ចរាចរណ៍

ម្ដាយមីង និងក្មួយបង្កើតជិះម៉ូតូបុកគ្នាស្លាប់ទាំងពីរនាក់

បានផុស

៣ years មុន

នៅ

ថ្ងៃអាទិត្យ ៥ កុម្ភៈ ២០២៣

ដោយ

ថ្នាក់ចរាចរណ៍បានកើតមានឡើងរវាងម្តាយមីង និងក្មួយបង្កើតជិះម៉ូតូបុកគ្នាពេញមួយទំហឹងបណ្តាលឲ្យស្លាប់ទាំងពីរនាក់ភ្លាមៗ ។ ឧបទ្ទវហេតុគ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង ១៥និង២០នាទី ថៃ្ងទី០៥ ខែកុម្ភៈ ឆ្នាំ២០២៣ លើផ្លូវលេខ១៤០ ចំណុចភូមិត្រពាំងខ្យង ឃុំត្រពាំងគង ស្រុកសំរោងទង ខេត្តកំពង់ស្ពឺ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលបានឲ្យដឹងថា មានម៉ូតូមួយគ្រឿង ម៉ាកស្ដុបពី ពណ៌ក្រហម ពាក់ស្លាកលេខភ្នំពេញ 1GF-9021 បើកបរ ដោយឈ្មោះ ថែម គន្ធា ភេទស្រី អាយុ ៤២ឆ្នាំ រស់នៅភូមិពោធិ៍ ឃុំរលាំងចក ស្រុកសំរោងទង បើកបរពីត្បូងទៅជើង មកដល់ចំណុចកើតហេតុបានបុកជាមួយម៉ូតូមួយគ្រឿងទៀត ម៉ាកអ៊ិចសាយទ័រ ពណ៌ខ្មៅ គ្មានស្លាកលេខ អ្នកបើកបរឈ្មោះ វែង ចាន់នី ភេទប្រុស អាយុ១៧ឆ្នាំ រស់នៅភូមិពោធិ ឃុំរលាំងចក ស្រុកសំរោងទង ដែលកំពុងបើកបរបញ្ច្រាសទិសគ្នាពីជើងទៅត្បូង ។

លោកវរសេនីយ៍ឯក ឃុត សុផល អធិការស្រុកសំរោងទងបានឱ្យដឹងថា ករណីគ្រោះថ្នាក់ចរាចរណ៍ខាងលើបណ្ដាលឱ្យមនុស្សស្លាប់ទាំងពីរនាក់ ។ លោកបន្តទៀតថា ជារឿងដែលនឹកស្មានមិនដល់ និងសោកសង្រេងបំផុត គឺជនរងគ្រោះទាំងពីរជាមីង និងក្មួយបង្កើតជួបគ្រោះថ្នាក់ដោយចៃដន្យបំផុតសម្រាប់ដើមឆ្នាំ២០២៣នេះ ។ ក្នុងករណីខាងលើសមត្ថកិច្ចនគរបាលកំពុងយកចិត្ដទុកដាក់ និងស្រាវជ្រាវពិនិត្យយ៉ាងម៉ត់ចត់បំផុតម៉ូតូ០២គ្រឿងខូចខាតយ៉ាងធ្ងន់ធ្ងរ ។

ចំពោះវត្ថុតាងម៉ូតូទាំង០២គ្រឿង សមត្ថកិច្ចនគរបាលបានយកមករក្សាទុកនៅប៉ុស្ដិ៍នគរបាលរដ្ឋបាលត្រពាំងគង រង់ចាំបន្ដនីតិវិធីប្រគល់ជូនក្រុមគ្រួសារ ៕

អត្ថបទ៖ ភួង រដ្ឋា

Related Topics:គ្រោះថ្នាក់ចរាចរណ៍

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា