ក្រោយបំពេញទស្សនកិច្ចនៅ កម្ពុជា លោក វ៉ាង យី បន្តដំណើរទៅប្រទេសអាស៊ីអាគ្នេយ៍មួយទៀត

លោក វ៉ាង យី ទីប្រឹក្សារដ្ឋ និងជារដ្ឋមន្ត្រីក្រសួងការបរទេស នៃសាធារណរដ្ឋប្រជាមានិតចិនបានអញ្ជើញចាកចេញពីប្រទេសកម្ពុជាហើយនៅម៉ោង៩ ព្រឹកថ្ងៃទី១៣ ខែ កញ្ញា ឆ្នាំ២០២១ នេះ បន្ទាប់ពីបានបំពេញទស្សនកិច្ចរយៈពេល ២ ថ្ងៃនៅព្រះរាជាណាចក្រកម្ពុជាប្រកដោយលទ្ធផលជាវិជ្ជមាន ។

ក្រោយចប់បេសសកម្មនៅកម្ពុជា លោក វ៉ាង យី បានបន្តធ្វើដំណើរទស្សនកិច្ចទៅកាន់ប្រទេសសិង្ហបុរី នៅថ្ងៃទី១៣ ខែកញ្ញានេះ ។

បន្ទាប់ពីនោះលោក វ៉ាង យី នឹងហោះហើរទៅកាន់ទីក្រុងសេអ៊ូលនៅថ្ងៃអង្គារ ទី១៤ ខែកញ្ញា ដើម្បីពិភាក្សាជាមួយសមភាគីកូរ៉េខាងត្បូងលោក Chung Eui-yong និងប្រធានាធិបតីលោក Moon Jae-in ។

គួរបញ្ជាក់ថា នេះគឺជាដំណើរទស្សនកិច្ចលើកទី ២ ហើយរបស់រដ្ឋមន្ត្រីការបរទេសចិនលោក វ៉ាង យី មកកាន់តំបន់អាស៊ីអាគ្នេយ៍នៅឆ្នាំនេះ ដោយចាប់ផ្ដើមដំណើរទស្សនកិច្ចដំបូងនៅប្រទេសវៀតណាម កាលពីថ្ងៃសុក្រ ទី១០ ខែកញ្ញា ៕

ប្រែសម្រួលដោយ ៖ ជីវ័ន្ត

ប្រភព ៖ SCMP

ចុចអាន ៖ លោក វ៉ាង យី រដ្ឋមន្ត្រី​ក្រសួងការបរទេស​ចិន​បាន​ចាក​ចេញពី​កម្ពុជា​ហើយ​នៅព្រឹកថ្ងៃទី១៣ ខែ​កញ្ញា​​នេះ​