ចរាចរណ៍

រថយន្តFord RAPTOR បុករថយន្តកូរ៉េចតស្ងៀមបណ្ដាលឲ្យអ្នកបើកបររងរបួស

បានផុស

៥ years មុន

នៅ

ថ្ងៃសុក្រ ២៧ សីហា ២០២១

ដោយ

បុរសម្នាក់បើករថយន្តស៊េរីទំនើបម៉ាក Ford RAPTOR ក្នុងល្បឿនលឿនមិនប្រយ័ត្នជ្រុលចង្កូតទៅបុករថយន្តកូរ៉េចំណុះ៤ តោនកន្លះ ដែលចតស្ងៀមលើចិញ្ចើមផ្លូវពីក្រោយទំហឹងបណ្តាលឲ្យអ្នកបើកបររងរបួស។

ហេតុការណ៍នេះកើតឡើងកាលពីវេលាម៉ោង១១និង៣០ នាទីយប់ថ្ងៃទី២៦ ខែសីហា ឆ្នាំ២០២១ នៅតាមបណ្ដោយផ្លូវចោមចៅ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តកូរ៉េចំណុះ៤ តោនកន្លះមួយគ្រឿង ពណ៌ ស ពាក់ស្លាកលេខស៊េរីចាស់ ហ-0192-ភ ចតស្ងៀមនៅតាមចិញ្ចើមផ្លូវក្នុងទិសដៅលិចកើត លុះមកដល់វេលាកើតហេតុខាងលើក៏មានរថយន្តស៊េរីទំនើបម៉ាកFord RAPTOR គ្រឿងពណ៌ខ្មៅពាក់ស្លាកលេខកម្ពុជា-S-B-9899 បើកបរដោយបុរសម្នាក់ធ្វើដំណើរក្នុងទិសដៅពីកើតទៅលិច ក្នុងល្បឿនលឿនបានរេចង្កូតមកខាងស្ដាំដៃជ្រុលទៅបុកទ្រុងរថយន្តកូរ៉េពីក្រោយខាងឆ្វេងពេញកំហឹងបណ្ដាលឲ្យរថយន្ដកូរ៉េរងការខូចខាតបន្តិចបន្តួច ចំណែករថយន្តFord រងការខូចខាតយ៉ាងដំណំ និងធ្វើឲ្យម្ចាស់រងរបួសផងដែរ។ ភ្លាមនោះគេឃើញរថយន្តសង្គ្រោះបន្ទាន់បានមកដឹកម្ចាស់រថយន្ត Fordទៅសង្គ្រោះនៅឯមន្ទីរពេទ្យ។

ក្រោយកើតហេតុសមត្ថកិច្ចមូលដ្ឋានបានចុះមកដល់ទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នាតាមផ្លូវច្បាប់៕

អត្ថបទ ៖ សុខា