KPT+
ចិញ្ចឹមកូន ឪពុកម្ដាយគិតលើចំណុចទាំងនេះពេក បរាជ័យហើយ
ការចិញ្ចឹមកូនទាមទារឲ្យម៉ាក់ប៉ាមានភាពអត់ធ្មត់ បត់បែនឲ្យបានច្រើន ទើបទទួលបានលទ្ធផលល្អ។ លោកស្រី សរ ម៉ុន្ថា នាយិកាសាលាអប់រំកុមារតូច ស៊ីជីដា កម្ពុជា បានចែករំលែកនូវបទពិសោធមួយចំនួនក្នុងការចិញ្ចឹមបីបាច់កូន ដោយក្នុងនោះម៉ាក់ប៉ាត្រូវផ្តល់ភាពជឿជាក់លើកូន ហើយមិនត្រូវផ្តោតលើចំណុចទាំង ៤ ខាងក្រោមនេះឡើយ។
១. មើលឃើញ និងនិយាយពីចំណុចខ្សោយកូន
ក្មេងម្នាក់ៗតែងមានចំណុចខ្សោយ ចំណុចល្អរៀងៗខ្លួន តែទោះយ៉ាងយើងមិនត្រូវលើកឡើងពីចំណុចខ្សោយទាំងនោះនៅចំពោះមុខនរណាម្នាក់ឡើយ។ ការដែលម៉ាក់ប៉ាតែងតែរម្លឹកពីចំណុចមិនល្អរបស់កូនម្តងជា២ដង ធ្វើឲ្យកូនរឹតតែបាក់ទឹកចិត្តបន្ថែមទៀត ផ្ទុយទៅវិញយើងត្រូវរកវិធីកែប្រែចំណុចខ្សោយទាំងនោះ តាមរយៈការលើកទឹកចិត្ត សរសើរ ដោយហៅកូនមកនិយាយលើកទឹកចិត្តឲ្យកែប្រែចំណុចទាំងនោះទើបជាការប្រសើរ។
២. ទាមទារភាពឥតខ្ចោះពីកូន ឬកំណត់ស្តង់ដារកូន
សូម្បីតែខ្លួនយើងជាម៉ាក់ប៉ាក៏ធ្វើមិនបានល្អឥតខ្ចោះគ្រប់រឿងនោះទេ បែបនេះយើងក៏មិនត្រូវទាមទារភាពឥតខ្ចោះពីកូនដែរ ខណៈពួកគេនៅតូច ខ្ចីទាំងចំណេះដឹង បទពិសោធ ឯរាងកាយក៏មិនទាន់មាំទាំនៅឡើយ។ នាមជាម៉ាក់ប៉ាត្រូវទម្លាក់ស្តង់ដារកូនឲ្យដល់ចំណុចសូន្យ ពេលកូនធ្វើអ្វីមួយមិនបានល្អ ឬសាងកំហុសអ្វីមួយ យើងត្រូវប្រែក្លាយពីកំហុស មកជាឱកាសបង្រៀនកូនវិញ។
៣. ប្រៀបធៀបកូនជាមួយអ្នកដទៃ
ក្មេងមានទេពកោសល្យផ្សេងៗគ្នា បើសិនជាចង់ឲ្យកូនយើងល្អ ចូរប្រៀបកូនជាមួយក្មេងដទៃទៀត ការប្រៀបធៀបមិនអាចជួយអ្វីកូនបានច្រើនទេ បានត្រឹមតែធ្វើឲ្យកូនបាក់ទឹកចិត្តប៉ុណ្ណោះ។ ម៉ាក់ប៉ាត្រូវចាំថា កូនគេធ្វើរឿងនេះបានល្អ តែកូនក៏យើក៏អាចធ្វើរឿងផ្សេងបានល្អដែរ។
៤. យកលទ្ធផលនៃការរៀនសូត្រនៅសាលាជាអាទិភាព
លទ្ធផលការសិក្សារៀនសូត្រនៅសាលាគ្រាន់តែជាផ្នែកមួយប៉ុណ្ណោះ យើងមិនត្រូវយកលទ្ធផលទាំងនោះជាគោលទេ ត្រូវបូកបន្ថែម អាកប្បរិយា អត្តចរិត ការចុះសម្រុងជាមួយសង្គម ដែលពាក្យសម្តី និស្ស័យដ៏ល្អរបស់កូនទាំងនេះបានមកពីការបណ្តុះរបស់យើងជាម៉ាក់ប៉ា។
ផ្ទុយទៅវិញក្នុងនាមយើងជាម៉ាក់ប៉ា ត្រូវផ្តល់ភាពជឿជាក់លើកូន និងមើលឃើញកូនក្នុងដំណាក់កាលរីកចម្រើន និងមើលឃើញនូវចំណុចល្អ ទេពកោសល្យដែលកូនមាន សម្តែងនូវការពេញចិត្តចំពោះអ្វីដែលកូនមាន៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ចង់ឱ្យកូនជោគជ័យ មានអនាគតល្អ ឪពុកម្ដាយត្រូវធ្វើរឿង ៥យ៉ាងនេះ តាំងពីកូននៅតូច
ចុចអាន៖ កូនៗកើតស្ត្រេស ព្រោះរៀនក្នុងផ្ទះយូរ អាចមានរោគសញ្ញាបែបនេះ
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ