថយន្តមានការខូចខាតផ្នែកទៅមុខ ទើបធ្វើឲ្យធ្វើដំណើរទៅមុខលែងរួច បន្ទាប់មកម្ចាស់រថយន្តបានបើកទ្វារចុះពីលើរថយន្តគេចខ្លួនចេញពីកន្លែងកើតហេតុបាត់។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំម្ចាស់ចូលខ្លួនមកដោះស្រាយតាមផ្លូវច្បាប់៕

អត្ថបទ ៖ សុខា