សុខភាព
តើម្ដាយអាចចម្លងជំងឺកូវីដ-១៩ទៅឲ្យទារកកូនតាមការបំបៅកូនដោយទឹកដោះដែរឬទេ?
ប្រភពពីអង្គការ យូនីសេហ្វ កម្ពុជា បានឱ្យដឹងថា មកទល់ពេលនេះ វីរុសកូវីដ-១៩ មិនទាន់រកឃើញមានក្នុងទឹកដោះម្តាយនៅឡើយទេ! ដូច្នេះជំងឺកូវីដ-១៩មិនអាចចម្លងតាមរយៈការបំបៅកូនដោយទឹកដោះម្តាយបានឡើយ។ យ៉ាងណាមិញ អ្នកស្រាវជ្រាវកំពុងបន្តធ្វើតេស្តលើទឹកដោះម្តាយដែលមានសង្ស័យ និងផ្ទុកជំងឺកូវីដ-១៩។
ជឿថា អ្នកជាម្តាយ ឬជិតសម្រាលកូន តែងមានចម្ងល់អំពីចំណេះដឹងសុវត្ថិភាពចំពោះកូនតូច ក្នុងអំឡុងពេលរីករាលដាលជាសកលនៃជំងឺកូវីដ-១៩ ជាពិសេសម្ដាយដែលត្រូវបំបៅកូនដោយទឹកដោះ។
កុំមានព្រួយបារម្ភ! មានភស្តុតាងច្រើនលើសលប់ដែលគាំទ្រដល់ការបំបៅកូនដោយទឹកដោះម្តាយក្នុងកំលុងពេលនេះ។ គ្មានការរកឃើញណាមួយដែលថា មានការចម្លងមេរោគកូវីដ-១៩ តាមរយៈការបំបៅកូនដោយទឹកដោះម្តាយ ឬតាមរយៈការផ្តល់ទឹកដោះម្តាយនោះទេ។ ការបំបៅកូនដោយទឹកដោះម្តាយ ដោយដាក់ទារកឲ្យប៉ះនឹងស្បែក និងការបំបៅកូនដោយទឹកដោះម្តាយតែមួយមុខគត់នៅដំណាក់កាលសម្រាលភ្លាម អាចជួយឲ្យកូនតូចលូតលាស់ល្អប្រសើរ ព្រមទាំងផ្តល់អត្ថប្រយោជន៍សុខភាពពេញមួយជីវិត។
ទឹកដោះម្តាយផ្តល់នូវអង្គបដិបក្ខ (អង់ទីគ័រ) ដែលជួយឲ្យទារកកាន់តែមានសុខភាពល្អមាំមួន និងការពារទារកទាំងនោះពីជំងឺឆ្លងជាច្រើន។ ការបំបៅកូនដោយទឹកដោះម្តាយ អាចជួយកាត់បន្ថយហានិភ័យនៃការស្លាប់ចំពោះទារកទើបនឹងកើតនិងកូនតូចៗ និងធ្វើឲ្យសុខភាពរបស់អ្នកម្តាយរឹតតែប្រសើរឡើងផងដែរ។
ទោះយ៉ាងណា អ្នកម្ដាយគ្រប់រូបត្រូវគោរពតាមគោលការណ៍ណែនាំស្តីពីអនាម័យ ខណៈពេលបំបៅទារក។ អ្នកគួរលាងសម្អាតដៃជាមួយនឹងសាប៊ូ និងទឹក មុនឬក្រោយពេលប៉ះពាល់កូន ឬអាចប្រើប្រាស់អាល់កុល ឬជែលសម្រាប់លាងសម្អាតដៃក៏បាន។ អ្វីដែលសំខាន់ផងដែរនោះ គឺត្រូវលាងសម្អាតនិងសម្លាប់មេរោគលើរបស់របរនានាដែលអ្នកបានប៉ះពាល់រួច។ មួយវិញទៀត សូមលាងសម្អាតឧបករណ៍បូមទឹកដោះ ដបច្រកទឹកដោះ និងសម្ភារសម្រាប់បញ្ចុកកូន បន្ទាប់ពីប្រើប្រាស់រួចជាធម្មតា៕
អត្ថបទ៖ សន្យា
ចុចអាន៖ WHO ៖ ស្ត្រីមានផ្ទៃពោះ និងបំបៅដោះកូន កុំភ័យខ្លាចការចាក់វ៉ាក់សាំងកូវីដ គ្មានផលប៉ះពាល់ដល់ទារកឡើយ
ចុចអាន៖ ១២ សំណួរ UNICEF ឆ្លើយពាក់ព័ន្ធនឹងសុវត្ថិភាពនៃការចាក់វ៉ាក់សាំងកូវីដ-១៩
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ