ព័ត៌មានជាតិ

បិទខ្ទប់ទីតាំងចំនួន៣ ក្រោយពិនិត្យយកសំណាកឃើញមានជំងឺកូវីដ និងទីតាំងជាប់ពាក់ព័ន្ធ

បានផុស

៥ years មុន

នៅ

ថ្ងៃពុធ ២១ កក្កដា ២០២១

ដោយ

អាជ្ញាធរសង្កាត់ទឹកល្អក់ទី១ ខណ្ឌទួលគោក បានចុះបិទខ្ទប់ទីតាំង និងលំនៅដ្ឋានប្រជាពលរដ្ឋចំនួន៣ទីតាំង ក្រោយនិត្យយកសំណាកឃើញមានជំងឺកូវីដ-១៩ និងទីតាំងខ្លះទៀតជាប់ពាក់ព័ន្ធ និងអ្នកមកហូបស៊ុប មានជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះបិទខ្ទប់នេះបានធ្វើឡើងកាលពីរសៀលថ្ងៃទី២០ ខែកក្កដា ឆ្នាំ២០២១ នៅក្នុងមូលដ្ឋាន សង្កាត់ទឹកល្អក់ទី១ ខណ្ឌទួលគោក។ ក្នុងនោះអាជ្ញាធរបានបិទខ្ទប់ផ្ទះរបស់ឈ្មោះ ខៃ ធីតា ភេទស្រី អាយុ៥២ឆ្នាំ មានទីលំនៅផ្ទះលេខ១០៨ ផ្លូវរថភ្លើង ភូមិ១៦ សង្កាត់ទឹកល្អក់ទី១ ខណ្ឌទួលគោក ក្រោយពីបានធ្វើតេស្តខ្លួនឯងឃើញលទ្ធផលវិជ្ជមានកូវីដ-១៩ និងបានសុំសម្រាកព្យាបាលនៅផ្ទះ។ ក្រុមការងារបានចុះបិទទីតាំង ជាមួយគ្រូពេទ្យណែនាំដល់អ្នកជំងឺរួចហើយ ។

នៅថ្ងៃទី២០ ខែកក្កដា ឆ្នាំ២០២១ ក្រុមការងារប្រចាំការសង្កាត់ទឹកល្អក់ទី១ បានចុះមកបិទផ្ទះអ្នកជំងឺកូវីដ-១៩ ដែលមានឈ្មោះ ជា បូរិន ភេទប្រុស អាយុ៣៨ឆ្នាំ និងមានអាស័យដ្ឋានផ្ទះលេខ១ ផ្លូវលេខ២៧១ ភូមិ៧ សង្កាត់ទឹកល្អក់ទី១ ខណ្ឌទួលគោក។ អ្នកជំងឺសុំសម្រាកព្យាបាលនៅផ្ទះ គ្រូពេទ្យបានចុះណែនាំរួចហើយដែរ។

នៅថ្ងៃទី២០ ខែកក្កដា ឆ្នាំ២០២១ក្រុមការងារប្រចាំការសង្កាត់ទឹកល្អក់ទី១បានចុះមកបិទហាងស៊ុប ហ៊ុយ ហ៊ុយ ដែលមានបុគ្គលិកសរុបចំនួន១៥នាក់ស្រី៦នាក់ និងមានអាស័យដ្ឋានផ្ទះលេខ១៤៦ ផ្លូវលេខ១២២ ភូមិ១១ សង្កាត់ទឹកល្អក់ទី១ ខណ្ឌទួលគោក ដែលជាប់ពាក់ពន្ធនិងអ្នកមកហូបស៊ុប នៅថ្ងៃទី១៤ ខែកក្កដា ឆ្នាំ២០២១៕

អត្ថបទ ៖ ស្រីរ័ត្ន