ព័ត៌មានអន្ដរជាតិ
ប្រទេសអាស៊ាន ៦ ហើយរួមទាំង កម្ពុជា រកឃើញ Omicron
រហូតមកដល់ពេលនេះវីរុសបំប្លែងខ្លួន Omicron ដែលត្រូវបានរកឃើញដំបូងនៅ អាហ្វ្រិកខាងត្បូងបានរាលដាលដល់ប្រទេសអាស៊ានចំនួន ៦ ហើយ ក្នុងនោះមានសិង្ហបុរី ម៉ាឡេស៊ី ថៃ កម្ពុជា ហ្វីលីពីន និងឥណ្ឌូណេស៊ី ។
កម្ពុជាបានប្រកាសរកឃើញករណីឆ្លងវីរុសកូវីដបំប្លែងខ្លួន Omicron លើកដំបូងនៅ លើខ្លួនស្ត្រីខ្មែរវ័យ ២៣ ឆ្នាំ ត្រឡប់មកពីធ្វើការនៅ ប្រទេសហ្គាណា កាលពីយប់ថ្ងៃទី១៤ ខែធ្នូ ។ ស្ត្រីរូបនេះបានធ្វើដំណើរតាមជើងហោះហើរពីប្រទេសហ្គាណា ឆ្ពោះទៅ កាន់ទីក្រុងឌូបៃ និងបន្តដំណើរពីទីក្រុងឌូបៃ មកប្រទេសថៃ និងហោះហើរពីប្រទេសថៃមកកម្ពុជា កាលពីថ្ងៃទី១២ ខែធ្នូ ។
ចំណែកសិង្ហបុរីបានរកឃើញករណីវិជ្ជមានវីរុសបំប្លែងខ្លួន Omicron លើកដំបូងលើអ្នកដំណើរ ២ នាក់មកពីប្រទេសអាហ្វ្រិកខាងត្បូងដែលបានប្តូរជើងហោះហើរនៅ ប្រទេសសិង្ហបុរីទៅ ទីក្រុងស៊ីដនីប្រទេសអូស្ត្រាលីកាលពីថ្ងៃទី២៨ ខែវិច្ឆិកា ។ រហូតមកដល់ពេលនេះ សិង្ហបុរីបានកត់ត្រាករណីឆ្លង Omicron សរុបចំនួន ១៩ ករណី ។
រីឯប្រទេសម៉ាឡេស៊ីបានរកឃើញករណីដំបូងនៃវីរុសបំប្លែងខ្លួន Omicron លើនិស្សិតបរទេសមកពីអាហ្វ្រិកខាងត្បូង ហើយបានប្ដូរជើងហោះហើរតាមរយៈប្រទេសសិង្ហបុរី និងមកដល់ម៉ាឡេស៊ី កាលពីថ្ងៃទី ១៩ ខែវិច្ឆិកា ។
ស្របពេលជាមួយគ្នានេះ ប្រទេសថៃបានប្រកាសរកឃើញករណីដំបូងនៃវីរុសបំប្លែងខ្លួន Omicron នៅ ក្នុងខ្លួនជនជាតិអាមេរិកម្នាក់ ដែលបានធ្វើដំណើរចូលប្រទេសនេះពីអេស្ប៉ាញកាលពីចុងខែមុន ។ គិតត្រឹមថ្ងៃអង្គារ ទី១៤ ខែធ្នូ ថៃបានកត់ត្រាករណីវីរុសកូវីដបំប្លែងខ្លួន Omicron សរុប ៨ ករណីហើយ ចាប់តាំងពីប្រទេសនេះបានរាយការណ៍ពីការរកឃើញមេរោគ Omicron លើកដំបូងនៅ ថ្ងៃទី១ ខែធ្នូ ។
ប្រទេសហ្វីលីពីនបានរកឃើញករណីនាំចូលនៃវីរុសកូវីដបំប្លែងខ្លួន Omicron ចំនួន ២ ករណីដំបូងកាលពីថ្ងៃទី១៥ ខែធ្នូ ។ អ្នកឆ្លងម្នាក់គឺជាជនជាតិហ្វីលីពីនត្រឡប់មកពីក្រៅ ប្រទេសដែលបានមកដល់ប្រទេសជប៉ុនតាមជើងហោះហើររបស់ក្រុមហ៊ុនអាកាសចរណ៍ហ្វីលីពីនកាលពីថ្ងៃទី ១ ខែធ្នូ ។ ចំណែកម្នាក់ទៀតជាជនជាតិនីហ្សេរីយ៉ា ដែលមកពីប្រទេសនីហ្សេរីយ៉ា កាលពីថ្ងៃទី៣០ ខែវិច្ឆិកា តាមជើងហោះហើររបស់ក្រុមហ៊ុនអាកាសចរណ៍ Oman Air ខណៈបច្ចុប្បន្នអ្នកឆ្លងមិនបង្ហាញរោគសញ្ញានោះទេ ប៉ុន្តែមានរោគសញ្ញានៃជំងឺផ្តាសាយ និងក្អកនៅ ពេលមកដល់” ។
ចុងក្រោយគឺប្រទេសឥណ្ឌូណេស៊ីបានរកឃើញករណីឆ្លងវីរុសកូវីដបំប្លែងខ្លួនថ្មី Omicron លើកទី ១ លើអ្នកមិនមាន ប្រវត្តិធ្វើដំណើរទៅ ក្រៅ ប្រទេសនៅ ថ្ងៃព្រហស្បតិ៍ ទី១៦ ខែធ្នូនេះ ៕
អត្ថបទ ៖ ជីវ័ន្ត
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%