កីឡា
ចុងសប្តាហ៍នេះ វឿន វាសនា លេង ២ ប្រកួតនៅលីគតៃវ៉ាន់ មុនមកហ្វឹកហាត់ជាមួយជម្រើសជាតិកម្ពុជា
កីឡាករបាល់ទះជម្រើសជាតិកម្ពុជា វឿន វាសនា ត្រូវមានភារកិច្ចជួយក្រុម Win Streak ២ប្រកួតទៀតនៅលីគបាល់ទះអាជីពតៃវ៉ាន់ នៅចុងសប្តាហ៍នេះ មុនពេលធ្វើដំណើរមកចូលរួមជាមួយក្រុមបាល់ទះជម្រើសជាតិកម្ពុជាក្នុងការហ្វឹកហាត់ត្រៀមកីឡាស៊ីហ្គេម លើកទី៣៣ នៅប្រទេសថៃ។
ក្រុម Win Streak នឹងប្រកួតជាមួយក្រុម TSG Sky Hawks វេលាម៉ោង ៥:៣០ នាទីល្ងាច ថ្ងៃសៅរ៍ ទី២៥ ខែតុលា ឆ្នាំ ២០២៥ នៅក្នុងលីគបាល់ទះអាជីពតៃវ៉ាន់ ហើយនៅថ្ងៃអាទិត្យ ទី២៦ ខែតុលា ម៉ោង ៥:៣០ នាទីល្ងាច ត្រូវប្រកួតជាមួយ East Power ។ វឿន វាសនា ជាកីឡាករវាយផ្តាច់ដ៏សំខាន់ដើម្បីរកពិន្ទុឲ្យក្រុម Win Streak ។
ក្នុងរដូវកាលនេះ វឿន វាសនា កំពុងដើរតួយ៉ាងសំខាន់ ក្នុងការជួយឱ្យក្រុម Win Streak បំបែកកំណត់ត្រាជាលើកដំបូង ដោយឈ្នះការប្រកួតក្នុងលីគតៃវ៉ាន់ ចំនួន ៥ ប្រកួតជាប់គ្នា គឺឈ្នះ East Power ៣-០, ឈ្នះ Taoyuan Leopards ៣-០, ឈ្នះ TSG Sky Hawks ៣-២, ឈ្នះក្រុម Taoyuan Leopards ៣-០ និងឈ្នះក្រុម TSG Sky Hawks ៣-០។ បច្ចុប្បន្ន ពួកគេរកបាន ១៤ ពិន្ទុ និងកំពុងឈរនៅកំពូលតារាង។
កីឡាករជម្រើសជាតិកម្ពុជា បានក្លាយជាកីឡាករល្អបំផុតប្រចាំការប្រកួតចំនួន ២ លើក។ លើកទី ១ នៅពេល Win Streak ឈ្នះ East Power ដោយរូបគេបាន ១៩ពិន្ទុ ជាពិន្ទុខ្ពស់ជាងគេបំផុត។ លើកទី ២ នៅពេល ក្រុមរបស់ខ្លួនឈ្នះ TSG Sky Hawks ដោយរូបគេបាន ៣៤ ពិន្ទុ ជាពិន្ទុខ្ពស់ជាងគេបំផុត។
កម្ពុជាថ្មី បានសួរទៅលោក អាំង សិរីពិសិដ្ឋ អគ្គលេខាធិការ និងជាអនុប្រធានសហព័ន្ធកីឡាបាល់ទះកម្ពុជា ដោយលោកបានបញ្ជាក់ថា វឿន វាសនា នឹងមកកម្ពុជានៅខែវិច្ឆិកា។ ការធ្វើដំណើររបស់កីឡាករកម្ពុជានៅលីគកំពូលតៃវ៉ាន់នេះ គឺ ចំពេល ក្រុមបាល់ទះជម្រើសជាតិកម្ពុជា កំពុងហ្វឹកហាត់ត្រៀមកីឡាស៊ីហ្គេម លើកទី៣៣ នាខែធ្នូ នៅប្រទេសថៃ។
អនុប្រធានសហព័ន្ធបាល់ទះរូបនេះធ្លាប់បានប្រាប់ថា វឿន វាសនា នឹងមកចូលជំរំហ្វឹកហាត់ជាមួយក្រុមជម្រើសជាតិកម្ពុជា ដើម្បីត្រៀមកីឡាស៊ីហ្គេម ចុងឆ្នាំ ២០២៥ ដោយសុខចិត្តអត់ទទួលបានប្រាក់ខែនៅក្លិបតៃវ៉ាន់ខ្ទង់៣ម៉ឺនដុល្លារអាមេរិក។
សូមបញ្ជាក់ថា ក្រុមបាល់ទះជម្រើសជាតិកម្ពុជា ស្ថិតនៅពូលមរណៈគឺពូល B ជាមួយក្រុមបាល់ទះជម្រើសជាតិ ឥណ្ឌូណេស៊ី ហ្វីលីពីន និង មីយ៉ាន់ម៉ា ដែលសុទ្ធតែជាក្រុមខ្លាំងៗ នៅក្នុងកីឡាស៊ីហ្គេម លើកទី៣៣ ខណៈពូល A មានម្ចាស់ផ្ទះ ថៃ សិង្ហបុរី និង ឡាវ៕
អត្ថបទ៖ វីរបុត្រ
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ