ម្ចាស់ហាងមីហឹរ «ជីងចាំង» ខេត្តតាកែវ ប្រគល់អំណោយជូនចលនាយុវជនកម្ពុជាក្រុម១៥៧ ទុកជូនអ្នកទីទាល់ក្រ

ដេីម្បីចូលរួមជាមួយក្រុមការងារសប្បុរសធម៌នានា ក្នុងការចែកជូនអំណោយដល់អ្នកទីទល់ក្រជាមួយរាជរដ្ឋាភិបាល ម្ចាស់ហាងមីហឹរ «ជីងចាំង» ខេត្តតាកែវបានប្រគល់អំណោយមួយចំនួនជូនដល់ចលនាយុវជនក្រុម១៥៧ សាខាខេត្តតាកែវ។

ក្នុងយុទ្ធនាការប្រយុទ្ធប្រឆាំងជំងឺរាតត្បាតដែលកំពុងកេីតមានក្នុងសហគមន៍ជាមួយរាជរដ្ឋាភិបាល ជាមួយអាជ្ញាធរខេត្ត សម្រាប់ជួយអ្នកទីទាល់ក្រខ្វះខាតនោះ ឃេីញថាមានសប្បុរសជនជាច្រេីនបានចូលរួមឧបត្ថម្ភៈអំណោយជាច្រេីនតាមលទ្ធភាពពួកគាត់ ជាការចែករំលែកជាបន្តបន្ទាប់។

ជាក់ស្តែងនៅរសៀលថ្ងៃទី២៧ ខែមេសា ឆ្នាំ២០២១ នេះម្ចាស់ហាង មីហឹរ «ជីងចាំង» ខេត្តតាកែវ ដែលជាអាជីវករបានធ្វេីការប្រគល់ជូននូវអំណោយមួយចំនួនដល់ចលនាយុវជនក្រុម១៥៧ សាខាខេត្តតាកែវ ដេីម្បីទុកចែកជូនពលរដ្ឋដែលកំពុងជួបការលំបាកខ្វះខាត។

ជាមួយគ្នានេះផងដែរ លោក កែវ វ៉ាន្នី ប្រធានចលនាយុវជនក្រុម១៥៧ សាខាខេត្តបានសម្តែងការអបអរដែលមានសប្បុរជនបានឧបត្ថម្ភអំណោយ ហេីយលោកប្រធានក៏សូមជូនបុណ្យកុសលដល់ម្ចាស់អំណោយគ្រប់ៗគ្នា ពិសេសជូនបុណ្យដល់ម្ចាស់ហាងមីហិរ«ជីងចាំង» ដែលបានឧបត្ថម្ភក្នុងពេលនេះ។

សូមបញ្ជាក់ថា អំណោយដែលបានប្រគល់ជូនក្រុមការងារចលនាយុវជន១៥៧ខេត្ត នាឱកាសនោះរួម មាន ៖ ទឹកបរិសុទ្ធ វីតាល់៣០កេស និងមីហិរ៣០ប្រអប់ផងដែរ៕

អត្ថបទ ៖​ វីរៈ