សន្តិសុខសង្គម
សពក្មេងប្រុសម្នាក់ លង់ទឹកនៅទំនប់អាងស្ទាក់ទឹក ៣០ កញ្ញា ត្រូវបានពលរដ្ឋប្រទះឃើញជាង ១គីឡូម៉ែត្រពីកន្លែងកើតហេតុ
កាលពីព្រឹកថ្ងៃទី ២៦ ខែកញ្ញា ឆ្នាំ ២០២២នេះ ប្រជាពលរដ្ឋពលរដ្ឋប្រទះឃើញសពក្មេងប្រុសឈ្មោះ ម៉យ សាយ៉ាន់ ដែលបានបាត់ខ្លួនកាលពីម្សិលមិញហើយ ដោយសារចុះទៅលេងចំកន្លែងទឹកជ្រៅ និងហូរខ្លាំងរួចគួចទៅតាមទឹកភ្លាមៗ។
ប្រភពពីប្រជាពលរដ្ឋ បានប្រាប់ឲ្យដឹងថា សពក្មេងប្រុសខាងលើនេះ គឺសពដែលបានបាត់ខ្លួន នៅសំណង់អាងស្ទាក់ទឹក ៣០ កញ្ញា កាលរសៀលថ្ងៃទី ២៥ ខែកញ្ញា វេលាម៉ោង ៣ និង៣០ រសៀល រហូតដល់ម៉ោងប្រមាណម៉ោង ៩ និង ៣០ ព្រឹក ថ្ងៃទី ២៦ ខែកញ្ញា ទើបប្រទះអណ្តែតក្នុងប្រឡាយ ចម្ងាយជាង ១គីឡូម៉ែត្រ ពីចំណុចសំណង់ទី ២។
តាមការរៀបរាប់ របស់ម្ដាយសពកុមារាខាងលើនេះ បានឲ្យដឹងថា នៅថ្ងៃកើតហេតុ ក្មេងប្រុស ២នាក់ ទីមួយ. ឈ្មោះ ម៉យ សាយ៉ាន់ ភេទប្រុស អាយុ ១២ឆ្នាំ និងពីរ. ឈ្មោះ ឃន សំណាង ភេទប្រុស អាយុ ១៣ឆ្នាំ ត្រូវជាបងប្អូនជីដូនមួយនឹងគ្នា រួមជាមួយក្រុមគ្រួសារ បានបបួលគ្នាមកលេងនៅទំនប់អាងស្ទាក់ទឹក ៣០ ក្រោយចេញពីវត្ត។
លុះធ្វើដំណើរមកដល់ ក៏នាំគ្នាចុះលេងងូតទឹកដូចគេឯង។ ស្របពេលនោះដែរ ពួកគាត់ដែលជាម្តាយ និងឱពុកកំពុងទិញបុកល្ហុង ស្រាប់តែក្រឡេកឃើញគេស្រែកថា មានក្មេងលង់ទឹក ជួយសង្គ្រោះបានម្នាក់ ហើយម្នាក់ទៀតរកមិនឃើញ។ នៅពេលពួកគាត់រត់ទៅដល់ប្រទះឃើញតែក្មួយប្រុស តែកូនរបស់គាត់ម្នាក់ ត្រូវបានទឹកហូរគួចទៅជាមួយបាត់ទៅហើយ។
ករណីនេះដែរ ប្រជាពលរដ្ឋនៅទីនោះ បញ្ជាក់ថា ក្មេងប្រុសទាំងពីរនាក់នេះ បាននាំគ្នាបណ្តើរគ្នាចុះទៅលេងចំកន្លែងទឹកជ្រៅ និងហូរខ្លាំង គួចទៅតាមទឹកភ្លាមៗ។ ឃើញដូច្នេះ ពួកគាត់នាំគ្នាចុះទៅសង្គ្រោះទាន់បានម្នាក់ ឈ្មោះ ឃន សំណាង អាយុ ១៣ឆ្នាំ។ ដោយឡែកឈ្មោះ ម៉យ សាយ៉ាន់ រកមិនទាន់ឃើញមិនឃើញ នោះទេ។
ភ្លាមៗពួកគាត់ ក៏នាំគ្នាចុះរាវរក តែនៅមិនឃើញ ហើយរហូតដល់ព្រឹកឡើង ទើបប្រទះឃើញសពអណ្តែត នៅគៀនស្មៅ ចម្ងាយប្រហែលជាង ១គីឡូម៉ែត្រ ពីកន្លែងកើតហេតុ។ បន្ទាប់មកឪពុកម្ដាយក្មេងលង់ទឹកខាងលើ បានទទួលយកសពទៅធ្វើបុណ្យតាមប្រពៃណី នៅស្រុកកំណើត ស្ថិតភូមិនីពេជ (ក) ឃុំនីពេជ ស្រុកកំពង់ស្វាយ ខេត្តកំពង់ធំ៕
អត្ថបទ៖ ឈាង មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង