ព័ត៌មានជាតិ

ខេត្តព្រះសីហនុ បង្កើតគណៈកម្មការគ្រប់គ្រងតាមដាន និងត្រួតពិនិត្យការសាងសង់អគាររដ្ឋបាលថ្មី

បានផុស

៤ years មុន

នៅ

ថ្ងៃព្រហស្បតិ៍ ១០ មីនា ២០២២

ដោយ

រដ្ឋបាលខេត្តព្រះសីហនុ បានសម្រេចគណៈកម្មការ ដើម្បីគ្រប់គ្រងតាមដាន និងត្រួតពិនិត្យការសាងសង់អគាររដ្ឋបាលថ្មីសំដៅធ្វើយ៉ាងណាឱ្យដំណើរការសាងសង់ប្រកបដោយតម្លាភាព និងបញ្ចប់ការតាមការគ្រោងទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិច្ចប្រជុំគណៈកម្មការសាងសង់អគាររដ្ឋបាលថ្មីសាលាខេត្តព្រះសីហនុ កាលពីរសៀលថ្ងៃទី៩ មីនា លោក គួច ចំរើន អភិបាល នៃគណៈអភិបាលខេត្តព្រះសីហនុបានមានប្រសាសន៍ថា ដើម្បីឱ្យដំណើរការសាងសង់អគារសាលាខេត្តថ្មី ប្រកបដោយតម្លាភាព និងបញ្ចប់តាមការគ្រោងទុក យើងបានបង្កើតគណៈកម្មការដើម្បីគ្រប់គ្រង តាមដាន និងត្រួតពិនិត្យការសាងសង់។

លោកអភិបាលខេត្តបានបន្តថា មកដល់ពេលនេះយើងបានជួលក្រុមហ៊ុនចំនួន ៤ មានដូចជា៖ ក្រុមហ៊ុនខួងគ្រឹះ ក្រុមហ៊ុនគ្រឿងបង្គំ ក្រុមហ៊ុនផ្គត់ផ្គង់សម្ភារៈ និងក្រុមហ៊ុនបេតុង ជាមួយគ្នានេះយើងក៏ត្រូវការក្រុមហ៊ុនជាច្រើនទៀត ក្នុងការគ្រប់គ្រងសម្ភារៈក្នុងដំណើរការសាងសង់អគាររដ្ឋបាលសាលាខេត្តថ្មីផងដែរ។

លោកអភិបាលខេត្តបានបន្តថា កាសាងសង់សំណង់អគាររដ្ឋបាលសាលាខេត្តថ្មីនេះ ក៏ជាការរៀនសូត្រនូវបទពិសោធន៍ថ្មីៗបន្ថែមទៀត សម្រាប់បង្កើនសមត្ថភាពមន្ត្រីរបស់យើង ក្នុងការគ្រប់គ្រងសំណង់នានា ក្នុងខេត្តព្រះសីហនុ ឱ្យកាន់តែមានគុណភាពសម្រាប់ការគ្រប់គ្រង។ ដូច្នេះក្រុមការងារនីមួយៗត្រូវចូលរួមទទួលខុសត្រូវគ្រប់គ្រងឱ្យមានតម្លាភាព ដើម្បីឱ្យដំណើរការសាងសង់អគាររដ្ឋបាលសាលាខេត្តថ្មីរបស់យើងប្រព្រឹត្តទៅរលូន និងបញ្ចប់រួចរាល់តាមការគ្រោងទុក។

អគាររដ្ឋបាលសាលាខេត្តព្រះសីហនុថ្មីពិធីក្រុងពាលី បញ្ចុះបឋមសិលា សាងសង់កាលពីថ្ងៃទី ០៧ ខែមីនា ឆ្នាំ ២០២២។ អគារដ្ឋបាលថ្មីនេះមានផ្ទៃក្រឡាសរុប ៤៤,០៩៣ ម៉ែត្រការ៉េ កម្ពស់ ៤ ជាន់ គ្រោងសាងសង់ដោយប្រើរយៈពេល ១៨ ខែ តាមរចនាបថសំបូរព្រៃគុក ដែលជាអគារមានលក្ខណៈខ្មែរទំនើបស៊ីវិល័យ៕

អត្ថបទ៖ សំអឿន

Related Topics:ខេត្តព្រះសីហនុ លោក គួច ចំរើន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា