ព័ត៌មានអន្ដរជាតិ

ទូរស័ព្ទថ្មីរបស់ Google នឹងដំណើរការបញ្ញាសិប្បនិម្មិត AI

បានផុស

១ year មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

កាលពីថ្ងៃពុធ ទី៤ ខែតុលា Google បាននិយាយថា ទូរស័ព្ទ Pixel ចុងក្រោយបំផុតរបស់ខ្លួន នឹងមានបញ្ញាសិប្បនិម្មិត (AI) ដំណើរការនៅលើឧបករណ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Pixel 8 Pro របស់ Google នឹងអនុវត្តមុខងារ AI ជាក់លាក់នៅលើឧបករណ៍ ជំនួសឱ្យការពឹងផ្អែកលើការផ្ទេរទិន្នន័យពីមជ្ឈមណ្ឌលទិន្នន័យ Cloud ដែលត្រូវការកម្រិតបញ្ជូនខ្លាំង ជាពិសេសមានឧបករណ៍ប្រាប់សីតុណ្ហភាពទូរស័ព្ទទៀតផង ។

លោក Rick Osterloh អនុប្រធានជាន់ខ្ពស់ផ្នែកឧបករណ៍ និងសេវាកម្មនៅ Google និយាយថា “ក្រុម AI របស់ក្រុមហ៊ុនបានស្វែងរករបៀបបំបែកម៉ូដែល AI ទៅជាកំណែដែលមានប្រសិទ្ធភាពគ្រប់គ្រាន់ ដើម្បីដំណើរការលើទូរស័ព្ទ Pixel ។ ក្រោយមកសមត្ថភាពនៅលើឧបករណ៍នេះនឹងទៅពង្រីកមុខងារ AI ផ្សេងទៀត ។”

ភ្លាមៗនោះ ក្រុមហ៊ុន Google បាននិយាយដែលថា AI អាចផ្តល់ជំនួយក្នុងពេលជាក់ស្តែង ដូចជាការជ្រើសរើសផ្លូវដ៏ល្អបំផុតសម្រាប់ការឡើងភ្នំ ការរុះរើអ៊ីមែល ឬរៀបចំគម្រោងកម្មវិធីខួបកំណើតជាដើម ។ យ៉ាងណាមិញ ថាមពល AI ជាច្រើនកំពុងស្ថិតក្នុងដំណាក់កាលដំបូង ហើយនឹងត្រូវបានពង្រឹងបន្តិចម្តងៗ ៕

ប្រែសម្រួល៖ វារី

ប្រភព៖ Todayonline

ចុចអាន៖ មកដឹងពីពាក្យដែលគេស្វែងរកច្រើនបំផុតលើ Google ក្នុងឆ្នាំនេះ