ព័ត៌មានជាតិ

រដ្ឋបាលខេត្តបាត់ដំបង រៀបចំពិធីផ្សព្វផ្សាយយុទ្ធនាការ “និយាយថាទេចំពោះព័ត៌មានក្លែងក្លាយ”

បានផុស

៤ ខែ មុន

នៅ

ថ្ងៃសុក្រ ៣០ មករា ២០២៦

ដោយ

នារសៀលថ្ងៃទី ៣០ ខែមករា ឆ្នាំ ២០២៦ ក្នុងសាលប្រជុំរបស់សាលាខេត្តបាត់ដំបង មានរៀបចំកម្មវិធីផ្សព្វផ្សាយយុទ្ធនាការ “និយាយថាទេចំពោះព័ត៌មានក្លែងក្លាយ” ក្រោមអធិបតីភាពលោក សុខ លូ អភិបាល នៃគណៈអភិបាលខេត្តបាត់ដំបង លោក សុវណ្ណ វិទិត្យា ប្រធានមន្ទីរព័ត៌មានខេត្ត រួមទាំងកងកម្លាំងប្រដាប់អាវុធទាំងបីប្រភេទ មន្ត្រីរាជការ អាជ្ញាធរមូលដ្ឋាន ក្រុមកាយរឹទ្ធិ និងសិស្សានុសិស្ស បានអញ្ជើញចូលរួមយ៉ាងច្រើនកុះករផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាកិច្ចចាប់ផ្ដើម ក្រុមមន្ទីរព័ត៌មាន បានចាក់បញ្ចាំងស្លាយ ស្តីពីសកម្មភាព និងការចូលរួមប្រឆាំងព័ត៌មានក្លែងក្លាយ ការចាប់អារម្មណ៍ និងការប្ដេជ្ញាចិត្តរបស់យុវជនក្នុងការប្រយុទ្ធ ប្រឆាំង ព័ត៌មានក្លែងក្លាយ ដោយចំណាប់អារម្មណ៍នេះ ត្រូវបានលើកឡើងដោយតំណាងមន្ត្រីសារព័ត៌មាន តំណាង ស.ស.យ.ក តំណាងកាយរឹទ្ធិជាតិកម្ពុជា និងតំណាងអ្នកមានប្រជាប្រិយភាពលើបណ្ដាញទំនាក់ទំនងសង្គម។

លោក សុវណ្ណ វិទិត្យា ប្រធានមន្ទីរព័ត៌មានខេត្ត បានឡើងពន្យល់ និងបកស្រាយអំពីសារសំខាន់ នៃយុទ្ធនាការ “និយាយថាទេចំពោះព័ត៌មានក្លែងក្លាយ” និងចំពោះយុទ្ធនាការប្រឆាំងព័ត៌មានក្លែងក្លាយ ដើម្បីឲ្យអង្គពិធីជ្រាប និងមានការយល់ដឹង ព្រោះបើតាមការលើកឡើងរបស់លោក នេត្រ ភក្ត្រា រដ្ឋមន្ត្រីក្រសួងព័ត៌មាន ដែលបានបញ្ជាក់ពេលកន្លងមក គឺយុទ្ធនាការប្រឆាំងព័ត៌មានក្លែងក្លាយ ក្នុងទិសស្លោក និយាយថាទេចំពោះព័ត៌មានក្លែងក្លាយ គឺបានចាប់ផ្ដើមកាលពីថ្ងៃទី ១ ខែមេសា ឆ្នាំ ២០២៥ ដែលគម្រោងនេះអាចនឹងបញ្ចប់ នៅថ្ងៃទី ១ ខែមិថុនា ឆ្នាំ ២០២៦ ខាងមុខនេះ។

ជាមួយនេះ លោក សុខ លូ បានពន្យល់ដល់មន្ត្រីទាំងអស់ដែលបានចូលរួមក្នុងពិធីនេះ ត្រូវចេះពន្យល់ និងណែនាំប្រជាពលរដ្ឋឲ្យបានយល់ដឹងអ្វីដែលហៅថាព័ត៌មានក្លែងក្លាយ ត្រូវចេះពិនិត្យប្រភព នៃព័ត៌មាន ខ្លឹមសារ នៃព័ត៌មាន ត្រូវអានឲ្យចប់ នៃខ្លឹមសារ ដើម្បីឲ្យដឹងច្បាស់ថា តើជាព័ត៌មានពិត ឬជាព័ត៌មានក្លែងក្លាយ ជៀសវាងការចែកចាយបន្ត ដែលអាចបង្កឲ្យមានគ្រោះថ្នាក់ និងបាត់បង់ទំនុកចិត្តរវាងថ្នាក់ដឹកនាំ និងប្រជាពលរដ្ឋ។

លោកសង្កត់ធ្ងន់ថា នៅក្នុងរយៈកាល នៃជម្លោះរវាងកម្ពុជា និង ថៃ គេសង្កេតឃើញថា ភាគីថៃ បានបង្កើតផេកជាច្រើនដែលសរសេរជាអក្សរខ្មែរ បានបង្កើតជាព័ត៌មានក្លែងក្លាយជាច្រើន ដើម្បីបង្កាច់បង្ខូចដល់ថ្នាក់ដឹកនាំ ក៏ដូចជាកងកម្លាំងប្រដាប់អាវុធ ឲ្យបាក់ទឹកចិត្ត និងមានការថ្នាំងថ្នាក់ដល់ប្រមុខ នៃរាជរដ្ឋាភិបាលផងដែរ។ ដូច្នេះ រាល់ព័ត៌មានដែលទទួលបាន ត្រូវសង្កេតមើលអំពីប្រភព និងខ្លឹមសារពីដើមដល់ចប់ ដោយមិនត្រូវធ្វើការចែកចាយតាមបណ្ដាញសង្គមភ្លាមៗ នោះឡើយ ធ្វើយ៉ាងណាត្រូវសាកសួរទៅអ្នកដែលយល់ដឹងអំពីបញ្ហានេះ ព្រោះការបន្តចែកចាយព័ត៌មានក្លែងក្លាយវាអាចបង្កឲ្យមានហានិភ័យខ្ពស់នៅក្នុងសង្គម៕

អត្ថបទ ៖ សោ និយមរ័ត្ន

Related Topics:ខេត្តបាត់ដំបង

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា