ព័ត៌មានអន្ដរជាតិ
ត្រាំ ដាក់លក្ខខណ្ឌឲ្យអ៊ីរ៉ង់សុំចុះចាញ់ដោយគ្មានលក្ខខណ្ឌជាមុន
ប្រធានាធិបតីសហរដ្ឋអាមេរិក លោក ដូណាល់ ត្រាំ បានច្រានចោលការធ្វើកិច្ចព្រមព្រៀងណាមួយជាមួយអ៊ីរ៉ង់ ដោយទាមទារឱ្យអ៊ីរ៉ង់ចុះចាញ់ដោយគ្មានលក្ខខណ្ឌជំនួសវិញ។ នេះបើយោងតាមការចុះផ្សាយរបស់បណ្តាញសារព័ត៌មានអន្តរជាតិនានា។
លោក ត្រាំ ចេញការទាមទារបែបនេះលើ Truth Social របស់ខ្លួនកាលពីថ្ងៃសុក្រ ទី០៦ ខែមីនា, ខណៈការវាយប្រហារជាបន្តបន្ទាប់រវាងសហរដ្ឋអាមេរិក-អ៊ីស្រាអែល លើប្រទេសអ៊ីរ៉ង់ឆ្លងផុតនៃសប្តាហ៍ដំបូងរបស់ពួកគេទៅហើយ។
លោក ត្រាំសរសេរថា៖«នឹងមិនមានកិច្ចព្រមព្រៀងជាមួយអ៊ីរ៉ង់ទេ លើកលែងតែការចុះចាញ់ដោយគ្មានលក្ខខណ្ឌ! បន្ទាប់ពីនោះ និងការជ្រើសរើសមេដឹកនាំដ៏អស្ចារ្យ ដែលអាចទទួលយកបាន! យើងនិងសម្ព័ន្ធមិត្ត និងដៃគូដ៏អស្ចារ្យដែលក្លាហានជាច្រើនរបស់យើង នឹងធ្វើការដោយមិនចេះនឿយហត់ ដើម្បីនាំអ៊ីរ៉ង់ត្រឡប់ពីភាពបំផ្លិចបំផ្លាញវិញ ដោយធ្វើឱ្យវាកាន់តែអស្ចារ្យ ប្រសើរជាងមុន និងរឹងមាំជាងពេលណាៗទាំងអស់។ អ៊ីរ៉ង់នឹងមានអនាគតដ៏អស្ចារ្យ»។
ក្នុងរយៈពេល១សប្តាហ៍មកនេះ សហរដ្ឋអាមេរិកនិងអ៊ីស្រាអែល បានវាយប្រហារលើប្រទេសអ៊ីរ៉ង់ ចាប់តាំងពីពីថ្ងៃសៅរ៍សប្តាហ៍មុន ដោយប្រកាសជាសាធារណៈពីគោលបំណងនៃការផ្តួលរំលំរដ្ឋាភិបាលរបស់ប្រទេសនេះ។
មិនតែប៉ុណ្ណោះ មេដឹកនាំកំពូលអ៊ីរ៉ង់ លោក Ayatollah Ali Khamenei ត្រូវបានសម្លាប់នៅក្នុងការវាយប្រហារលើកដំបូងលើប្រទេសនេះ រួមជាមួយមន្ត្រីជំនិត និងយោធាជាន់ខ្ពស់មួយចំនួនទៀត។
សហរដ្ឋអាមេរិក ជាមួយសម្ព័ន្ធមិត្តអ៊ីស្រាអែល និងអ៊ីរ៉ង់ សុទ្ធតែបានបង្ហាញពីការតាំងចិត្តខ្ពស់បន្តជម្លោះនេះ បើក្នុងករណីចាំបាច់។
ខណៈលោកត្រាំ និយាយថាសហរដ្ឋអាមេរិកមានធនធានយោធាដ៏ច្រើន ដើម្បីធ្វើសង្គ្រាមរហូត ដល់ដល់អ៊ីរ៉ង់ចាញ់។
ចំណែកទីក្រុងតេហេរ៉ង់និយាយថា ខ្លួនមានពេលជាច្រើនទសវត្សរ៍ ដើម្បីរៀបចំសម្រាប់ជម្លោះមួយនេះ ហើយហ៊ានឱ្យទីក្រុងវ៉ាស៊ីនតោនចាប់ផ្តើមការឈ្លានពានដីគោកចូលក្នុងប្រទេសនេះទៀតផង៕
ប្រែសម្រួល៖ ណឺ មិនា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម