ព័ត៌មានជាតិ

អ្នកភូមិព្រែករកា រង់ចាំស្ពានឆ្លងទន្លេមេគង្គទីមួយនៅខេត្តក្រចេះ

បានផុស

៥ years មុន

នៅ

ថ្ងៃចន្ទ ១៣ ធ្នូ ២០២១

ដោយ

ដំណឹងនៃការស្ថាបនាស្ពានឆ្លងកាត់ទន្លេមេគង្គពីក្រុងក្រចេះភ្ជាប់មកភូមិព្រែករកា ស្រុកព្រែកស្រប់បានលេចឮដំណឹងតៗគ្នាជាច្រើនឆ្នាំមកហើយ ខណៈរូបរាងពិតប្រាកដនៅតែជាទន្ទឹងរង់ចាំរបស់អ្នកភូមិដែលភាគច្រើនប្រកបរបរធ្វើចម្ការ។

អ្នកភូមិព្រែករកា ឃុំសោប ស្រុកព្រែកប្រសព្វបានឲ្យកម្ពុជាថ្មីដឹងថា គម្រោងស្ពាននេះលេចឮព័ត៌មានជាច្រើនឆ្នាំ តាំងពីស្ពានស្ទឹងត្រង់ក្រូចឆ្មារមិនទាន់សាងសង់មកម៉្លេះ ប៉ុន្តែមកដល់ពេលនេះអ្នកភូមិនៅតែបន្តរង់ចាំដដែល។

បណ្តាខេត្តជាប់ដងទន្លេមេគង្គមានស្ទឹងត្រែង កំពង់ចាមអីសុទ្ធតែមានស្ពានឆ្លងទន្លេ នៅឡើយតែខេត្តក្រចេះមួយ។

គួរបញ្ជាក់ថា គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះ គ្រោងបើកការដ្ឋាននៅដើមឆ្នាំ២០២៣។ ស្ពាននេះសាងសង់ភ្ជាប់ពីក្រុងក្រចេះមកស្រុកព្រែកប្រសព្វ ដែលបច្ចុប្បន្នខណ្ឌចែកដោយទន្លេហើយអ្នកភូមិព្រែករកា ត្រូវពឹងផ្អែកលើការឆ្លងដទៅមកដែលត្រូវចំណាយថវិកានិងប្រឈមមុខហានិភ័យផងដែរ៕