សុខភាព
គួរប្រយ័ត្នកូន! ក្មេងប្រុសកាម៉ាប់ៗ ប្រឈមខូចសាច់ដុំបេះដូង ពេលចាស់ទៅ
ដោយស្រលាញ់កូន ខ្លាចខ្វះជីវជាតិមិនធំធាត់ និងលូតលាស់បានល្អ ប៉ាម៉ាក់ជាច្រើនបង្ខំឲ្យកូនញ៉ាំអាហារច្រើនៗ។ កូនៗខ្លះញ៉ាំបានតែម្តង ទោះប្រាប់កុំឲ្យច្រើន ខ្លាចខូចរាង ក៏មិនស្ដាប់ដែរ ចឹងហើយកាម៉ាប់តាំងពីតូច។ តែគួរប្រយ័ត្ន! ក្មេងប្រុសកាម៉ាប់ៗ តាំងពីតូចដូច្នេះ ប្រឈមនឹងការខូចសាច់ដុំបេះដូង។
ការសិក្សារបស់ស៊ុយអែត រកឃើញថា ក្មេងប្រុសៗដែលលើសទម្ងន់តាំងពីតូច ប្រឈមនឹងការខូចសាច់ដុំបេះដូង ហើយអាចបណ្ដាលឲ្យកើតជំងឺខ្សោយបេះដូងទៀត។ អ្នកស្រាវជ្រាវ សិក្សាលើបុរស ១,៦ លាននាក់ អាយុពី ១៨-១៩ឆ្នាំ ដែលបានចូលបម្រើយោធាស៊ុយអែត ពីឆ្នាំ១៩៦៩-២០០៥។ ក្នុងចំណោមបុរសទាំងនេះ មាន ១០% លើសទម្ងន់ និង ២% មានជំងឺធាត់។
ក្រោយការតាមដាន ២៧ ឆ្នាំ បុរសកាម៉ាប់ៗ ៤.៤៧៧ នាក់ កើតជំងឺសាច់ដុំបេះដូង (Cardiomyopathy) ដែលធ្វើឲ្យបេះដូងពិបាកបញ្ចេញឈាមទៅផ្នែកផ្សេងទៀតនៃរាងកាយ ដោយកត្ដានេះនាំឲ្យកើតជំងឺខ្សោយបេះដូង។ ជំងឺសាច់ដុំបេះដូង កើតឡើង នៅពេលបុរសមានវ័យ ជាមធ្យម ៤៦ឆ្នាំ។
វេជ្ជបណ្ឌិត Annika Rosengren អ្នកដឹកនាំការសិក្សា និងជាសាស្ត្រាចារ្យ នៃសាកលវិទ្យាល័យ Gothenburg ក្នុងប្រទេសស៊ុយអែត បញ្ជាក់ថា ការកើនឡើងអត្រាជំងឺខ្សោយបេះដូង ក្នុងចំណោមក្មេងៗ ដោយសារអត្រាកើនឡើងនៃការលើសទម្ងន់ និងជំងឺធាត់។ លោកថា “យើងអាចកំណត់ថា មានការពាក់ព័ន្ធគ្នាយ៉ាងខ្លាំងរវាងជំងឺធាត់ពេលនៅក្មេង និងជំងឺខ្សោយបេះដូង“។
គួរបញ្ជាក់ថា ជំងឺសាច់ដុំបេះដូង ជាជំងឺកម្រ ដោយមានត្រឹម ០,២៧% នៃបុរសមានរោគសញ្ញាជំងឺនេះ អំឡុងពេលសិក្សា៕
ចុចអាន៖
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ