ព័ត៌មានអន្ដរជាតិ

អ្នកការទូតអ៊ីរ៉ង់៖ ច្រក Hormuz អាចបើកវិញ ដរាបណា ស្ថិតក្រោមលក្ខខណ្ឌថ្មី កំណត់ដោយអ៊ីរ៉ង់និងអូម៉ង់

បានផុស

១ minute មុន

នៅ

ថ្ងៃចន្ទ ៨ មិថុនា ២០២៦

ដោយ

មកទល់ម៉ោងនេះ ស្ថានភាពនៅមជ្ឈិមបូព៌ាមិនទាន់ធូរស្រាលនោះទេ ដោយសារភាគីជម្លោះនៅតែបន្តសងសឹកគ្នានៅទូទាំងតំបន់ រុញច្រានឱ្យស្ថានការណ៍នាំចេញប្រេងតាមច្រកហ័រមូសនៅតែជាចំណុចក្តៅ ដោយភាគីអ៊ីស្រាអែលបន្តវាយអ៊ីរ៉ង់ជាបន្តបន្ទាប់។

ឯកអគ្គរដ្ឋទូតអ៊ីរ៉ង់ប្រចាំទីក្រុងមូស្គូ លើកឡើងនៅពីថ្ងៃចន្ទ នេះ ថា ច្រកសមុទ្រហ័រមូស(Hormuz) នឹងបើក ប៉ុន្តែស្ថិតក្រោមលក្ខខណ្ឌថ្មីដែលកំណត់ដោយអ៊ីរ៉ង់និងអូម៉ង់ រួមទាំងថ្លៃដឹកជញ្ជូនផងដែរ។

យោងតាមភ្នាក់ងារសារព័ត៌មានរ៉យទ័រ ផ្សាយនៅថ្ងៃទី៨ ខែមិថុនា ឆ្នាំ២០២៦ សង្គ្រាមរវាងសហរដ្ឋអាមេរិកនិងអ៊ីស្រាអែលលើអ៊ីរ៉ង់បានកាត់បន្ថយលំហូរប្រេងឆ្លងកាត់ច្រកសមុទ្រនេះ ដែលមានប្រេងមួយភាគប្រាំរបស់ពិភពលោកបានឆ្លងកាត់មុនពេលមានជម្លោះ។ នាវាដឹកប្រេងជាច្រើនគ្រឿងបានចាកចេញពីឈូងសមុទ្រនាពេលថ្មីៗនេះ ប៉ុន្តែលំហូរប្រេង និងឧស្ម័នធម្មជាតិរាវនៅតែរឹតត្បិតយ៉ាងខ្លាំង។

ឯកអគ្គរដ្ឋទូតអ៊ីរ៉ង់ប្រចាំប្រទេសរុស្ស៊ី លោក Kazem Jalali ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកអគ្គរដ្ឋទូតអ៊ីរ៉ង់ប្រចាំប្រទេសរុស្ស៊ី លោក Kazem Jalali ប្រាប់កាសែតរុស្ស៊ី Izvestia ក្នុងបទសម្ភាសន៍មួយចេញផ្សាយនៅថ្ងៃចន្ទ ថា៖ « ជាការពិតណាស់! ច្រកសមុទ្រនេះ[ហ័រមូស] នឹងបើកចំហ ប៉ុន្តែជាមួយនឹងលក្ខខណ្ឌថ្មីដែលនឹងត្រូវកំណត់ដោយអាជ្ញាធរអ៊ីរ៉ង់ និងអូម៉ង់។ យើងយល់ថាអ៊ីរ៉ង់ និងអូម៉ង់ផ្តល់សេវាកម្មមួយចំនួនទាក់ទងនឹងច្រកសមុទ្រនេះ ហើយថ្លៃសេវានឹងត្រូវគិតសម្រាប់សេវាកម្មទាំងអស់»។

អ៊ីរ៉ង់អះអាងថា កិច្ចព្រមព្រៀងសន្តិភាពអចិន្ត្រៃយ៍គួរតែអនុញ្ញាតឱ្យប្រទេសខ្លួនទាមទារថ្លៃសេវា សម្រាប់កប៉ាល់ឆ្លងកាត់ច្រកសមុទ្រហ័រមូស ហើយវានឹងប្រែប្រួលអាស្រ័យលើប្រភេទកប៉ាល់ ទំនិញ និងលក្ខខណ្ឌបច្ចុប្បន្ន។

ជំហរនេះត្រូវបានជំទាស់យ៉ាងខ្លាំង ដោយប្រធានាធិបតីអាមេរិក លោក ដូណាល់ ត្រាំ។ នៅចុងខែឧសភា សហរដ្ឋអាមេរិកព្រមានអូម៉ង់កុំឱ្យចូលរួមក្នុងកិច្ចខិតខំប្រឹងប្រែងណាមួយជាមួយអ៊ីរ៉ង់។

ដោយឡែក ភាគីអ៊ីស្រាអែល បានវាយប្រហារគោលដៅយោធាភាគខាងលិចនិងកណ្តាលអ៊ីរ៉ង់ សូម្បីតែ លោក ត្រាំ បានប្រាប់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហូ ឱ្យចៀសវាងការវាយប្រហារបន្ថែមទៀត ធ្វើឱ្យស្ថានការណ៍កាន់តែអាក្រក់។

ចំណែក ប្រទេសជប៉ុន ជាអ្នកនាំចូលប្រេងប្រហែល ៩៥% ពីមជ្ឈិមបូព៌ាមុនសង្គ្រាម លើកឡើងថា ខ្លួនមិនបានបង់ថ្លៃសេវាទេ បន្ទាប់ពីនាវាដឹកប្រេងឆៅដែលភ្ជាប់ជាមួយជប៉ុនបានឆ្លងកាត់ផ្លូវទឹកនេះ កាលពីខែឧសភា៕

សម្រួល៖ ណឺ មិនា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា