សុខភាព
ប្រយ័ត្ន បើធ្វើរឿងទាំងនេះ ធ្វើឲ្យខួរក្បាលស្ពឹក និងងាប់កោសិកា
ទម្លាប់ក្នុងការរស់នៅ របបអាហារ និងការហាត់ប្រាណ មានឥទ្ធិពលយ៉ាងខ្លាំងមកលើសុខភាពរបស់យើង ទាំងសុខភាពផ្លូវកាយ និងផ្លូវចិត្ត ហើយមានកត្ដាមួយចំនួន បានប៉ះពាល់ដល់ខួរក្បាលរបស់យើងដោយពុំដឹងខ្លួន ដោយធ្វើឲ្យស្ពឹក រកគិតអ្វីពុំឃើញ ឬងាប់កោសិកាខួរក្បាល ដែលបណ្ដាលឲ្យប្រឈមនឹងការភ្លេចភ្លាំង ពេលចាស់ទៅ។
ខាងក្រោមនេះ ជារឿងមួយចំនួន ដែលបណ្ដាលឲ្យខួរក្បាលស្ពឹក និងងាប់កោសិកាខួរក្បាល៖
១. ខ្សោះជាតិទឹក បណ្ដាលឲ្យកោសិកាខួរក្បាលរួញតូច
កោសិកាខួរក្បាល ក៏ដូចកោសិកាផ្សេងៗទៀតក្នុងរាងកាយដែរ ត្រូវការទឹក ដើម្បីបំប៉នពួកវា។ បើរាងកាយខ្សោះជាតិទឹក នោះកោសិកានឹងរួញតូច ហើយបណ្ដាលឲ្យខួរក្បាលដំណើរការមុខងារមិនល្អ។
២. គ្រឿងស្រវឹង គ្មានផ្ដល់ផលល្អណាមួយដល់ខួរក្បាលទេ
កោសិកាខួរក្បាល នឹងរួញតូច នៅពេលវារងការប៉ះពាល់ដោយគ្រឿងស្រវឹង ហើយក្នុងការសិក្សានានា តាមរយៈការពិនិត្យ CT Scan ក៏រកឃើញដែរថា ខួរក្បាលរួញតូច ដោយសារតែគ្រឿងស្រវឹង។ គ្រឿងស្រវឹង បង្កឲ្យមានការធ្លាក់ចុះវីតាមីន Thiamine ដែលបណ្ដាលឲ្យមានបញ្ហាខួរក្បាលធ្ងន់ធ្ងរ ហៅថា ជំងឺរលាកខួរក្បាល Wernicke។ រោគសញ្ញា រួមមាន ច្រឡំ បញ្ហាសម្រួលសាច់ដុំដែលអាចឈានដល់ដើរមិនរួច និងបញ្ហាចលនាភ្នែក ដោយសារខូចសរសៃប្រសាទ។ ទាំងនេះ អាចវិវត្តទៅការភ្លេចជាអចិន្ត្រៃយ៍ និងអសមត្ថភាពក្នុងការរៀន និងចងចាំអ្វីថ្មីៗ។
៣. Hot Dogs និង Pizza ពាក់ព័ន្ធជាមួយការខូចកោសិកាខួរក្បាល
អាហារប្រភេទ Hot Dogs និង Pizza ស្ថិតនៅក្នុងក្រុមសារធាតុ Advanced Glycation End (ផលិតផលមានស្ករ និងប្រូតេអ៊ីន កម្រិតខ្ពស់)។ ក្រុម AGEs មានការបំបែកមូលេគុលតូចៗ ដែលបង្កការបំផ្លាញជាងពពួករ៉ាឌីកាល់សេរីទៀត។ នៅពេល AGEs ចូលទៅក្នុងសរីរាង្គណា វាបំផ្លាញប្រូតេអ៊ីន តាមរយៈការចងភ្ជាប់ DNA។ នៅពេល DNA ត្រូវចងភ្ជាប់ជាមួយ AGEs វាដំណើរការមុខងារមិនបានល្អ។ ជាងនេះទៅទៀត ពេលប្រូតេអ៊ីនកាន់តែច្រើន បានបំផ្លាញដោយ AGEs នៅក្នុងសរីរាងណាមួយ វាពន្លឿនភាពចាស់ នៅក្នុងសរីរាង្គនោះ។
. កម្រិតជាតិស្ករខ្ពស់ក្នុងឈាម
កម្រិតជាតិស្ករខ្ពស់ក្នុងឈាម បណ្ដាលមកពីការញ៉ាំអាហារច្រើនពេក ការញ៉ាំអាហារកែឆ្នៃ ឬការញ៉ាំអាហារមានជាតិស្ករ (Glycemic) ខ្ពស់។ នៅពេលរាងកាយ ទទួលជាតិស្ករកម្រិតខ្ពស់ វាបញ្ចេញអាំងស៊ុយលីនក្នុងបរិមាណច្រើនជាងធម្មតា ចេញពីលំពែងរបស់យើង។ បរិមាណអាំងស៊ុយលីនក្នុងកម្រិតធម្មតា ពុំប៉ះពាល់រាងកាយទេ ប៉ុន្ដែបើកម្រិតខ្ពស់ វាប៉ះពាល់ និងកែប្រែមេតាប៉ូលិស ដោយបង្កឲ្យធាត់ និងរលាក។ វាក៏អាចបង្កការវិវត្តទៅកើតជំងឺទឹកនោមផ្អែមផងដែរ។
កម្រិតជាតិស្ករខ្ពស់ក្នុងឈាម បណ្ដាលឲ្យមានជាតិស្ករ (Glycation) នៅក្នុងជាលិកា ដោយការចងភ្ជាប់ជាលិកា និងការពន្លឿនការបំផ្លាញដោយសារធាតុ AGEs។ ដូចបញ្ជាក់ពីខាងលើ សារធាតុ AGEs នេះ ពាក់ព័ន្ធជំងឺភ្លេចភ្លាំង។
៥. ប្រឹងហាក់ប្រាណខ្លាំង ពេលរាងកាយធ្លាក់ចុះវីតាមីន C និង E
ការហាត់ប្រាណ គឺល្អសម្រាប់សុខភាពរយៈពេលវែង ប៉ុន្ដែក៏មានពពួករ៉ាឌីកាល់សេរីមួយចំនួន ត្រូវបានផលិត នៅពេលហាត់ប្រាណផងដែរ។ ប្រសិនបើយើងមានការធ្លាក់ចុះកម្រិតវីតាមីន C និង E ពេលហាត់ប្រាណ ពពួករ៉ាឌីកាល់សេរី នឹងបង្កការបំផ្លាញសរីរាង្គទាំងអស់ រួមទាំងខួរក្បាលផងដែរ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ បង្កើនការប្រុងប្រយ័ត្នទាំងអស់គ្នា! បិទខ្ទប់យូរអង្វែងអាចធ្វើឲ្យខួរក្បាល មានរោគសញ្ញាមួយនេះ
ចុចអាន៖ បង្រៀនចាស់ៗ រៀនជំនាញថ្មីៗ ជំនួយខួរក្បាលបានល្អចៀសផុតភ្លេចភ្លាំង
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៤ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
កីឡា១៦ ម៉ោង agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
សេដ្ឋកិច្ច៣ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ