ព័ត៌មានជាតិ
លោកជំទាវ ពេជ ចន្ទមុន្នី៖ ក្មេងប្រុស និងក្មេងស្រីមានសិទ្ធិរៀនសូត្រជំនាញតាមសមត្ថភាពខ្លួន
លោកជំទាវ ពេជ ចន្ទមុន្នី ហ៊ុន ម៉ាណែត បានលើកឡើងនៅក្នុងឱកាសអបអរសាទរទិវាអន្តរជាតិនារី ៨មីនា ខួបទី១១៣ ឆ្នាំ២០២៤ ថា បុគ្គលគ្រប់រូប រួមទាំងក្មេងប្រុស និងក្មេងស្រីផង មានសិទ្ធិរៀនសូត្រជំនាញ និងជ្រើសរើសមុខរបរតាមសមត្ថភាព និងគោលបំណងរបស់ខ្លួន ដើម្បីចូលរួមអភិវឌ្ឍន៍ប្រទេសជាតិ។

លោកជំទាវបានមានប្រសាសន៍ថា៖ «នៅក្នុងយុគសម័យឌីជីថល បុគ្គលគ្រប់រូប ទាំងក្មេងស្រី និងក្មេងប្រុស អាចចាប់យកជំនាញ មុខរបរ និងការងារនៅក្នុងសង្គមស្របតាមសេចក្តីស្រឡាញ់ សក្តានុពល និងចំណង់ចំណូលចិត្តរបស់ខ្លួនដោយមិនប្រកាន់ភេទ ឬ យេនឌ័រនោះទេ»។

លោកជំទាវ បានបន្តថា នៅក្នុងយុគសម័យឌីជីថល ការចាប់យកចំណេះដឹងឌីជីថល គឺជាមូលដ្ឋានគ្រឹះដ៏សំខាន់សម្រាប់មនុស្សគ្រប់គ្នាក្នុងការបង្កើនគុណភាព និងប្រសិទ្ធភាពក្នុងការទាក់ទងប្រចាំថ្ងៃ រួមទាំងការអភិវឌ្ឃជំនាញ និងមុខរបរផង។ លោកជំទាវបន្ថែមថា ជំនាញបច្ចេកវិទ្យាឌីជីថលនាពេលបច្ចុប្បន្ន គឺជាជំនាញដែលមានប្រជាប្រិយភាព និងតម្រូវការទីផ្សារការងារខ្ពស់ កន្លងមកលោកជំទាវថា ស្ត្រី និងក្មេងស្រីដែលចាប់យកជំនាញនេះនៅមានចំនួនតិចនៅឡើយ។

លោកជំទាវ ពេជ ចន្ទមុន្នី ក៏សង្កត់ធ្ងន់ថា ក្នុងឱកាសទិវា ៨មីនា ឆ្នាំ២០២៤នេះ យើងទាំងអស់គ្នាលើកកម្ពស់ការចូលរួមរបស់ស្ត្រី និងក្មេងស្រីក្នុងវិស័យឌីជីថល ការប្រើប្រាស់បច្ចេកវិទ្យា ការអប់រំផ្នែកវិទ្យាសាស្ត្រ វិស្វកម្ម សិល្បៈ ច្នៃប្រឌិត និងគណិតវិទ្យា៕

-
សន្តិសុខសង្គម៥ ថ្ងៃ ago
ស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៣ ថ្ងៃ ago
មណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ២ ថ្ងៃ ago
រុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៥ ថ្ងៃ ago
ថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៤ ថ្ងៃ ago
បាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានអន្ដរជាតិ១១ ម៉ោង ago
រុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានជាតិ៤ ថ្ងៃ ago
សមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៥ ថ្ងៃ ago
សម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក