សុខភាព

ហេតុអ្វីបានជាទារកទើបកើតពីផ្ទៃម្តាយស្រាប់តែជំងឺទឹកនោមផ្អែម

បានផុស

៥ years មុន

នៅ

ថ្ងៃសៅរ៍ ១៤ សីហា ២០២១

ដោយ

ការតេស្តរកជំងឺទឹកនោមផ្អែមអំឡុងពេលមានផ្ទៃពោះ គឺចាប់ផ្តើមនៅពេលស្ត្រីមានគភ៌ចន្លោះពី២៤-២៨សប្តាហ៍។ ទារកកើតពីម្តាយដែលមានជំងឺទឹកនោមផ្អែម ដោយសារម្តាយមានកម្រិតជាតិស្ករក្នុងឈាម ខ្ពស់ជាងធម្មតាអំឡុងពេលមានគភ៌។

Which? Baby & child reviews and advice - Which?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីដែលប្រឈមមុខនឹងកើតជំងឺទឹកនោមផ្អែមពេលមានផ្ទៃពោះ៖

– ប្រវត្តិគ្រួសារមានជំងឺទឹកនោមផ្អែម

– ស្ត្រីធាត់

– ស្ត្រីដែលមានផ្ទៃពោះនៅអាយុ៣៥ឆ្នាំឡើងទៅ

ក) ការធ្វើតេស្តរកជំងឺទឹកនោមផ្អែមចំពោះស្ត្រីមានផ្ទៃពោះ ៖

ការធ្វើតេសរកជំងឺទឹកនោមផ្អែមចំពោះស្ត្រីមានផ្ទៃពោះ គឺពឹងផ្អែកលើលទ្ធផលជាតិស្ករដែលបូមពីសរសៃឈាមវ៉ែន ដែលមានកម្រិតជាតិស្ករ៖

– កម្រិតជាតិស្ករព្រហាមមុនអាហារ ស្មើឫលើសពី 92mg/dL

– កម្រិតជាតិស្ករមួយម៉ោង ក្រោយផឹកទឹកស្ករ75ក្រាម ស្មើ ឬលើសពី 180mg/dL

– កម្រិតជាតិស្ករពីរម៉ោង ក្រោយផឹកទឹកស្ករ75ក្រាម ស្មើ ឬលើសពី 153mg/dL

បញ្ជាក់៖ លទ្ធផលណាមួយក៏បាន ដែលបង្ហាញខាងលើ ចាត់ទុកថាមានទឹកនោមផ្អែម។

ម្តាយដែលជំងឺទឹកនោមផ្អែមមិនបានតាមដានផ្ទៃពោះបានល្អ ទារកអាចប្រឈមមុខនឹងការស្លាប់ក្នុងផ្ទៃ និងការមានភាពមិនធម្មតាក្នុងផ្ទៃម្តាយ។

5 Tips to Take Care of Your Baby's Umbilical Cord Stump | iParenting

ខ) ផលប៉ះពាល់ជំងឺទឹកនោមផ្អែម៖

១) ចំពោះម្តាយ

– ក្រឡាភ្លើង

– ទឹកភ្លោះច្រើន

– ជំងឺខូចតម្រងនោម

– ជំងឺលើសឈាម

– និងគ្រោះថ្នាក់ផ្សេងៗទៀត

២) ចំពោះគភ៌

– ទារកមានទម្ងន់ច្រើនខុសធម្មតា ឬទារកមានគីឡូតិចជាងអាយុ

– ទារកកើតមិនគ្រប់ខែ

– ទារកខ្សោយក្នុងផ្ទៃ

– ភាពមិនធម្មតាធ្ងន់ធ្ងរពីកំណើតទាក់ទងបេះដូងពីកំណើត ខួរក្បាល ប្រព័ន្ធរំលាយអាហារ និងសរីរាង្គផ្សេងៗទៀត។

៣) ចំពោះទារកក្រោយសម្រាល

– កង្វះជាតិស្ករក្នុងឈាម(< 40mg/dl)ច្រើនកើតនៅ២ម៉ោងក្រោយកើត

– កង្វះជាតិកាល់ស្យូមក្នុងឈាម

– កង្វះជាតិម៉ាញ៉េស្យូមក្នុងឈាម

– ទារកមានវិបត្តិផ្លូវដង្ហើម(4%)ដែលអាចបណ្តាលមកពី៖

• សួតមិនទាន់ទុំ ដែលបណ្តាលមកពីកង្វះសារធាតុSurfactant នៅក្នុងថង់សួត។

• វិបត្តិផ្លូវដង្ហើមរយៈពេលខ្លី ដែលបណ្តាលមកពីសល់ទឹកក្នុងសួតក្រោយសម្រាលទាក់ទងនឹងការសម្រាលដោយការវះកាត់

• ការរីកធំនៃសាច់ដុំបេះដូង

What are predictive biomarkers of COVID-19 disease severity in pregnant women?

– ទារកដែលធំលើសពី៤គីឡូអាចមានគ្រោះថ្នាក់ពេលសម្រាលចំពោះទារកដូចជា បាក់ឆ្អឹងដៃ(ឆ្អឹងដងកាំបិត) មិនអាចកម្រើកដៃបានដោយសារប៉ះពាល់សរសៃប្រសាទដៃ(Paralysie de plexus brachial )។

គ) ការផ្តាំផ្ញើរ៖

ស្ត្រីមានផ្ទៃពោះដែលមានជំងឺទឹកនោមផ្អែមត្រូវការចាំបាច់មានការដានផ្ទៃពោះឲ្យបានទៀងទាត់ជាមួយគ្រូពេទ្យច្រើនផ្នែកចូលរួមដូចជា ផ្នែកសម្ភព ផ្នែកទារក-កុមារ និងផ្នែកជំងឺទឹកនោមផ្អែមដើម្បីទទួលការព្យាបាលឲ្យបានត្រឹមត្រូវនិងមានប្រសិទ្ធិភាព និងដើម្បីកាត់បន្ថយគ្រោះថ្នាក់មុនពេលសម្រាល ក្រោយពេលសម្រាល និងភាពមិនធម្មតាពីកំណើតរបស់ទារក។

Excess Weight Among Pregnant Women May Interfere with Child's Developing Brain | NYU Langone News

អ្នកម្តាយគ្រប់រូបគួរតាមដានផ្ទៃពោះឲ្យបានត្រឹមត្រូវក្នុងអំឡុងពេលមានផ្ទៃពោះជាមួយក្រុមគ្រូពេទ្យជំនាញនៃមន្ទីរពេទ្យកាល់ម៉ែត ព្រោះជំងឺទឹកនោមផ្អែមនៅពេលមានផ្ទៃពោះអាចរកឃើញនៅពេលដែលគាត់មកពិនិត្យផ្ទៃពោះ និងសម្រាលនៅកន្លែងដែលមានសុវត្ថិភាពដើម្បីកាត់បន្ថយផលវិបាកចំពោះម្តាយនិងទារក៕

អត្ថបទ៖ រស្មី

សូមចុចអាន៖ តើម្ដាយអាចចម្លងជំងឺកូវីដ-១៩ទៅឲ្យទារកកូនតាមការបំបៅកូនដោយទឹកដោះដែរឬទេ?