វប្បធម៌ ជំនឿ

ទឹករលកក្នុងសុបិន កុំមើលរំលងព្រោះជាសារមួយសំខាន់

បានផុស

៤ years មុន

នៅ

ថ្ងៃចន្ទ ២១ មិថុនា ២០២១

ដោយ

ធម្មតារលកទឹកក្នុងយល់សប្ដិ ជានិមិត្តរូបនៃអារម្មណ៍របស់មនុស្ស ឬប្រាប់ឲ្យដឹងមុននូវព្រឹត្តិការណ៍ដែលនឹងកើតឡើងនាពេលអនាគតចំពោះម្ចាស់សុបិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងក្តីសុបិន ដែលឃើញមហាសមុទ្រឬទឹកកួច បើទឹកនោះងងឹតងងល់ មានន័យថា បំណងប្រាថ្នាមិនដឹងខ្លួនរបស់អ្នក មហិច្ឆតាអ្នកនិងនាំបញ្ហានៅកន្លែងធ្វើការ ឬមុខរបររកស៊ីជាមួយអ្នកណាម្នាក់។ ទឹក និងរលកតែងតែ តំណាងឲ្យលំហូរជីវិតយើង និងជាទូទៅផ្តោតលើកិច្ចការ អាជីព ធុរកិច្ចបច្ចុប្បន្ន។

ប្រសិនបើអ្នកសុបិនថាឃើញទឹក រលកដ៏ធំមួយ បោកបក់លើឆ្នេរសមុទ្រក្តី នៅជ្រលងណាក្តី សុបិននេះមកពន្យល់មុន ទាយទុកអំពីព្រឹត្តិការណ៍ដ៏មានសារៈសំខាន់សម្រាប់ជីវិតហើយ គុណភាពនៃព្រឹត្តិការណ៍នេះ អាស្រ័យទៅលើ ទឹកថ្លាឬមានភក់កខ្វក់។

តើហេតុផលនៃរលកនេះកើតឡើងយ៉ាងដូចម្តេច។ ប្រសិនបើទឹកមានភក់ កាកសំណល់និងភាពកខ្វក់ មានន័យថាព្រឹត្តិការណ៍ខាងមុខនេះនឹងមានលក្ខណៈអវិជ្ជមាន បំផ្លាញឬគ្រោះថ្នាក់។

ប្រសិនបើរលក បែរជាថ្លាបរិសុទ្ធពោរពេញទៅដោយពន្លឺ ជាការប្រាប់ថាអ្វីមួយ វិជ្ជមាន មានតម្លៃនិងបានមកដល់ នៅក្នុងដៃរបស់ម្ចាស់សុបិនឆាប់ៗ ឬទាយទុកថា នៅពេលអនាគតវានឹងមានអ្វីមួយដែលល្អ មិនគួរឲ្យជឿអាចជា ការទទួលបានអំណោយធំដុំ។

តម្លៃវិជ្ជមានឬអវិជ្ជមាននៃក្ដីសុបិនឃើញរលក ត្រូវបានកំណត់ ដោយគុណភាពទឹកនិងអារម្មណ៍ក្នុងនោះថាខ្លាចឬល្អ?

ប្រសិនបើអ្នកកំពុងសុបិនហើយ រីករាយ សុបិននោះប្រាប់ពីបទពិសោធន៍ដ៏អស្ចារ្យដែលបម្រុងកើតមានឡើងក្នុងពេលក្រោកមក។ វាអាចភ្ជាប់គ្នាបានទាំងស្នេហាឬការងារ ប្រសិនបើរលកងងឹតនិងរអាក់រអួល បំផ្លាញ គំរាមកំហែង គួរតែប្រយ័ត្នការពារខ្លួនពី ការស្អប់ កំហឹងនិង ការឈ្លានពាន ក្បត់នៅកន្លែងធ្វើការ ។

បើឃើញថា កំពុងស្ថិតក្នុងរលកទឹក បក់បោក ឲ្យលង់ មិនអាច ដកដង្ហើមឬហែលបានល្អ មានន័យថា នឹងជួបប្រទះការ លំបាកមួយឬស្ថានភាពដែលពិបាកក្នុងជីវិតពិត ។

នេះក៏អាចមានន័យថា ជាការលង់ក្នុង តណ្ហាដែលមានលក្ខណៈច្របូកច្របល់ រំភើបមានអ្នកទីបី ឬលេងស្រា ឬញៀនថ្នាំឬ អាចជាការប្រាប់មុនពីឥទ្ធិពល ឬ ឧបាយកលណាមួយពីជនណាម្នាក់។

ប្រសិនបើ សុបិនឃើញខ្លួនឯង នៅលើរលកដ៏កក់ក្តៅស្អាត និងសុវត្ថិភាពបណ្តែត ដឹកទៅមុខស្រឹបៗ ជាការទាយមុនអំពី ការនឹងជួបប្រទះនូវរយៈពេលជោគជ័យដ៏អស្ចារ្យ លុយកាក់បុណ្យសក្តិ និងវិបុលភាពយូរ។

ធម្មតា ទឹកស្អាតមានន័យថា ជោគជ័យ សុខភាព សំណាង។ ទឹកកខ្វក់និងភក់តំណាង ជំងឺ បរាជ័យភាព វេទនា។

រលកដ៏ធំ នៅក្នុងក្តីសុបិន ជនជាតិចិនទាយថា ជាការថប់បារម្ភ តែប្រសិនបើរលកបរិសុទ្ធនិងរីករាយ នេះគឺជាសញ្ញានៃបទពិសោធន៍ថ្មីឆាបឆួលសុភមង្គល ៕

គ្រូ ឯម

ចុចអាន៖សុបិនឃើញផ្លែល្ហុងប្រផ្នូលល្អអំពីអនាគត

ចុចអាន៖យល់សប្ដិឃើញរឿងចម្លែកៗ អាចជាមនុស្សឆ្លាតវៃខាងច្នៃប្រឌិត?