ព័ត៌មានជាតិ

ឃាត់ខ្លួនពូថ្លៃ ករណីចាប់រំលោភក្មួយស្រី ក្រោយម្ដាយក្មេកប្ដឹង

បានផុស

៣ years មុន

នៅ

ថ្ងៃសុក្រ ១ តុលា ២០២១

ដោយ

បុរសម្នាក់ ដែលមានប្រពន្ធកូនទៅហើយនោះ ត្រូវម្តាយក្មេកដាក់ពាក្យប្តឹងឲ្យសមត្ថកិច្ចចាប់ខ្លួន បន្ទាប់ពីបានបែកធ្លាយរឿងចាប់រំលោភក្មួយស្រីរបស់ខ្លួនឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសដែលត្រូវបានម្តាយក្មេកប្តឹងនោះ គឺសមត្ថកិច្ចបានសុំគោលការណ៍ទៅលោកព្រះរាជអាជ្ញា កែវ សុជាតិ ដោយបានឃាត់ខ្លួន កាលពីថ្ងៃទី៣០ ខែកញ្ញា ឆ្នាំ២០២១ វេលាម៉ោង៤ និង ១៥នាទី ល្ងាច បន្ទាប់ពីកម្លាំងជំនាញបានទទួលពាក្យបណ្ដឹងពីជនរងគ្រោះឈ្មោះ ភៀង សឿត ភេទស្រី អាយុ៦៥ឆ្នាំ មានទីលំនៅភូមិព្រៃទទឹង ឃុំអូរតាគី ស្រុកថ្មគោល បានប្ដឹងទៅលើជនសង្ស័យឈ្មោះ ត្រា ថាវ ភេទប្រុស (ត្រូវជាកូនប្រសារ) អាយុ៤៣ឆ្នាំ មានទីលំនៅភូមិព្រៃទទឹង ឃុំអូរតាគី ស្រុកថ្មគោល ដែលបានធ្វើសកម្មភាព រំលោភសេពសន្ថវៈទៅលើចៅស្រីរបស់គាត់ឈ្មោះ ម រ ម អាយុ១២ឆ្នាំ កាលពីថ្ងៃទី២៨ ខែកញ្ញា ឆ្នាំ២០២១ វេលាម៉ោង ៨ យប់ នៅចំណុចក្រុមទី០១ ភូមិព្រៃទទឹង ឃុំអូរតាគី ស្រុកថ្មគោល។

ក្រោយពីទទួលបាននូវពាក្យបណ្តឹងរួចមក លោក សេង លុច អធិការនគរបាលស្រុកថ្មគោល បានចាត់កម្លាំងជំនាញ នៅព្រឹកថ្ងៃទី១ ខែតុលា ឆ្នាំ២០២១ សហការជាមួយកម្លាំងនគរបាលប៉ុស្តិ៍អូរតាគីបានឃាត់ខ្លួនជនសង្ស័យឈ្មោះ ត្រា ថាវ ដើម្បីធ្វើការសាកសួរ។ នៅចំពោះមុខសមត្ថកិច្ច ជនសង្ស័យ បានឆ្លើយសារភាពថា ខ្លួនពិតជាបានធ្វើសកម្មភាពរំលោភសេពសន្ថវ: លើក្មួយស្រីដែលជាជនរងគ្រោះពិតប្រាកដមែន។ បច្ចុប្បន្នជនសង្ស័យត្រូវបានជំនាញឃាត់ខ្លួន នៅអធិការដ្ឋាននគរបាលស្រុកថ្មគោល ដើម្បីកសាងសំណុំរឿងបញ្ជូនតាមនីតិវិធី៕

អត្ថបទ៖ សោ និយមរ័ត្ន

Related Topics:រំលោភសេពសន្ថវៈ