ព័ត៌មានជាតិ

ឆ្នាំ ២០២៥ ខេត្តក្រចេះទទួលបានគម្រោងវិនិយោគលេចធ្លោចំនួន ២ ក្នុងទុនវិនិយោគប្រមាណ ៤០៦លានដុល្លារ

បានផុស

៥ ខែ មុន

នៅ

ថ្ងៃព្រហស្បតិ៍ ៨ មករា ២០២៦

ដោយ

ក្នុងឆ្នាំ២០២៥ ខេត្តក្រចេះទទួលបានគម្រោងវិនិយោគធំៗចំនួន ២ ក្រោមទុនប្រមាណ ៤០៦ លានដុល្លារអាមេរិក ដែលអាចបង្កើតការងារប្រមាណជាង ១៣២០កន្លែង។

គម្រោងវិនិយោគទាំងនោះរួមមាន ការពង្រីកផលិតកម្មកសិដ្ឋានចិញ្ចឹមគោពូជនិងគោសាច់ខ្នាតធំ និងគម្រោងវិនិយោគបង្កើតរោងចក្រផលិតស៊ីម៉ងត៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមទុនវិនិយោគប្រមាណជាង ១២០ លានដុល្លារអាម៉េរិក ក្រុមហ៊ុន THACO AGRI បានបោះទុនពង្រីកផលិតកម្មកសិដ្ឋានចិញ្ចឹមគោពូជ និងគោសាច់ខ្នាតធំដែលមានទីតាំងនៅភូមិស្រែថ្មី ឃុំឃ្សឹម ស្រុកស្នួលខេត្តក្រចេះនៅលើផ្ទៃដីកសិកម្មទំហំជាង ១ម៉ឺន ហិកតា ដើម្បីដាំចេក ចិញ្ចឹមគោ មាន់ ត្រី ជ្រូក ទុរេន និងផ្ទះត្រចៀកកាំ ដែលក្នុងនោះដំណាំចេកគ្របដណ្តប់លើផ្ទៃដីទំហំ ៤៨០០ ហិកតា ដែលមួយឆ្នាំៗអាចនាំចេញជាង ១០ម៉ឺនតោនទៅទីផ្សារចិននិងជប៉ុន។

ដោយឡែកគម្រោងវិនិយោគបង្កើតរោងចក្រផលិតស៊ីម៉ងត៍ក្រោមទុនជាង ២៨៦ លានដុល្លារអាម៉េរិក មានទីតាំងស្ថិតនៅឃុំកំពង់ចាម ស្រុកសំបូរ ខេត្តក្រចេះ បច្ចុប្បន្នកំពុងដំណើរការសាងសង់រោងចក្រ ដែលអាចបង្កើតការងារបានចំនួន ៤២០ កន្លែង៕

អត្ថបទ៖ ប្រុញ វិធិន