Google បញ្ចេញប្រព័ន្ធប្រតិបត្តិការ Android 13 សម្រាប់អ្នកអភិវឌ្ឍន៍កម្មវិធី សាកល្បងហើយ

Android 12 ទើបតែត្រូវ Google បានចេញផ្សាយដាក់ឲ្យដំណើរការនៅចុងឆ្នាំមុន។ ដោយឡែក​នាពេល​ថ្មីៗនេះ ក្រុមហ៊ុន Google បានប្រកាសដាក់ឲ្យដំណើរការ ប្រព័ន្ធប្រតិបត្តិការ Android 13 Developer Preview ជា​កំណែថ្មី សម្រាប់​អ្នក​អភិវឌ្ឍន៍​​សាកល្បង​មុនសិន។

កំណែ Android 13 នេះ គឺជាកំណែមួយទៀតដែលសង្កត់ធ្ងន់លើភាពឯកជន និងសុវត្ថិភាព​សម្រាប់​អ្នកប្រើប្រាស់ដោយគេបានដាក់បញ្ចូល System-wide Photo Picker ថ្មី ដែលនឹងផ្តល់ឲ្យអ្នកប្រើប្រាស់ អាចជ្រើសរើស​រូបភាព វីដេអូ ឬឯកសារផ្សេងៗផ្តល់ឲ្យកម្មវិធីណាមួយដែល​ទាមទារ​បាន ដោយ​មិន​ចាំបាច់​ផ្ដល់​សិទ្ធិ​ឲ្យ​កម្មវិធី​មួយ​នោះ ចូល​ទៅ Access File ក្នុង​ទូរស័ព្ទ​ផ្ទាល់​ទេ។

ចំណុច​លេចធ្លោ​ផ្សេងទៀត រួមមានការអនុញ្ញាត​ឲ្យ​កម្មវិធី​បង្កើត​ប្រអប់​ប្រព័ន្ធ​ ដែល​បង្ហាញ​ផ្ទាំង​ការ​កំណត់​រហ័ស​ផ្ទាល់ខ្លួន ដែលអ្នកប្រើប្រាស់អាចបន្ថែមដោយចុចតែម្តង ការកំណត់ភាសានីមួយៗ និងដាក់សហសញ្ញាលឿន​ជាងមុន។ វាក៏មានកម្មវិធី Shaders ដែលអាចសរសេរកម្មវិធីបាន និង​ការអាប់ដេត OpenJDK 11 ក៏​ដូចជា​ម៉ូឌុល Project Mainline ថ្មី​សម្រាប់ Bluetooth និង Ultra wideband ដែល​អា​ចធ្វើ​បច្ចុប្បន្នភាព​តាមរយៈ Play Store ។

Android 13 ក៏បានធ្វើការបែងចែកឲ្យដាច់ពីគ្នា ដើម្បីឲ្យអ្នក​ប្រើប្រាស់​អាច​ជ្រើសរើសរូបភាព ឬវីដេអូបានក្នុង Local ឬពី Cloud និងផ្តល់ទៅឲ្យកម្មវិធីនោះ ដោយមិនបាច់ផ្តល់សិទ្ធិឲ្យវាឡើយ ហើយកម្មវិធីនោះនឹងអាច Access បានតែ File ឬរូបភាពណាដែលយើង​បានជ្រើសរើសប៉ុណ្ណោះ។

ទោះជាយ៉ាងណាក៏ដោយ កំណែ Android 13 នេះ នៅតែស្ថិតក្នុងការអភិវឌ្ឍន៍ ហើយមិនទាន់ត្រូវ​បាន​បញ្ចេញ​ឲ្យ​អ្នក​ប្រើប្រាស់ទូទៅ​ ធ្វើការអាប់ដេតនោះទេ។ Google គ្រោងនឹងបញ្ចេញ Android 13 ដល់​អ្នកប្រើប្រាស់​ទូទៅ​ នៅ​ចុង​ឆ្នាំនេះឯង៕

ប្រែសម្រួល៖ សាង ស្រីល័ក្ខ

ចុចអាន៖កំពូលក្រុមហ៊ុនយក្សទាំងនេះ មានឥទ្ធិពលជាងគេនៅលើពិភពលោក នាពេលបច្ចុប្បន្ន

ចុចអាន៖តិចអត់ដឹង! ក្រុមហ៊ុនធំៗ ៥ នេះ ស្ថិតក្រោមការគ្រប់គ្រងរបស់ Twitter ទាំងអស់