ចរាចរណ៍

រថយន្តស៊េរីទំនើប FORD RAPTOR បុករបាំងថ្មពុះចែកទ្រូងផ្លូវក្រឡាប់ផ្ងារជើង

បានផុស

៤ years មុន

នៅ

ថ្ងៃព្រហស្បតិ៍ ៦ មករា ២០២២

ដោយ

បុរសម្នាក់បើករថយន្តស៊េរីទំនើបម៉ាកFORD RAPTORមួយគ្រឿងជ្រុលទៅបុកក្បាលព្រួញពុះចែកទ្រូងផ្លូវបណ្តាលឲ្យក្រឡាប់ និងរងការខូចខាតយ៉ាងដំណំសំណាងល្អមិនបង្កឲ្យមានអ្នករងរបួស។

ហេតុការណ៍នេះកើតឡើងកាលពីវេលាម៉ោង១០និង១០នាទីយប់ ថ្ងៃទី៥ ខែមករា ឆ្នាំ២០២២ នៅចំណុចមុខវិទ្យាល័យជាស៊ីមសាមគ្គី តាមបណ្ដោយផ្លូវ២៧១ ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុ បានឱ្យដឹងថា មុនកើតហេតុគេឃើញបុរសម្នាក់បើករថយន្តស៊េរីទំនើបម៉ាកFORD RAPTOR ពណ៌ខ្មៅ ពាក់ស្លាកលេខកម្ពុជាB-CH-007 ធ្វើដំណើរទិសដៅពីត្បូងទៅជើងលុះមកដល់ចំណុចកើតហេតុ ដែលជាចំណុចផ្លូវកោងបួងចង្កូតមិនទាន់ជ្រុលទៅបុកក្បាលព្រួញពុះចែកទ្រូងផ្លូវបណ្ដាលឱ្យបាក់អស់មួយកង់ ចំណែករថយន្តក្រឡាប់ផ្ងារជើងមួយចំហៀង រងការខូចខាត។ ភ្លាមៗនោះប្រជាពលរដ្ឋនៅក្បែរកន្លែងកើតហេតុនាំគ្នាជួយលើករថយន្តឲ្យមកដូចដើមវិញ។

ក្រោយហេតុការភ្លាមៗគេឃើញមានរថយន្តមួយគ្រឿងបានមកដល់ហើយនាំអ្នកបើករថយន្តបង្កឡើងរថយន្តជិះចេញពីកន្លែងកើតហេតុបាត់។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយគ្នាតាមផ្លូវច្បាប់៕

អត្ថបទ៖ សុខា