ព័ត៌មានជាតិ
រដ្ឋាភិបាល ប្រកាសប្រាក់ឈ្នួលកម្មកររោងចក្រ សម្រាប់ឆ្នាំ២០២២ ព្រឹកនេះ
រដ្ឋាភិបាល នឹងប្រកាសប្រាក់ឈ្នួលអប្បបរមាកម្មករ និយោជិត ផ្នែកវាយនភណ្ឌ កាត់ដេរ និងផលិតស្បែកជើង សម្រាប់ឆ្នាំ២០២២ នៅព្រឹកថ្ងៃទី ២៨ ខែកញ្ញាឆ្នាំ២០២១នេះ ខណៈឆ្នាំ២០២១កម្មករទទួលបានប្រាក់ឈ្មួលចំនួន១៩២ដុល្លារ។
លោក អាត់ ធន់ ប្រធានសហភាពការងារកម្ពុជាមានប្រសាសន៍ថា ក្រុមប្រឹក្សាជាតិប្រាក់ឈ្នួលអប្បបរមា ដែលមានភាគី រដ្ឋាភិបាល ភាគីនិយោជកនិងភាគីសហជីព នឹងជួបប្រជុំគ្នាលើកចុងក្រោយនៅព្រឹកថ្ងៃទី ២៨ ខែញ្ញាឆ្នាំ២០២១នេះដើម្បីធ្វើការពិភាក្សាលើតួលេខដែលភាគីនីមួយៗបានស្នើសុំសម្រាប់កំណត់ប្រាក់ឈ្នួលអប្បបរមារបស់កម្មករនិយោជិតផ្នែកវាយនភណ្ឌ កាត់ដេរ និងផលិតស្បែកជើង សម្រាប់ឆ្នាំ២០២២។
លោកបានបន្តថា សម្រាប់ភាគីសហជីពបានដាក់តួលេខ ២០៤ដុល្លារ ភាគីនិយោជកដាក់តួលេខ ១៨៨ដុល្លារ និងភាគីរដ្ឋាភិបាលដាក់តួលេខ១៩២ដុល្លារសម្រាប់ធ្វើការចចារប្រាក់ឈ្នួលឆ្នាំ២០២២នេះ។
យ៉ាងណាក៏ដោយលោក សង្ឃឹមថាភាគីនិយោជក និងរដ្ឋាភិបាលនឹងទទួលយកតួលេខតាមសំណើររបស់ភាគីនិយោជិតព្រោះថាឆ្នាំនេះបើទោះបីជាកម្ពុជាមានបញ្ហាជំងឺកូវីដ១៩ក៏ស្ថានភាពសេដ្ឋកិច្ចមានភាពល្អប្រសើរដែរ។
លោកបានបញ្ជាក់ថាប៉ុន្តែប្រសិនបើមិនមានការត្រូវរ៉ូវគ្នាទៅលើតួលេខណាមួយនោះទេក្រុមប្រឹក្សាជាតិប្រាក់ ឈ្នួលអប្បបរមានឹងកំណត់យកតួលេខរួមគ្នាមួយដើម្បីឱ្យសមាជិកដែលមានសំឡេងស្មើៗគ្នា១៧-១៧-១៧ មកពីគ្រប់ភាគីធ្វើការបោះឆ្នោតដោយសម្រេចយកមតិភាគច្រើន។
លោក អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា មានប្រសាសន៍ថា ការប្រជុំកំណត់ប្រាក់ឈ្នួលកម្មករអប្បបរមារបស់កម្មករនិយោជិតផ្នែកវាយនភណ្ឌ កាត់ដេរ និងផលិតស្បែកជើងសម្រាប់ឆ្នាំ ២០២២ ធ្វើយ៉ាងណា ត្រូវបញ្ចប់មុនពិធីបុណ្យភ្ជុំបិណ្ឌខាងមុខ។
គួរបញ្ជាក់ថា ប្រាក់ឈ្នួលអប្បបរមាកម្មករនិយោជិតសម្រាប់ឆ្នាំ២០២១ មានចំនួន ១៩២ដុល្លារក្នុង១ខែ។ ប៉ុន្តែប្រសិនបើបូកនឹងប្រាក់ឧបត្ថម្ភផ្សេងៗបន្ថែម កម្មករនិយោជិតម្នាក់អាចទទួលបានប្រាក់ឈ្នួលចន្លោះពី២០៩ ទៅ២២០ដុល្លារក្នុង១ខែ៕
អត្ថបទៈ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង