សន្តិសុខសង្គម
នគរបាលឃាត់ក្មេងប្រុស ៣នាក់ ជិះម៉ូតូឌុបគ្នាលើផ្លូវសាធារណៈ ខណៈមិនគ្រប់អាយុបញ្ជាយានយន្ត និងមិនពាក់មួកសុវត្ថិភាព
នគរបាលចរាចរណ៍ខណ្ឌច្បារអំពៅ បានឃាត់ក្មេងប្រុស ៣នាក់ ជិះម៉ូតូឌុបគ្នាលើផ្លូវសាធារណៈ ខណៈពួកគេមិនគ្រប់អាយុក្នុងការបញ្ជាយានយន្ត ហើយថែមទាំងមិនបានពាក់មួកការពារសុវត្ថិភាពទៀតផង។
លោកវរសេនីយ៍ទោ ឯក សារ៉ន អធិការរងទទួលផែនចរាចរណ៍ នៃអធិការដ្ឋាននគរបាលខណ្ឌច្បារអំពៅ បានឲ្យដឹងថា ការឃាត់ក្មេងប្រុសទាំង ៣នាក់ ដែលជិះឌុបគ្នាលើផ្លូវសាធារណៈនេះ គឺធ្វើឡើងនៅគល់ស្ពានព្រះមុនីវង្សចាស់ ស្ថិតក្នុងសង្កាត់ច្បារអំពៅទី ២ ខណ្ឌច្បារអំពៅ នាព្រឹកថ្ងៃទី ២៥ ខែសីហានេះ នៅពេលដែលកម្លាំងនគរបាលចុះត្រួតពិនិត្យ ការអនុវត្តច្បាប់ចរាចរណ៍។
លោកអធិការរង បន្តថា នៅពេលដែលកម្លាំងនគរបាលចឃាត់អប់រំនេះ គឺមិនបានផាកពិន័យឡើយ ដោយឲ្យអាណាព្យាបាលក្មេងប្រុសអាយុក្រោម ១០ឆ្នាំទាំងនេះ មកទទួលយកកូនទៅវិញ នឹងឲ្យអាណាព្យាបាល បញ្ឈប់ឲ្យកូនយកម៉ូតូមកបើកបរលើផ្លូវសាធារណៈទៀត ពីព្រោះប្រឈមនឹងគ្រោះថ្នាក់ចរាចរណ៍ជាយថាហេតុណាមួយ។
ខណៈដែលនគរបាលឃាត់ក្មេងខាងលើមកអប់រំបែបនេះ ធ្វើឲ្យមហាជនបង្ហាញការសាទរ ពីព្រោះបច្ចុប្បន្នក្មេងៗច្រើនណាស់ ដែលឪពុក-ម្តាយបណ្តែតបណ្តោយទាំងមិនគ្រប់អាយុ ឲ្យបញ្ជាយានយន្តលើដងផ្លូវ ដែលខុសនឹងច្បាប់ចរាចរណ៍ទាំងស្រុង៕
អត្ថបទ៖ នរា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង